Havaktingit

You are here

GN-kut tuhaqtitijut 2021-22 Angmarnikkut Hivunikhami Nunavunmi Iliharviinnun

Niqiliqivik 03, 2021

Tuhaqtipkaidjutikhaq

GN-kut tuhaqtitijut 2021-22 Angmarnikkut Hivunikhami Nunavunmi Iliharviinnun

Iqaluit, Nunavut (Niqiliqivik 03, 2021) – Havagviat Ilinniaqtuliqijikkut havaqatigiplugit Nunavunmi Atanilluaq Nunalaani Aanniaqtailinikkut Havakti (CPHO), ublumi tuhaqtitijut 2021-22 Angmarnikkut Hivunikhami Nunavunmi Iliharviinnun.

“Tamna qalagjuarnirmun COVID-19 aanniarjuarut aallanguqattaqtitlugu, ilihaqtukhaujugut qanuqtut ihuaqtumik ihumaliurutikhaptingnik taffumuna nutaamik iidjuhiuliqtumik inuuhikhaptingnik imaalu havaqatigiikluta,” uqaqtuq Minista Ilinniaqtuliqijitkunun, David Joanasie. “Tamna 2021-2022 Angmarnikkut Hivunikhami Nunavunmi Iliharviinnun ikajuutikhat ilihaqtunun, ilagiinun, iliharviit hivulliqtiujunut havaqatigiiktuullu tunilugit hivunikhanik aanniaqtailinikkut qajangnaittumiklu ikajuutikhainik tukliani atuqtakhanik. Hivunikhat ikajuutauniaqtun ikiglijuumiutikhanik qajangnarniit kangiqhidjutikhanik imaalu hiamitiqtailinahuarutikhanut aannialaqidjutimik iliharviptingni, imaalu naunaittumik ihuaqtumiklu aulladjutikhanut aullaranginaqtumiklu iliharnirmik inulrammirnut Nunavunmiut.”

Nunavumi iliharviit tungaviqaqtut Inuit Qaujimajatuqangit imaalu qajangnaittumik, ikajuqhimaarlutik, ilaupkaihimaginarlutiklu iliharvikhainik. Aanniaqtailinkkut qajangnaittumiklu ihmaliurutikhangit pidjutiqaqtut iliharviit aulapkaidjutikhanut maliktakhaqarniaqtun CHPO-kut maliqatqujainik imaalu maliklugu Nunavutip Apqutikhaa atuqtakhaliuqhimajainik pidjutiqaqtunik inungnun aanniaqtailinikkut maliktaujukhat.

Ilangat angmafgfaarutikhanut hivunikhat, Havagviat Ilinniaqtuliqijikkut piliuqhimajut taffuminga Iliharnirmik Katimaffaalirnirmik Atauttimi, tamna Aanniaqtailinirmun aanniqtailinirmun Maliktakhait Nunavunmi Iliharviinni imaalu tamna IHUAQHARLUGIT Iliharviit Ikajuutikhait. Hapkuat atuqtakhangit ihumagiplugit qanuqtut Nunavunmi iliharviit hungitidjutikhanik iidjuhiriliktaanik qalagjuarnirmun COVID-19, imaalu kiudjutikhanginik hivuniptingni aannialiqtuqaqqata nunagijaujuni.

Ahiagut taapkua hitamaujut-qanurinningit atuqtauhimajut 2020-21-mi, ihumaginahuaqtait hapkua ilittuqhitauvaktut ikpingnautait iliharvingni auladjutikhanginik:
• Qanuriniga COVID-19 qalagjuarnirmit atuni nunagijaujumi, hiamitiqtaudjutait COVID-19 qalagjuarnirmit aallatqiiktut.
• Munaqhiit ajunginingit ukiudjutikhainik COVID-19 qalagjuarnirmun piqaqqat nunagijaujumi.
• Inungnik aanniaqtuliqijinik havaktiqarlutik ihivriuqhijaamik, paqittijaamik, avaliingaqtitilugit aanniaqtut.
• Kapurhiqtitlugit kitkut ukiuqatigiit, iliharviit, nunallaallu.

Hamna naunaiqtakhaq paqitaulajuq uvani 2021-22 Angmarvikhaanut Hivunikhaliurutikhat Nunavunmi Iliharviit takulugu una: https://gov.nu.ca/education/information/2021-22-opening-plan-nunavut-sch....

###

Tuhaqtipkainikkut Uqarvigijakhat:

Troy Rhoades
Atanngujaullaktuq, Tuhaqtidjutinun
Ilinniaqtuliqiyikkut Havakvik
867-975-5680
trhoades@gov.nu.ca