You are here

Nunavunmi Ilihariakpaalirvik Avatiliqinirmun Qaritaujaliqidjutit Ilihaidjutit Quviahuutigijaat 35nguqtut ukiut

Nuvaipa 10, 2022

Inungnut Tuhaqtitaujukhaq

Nunavunmi Ilihariakpaalirvik Avatiliqinirmun Qaritaujaliqidjutit Ilihaidjutit Quviahuutigijaat 35nguqtut ukiut

Nunavunmi Ilihariakpaalirvik quviahuktun quviahuutigivlugu 35nguqtut tikiutigijaat Avatiliqinirmun Qaritaujaliqidjutit (ETP), aallangajuq tamatkiumajurlu pinahuarutikhaq atuqhugu iliharviup igluangani, naunaijaivingmi, ahinilu ilihaqhutik. 1987-min, una ETP ilihaqtanun iniqtirijun uuminga “Havaktauhimajuq-Nunavunmi” Avatiliqinikkut Munaqhijin. Ublumi, ilihaidjutim pittiarnikkut alumni, 90 pusat tahapkuat Inuinnaujun, takunnaqtun havaktun ilanginni alianaqtuni havaaghat avatiini Nunavut.

Inuit inuuqatigiingnikkut akhuurutigijangit tungavigijaa malrungni ukiuni naunaitkutiqaqtuq ilihaidjut aularutaanin. Inuit Qaujimajatuqangit hivunighaliurutikhat atuqtaujun ukunuuna Inirnighat, an’nguniaqtit, ukuallu Inuit ajuittiaqhimajun ilaupkaqtaujun iliharvingmi igluanganun uqautigijaami inmi ilihimajatik.

Atauhiq ilihaidjutip anginirhakkut hakugingnirijaa pidjutaujuq ihariagijaunirmun ikajuqtut havaqatinin. Nunavunmi Ilihariakpaalirviup ilitarijaillu Nunavut Kavamanga, Kanadap Kavamanga, Inuit havagviit, Havagviit Kavamalirijitkut, aallallu havagviit Nunavunmi ikajuqhimmaaqpaktun ilihautikhamun pijaami akhuurutigilugu ihuaqtuniklu ilihaidjutikhanun.

Ukuat 35nguqtut ukiut nakuuqpiaqtut pidjutiqaramik amigaitunik piumajunik inungnin tadjallu kinguanilu ilihaijit kitut ikajuqtut ilihaqtitijut haffuminga pinahuarunmik nakuujumik. Nunavunmi Ilihariakpaalirvik ilitarijumajait tamaita Nunavummiut uuktuqhimajun ilauliqtullu ilihaqhutik ilihaidjutikhamun. Ilihaqtut hakugingnirijavut, pidjutaujut ilinniaqtuliqijit aghut havauhiit.

Avatiliqinirmun havagvia aulahimaaqtumik angiklivaliajuq, ukua Nunavunmi Inirnirit Ilihaaqpaalirviit angiqhimaaqtut aulahimaaqtumik nakuunikkut Avatiliqinirmun Qaritaujaliqidjutit Pinahuarutit, amigaiqtut iniqtiqtut, nakuujumik hullaqtutit ikajuutillu mighaanun Nunavut. Una ETP niriuktut upalungaijailutik Nunavuniunun quvianaqtumik inuuhirmunlu nakuunirmun havaaghat taita 35nik ukiunik.

Uukturumaguvin, titiqqivigilugin EnviroTechProgram@arcticcollege.ca.

###

Tuhaqtidjutikhanun Uqarvikhaq:

Mariana Barney
Atan’ngujaq, Niuvvaanikkun Tuhaqtipkainikkullu
Nunavunmi Inirnirit Iliharviat
Mariana.Barney@arcticcollege.ca