Havaktingit

You are here

Nuttaqqavut Qagitigiaqaqtavut Havakviptingnun

Aktuupa 27, 2017

Inungnun Tuhaqtitauyughaq

Nuttaqqavut Qagitigiaqaqtavut Havakviptingnun

Ilihimayukhat tamaita Nunavut Kavamatkuni havaktingit: Qaritigiaqaqtavut Nuttaqqavut Havakviptingnun ubluanga aulaniaqtuq talvuuna Pingatiut, Hikutirvia 1, 2017mi! Una quvianaqtuq atuqtakhangit ilingnun nuttaraninlu.

Ilihaqtun ilautquyauyukhat ubluminik havakvingniigiaqaqtun angayuqangit, ilagiyaingit, ilanagiyaingitlu, ikayuinaqtunik atugiaqaqtunik ayuiqhagiaganiklu talvuuna havauhiryuangit havakvingniitunik.

Ilinniaqtuliqiyikkut ikayukhimaaqtun uminga havaaqharnik nigiukhimaniaqtunlu talvuuna ilaunikkut Nunavut iliharvingit ilihaqtun imailiurniaqtun:

  • ilituqhaiyaangat akhurnaqtun ilihaqhimaagianganik itukhauyut
  • qiniqhimaaqtukhat havaagumayamingnik uuktugumayunik namagiyainik
  • Ilihimaluhi talvuuna Havaagumayaming unalu Havaaqhangit Upalungiarutikharnik aulavikharnik (CPP) piyaangat talvuuna atuqtakharnik Aulajaaqtut ilihairutingni.
  • piyaanganik ihuaqtumik ilituqhaidjutikharnik qanurlu amigaitunik havaagumayamingnik piqaqtun angmaumaniaqtuniklu uuktugumik

Inuuhirittiarutikharnik qayangnairutikharnik ilihairutit akhurnaqtun hanaqidjutikharnik uvani havaaqharni. Nunavunmi iliharviit tuniqhainiaqtun uminga naunairutingnik ilihaqtunik, angayuqanun uumungalu havaktitiukharnik.

Ilangit Nunavut iliharviit tautungniaqtun uminga hulilukaarutikharnik allanik ublunik; hivayaqlugu nuttaqqat iliharviat talvuuna ublukharnik nunalaaptingni.

Naunaiqyumirumaguvit titiraqlugit info.edu@gov.nu.ca hivayaqlugitluuniit 867-975-5680.

###

Tuhaqtitiliqiyuq Hivayaqlugu

Debbie Purvis
Angiyukhiit Tuhaqtitiliqiyunik Uqaudjiyi
Ilinniaqtuliqiyikkut
867-975-5680
Info.edu@gov.nu.ca