Pittiarahuarnirmut Havakti/Uniklungniq Ihuinnaqtumik - Apiqhuutigiqattaqtait

Unikluutinik ihuinnaqtaudjutinik atuqtauyukhauyanik naunaikhiyumayunik kavamatkuni havaktinit ilituripkaivaktunik GN atannguyauyut allamit kavamatkuni havaktinita qanuriliurutainit, nallaumayunik naunaiyautanik ihuinnaaqtaudjutinik naunaiyaktauhimayut talvani PSA. Havakti ukpirruhukumi ihuinnaaqtaugumi, uvaluunniit ihuinnaaqtaunahuariaminik. Unikluutit piyauyukhat ihuaqtumik maliqatiyukhatlu talvunga PSA.

Naunaiktakhanit ilitturiyaukpat kavamatkuni havakti apirriyauhimayuq pitquyaupluni ihuinnaaqtaudjutikhamik ihumagiyauyuq taimatut unikluutinik ihuinnaqtaudjutinik . Unikluutinik ihuinnaqtaudjutinik aullaqtiutigiyaktat ihviriukhitikhanik pinahugiyauyunik qanuriliuqtauhimanahugikpata kinguagut ihivriuktauyukhanik.

A disclosure form can be accessed by following this link.

Qanga unikluutinik ihuinnaaqtaudjutinik tamnallu Pittiarahuarnirmut Havakti PSA atuqtaulikhimavat?

Ihuaqtunut tapkunani PSA atuqtaulikhimavut Qitiqautiyuq 1, 2015.

Hunauvat kangiqhidjutikhainik huinnaaqtaudjutinik?

Tamna PSA naunaiyautanik huinnaaqtaudjutinik imatut: “hapkuninga ihuinnaaqata havaktiuyuq kavamatkuni havaktit pidjutauyunut:

ihuinnaaqata Maligarmik Maligaliurvingmi, Maligaliuryualiqivikyuangani Kanatap talvaniluunniit maligaliurviani aviktukhimanirmi avikturhimaniini, uvaluunniit maliruagakhalliuktauhimayunik atani umani Maligarmi;
maliqqatingitkuvit maliktakhaliukhimayainik Minista, Minista munakhiyukhaq Kiinauyaliqinirmut Munariniq Maligat, uvaluunniit Kiinauyaliqinirmut Munaqhiyit Katimayiit pilluarutainni mighaagut aulapkainikku kavamatkuni havaktunut uvaluunniit kavamatkut piqutainik havaktip munariyakhainik;
ihuittumik atuqtauniit kavamatkut maniinik uvaluunniit kavamatkut piutainik;
akhut ihuittumik munaqhidjutainik kavamatkut piutainik uvaluunniit atuqtakhainik havaktip munariyakhainik, ilauyut maligat uvaluunniit ihuinaarutimingnunluuniit quyannginautauhimayumik uvaluunniit piniaktaqhimayumik ihuaqtumik munaqhidjutikhainut kavamatkut piutainik or atuqtakhainik;
harassment uvaluunniit uqamilukviuhimayuq akkuktauhimayuqlu kinamit inungmit ahianit havagvigiyaminit uvaluunniit ihuinaqniraqtauyunit inungnit uvaluunniit kaatraqaqtunut piyunnautait kinaliqap inuup tunihidjutainik pivikhaqautikhanik uvaluunniit tuniyauhimayunut pivikhaqautikhainik uvaluunniit tuhaktakhanik pivikhaqautikhanik qanurittunik havagviuyunit katimayiuyunitlu;
qanuriliurutainik uvaluunniit ihuinaarutimingnunluuniit ihuirutauvaktut qayangnaqtutlu inuuhirmut, inuuhirnirnaqtumut qayangnaittuniklu inungnut, inuitlu tamayainut, or nunamutlu avatimut, allanik qayangnaqtunik pidjutauvaktunik havakhutik havariyakhamingnik havariyakhainiklu havaktip;
akhut ihuinnarutiqaqqata hapkuninga Inungnut Kivagaqtit;
akiniaqtaudjutainik havaktip allaniklu inungnik; uvaluunniit
Tukhiut, tiliurutainik uuktuutigitquyainiklu atannguyap angayukhiinun atannguyap havaktimut havaktimit allanut inungmut ihunnaaqtaudjutainik titirakhimayunik titirakhimaviini (a)-mit (h)-mut”.

Kangikhittiarutikhanik hunauyakhainik ihuinnaaqtaudjutit umani maligarmi, uqaqvigilugu Angayukhik atannguyat, Havaktiliqinikkut Havaktaghainut talvungaluunniit Pittiarahuarnirmut Havakti.

Kinamut tuyuutiginiaqqigu unikluutimnik?

Kavamatkuni havaktiunikkut, maliqayakhatit Havaktuliqiyit Maliktakhait unalu, taimatut, 209. Tamna pitquyauhimayut naunaiyakhimayait iluanni atuqtauyukhanik uniklungnikkut pinahugiyauyunut ihuinnaaqtaudjutinik. Unikluinarialiuyutit angayukhik atannguyamut, tuklinganut ministavit, talvungallu tuklinganut ministamut munakhiyumik PSA, allanutluunniit tuklinga ministaup.

Ilihimaguvit atuqtauyukhat nakungitpata kinguani 30-ni ublut, aggitinnariaqaqtat unnikluutit Pittiarahuarnirmut Havaktimut. Ukpirruhukuvit qayangnakhitiyumik inuuhirnut, inuuhiriutingnutlu uvaluunniit inungmut qayangnakhikpat, uvaluunniit tamayainut avatigiyanutlu, uniktaaktat ihuinnaaqtaudjutanik Pittiarahuarnirmut Havaktimut Pallihimatkunutluunnit (RCMP).

Anginiqaqtuq itqaumayukhauyutit unikluutit atani talvani PSA, maliktakhatit atuqquyauhimayut unalu/uvaluunniit atuqtauvaktut ihuinnarnaittumik hanaqidjutikhainik, tutqumavikhainik, aullaktitidjutikhainik, tuyuutikhainiklu naunaitkutikhanik titiqanikluunniit.

Kiinauyakhamik ilitturipkaktaulimaitkutikhanik munariyauttiarniaqqa?

Unikluutit uqaqtauhimayut atani maligarmi hiammitiqtaulimaittut, kihimik atiqangittumik pilimaittut. Tukiqaqtuq titiraktakhariyat atingnik unikluutitit. Maliktakhaqaqtut tuniyaulimaitkutikhanik atirnik.

Qanuqtut unikluutikhanik havaktauvakpat?

Kinguani havakti pipkaikpat unikluutinik ihuinnaqtaudjutinik Angayukhiinun atannguyamingnut tuklinganut ministaup, ihivriukhilikpaktut iluanni. Kinguani 30-ni ublut natpata ihuakhiyaungitpat ihuariyanik havaktip, unikluutit tuniyauttaaktuq talvunga:

tamna tuklinganut ministamut munakhiyumik PSA;
allanut tuklianut ministap havaktip ihuariyaanut pidjutauyunut;
tamna Pittiarahuarnirmut Havakti; unalu
Pallihimanut maligliqiyit havakviinutluunniit.

Naunaiyattiakhimayut atuqtakhat unikluutikhanut ihuinnaaqnikkut hailiyut talvani Havaktuliqiyit Maliktakhait 209.

Hunauva kangiqhidjutikhanik "akiniaqtuq" talvani PSA qanuqtutlu pittailiniaqqik akiniaqtumit?

Tamna PSA uqaqhimayuq havakti pittaililimaittuq akiniaqnirmit akiniaqtaunirmit unikluutiminit.

Qanuriliurutainik akiniarutauhimayut inungmut ilauyut:

qanuriliurutit, tuquffitaaktauguvit uvaluunniit taimaaqtitaunahuarut, atpatqiyanut havaakhamut, havaguiqtitaukpat, havariyait ahinut tuniyaukpata, annittaukpat, ihihaaktaukpat, pipkaktaunahualaittut, anitauyut, taimmaktitlugu kantraqautanik inuup ilaudjutanik pidjutiqangittumik, pigiaktitiluni maliqaliqinikkut qanuriliuktaudjutikhanik, piyarangat akiliqtakhamik uvaluunniit allamik akiliqtakhamik tapfumuuna uvaluunniit ahiagutlu ihuiguhutauhimayumik inungmut uniklungniq ihuinnaarutauhimayunik inungmit uvaluunniit inuk ikayuutanit naunaiyaidjutikhanik uniklungniq allamit inungmit.

Tamna PSA naunaiyattiakhimayumik uqaqhimayuq havaktiit munariyauttiaktut. Ayukhaqtitauhimaguvit akiniaqtunikkut, uqaqtaaktutit Pittiarahuarnirmut Havaktimut. Hamna anullaqhaidjutiginiarungnaqhiyaat ihuinnaaqhimayunut.

Qanuqtut unniklurniaraluaqqik akiniarutaudjutimik?

Unnikluinariaqaqtutit Pittiarahuarnirmut Havaktimut. Iniqtiridjavutit uminga Uqarumaguvit Titiraqtakhat, naunaitkutauyukhanik:

qanurinnianik unikluutauhimayunik huuq qanuriliuktaurayiaqaqmangata akiniaqtuq;
atianik inuup /inuitlu inungmik ihuinaqhimagumik akiniaqturutiqaqtunik;
ubluanik naunaitkutikhanik qanuriliurutanut akiniaqtup, allaniklu ihuaqtunik naunaikhitikhanik; unalu
Atirnik, hivayautivit napaanik titiraqarviitlu atuqtakhainik Pittiarahuarnirmut Havakti ihuaqtumik atannguyanut uqaqvikhanik naunaiyaittiarumagumik.

Naunaikhittiarumaguvit:

Takulugit tapkuat Naunaitkutani 6 tapfumani Kavamatkunni Havaktingit Maliganga
Takulugit tapkuat Havaktuliqiyit Maliktakhait 209
Uqaqvigilugu Angayukhik atannguyat unaluunniit Havaktiliqinikkut Havaktaghainut Qauyihaiyi
Uqaqvikhat Pittiarahuarnirmut Havakti:

            Sheila MacPherson
            Nunavut Ethics Officer
           1-855-583-4993
            nunavut@ethicsofficer.ca
            https://gov.nu.ca/information/about-ethics-officer

MINISTAA MARGARET NAKASHUK

Minista Havaktuliqijikkut

Margaret Nakashuk nigoaktaoffaktok inmininak Nigoagaghanguktitaohimagami kivgaktoiluni Pangnirtung tatvani 6th Maligaliokviatni Nunavut. Ms. Nakashuk nigoaktaongmiyok tatvunga Atanioyot Katimayiitnun tatvani Nuvaipa 17, 2021-mi katimatitlugit Nunavut Hivuliktiit Katimayiit. Minista Nakashuk Attilioktaogami Maligaliokvikmi tatvani Nuvaipa 19, 2021-mi Ministauniaktok Innulikiyiitkuni. Nigoaktaoniahaakhuni, Mr. Main havakaghimayok tatvani Baffinland Uyagakhioktit Timigiyatni havagivlugu una Nunaliitni Tohaktitilikinikut.

A-Z Programs & Services