Havaktingit

You are here

Nunallaani Ilinniaqtulirijitkut Katimajiit Commission scolaire francophone du Nunavut (DEA/CSFN) Commission scolaire Francophone Nunavunmi Niruarnikkut

Saptaipa 05, 2019

Inungnut Tuhaqtidjutikhanut

Nunallaani Ilinniaqtulirijitkut Katimajiit Commission scolaire francophone du Nunavut (DEA/CSFN) Commission scolaire Francophone Nunavunmi Niruarnikkut

Akhuurutigivakpigit ihuatqijamik ilihautikhanik Nunavunmi? Ihumavakpit nunangni hivulliqtiujumaplutit, kivgaqturlugit ilihaqtut, angajuqqaat, imaalu nunangnullu?

Nunallaani Ilinniaqtulirijitkut Katimajiit (DEA) unalu Commission scolaire francophone du Nunavut (CSFN) niruaqtitiniaqtut Tattiarnaqhilirvia 28, 2019. Saivaujut DEA-kunni katimajikhainni tamainni nunani imaalu tallimaijut katimajikhaitnnik CSFN-kunni. Ilaulimaittutit uukturahuanut imaittuguvit:

  • apiqhuiji;
  • Lauguvit Maliraliuqtinut Maligaliurvingmi (MLA) imaaluuniit uumani Maligaliurvigjuaq;
  • havaktiuguvit iliharvingmi imaaluuniit DEA-kunni/CSFN;
  • niruaqtaujukhanut havaktiuguvit, (ilaujut havaktingit talvani Niruaqtaunikkut Nunavunmi);
  • itiqtauhimaguvit;
  • ihuinaaqhimaguvit titiraqhimajunni niruaqtaunikkut maligarmi kingulirni tallimani ukiunni;
  • maliqatihimaitkuvit kiinaujaliqinikkut unniudjutinik talvanga MLA niruaqtaunikkut kingulirni tallimani ukiunni; imaaluuniit,
  • naunaiqtauhimaguvit apiqhuivingnit ihumaliuliaittutit ilingnik.

Niruaqtaujukhanut uukturvikhat pijauniaqtut talvanganiit Apitilirvia 23-27 talvanga 2 mungaqqan ubluummat.

Aadjiliurlutit Itqumajumik Uqagiikhimajut Uuktuqtun titiraqtakhamik uumani Niruaqtaunikkut Nunavunmi qaritaujakkurutaanni https://www.elections.nu.ca. Imailiurlutit, titirarlugu, atiliurlugu imaalu tujuutigilugu nunangni Niruarnikkut Havaktimut.

Ikajurahuarit akhuurutikhanik ilinniarnikkut nunangni! Ilaugguit niruaqtaujukhanut!

###

Tuhaqtidjutikhanut Uqarvikhaq:

Troy Rhoades
Atanngujaullaktuq, Tuhaqtidjutinun
Ilinniaqtuliqijikkut Havakvik
867-975-5680
info.edu@gov.nu.ca