Havaktingit

You are here

Nukaqhinut nutaqqat Ilihainiqmut Inuit Uqauhinginnut Pitquhinginnullu Manikharvik Tukhiutinik Apirhuutit Uuktuutit

Huuq manikhalik Inuit[1] Uqauhinginnut Pitquhinginnullu ukununnga Nukaqhinut nutaqqat Ilihaidjutikhamut?

Titiraqhimaninngani 17 uumunnga Nunavunmi Ilihainiqmut Maligaq titiraqhimayaa imaatut, “Ilinniaqtuliriyiit Katimayiit Nunallaani tuniniaqtut nukaqhinut nutaqqat pinahuarutit atuliqtiniq uqainnariamikni Inuinnait uqauhingit unalu ilihimaninngit Inuinnait pitquhinginnik.”

Kitkut ilauttaaqqat uumunnga Nukaqhinut nutaqqat Pinahuarutit?

Pipkaidjutiyuq Nukaqhinut nutaqqat Ilihainiqmut pinahuarutit atuliqtitaugiami uqainnariamikni Inuinnait Uqauhinginnik unalu ilihimaninngit Inuinnait Pitquhinginnik nutaqqat ukiulgit 0-mit 6-mut.  Tamna nukaqhinut nutaqqat pinahuarutit ukununnga nutaqqat 6nik ukiuqangittunut Tisaipa 31mi sikuuqtillugit ukiungani unalu ilihangittut 1mi.  Nutaqqat ilihalihaaliqtut ilaunginnarialgit pinahuarutimut, kihimi sikuungitpata.

Qanuqtut aullaqtiniaqigu nukaqhinut nutaqqat pinahuarutit uumunnga Uqauhinginnut Pitquhinginnullu?

Malruulik qanuqtut DEA-tkut tunittaaqtaa nukaqhinut nutaqqat ilihainiqmut pinahuarutinik ukununnga Uqauhinginnut Pitquhinginnullu:

  • DEA-tkut piliuqtaaqtut unalu aulapkailuni nanminikhanganik nukaqhinut nutaqqat ilihainiqmut pinahuarutit – una ittaaqtuq uqauhingit iliuraiyakhanga, atuqtitaudjutimut tutquumavik, angayuqqaanut nutaqqanulluuniit katimayiingit, hunavalukluuniit; UNALUUNIIT

  • DEA-tkut ikayuqtaaqtuq ittunik nukaqhinut nutaqqat pinahuarutit ukunuuna manikharvik, havaktittiniq tuniluguluuniit ikayuutikhanik – ittaaqtuq nutaqqiqiviit, ayuirhayut sikuuliqtinnagit, uqauhingit iliuraivik, angayuqqaat nutaqqat katimayiingit, taiguarvik pinahuarutit, hunavalukluuniit.

DEA-tkut ukunanik tamarmikluuniit pittaaqtait; inmikkuuqluni DEA-tkut ihumaliuriami kitut nakuutqiaqniaqtuq nunagiyamiknut.

Ilangit Puiguqtakhaungittut:

  • Umikvinga Tukhiutikhat ukununnga Nukaqhinut nutaqqat Ilihainiqmut Pinahuarutit Iijjirurvia 28mi ukiunguraikpat

  • Umikvinga Qitqani Ukiup Taiguagakhaq ukununnga Nukaqhinut nutaqqat Ilihainiqmut Pinahuarutit Tattiarnaqtuq 31mi ukiunguraikpat

  • Umikvinga ukununnga Kingulliqpaaq Taiguagakhaq uuminnga Nukaqhinut nutaqqat Ilihainiqmut Pinahuarutit
    Qitiqqautijua 30mi ukiunguraikpat

  • Nutaqqainnait ukiulgit 0-mit 6-mut ilauttaaqtut ikayuqtauniaqtulluuniit uumani pinahuarutit

  • Niuviqtamiknik naunaitkutat akingit ilaliutiyukhaq uumani kingulliqpaaq taiguagakhaq

*Pinahuarutinut piyut ataani uuma Commission scolaire francophone du Nunavut (CSFN), una naunaitkutaq ihuarhaqhimayuq atuliqtitaugiami Uiviititut uqauhingit unalu francophone pitquhiq.