Quviahuutigiblugu atauhiup-ukiunganik tikiutingmijut atiliurniranun Kanadami-tamainnun Ilihalihaaliqtuni Ajuirhajut Nutaqqaniklu Munariniq Angirutimik Nunavunmi

Tuhaqtitaujukhaq

Quviahuutigiblugu atauhiup-ukiunganik tikiutingmijut atiliurniranun Kanadami-tamainnun Ilihalihaaliqtuni Ajuirhajut Nutaqqaniklu Munariniq Angirutimik Nunavunmi

Gatineau, Québec, Januali 24, 2023 – Qangaraalungmut, ilamiknik atuqtait akitujunik nutaqqiqivik akingit, akuniraalukmik utaqqijut titiraqhimajut, ikitpallaarmatalu nakuuqpiaqtumik nutaqqiqivik qanuriliurutikhani. Taimaali Kavamatkut Kanadami atiliuqtaat angirutit attautinun aviktungniinun aviktuqhimajununlu atuliriangini Kanatami-tamainun ilihalihaaqtut nutaqiqiviillu auladjutait, tunihijut nutaqqanun nakuutqiatigut aularutilutik inuuhirmun uvalu inuuhirmun akituvalaangittut ilainnun tamaini Kanadami.

Ublumi, Minista Ilagiiktunun, Nutaqqanun Inungnullu Pivallialiuqnirnun, Karina Gould, unalu Nunavutip tuklia Hivuliqti unalu Minista Ilinniaqtuliqijikkut, Pamela Gross, naunaijaqtaa atauhiq-ukiuq nalliutinga sainiutaani uumani Kanadami-Nunavunmi Kanadami-tamaat Ilihalihaaliqtuni Ajuirharnikkut Nutaqqiqiviknullu Angirutimi.

Ilaupluni angirutimi Nunavut Kavamangani, Kanadaup Kavamanga tunijun $66.1 millionmik avatquhimajuni tallimani ukiuni laisiqaqtukhani ilihalihaaliqtunun nutaqqiqiviinnunlu nutaqqanun ataani ukiunik 6-nik Nunavunmi. Talvuuna maniliqtuutikkut, kavamait Kanadami Nunavunmilu havaqatigiiktuk pimmarighariami pijaarnirnun ihuaqpiaktunik, akiliruminaqtumik, ihuaqhaqtaaqtuniklu, ilaurutikhanik ilihalihaaqtunut iliharnirmik nutaqqiqivikhaniklu ilihaqtakhanik havagutikhaniklu.

Nunavut hivulliqpaangujuq nunagijaujuq pidjutimik $10-ublumun laisilingnun nutaqqiqiviit uvani Kanadami-tamainni ajuirhajut nutaqqiqivingnilu. Talvannga Tisaipa 1, 2022min, ilagiit Nunavunmi nutaralgit ataani ukiuqaqtut 6nik laisiqaqtuni nutaqiqivingniittun laisiqaqtullu nutaqiqiviit aihimavingni nutaqqiqivingni pijaaqtun nutaqqiqinikkut munaridjutinik imaatun $10-ublumun. Nunavut ilauliqtuq hapkununga Yukon hamanilu Quebec tunihinirmun ilagiingnun maligaqquutunun nutaqiqivingnun imaa $10-atauhiq-ubluq ikitqianulluunniin.

Una anginiqaruti pijaujuq tamaanun 15 tatqirhiutit hivuagun Nunavutim Hulidjutinun Upalungaijautaani atugakhaanin, avatqumajuqlu pingahuni ukiuni hivuagut uumannga Maatsi 2026 kavamatuqatkunnin turaanganianin uvani Kanadap-tamaani atuqtauvikhaanin. Uumuuna $10-atauhirmun-ublumun nutaqqiqivingnun, ilagiit Nunavunmi akiliqturiaqangittun $55mik atauhirmun ublumun tamainnun nutaqqanun munarijaujunun aajjikkuuhirutikkut hivuagun akiinnun.

Nunavut aulahimaarniaqtun tunihinikkut havaktukhahiurnikkut pihimanikkulllu maniktaqvikharnik tamainnun laisiqaqtunik nutaqqiqivikharnik, taima ikajuutiniaqtun akikharnik ihuaqhaidjutikharnik hapkununga ilihaliqtinnagit ajuirhajut nutaqqaniklu munagidjutikharnik ilihaijingit taima 283nik tadja havaktukhanik havaanginnik. Talvuuna Maatsi 2023kut, Nunavut piliurniaqtun akikhanun naunaitkutikhanik ikajuutikhanik ihuaqtumik tautungnaqtuniklu akikhanik nutaqqanik munagidjutikhainni, pilarhuutikhaniklu hivumukhimajunik iliharutikhanik titiraqalirnikkullu uvani ilihalihaaqtuni ilihaijiinun.

Havangnia ilihalihaaqtut ukualu nutaqiqiviit auladjutait tapkua ihuatqiat tamainun ilagiiktunun tamaini aviktungniini ilaujuq Kanadam Kavamanga upalungaijautaat inuuhiq akiliruminaqhijaangani ilagiingnun, havaaghaliuqlutiklu nakuujunik havaaghanik angiklivaliajumi maniliurutit. Tamaita Kanadaup avikturhimanirni ukiuqtaqtunilu piqangittun tadja $10-ublumi pidjutimik unniutihimajun mikhilaaqtirnikkut nutaqqani munarinikkut akiinnik.

Uqautaujut

"Naunaipkarlugu hivulliqpaaq ukiuq Kanadami tamainni angirutinga Nunavunmut, kavamavut quviahuutinginnarialik tunigami manikkut atuqtaungittunik ilagiiktunut Nunavunmi. Havaqatigiplugu Nunavut Kavamanga, quuliqpaani-nakuujuni, akiliruminaqtut, ihuarutilgit uvalu ilauqatigiingnikkut nutaqqiqiviit atuqtauliqtut aviktuqhimajumi, akiliriaqanginnikkut ilagiiktuni amigaittuni manikhanik tamainni tatqiqkiuthini. Niriuktunga aulahimmaaqtunik nakuujunik iniqtirutikhanik piliurhimmaaqtilluta turaangajaptiknun uvani $10-ublumi maligakkut nuttaqqanik munagidjutikhainik humiliqaak Kanadami."

– Minista Ilagiiktuni, Nutaqqan Inungnullu Pivallianiq, Karina Gould

"Quviahukpiaktugut quviahuutigiplugu nalliutinga uvani Kanadap-Tamainni Angirutimi. Ihuarhijuumirlugu pijaarni, uvalu akiliruminaqtumik, nutaqqiqivik Nunavunmi naunaijautaa ikajuqhugit ilagiit uvalu ihuarhijuumiqlugit tamaat inuuhirikningit Nunavunmiunun. Una angiruti pipkarhimajaatigun pinikkut piqpiarhimajunik qanuriliutikhanik hivumuutinirmun nutarani munarinikkut havakviit, naunairutiqaqtuq amigaitqijanik angajuqqaat munaqtiujullu havaktaaqtun, ikajurhugin ilagijamingnik tuniutiplunilu Nunavunmi piangaijarnianun. Havakhimaarniaqtugut havaqatigihimmaarlugin kavamatuqatkunni ukuallu Inuit timiqutait paannarijavun piliurjuummirnirmun havagvingnun ikalurlugillu nutaqqat, ilagiiktun, iharianaqtullu nutaqqanun havaktiit tadja hivunikhamilu."

– Nunavutim Tukliq Hivuliqtia Ministalu Ilinniaqtuliqijikkut, Pamela Hakongak Gross

Itquumajut

Ilaujumi Manikhanun-aturutikhami 2021, Kanadam Kavamanga pijuq aallanguqtirutikhami maniliqtuutikhamik avatquhimajumik $27 billion avatqumajumi tallimat ukiuni havagiangini Kanadami-tamaani ilihalihaaqtunun uvanilu nutaqqiqiviit auladjutainnun aviktungnirni aviktuqhimajunilu. Atauttimukhimajut aallanun maniliurutinun, ilaujut Nunaqaqqaaqtuni ilihalihaaqtuni ukualu nutaqqiqiviit, talvungamun $30 billion avatqumajuni tallimani ukiuni tunijauniaqtut ikajuutinik ilihalihaaqtunun nutaqqiqivingnullu.
Talvuuna kinguagut maniliqtuutinginni ilihalihaaqtut nutaqqiqiviillu, Kanadaup Kavamanga ikajuqtut piliuqhutik avatqumajunik 40,000 akiliruminaqtunik nutaqqiqivikhainik inikhainik tamainni nunagijaujumi.
Ilitariplugu nutaqqat ilihalihaaliqtun ilihaijiit piqpiarutiujun quulliqpaanik-nakuutqijaujunik, akituvallaangittumik, pittaaqtuq ilaupkaijaamilu ilihalihaaliqtun unalu nutaqqanik munariniq pidjutainni, akiliuhianga naunaitkutait aallanikluunniit ajuirhainirmut ikajuutikhat nutaqqanut ilihalihaaliqtunun ilihaijiit ilaujut tamainnut Kanadami-tamainnit angirutini, kihimi ilaungittuq Quebec, piqaqtuq aallangajumik angirutimik.
Pipkainikkut ilagiit tamaani Kanadami piqaqtun aularaanginnaqtumik pidjutikhanik akituvallaangittunik, ilaujunik, quulliqpaanullu-nakuutqijanik ilihalihaaliqtunik nutaqqanun munagidjutiniklu, Kanadam Kavamanga qangannuaq pipkaihimajuq Maliganguqtitaujumajumik C-35, taimaa, pigiaqtitigumik, pipkaqtiniaqtait uppiridjutait uumani Kanadami-tamaat ilihalihaaliqtuni nutaqqanilu munagidjutikhanik talvunga kavamatuqatkunni maliganguqluni. Una ilaqaqtuq havagumanirmik aulapkainirmun hivitujumik kavamatuqatkunni maniliqtuutikhanik avikturhimanirnun, ukiuqtaqtunun Nunaqaqqaaqtunullu inungnun ikajuriami ilaudjutikhamik ilihalihaaliqtunun nutaqqiqivighanullu ataani Kanadami-tamaat pidjutimi.
Maniliqtuutikhat nutaqqiqivingni ikajurniaqtait tamaita tamaat Kanadami. Naunaijarutit taututijun tamaita $1.00 maniliqtuutit ilihaliqhaaliqtuni ilihaidjutini aulapkaijun ikajurutikhanik imaatun akunngani $1.50min uvunga $2.80mun utiffaarutinik.

Ilaujut Atadjutit

Talvunga $10-Ublumun: Ilihalihaaliqtunun Nutaqqiqivinullu - Canada.ca

Kanada – Nunavut Kanada-Tamaat Ilihalihaaliqtunun Nutaqqiqivinullu Angiruti – 2021min talvunga 2026mun

$10-ublumun nutaqqiqinirmun ilagiiktuni Nunavunmi

- 30 -

Tuhaqtidjutinun apirhuutinun, uqaqatigilugu:

Mohammad Hussain
Taigualiuqtiinni Titiraqtia
Havagviat Minista Ilagiiktunun, Nutaqqanun Inungnullu Pivallialiurnirnun, Ahmed Hussen
mohammad.a.hussain@hrsdc-rhdcc.gc.ca

Krista Amey  
Atanngujaullaktuq Tuhaqtipkaijiinni
Ilinniaqtuliqijikkut Havagvia
Nunavut Kavamanga
(604) 347-6015
kamey@gov.nu.ca

Casey Lessard
Aulapkaiji Tuhaqtipkainirnut
Nunavut Kavamanga
867-975-6004
clessard2@gov.nu.ca

Tuhaumapkainikkut Havagvia
Havaktuliqinikkut Inungnullu Pivalliadjutikhainnun Kanadami
819-994-5559
media@hrsdc-rhdcc.gc.ca
Malikluta Twitter-mi