Havaktingit

You are here

Nanngariyauyuq David Joanasie, Minista Ilinniaqtuliqiyitkut

David Joanasie nirautauffaaqtuq niruangmata talvani Tattiarnaqhilirvia 30, 2017, ikayuqnahuaqhugit inuit Hivuraani Qikiqtaalukmi uumani Tallimmiut Maligaliurvik Nunavunmi. Ikayuqtakhariyait nunallaat Kinngainmi Kimmirunmilu.

Mr. Joanasie niruaktauyuq ilauyukhauvluni talvani Ministat Katimayiit talvani Hikutirvia 17, 2017, katimatillugit Nunavunmi Hivuliqtit Katimayiit. Minista Joanasie katimangmata uqariikhimayuq havagvingmut talvani Hikutirvia 21, 2017. Havaariayit ukuat Minista Ilinniaqtuliqiyitkunut, Minista Pitquhiliqiyitkunut, Minista Munariyalik Nunavunmi Ilihariaqpaalirvik unalu and Minista Uqauhinut.

David Joanasie katimayiuhimayuq talvani Hitammiunmi Maligaliurvik. Mr. Joanasie ikhivautaqatauyuq Maligaliutit Katimayiit unalu ilauvluni Atannguyanut Havaktauyanullu Katimayiit.

Niruaqtautinnani, Mr. Joanasie havaakaktuugaluaq uuminga Tuhagakhanut Atannguyaq ukunani Qikiqtani Inuit Katuyikatigiit. Mr. Joanasie ayuittiaqhimavluni havaariraakpakhimayaa ilauyut havaat Nunavut Kavamangani Pitquhiliqiyitkuni unalu the Inuit Tapiriit Kanatami.

Mr. Joanasie naunaitkutikaktuq naminiriyanut tuhagakhanut talvanga Saint Mary’s University naunaitkutamiklu talvanga Algonquin College. Mr. Joanasie ilihaqvigihimayaa una Nunavut Sivuniksavut ilihaidjutikhaq Ottawa-mi.

Mr. Joanasie ilauhimayuq talvani Sport Nunavut’s Mission Staff ilauvlunilu talvani Northern Youth Abroad Program. Mr. Joanasie ilauhimayuq Katimayiinni ukunani Tumikuluit Saipaaqivik nutaqqiqivikmi.

David unalu Emily Joanasie hitamanik nutarakaktut: Sayri, Cynthia, Qulittalik, unalu Pittaaluk. Mr. Joanasie inmikkut aliagiyait ukuat angniarniq, iqalukhiurniq, haaki, aullaaqhuni, pitquhirmi nunami hulilukaarutait unalu Inuit uqauhingani amihunut tuhaqtidjutikhanut havaktauyakhat.