Havaktingit

You are here

Ajuqhaqtitauhimajut Munarijaujut Tutqikhaiji

Nunallaanga: 
Iqaluktuuttiaq
Naunaitkutaanut Nampaa: 
05-506856
Qanurittuq Havaakhaq: 
Qanurittuq Havaakhaq 2: 
Kigliqhaqaqtuq Havaakhaq Qiqaiyaqvia 31, 2024. Una havaakhaq uukturvikhaq kikliqaqtuq nunaqaqtuinarnut Iqaluktuuttiarmi.
Manikhautaa: 
$81,861.00
Ukiuqtaqtumi Ikayuutikhaq: 
$19,716.00
Umikvighaa: 
Friday, Aktuupa 29, 2021 - 11:59pm

Una Havaakhaq Havagiktiaqtaujukhaq naamagijaujumiklu Ihuinnaariakharnik Titiqqamik pijukhaq, taaffumanmiklu Ihuinaaqpagiakhainnik Nutaqqanut Titiraannik piqaqtukhaq.

Una havaakhaq uukturvikhaq kikliqaqtuq nunaqaqtuinarnut Iqaluktuuttiarmi.

Uqaqpangniaqtuq Aulapkaijianun Nunallaami Maligaliqijitkuni tamna havaakhaq munaqhiniaqtuq akhuurutigilugitlu ajuqhaqtitauhimajut munaqtauvikhanik pinahuaruti ajuqhaqtitaujunut qilaminnuaq ihuinnaaqtaukpat inuk. Ajuqhaqtitauhimajut Munarijaujut Tutqikhaiji havaqatiginiaqtait Nunavunmi Ajuqhaqtitaujunut Ikajuqtikhat havaqaigiiktut taapkuat ikajuqtikhalluanguvaktun uqarvikhait ajuqhaqtitaujunut. Uqautiginiaqtait ukuat ajuqhaqtitauhimajut munaqtauvikhanik, kinguagut munaridjutikhanik imaalu tuqquffinaqtumik pittailinahuarlugit. Una havaakhaq aullaqpangniaqtuq nunallaanut ikajuriaqturlugit ajuqhaqtitaujunik hivuagut, kuatiqtitautitlugit kinguagutlu kuatiktitlugit nunangani. Una havaakhaq ihuaqhainiaqtuq ajuiqhaudjiluntiklu ilihaqtakhanik aallanut havagviiani havaktinut inungnutlu.

Una havaakhaq ikajurniaqtait havaglugit Nunavutim ajuqhaqtitauhimajunut ihuinnarnikkut munaqtauvikhanik pinahuaruti munaqhilutiklu munarijaujukhanik ukuninga pinahuaruti atugakhait maliktakhainiklu pidjutiqaqtunik uminga hanaqidjutikhanik, ilaujutlu katitiqhimajunik katiqhiltik imaalu titirarlugit unniudjutikhat; tunilugillu ajuqhaqtitauhimajut ihuinnaarunmik tadjainnaq ikajuutikhanik ilaujutlu inungnut ajuiqhautikhat qanuqtut pijaami ikajuqtikhanik ikajuutikhainiklu ajuqhaqtitauhimajuq ihariagijainik tadjainnaq ikajuutikhanik, takujauvikhanik aallanit havagviujunit uqaqtiulutitu pidjutigilugu ajuqhaqtitaujuq ikajuqtikhailiuqqat.

Una havaakhaq ihuaqhaivaktuq uuktuutikhanik pinahuaruti ikajuutikhanik imaalu nunallaami havaktiit ikajuqtukhat ajuqhaqtitauhimajumik ikajuqtikhailiuqqat. Ajuqhaqtitauhimajut Munarijaujut Tutqikhaiji tunihiniaqtun kangiqhidjutikhanik inungnut qurlukhimajunut atuqpakhimajut pidjutigiplugu ajuqhaqtitauhimanirmin. Una havaakhaq havakpaktun munariplugitlu havaqatigiiktukat nunallaani timiqutaujut imaalu tigumiaqtiujut tahapkuat Pallihimat, Inungnut Ihuinaaqhimajut Kivgaqtuidjutikhangit Kanatami, Ihumaliqinikkut ukuallu Havagviat Maligaliqijikkut.

Ajuqhaqtitauhimajut Munarijaujut Tutqikhaiji inaunaijaijukhaq nutautqijanik atuqtakhanik imaalu ihuatqijanik atuqpagainik Nunavunmi kivgaqtuidjutikhanut ikajuqtikhanik.

Ilihimajukhat inirnirit inulrammiitlu maligatitugt atuqtakhainik Nunavunmmi; Nunavutim Ajuqhaqtitaujunut huinaarutinut Maligaq, Kanatami Ajuqhaqtitaujunut Maligakhat Pilaarutit, Nutaqqanut Ilagiinutlu Ikajuutit Maligaq unalu Ihuinaaqtunik Naunaitkutiniittuq Kanatami pijariaqaqtuq umunga havaakhamut. Ilihimajakhangit Inuit pitquhiit, atautimungaqtitauniq imaalu ihumagijangit; kangiqhittiaqhimajuq inuudjuhikhanut manikhaqhiurutikhaniklu ajuqhautaujut pidjutaujut ajuqhaqtitaujunut kangiqhidjutikhanutlu ihuinarutiqaqtut atuqtaujukhanik pidjutiqaqtun ajuqhaqtitaujunut ihunaaqtunut;kangiqhidjutikhanik allatqiiniklu ihumaaluungnarnirnik, nagliguhirnirmin unnaguqtittuq imaalu anginiqaqtuq inminik munarinirmik; imaalu inirnirit ilihautikhainik atuqtakhainiklu piqaqtukhaq.

Qaujimajainik, ajuittakhainik pittaaqtainiklu piqaqtukhaq uumani havaarijakhami iniqtikhimagumik Ilihaqpaalirvingmi Naunaitkunmik Inungnik Ikajuqtunirmik, Nunallaami Pivallianikkut, inirnirit iliharnirmik pingahuni ukiuni ajuiqhattiaqhimajumik havaaqaqhimagumik inungnik ikajuqtiunirmik.

Ilitarijauhimajun Uqauhiit Nunavunmi ukuat Inuktun, Qablunaatun Uiviititunlu.

Uqaqtaarumi aadlatqiingnik uqauhiinnik Nunavutim ilitarijauhimajut uqauhiinnik ikajuutauniaqtuq.

Adjikkutaa tapkuat ilalgit naamagijaujunik ilagingni iliharniq, atuqhimani, ilihimani, ajuitnit pilaqnitlu ihumagijaulat.

Uqaqtaarumilu Inuktitutimaalu/imaaluuniit Inuinnaqtun ikajuutauniaqtuq.

Qaujimattiaqtumik haffuminngat Inuit uqauhianit, nunallaangit, nunanganillu uumingattauq Inuit Qaujimajatuqangit ikajuutaujuq.

 

Uuktugumaguvit haffuma havaaqhaannut, qaritaujaqvigidjavatit ikajuutiqhaq titiqqamik havaagivaktarniklu hamunga HRKitikmeot@gov.nu.ca. Ilaliutilugu havaap NAUNAITKUTAA nampanga talvani qaritaujaqvigijauvianni.

  • Nunavut Kavamanga akhuuqpaktut piqariami havaktikhanik kangiqhittiaruminaktumik kivraqtuijaamilu nakuujumik ihariagijainnik Nunavunmiut. Hivulliutiginiaqtait Inuinnait Nunavunmi.
  • Uuktuqtut naunaittiaqtakhaa pittaarutimiknik pijaamingnik hivulliutilluarnirnik ihumaginirnik ataani Nunavut Hivulliutilluaqtukhani Havaakharhiurnikkut Atugakhami.
  • Havalirniit ilanginni havaakhanik pitquihimajun naammagijaujunik ihuinaarnikkut naunaitkutimik ihivriurnirmik. Ihuinaaqtuqagumi ihuinaaqpariaqhainni titiqqami piijaulimaittuq uuktuqtuni talvamit hivuni ihumaqhaqhiugutinut.
  • Pittaalaqiinnariaqaqtunut atiit titiraqtauniagungnaqhijut havaaqhaqaqqat hivuni inuqaliriangganni havaaqhat.
  • Havaktakhat naunaijautait pijaaqtut kajumiktukkut, qaritaujakkut, qaritaujakkurvingmi.
  • Tapkuanginnait uuktuqtut apiqhuqtaujukhat hivajaktauniaqtut.
Contact: 
Expiry Options: 
umikvikhaq upluq