Havaktingit

You are here

Inulramiit katimayuarutikhangit Kangiqlinirmi

Aktuupa 11, 2018

Inungnun Tuhaqtitauyukhaq

Inulramiit katimayuarutikhangit Kangiqlinirmi

Nunavut Kavamangit Havagviangit Ilinniaqtuliqiyitkut, iligiiqatigiplugit Kanaitian Red Crosskut, aulatitivakhimayut Hakugiktumik Ihuarutikharnik Inulramiit katimayuarutaani Kangiqlinirmi Tattiarnaqtuq 11mi 12milu, 2018mi. Tamna katimayuarut tiguaqtitivakhimayut ilihaqtunik hivulliqtikharnik atuquyaangatlu ilihaqtunik inuuhirinikkut.

Ayuiqhautikharnik ihumagiyauvakhimayut nigiurutikharnik katitirutikharnik, atuqtakharniklu pivalliayaangat inuuhirinikkut ilaqatigiiktukharnik. Ayuiqhautivakhimayut ilihaqtunik qanuq ilauyukhat taima allianaigiyunik aulaliqan, qanurlu aturungnaigiangat imingarnaqtunik, atuluaqulugit ayungitainik ihuarutikharnik inuuhirmini inuuhingitlu allat, qanurlu hivulliqtiuyaangat ilitugidjutikharnik auladjutikhainik, qanurlu munagiyaangat nanminikkut allanunlu ayungnautiqaliqan inuuhiani.

Tamna Hakugikhainiq Ihuarutikharnik inulramiinun katimayuarutaani pidjutiqaqpakhimayuq ilihaiyunik havaktunik ilihaqtunik katitiyaanganik, ayuiqhagianganik iliqatigiigianganik akhurutikharnik napaqtitiyaangatlu iliqatigiirniq taima aulaliqan ayungnautiqaqtunik aulayunik. Kingulirmi inulramiit katimayuarutmi aulavakhimayut Iqaluktuuttiarmi upin’ngaarmi 2018mi Iqalungnilu ukiakhaliqtumi 2016mi.

###

Tuhagaqtidjutikhanut Uqaqvikhaq:

Jean-Philippe Laprise
Atan'nguyaq, Tuhagakhanut
Ilinniaqtuliqiyitkut Havakviat
867-975-5645
jplaprise@gov.nu.ca