Havaktingit

You are here

Nunaqyuami Ilihaiyit Ublua 2021

Aktuupa 05, 2021

Kavamatkunnin Tuhaqtitaudjutikhaq

Nunaqyuami Ilihaiyit Ublua 2021

Ublumi, Tattiarnaqhilirvia 5, 2021, Nunaqyuami Ilihaiyit Ublua, itqaumayaghat ilitarilugillu aghut havakpauhiit Nunavunmi havakpiaqpaktut ilihaiyit iliharvingnilu havaktit.

Talvanga 1994min, Nunaqyuami Ilihaiyit Ublua itqaumayauyuq tikiutaa hapkua United Nationni 1966 ILO/UNESCO Pitquyait Ihumagiblugit Qanuriniit Ilihaiyit, havakhugit pilaarutait munaridjutaillu ilihaiyit nunaqyuap tamaani.

Uvani ukiumi ukua United Nationskut piumayaat pidjutauyughaq “Ilihaiyit uumatainun iliharnirmun nakuuhivalianiq”. Avatiinun qalagyuarnirup COVID-19 aanniarut nunaqyuami, Nunavunmi ilihaiyit iliharvingnilu havaktit tautuktihimayaat inmi ihuarnikkut havakhugit qayangnaitkutit ilauqatigiingnikkut tunihiyaamingnik iliharvingni ungahiktukkullu ilihaidjutinik ilihaqtitiyamingnun. Iliharviit angmarmata uvani ukiaghami, ilihaiyit' upalungaiyautit nakuuhivaliadjutighanun ilihautit ihariagiyauyut ilihaqtunun nakuunighainun.

Nunavummiut apiriyauyut tautuktitilutik quyahungnirmik inmi nunallaamingni ilihaiyinun iliharvingmilu havaktinun. Quyagilugit Nunavunmi ilihaiyit ublumi!

###

Tuhaqtidjutikhanut Uqarvikhaq:

Troy Rhoades
Atanngujaullaktuq, Tuhaqtidjutinun
Havagviat Ilinniaqtuliqijitkut
867-975-5645
info.edu@gov.nu.ca