Havaktingit

You are here

Kitikmeoni Qikiqtanilu iliharviit nuuttun uvunga Qanurinnirmun 1mun

Iitjirurvia 03, 2021

Tuhaqtitauyuqhaq

Kitikmeoni Qikiqtanilu iliharviit nuuttun uvunga Qanurinnirmun 1mun

Iqaluit, Nunavut (Fibjuali 3, 2021) – Aullaqtirluni Hitammiunmi, Fibjuali 4, 2021, tamaita iliharviit Kitikmeoni Qikiqtaanilu nuutirniaqtun uvunga Qanurinninganun 1mun uvani 2020-21 Angmarnikkut Hivunikhami Nunavunmi Iliharviinnun. Tamaita iliharviit ukunani avikturhimanirni angmarniaqtu ubluq-tamaat ukunun iluani-iliharviinni iliharutikhanun ilihaqtunun Ilihalihaaqtunin talvunga Puqtujunun 12nun, tallimani ubluni havainirni.

“Iluani-iliharvingni iliharniit piraanginnarutailli ihariagijaujun pivalliadjutainni nutaqqani inulrammiinilu. Pipkainiq ilihaqtunik, ilagiinnik, iliharvingnilu havaktiinnik aanniaqtailidjutainnik aanniqtailidjutainniklu taimaittuq Ilinniaqtuliqijikkut Havagviup quulliqpaangujuq hivulliutijumanianik,” uqaqtuq Minista Ilinniaqtuliqijikkunni, David Joanasie. “Talvuunalu, anginiqaqtuq ilitarijaami ihuangittukkut ihumakkut timikkullu aannialaqinikkut hulaqutiit taimaatun ikiklijuummirhimajunik iluani-iliharviinni iliharutit pidjutittaaqtun nunallaaptikni. Niriuktunga ilihaqtun hapkunani avikturhimaniinni utirutainnun iliharviinnun ubluq-tamaat.”

Uqautainnin uumannga Nunavunmi Atanilluaq Nunallaani Aanniaqtailinikkut Havaktimin, tadja inungni aanniaqtailinikkut naunaitkutainnin ajuirhimanikkullu ukunani COVID-19 Qalagjuarnikkut ikajuutaujun ihumaginirmik nutaqqat inulrammiillu ilihariaqtaaqtun taimaatun akhuurutigiplugin aanniaqtailiniit ikikliharhimmaaqtillunilu qangnarhittaarutikhanik. Tamaita liharviit malihimmaarniaqtuq piliuqtauhimajun aanniaqtailinikkut aaniqtailinikkullu qanuriliurutikhat imaatun pimmarigharhimajunik halummarhidjutinik halummarhinikkullu qanuriliurutit, pipkainikkullu ilihaqtunik havaktiniklu aannialaqihimajun aihimajukhat.

“Piqpiaqpaktukhaq havagutigittiaqpaklugin qangnarniit aannialiqidjutinik hiaminnirniniklu COVID-19 Qalagjuarnirmi ukununga aanniqtaarutinun iliharviin umikhimadjutainnun nutaqqani timikkut, pivallialirutainni, ihumakkullu aanniaqtailidjutainni,” uqaqtuq Nunavunmi Atanilluaq Nunallaani Aanniaqtailinikkut Havakti, Dr. Michael Patterson. “Tunnganiqarhuni tadja qanurinningani COVID-19 Qalagjuarnirmi Kitikmeoni Qikiqtanilu, piqangittuq inungnun aanniaqtailikkut naunaitkutinik ikajuutikhanik aulahimmaaqtunik iliharviinni umikhimadjutainni tadja. Ihumagittiaqtunga ilihaqtun havaktiillu Kitikmeoni Qikiqtaanilu iliharviit utiqtaaqtun nakuujumik iliharvingnun.”

Una 2020-21 Angmarnikkut Hivunikhami Nunavunmi Iliharviinnun: Aanniaqtailinikkut Aanniqtailinikkullu hailihimajuq uvani: https://gov.nu.ca/in/ilinniaqtuliqiyikkut/information/2020-21-angmarvikh...

Nutaangutqijaujunun ilitturpkaidjutikhanun Nunavunmi tadja kavamatkunnin aanniaqtailinikkut kiklikhainni, takulugu: https://www.gov.nu.ca/health/information/nunavuts-path.

###

Tuhaqtipkainikkut Uqaqvigiyaqhaq:

Troy Rhoades
Atan'ngujaq, Tuhaqtidjutinun
Havagviat Ilinniaqtuliqijikkut
Nunavut Kavamanga 867-975-5680
info.edu@gov.nu.ca