You are here

$10-atauhiq-ubluq nutaqiqivingnun ukpirnaqhivaliajuq ilagiingnun Nunavunmi uvani Ubluirvia 2022

Nuvaipa 17, 2022

Tuhaqtitaujukhaq

$10-atauhiq-ubluq nutaqiqivingnun ukpirnaqhivaliajuq ilagiingnun Nunavunmi uvani Ubluirvia 2022

Igloolik, Nunavut, Hikutirvia 17, 2022 – Qanganguqquq, ilagiit atuqhimajut akitujunik tatqirhiutinik nutaqiqiviit akiligahanik, hivitujumik nutaqiuqhutik nutaqiqivikhailiunirmunlu pijaghanik. Tadja, anginihakkut, akituqjuumiqtut pijaarnirmun anginirhakkut-qanuriniit, akiliruminaqtut, ihuaqtullu ukualu ilaunikkut nutaqiqiviit aghuungnaqtut pidjutigijaangini ihariagijaujut nutaqqanin ukualu inuuhiq akiliruminaqtumik ilagiingnun avatiini Kanadap.

Ublumi, Karina Gould, Ministaat Ilagiingnun, Nutaqqanun ukualu Inugianirnun Pivalliadjutit, unalu Pamela Gross, Nunavunmut Tuglia Ministap unalu Ministaa Ilinniaqtuliqijit, tuhaqtitijut tapkua Nunavunmi hivuliuniaqtut atuliqlugu $10-atauhiq-ubluq laisiqaqtunun nutaqiqivingnun ataani Kanadap-tamaani ilihalihaaqtut ukualu nutaqiqiviit auladjutait. Nunavut ilauliqtuq hapkununga Yukon hamanilu Quebec tunihinirmun ilagiingnun maligahaqaqtukkut nutaqiqiviit imaa $10-atauhiq-ubluq ikitqiatluuniin.

Pidjutigiblugu ublumi tuhaqtidjut, ilagiit Nunavunmi ilihalihaaqtunik-ukiuqaqtut nutaqqat laisiqaqtuni nutaqiqivingni ukualu laisiqaqtut iglumingni munaqhijut pijaaliqtut nutaqiqinirmun imaa $10-atauhiq-ubluq talvanga Ubluirvia 1, 2022. Una hivunighaa pijaujuq tamaanun 15 tatqirhiutit hivuani Nunavunmi Hulidjutinun Upalungaijaut atugahaq, avatqumajuqlu pingahut ukiut hivuani haffuma Qiqailruq 2026 kanadap tikinahuarutaa Kanadap-tamaani atuligahaq. 

Haffumuuna $10-atauhiq-ubluq nutaqiqivingnun, ilagiit aviktuqhimajumi manikhaqarniaqtut imaa $55 atauhiq ubluq atautinun nutaqqanun munarijaujunun, aadjiliurutigiblugit tadja akiit. una tunihiniaqtuq ihuaqtunik ikajuutinik ilagiingnun aviktuqhimajumi atuqtut akituqjuuminirmun akiinun inuuhiinun.

Uvani January 2022, una Angirut qitqani Kavamatkut Nunavunmi ukualu Kavamatkut Kanadami sainiqtaat manikhamik $66.1 million avatqumajumi talimat ukiut ikajuutighat nutaqiqiaingnun Nunavunmi. Talvanga, Kavamatkut Nunavunmi havaqatigijait Inuit timingit havaqatigiit pijaangini tikinahuarutit angirutillu titiraqhimajut uvani Angirutini.

Talimani ukiuni kingulirni, Kavamatkut Kanadami havaliqtait hivitujumik-kikliqaqtut tautuktuumijaarutitik ppijaangini nutaqqanun Kanadami pijaangini nakuutqiamik aularutighainik inuuhirmingni anginihakkut-qanuriniit, akiliruminaqtut, ihuaqtut, ilauqatigiingnikkut nutaqiqiviit. Maniliqtuutikkut uvani 2021, Kavamatkut Kandami tuhaqtitijut upalungaijautikkut akiligahanun imaa $10-atauhiq-ubluq ilihalihaaqtunun ukualu nutaqiqiviit auladjutainun. Kavamatkut Kanadami sainiqtaat atuliqhugu angirut tamainun aviktungniinun aviktuqhimajumilu havagiangani Kanadap-tamaani ilihalihaaqtut ukualu nutaqiqiviit auladjutait, tikinahuarutighaanun pijaangini akiligahat laisiqaqtunun nutaqiqivingnun avatiini kanadap hamunga $10-atauhiq-ubluq atuqtaujughaq Qiqailruq 2026mun.

Havaklugit Kanadap-tamaani ilihalihaaqtut ukualu nutaqiqiviit auladjutait tapkua ihuatqiat tamainun ilagiiktunun tamaini aviktungniini ilaujuq kavamatkut Kanadami upalungaijautaat inuuhiq akiliruminaqhijaangani ilagiingnun, havaaghaliuqlutiklu nakuujunik havaaghanik angiklivaliajumi maniliurutit.

Uqagijaujut

“Ublumi tuhaqtidjutit anginirhaujuq pijaujuq kavamatkunin ilauqatigiigutait tautuktuumijaarutitik havakhugit akiliruminaqtut, iilauqatigiingnikkut ilihalihaaqtut ukualu nutaqiqiviit ukpingnaqhijuq ilagiinun Nunavunmi. Una pijaujuq aalanguutauniaqtuq ilagiingnun, angajuqaangujunun avatiini aviktuqhimajup takuniaqtut maniijanginirmun atautini tatqirhiutini. Niriuktunga ubluanun tapkua ilagiit avatiini aviktuqhimajup quviahuutigilugu ikajuutit ilagiit Nunavunmi pijait ublumi.”
Nan'ngarijaujuq Karina Gould, Ministaat Ilagiiktunun, Nutaqqanun Inungnunlu Pivallianirmun

“Pidjutigiblugit akiligahat laisiqaqtunun nutaqiqivingnun akia $10-atauhiq-ubluq pidjutiqaniaqtut pijaghanik ilagiinun ihuaqhijuumirnirmun inuuhiqatiarnirmun, ikajuqlutiklu Nunavunmun maniliurnirmun. Una hivuliujuq nuutirullu hivumuurut nutaqqanun ilagiingnunlu Nunavunmi, qujagijaqqut kanadamiut ukualu Inuit timingit havaqatigiit ikajumata haffumuna pinahuarunmun.”
Nan'ngarijaujuq Pamela Gross, Tuqliq hivuliqti unalu Ministaat Ilinniaqtuliqijit

Qilamik Kangiqhidjutit

  • Uvani January 24, 2022, Nunavut Kanadalu tuhaqtitijut ukua Kanadami-Nunavunmilu Kanadami Ilihalihaaqtut ukualu Nitaqiqiviit Angirutaa – 2021 to 2026. Una angirut tunihijuq $66 million kanadamin maniliqtuut avatqumajumik talimat ukiut ikajuutighaq ihuaqhijuumiriangini ilihalihaaqtut ukualu nutaqiqiviit nutaqqanun Nunavunmi.
  • Una ilaiutihimajuq naamavjaktuq $13 million tuhaqtitaujuq Niqiliqivingmi 2021 haffumuuna Kanadami–Nunavut Ilihalihaaqtut ukualu Nutaqiqiviinun Agnirutaa 2021 hamunga 2025, kitut ilaujut $2.8 million atauhiq maniliqtuut uvani 2021–2022 ikajuutighaq ilihalihaaqtunun havaktiinun.
  • Ublumi tuhaqtidjutainun, tamaita Kanadami aviktungniit aviktuqhimajumilu tuhaqtitijut akighijuumirnirmik nutaqiqivingnun akiligahat, atuliqtaalu nutaqiqiviit imaa $10-atauhiq-ubluq ikitqiaqluuniin.
  • Ilaujuq angirutinun, Nunavut pidjutiginiaqtaat 238 nutaanik laisiqaqtunik maniliungitunun najugait nungunianun Qiqailruq 2026, 30 kitut havaktaujariiqtut.
  • Angirutip ilitarihimajait aghut munaridjutit tapkua ilihaijit pidjutigijait pijaangini tapkua ilagiit pijaarnirmun anginirhakkut-qanuriniinik nutaqiqinirmun kivgaqtuutit. Nunavut tughiqtut 20% maniliqtuutaanik uvani angirunmi ikauutighaq inmi havaktitinirmun akituqjuumirnirmun, kitut ikajuutauniaqtut angiklivalianirmun havagvingmun.
  • Uvani ukiumi, ikajuutit nutaqiqivingnun havagviit havaktiit ilaublugit havagumanirmun ikajuutinik tamainun havaktinun laisiqaqtuni nutaqiqivingni.
  • Ilaujuq manikhanun 2021, Kavamatkut Kanadami havaktai aalangutirutit maniliurutinun avatqumajuq $27 billion avatqumajumi talimat ukiut havagiangini Kanadap-tamaani ilihalihaaqtut ukualu nutaqiqiviit auldjutait aviktungnirni aviktuqhimajumilu. Atautimukhimajut aalanun maniliurutinun, ilaujut Nutaqaqaaqtut ilihalihaaqtut ukualu nutaqiqiviit, imaa $30 billion avatqumajut talimat ukiut tunijauniaqtut ikajuutinik ilihalihaaqtunun nutaqiqivingnunlu.

Ilaujut Atadjutit

Kanadami-Nunavunmi Kanadami-Tamaat Ilihalihaaliqtunun Nutaqqanunlu Angirut - 2021min-hamunga 2026mun
https://www.canada.ca/en/early-learning-child-care-agreement/agreements-...

Kanada – Nunavut Ilihalihaaqtut ukualu nutaqiqiviit Angirutaa - 2021 to 2025
https://www.canada.ca/en/early-learning-child-care-agreement/agreements-...

hamunga $10-atauhiq-Ubluq: Ilihalihaaliqtunun ukualu Nutaqqanik Munarinirmun
https://www.canada.ca/en/employment-social-development/campaigns/child-c...

- 30 -

Tuhaqtidjutinun apirhuutinun, uqaqatigilugu:

Mohammad Hussain
Taigualiuqtiinni Titiraqtia
Havagviat Minista Ilagiiktunun, Nutaqqanun Inungnullu Pivallialiurnirnun, Ahmed Hussen
mohammad.a.hussain@hrsdc-rhdcc.gc.ca

Kuthula Matshazi     
Atanngujaullaktuq Tuhaqtipkaijiinni
Ilinniaqtuliqijitkut,
Nunavut Kavamanga
867-975-5649
kmatshazi@gov.nu.ca

Casey Lessard
Nunavut Kavamangani
Tuhaumapkainikkut Havaktiit
867-975-6004
clessard2@gov.nu.ca

Tuhaumapkainikkut Havagvia
Havaktuliqinikkut Inungnullu Pivalliadjutikhainnun Kanadami
819-994-5559
media@hrsdc-rhdcc.gc.ca
Malikluta Twitter-mi