Havaktingit

You are here

10nik ukiunganik tutquqtiqhimayuq hunavalungnik angmaqtiqhimayuq Qamanittuarmi

 

 

 

 

 

 

 

 

 

 

Jonah Amitnaaq Angayukhiit Iliharviat (JASS) angmaqtigivakhimayuq 10nik ukiunik tutquqtiqhimayuq hunavalungnik iluaniitunik Qitiqqautiyuq 10, 2019mi. Tamna tutquqtiqhimayut havakhimayut himiktitauvakhimayurlu Iniqtiqhimayunik katimavianik 2009mi. Iluaniitun talvani tutquqhimayunik iliugaqtauvakhimayut ilihaqtunik talvanga ilihalihaaqtunik iniqtiqtuniklu 12nik ilihairutingnik talvuunakiak. Tamna JASSngit 2009mi iniqtiqtunik ilihairutingnik upiriplugit tutquqtigivakhimayut havakhimayaingit tapkuninga ilihaqtunik 2mi angmaquplugu kingulirnirmi ukiunganik ilihaqtamingni talvuuna Qitiqqautiyuq 2019mi.                                         

Kimberly Aqigaaq ilauyuq talvani JASS Ilihaqtunik Katimayiini, ilitugipkaivakhimayuq hulilukaarniaqtunik:

Talvuuna Qitiqqautiyuq 10mi talvani JASSmi ulapqiviani, ilihaqtun katimayiit katimapkaivakhimayut angmaqtirutikharnik tutquqtiqhimayunik aulavakhimayuq talvuuna 2019mi quviahuutikharnik aulayaangat Nunavut 20ngugumi ukiunganik. Tamna hulilukaarutikhaq angmaqtiqtauvakhimayuq nunalaani tamaini tautugiangani.

Angmaqtinani tamna tutquqtiqhimayuq uqaqtauvakhimayut ilauyunik nunalaanin. Tamna JASS iliharviat atanguyaq, Chris Snow, uqaqpaktuq qanuraaluk akhurnaqtuq itqaumagiangat akunigaaluk 20nik ukiunganik humunlu hivunirmun aulaniaqhimayugut. Ilauyuq talvanga Qamanittuaq Ilihaqtuliriyitkun Katimayiit aliatakpakhimayut hunaqaqtunik iluani qiuqutinarmi. Kinguliuyuq atanguyaq, Bill Cooper, naitumik uqaqhuni talvuuna qanuriliurniaqtun hulilukaarutikhaq katitipkaivaktitiyuq nunalaani atautikkut.

Piqaqpakhimayut iluani hunavalungnik quiqutmi, qaffinuat ilauyut ulapangnik, CDmik piksagiaqtuq iniqtiqhimayuniklu ilihairutingnik jaikiknik. Ilihaqtunik piksaqaqhuni ilihaqtunik itqumadjutikharniklu. Tamaita tamayait iluaniitugaluit amuyaugamik ihiviktitauplutiklu ikpatingnun qanganun talvani iliharviat katimaviani tautuktauyaangat. Nunalaani inuit tautugiaqaqtait Qitiqqautiyuq nungutigumi.

Tamna hulilukaarutikhaq anginirmik iniqtigivakhimayuq katitigiyaangat inungnik aulayunik JASSmi ilihaqtunik ilihaiyiingitlu, JASSmi Ilihaqpakhimayuniklu, nunalaangitlu - alliatakpakhimayut tautugumaplutik hunanik iliugaqtauvakhimayuq quiqutmun 10nik ukiunga kingungarnirmi. Hamilaangit Qamanittuarmi Inuuhiriliqiyut Katimayiit ikayukpaktun manikhatigun aituqtauyukharnik hulilukaaktunik Nunalaani Ilihaqtuliqiyitkutlu Hamilaatkut Katimayiingit atautikkut upaktauyukharnik uqagianganik talvani hulilukaarniaqtunik. Tamna JASS igaliqiyunik ilihaqtun tunikhaivaktun hiqulaanuanik igayainik.

JASSkut nigiukhimayut iliugaqtauffaaqtukharnik tutquqtauyukharnik akunigaaluk iliugaffaarlugu nayugaanun iliharvingmi afisiani tutquhimayukharnik 10nik ukiunganik.

 

haumingmi taliqpingmun) Rachel Tagoona-Tapatai unalu Rhoda Parker ilihaqtunik 2mi iliharviani piksaliukhimayuq. Jonah Amitnaaq Angayukhiit Iliharviat (JASS) angmaqtigivakhimayuq 10nik ukiunik tutquqtiqhimayuq hunavalungnik iluaniitunik Qitiqqautiyuq 10, 2019mi.

Piksaliuqhimayaa: Ilinniaqtuliqijitkut