You are here
Talvuuna Pittiarahuarnirmut Havakti
Talvuuna Pittiarahuarnirmut Havakti
Tamna Pittiarahuarnirmut Havakti tikkuaktauhimayuq Ministanit (Kamisina Hivuliqtiit Katimajingit) pitqudjutainik Minista Kiinauyaliqiyikkuni. Ilaungittuq Kavamatkuni Havaktiuyunut katimayi katimayiuvaktuq ihuaqtumik pivakhuni tallimani ukiuni.
Piyunnautingit Pittiarahuarnirmut Havakti
Tamna Pittiarahuarnirmut Havakti amihunik piyunnautiqaqtuq ihivriuqhiyaminik. Ilauyuqlu piyunnautainut kuatiutikhainik tautuktiuyunik piyariaqaqtut uqaqtukhauyut naunairutikhanik piyunnautiqaqtuqlu tukhiktaaktuqlu titiqanik tuniyauyukhanik.
Tamna Pittiarahuarnirmut Havakti pittaaktuq, ihivriuqhititlugit, itiinariaqaqtuq nalliinut nayuqtauyunut havagviani uvaluunniit kavamatkuni havagviuyumut.
Tamna Pittiarahuarnirmut Havakti ihumaliuqtaaktuq inivriuqtauniariakhainik avaliittumik inuqaqtunilluunniit.
Una tuklianut ministap maliqatiyukhauyuq havaktini ilauyariaqaqtut ihivriuktauyukhanuti Pittiarahuarnirmut Havakti. Maliqatingitkumik ihuinnaakhunguyut akilikhiyariaqaqtuq imatut aktigiyumik $10,000.
Havakti tunihiyukhauyuq naunaitkutikhanik tukhiktaukpata Pittiarahuarnirmut Havakti. Maliqatingitkumik ihuinnaakhunguyut akilikhiyariaqaqtuq imatut aktigiyumik $5,000.
|
Sheila MacPherson pamiqhimajuq Iqalungni havakhimaaqpakhimajurlu 35nik ukiunik uuktuqhimaaqhuni maligaliqinikkut Tununganirmi,ilaujurlu 30nik ukiunik Maligalirijivakhimajuq Nunatsiarmi, hivutunirmik havakhimaaqpakhunilu kavamatkuni havakhimaaqtuni Nunavunmi. |
| Tamna Pittiarahuarnirmut Havakti piyariaqaqtuq, ihuaqqat, uqaqtaiktailinahuaqlugu kinauyakhanik havakti uqarumi ihuaqhaqtaudjutanik, kinnaliqaak pidjuitauhimayuq uqarumi uniklungniq kinnaluttauq tautukhimagumik. |