Havaktingit

You are here

Nunavut Kavamanga (GN) ukuallu Qikiqtaani Inuit Katimajiit (QIA) sainiqtuk Titiraqmik Tukhimaqatigiigutimik pivallialiurutikhakkut iliharnikkut aturutikhanik

Immaktirvia 04, 2021

Tuhaqtidjutikhaq

Nunavut Kavamanga (GN) ukuallu Qikiqtaani Inuit Katimajiit (QIA) sainiqtuk Titiraqmik Tukhimaqatigiigutimik pivallialiurutikhakkut iliharnikkut aturutikhanik

IQALUIT, Nunavut (June 4, 2021) – Ublumi, Ilinniaqtuliqijikkut Havagvia unalu Qikiqtani Inuit Katimajiit (QIA) sainiqtuk titiraqmik tukihimaqatigiigutimik (MOU) pidjutiqatigiikhutik atauttikkut piliurnirnik iliharinikkut aturutikhanik tunnganiqaqtunik Inuit pitquhiinnik uqauhiiinnilu. Una Titiraq Tukihimaqatigiiguti ikajuutaujuq hakugigharnikkut pitquhikkut kinaunikkut Inuktullu uqauhiani ajuirhimajakhanik ilihalihaaliqtunun nutaqqanun, K-12 ilihaqtunun, inirninullu ilihaqtunun Nunavunmi.

“Ilinniaqtuliqijikkut Havagvia pijumajuq havaqatigilugi QIA-kut pipkainikkut iliharnikkut pinahuarutit aturutikhallu akhuuqtait Inuit uqauhiit pitquhiillu ilihaqtunun nunallaanulllu, “uqaqtuq Minista Ilinniaqtuliqijikkut David Joanasie. “Havagatigiingnikkut atauttikkut, pipkaijaaqtugun Inuit uqauhiit, kinaujaakhani pitquhiillu aullarikhimmaaqtukhat taimaatun pidjutiqaqtukkut pijumaniqarlutiklu nutaqqanun inulrammiinnullu.”

Una Titiraq Tukihimaqatigiiguti hakugikhaqtaa tahamaniittuq havaqatigiiguti Ilinniaqtuliqijikkut Havagviani uumanilu QIA-kunni ihuarhainikkut iliharnikkut aturutikhanik pivallialiurnirnik havaktakhanik ukunani atauttikkut pijumajaitigun. Una Titiraq Tukihimaqatigiiguti naunaijaffaaqtaa Havagviup havagutaa naunaijaqhimajunilu munarijakhat mighaagun pivallialiurnikkut, piliurnikkut tuniurhainikkullu iliharnikkut aturutikhanik.

“Una angiruti tautuktittuq angijumik qanuriliurutik QIA-kut havakhimmaarutainni aullarikhaqtiffaarnikkut Inuit pitquhiinnik tamaani avikturhimaniptikni,” uqaqtuq QIA Atanngujaq P.J. Akeeagok. “Niriuktugun havaqatigiigiami ukuat Ilinniaqtuliqijikkut Havagvia pipkainikkut nakuujumik hivunikhamik nutaqqaptiknun.”

###

Renseignements aux médias

Troy Rhoades
Atanngujaullaktuq, Tuhaqtipkaijit
Ilinniaqtuliqijikkut Havagvia
Nunavut Kavamanga
867-975-5680
trhoades@gov.nu.ca

Will Hopkins
Aulapkaijiullaktuq, Tuhaqtipkaijit
Tuhaqtipkaijit Havagvia
Qikiqtani Inuit Katimajiit
867-975-8413
whopkins@qia.ca