Havaktingit

You are here

Ilinniaqtuliqijikkut Havagvia tunijun qaujiharutimingnin unnuidjutimik

mii 30, 2019

Tuhaqtitaujukhaq

Ilinniaqtuliqijikkut Havagvia tunijun qaujiharutimingnin unnuidjutimik

Iqaluit, Nunavut (May 30, 2019) – Ilinniaqtuliqijikkut Havagvia ublumi tunijun Choosing Our Path Forward (Pinikkut Apqutikhaptiknik Hivumun), una unniudjuti naunaijaqtait 2018-2019 Ilinniarnikkut Maligaq unalu Inuit Uqauhinginnun Tammaqtailinirmut Maligaq nunallaani qaujiharutinik.

“Quviagikpiaqtatka uqautiit pivaktavun qaujiharutiptiknin,’ uqaqtuq Minista Ilinniaqtuliqijikkunnin David Joanasie. “Uqautit Nunavunmiunnin ikajuqtuq piliurutainnik tukhiqtauhimajuni aallanguqtirutinik uumunga Ilinniarnikkut Maligaqmun uumungalu Inuit Uqauhinginnun Tammaqtailinirmut Maligaqmun. Hapkuat uqautiit piliuqtun atauttimun tautugutimik iliharnirnun tammaqtailinirmun akhuuqhainirmullu Inuktunmik.”

Unniudjuti naunaijaqtain tautukpakhaimajain ihumagijaillu Nunavunmiunnin iliharnikkullu paannarijaujunin ukunani malruuknik-uqauhiqaqtunik iliharnirnik uvanilu uqauhimilu iliharutimik, havagutait munaridjutaillu Nunalingni Ilihaqtuliqijiit Katimajiinni (DEA) uvanilu Ilinniaqtuliqijikkut Havagvianin, DEA-kut Katimajiinnin, ukunanilu hivumuutikkullu maligaghani. Unniudjuti ilaqaqtuqlu uqautinik aulapkainikkut aullaqtiffaarnikkullu uqauhimik pitquhimiklu, hakugikhaqnikkullu naamadjutikhanik iliharvikni.

Talvani September 11, 2018mi uvanilu January 22, 2019mi, qaujiharnikkut havaktiit aullaaqpaktun tamainnun 25nun Nunavunmi nunallaanun. Tamatqiutikkut, 829 Nunavunmiun ilauvaktu ukunani qaujiharutini. Ilinniaqtuliqijikkut Havagvia pivaktuqlu titiraqhimajunik tujuutinik 6-sinin DEA-kunnin, tallimanik paannarijainnin timiqutinin, 33ninlu Nunavunmiunnin.
“Nunavunmiut akhuurutiqaqtun iliharnirnun, pipkarumajaillu nutaqqat inulrammiillu uvani nunami tunijaunirnik nakuutqijaujunik pivigivikhanik pidjutainni,” uqaqtuq Minista Joanasie.

“Qujagijumajatka tamaita nunallaat Nunavunmi, ukuallu anginiaqtun ikajurutait havaktiinnin havagviinnin Ilinniaqtuliqijikkut, Pitquhiliqijikkut, ilauvaktunin Nunavut Tunngavitkunnin, ukuallu Katimajiit Nunavunmi DEA-kunnin, havagutait ihagiagijauvaktun.”

Maliganguqtitaujumajuq 25, Maligaq Aallanguqtirutikhaq uuminnga Ilinniarnikkut Maligaqmik umingalu Inuit Uqauhinginnun Tammaqtailinirmut Maligaqmik tunijauniaqtuq talvani upingakhami katimadjutaani Nunavunmi Maligaliurvingmi. Katimajiit Maligaliurvingmi uqautiqarvighaqarniaqtun uumunga maliganguqtitaujumajumun talvani ukiakhami katimanirmi. Unniudjuti hailihimajuq qaritaujakkuurutikkuurutimi uvani ourgoalsforeducation.ca.

###

Tuhaqtidjutikhanut Uqaqvikhaq:

Jean-Philippe Laprise
Atanngujaq, Tuhagakhanut
Ilinniaqtuliqijikkut Havagvia
867-975-5645
jplaprise@gov.nu.ca