Havaktingit

You are here

Nunavut Kavamanga unalu Nunavunmi Havaktiit Katimajiit Sainiqtaat Nutaaq Havaktinut Angirutaa

Niqiliqivik 08, 2022

Tuhaqtitaujuqhaq

Tuhaqtitauhainaqtukhaq:

Nunavut Kavamanga unalu Nunavunmi Havaktiit Katimajiit Sainiqtaat Nutaaq Havaktinut Angirutaa

Iqaluit, Nunavut (Niqiliqivik 8, 2022) – Nunavut Kavamanga unalu Nunavunmi Havaktiit Ikajuqtingit (NEU) sainiqtaat nutaaq havaktinun angirutikhaq ublumi.

6-ni ukiuni angirutikhaq pijakhamun tamaat akiliuhiamun akikhijuumidjutikhaanun 9 pusatmik (9.31 pusat ihuaqhihimajuq). Angirutikhaq ilaqaqturlu akikhijuumidjutikhamun taaffumunga Nunavut Ukiuqtaqtumi Ikajuutikhaq (NNA), tamatqiqhugu atauhirmik akiliuhiakhat, angitqijan ikajuutikhat, ihuaqhijuumijullu havaguiqhimallagutikhat.

“Pihimajumajavun havaktivun ikpingnaqtullu havakpaktainun,” uqaqtuq Ministangat Havaktuliqijitkut, Nan’ngarijaujuq Margaret Nakashuk. “Amigaitqijamin malrungnin ukiunin kavamatkuni havagvikpun qilamik ihuaqhijaat havakpaktamingnik nunarjuami aanniarutimun havakhutik ihariagijaujanun havaktaujakhanun Nunavunmiutanun. Una angirutaat naunaittuq taimaa Nunavut Kavamanga ikajuqpiaktun havaktimingnun. Una angirutaat piniaqtuq ikajurlutik taimaa kavamatkuni havagvia piliuqtauhimajuq, havaktikhaqaqtuq ikajuqtaujuqlu tunijaami hapkuninnga hivulliutiujumajaptiknik ataani uumani Katujjiluta havaktaujakhanun.”

NEU-kut ikajuqtait amigaitqijamin 4,000 ubluq tamaat aadjikkiiktun havaakhaujun unalu, ukunungainaungittunik, inuuhiliqijit, munaqhiliqivingmi ajuittiaqhimajun ajuittiaqhimajullu ikajuqtiit, itiqtauvingmi havaktin, an’nguhiqijiit, qaritaujaliqijit ikajuqtillu havaktut. Hivituni nutaamun angirutimun una talvanga Tattiarnaqhilirvia 1, 2018 talvunga Apitilirvia 30, 2024.

“NEU-kut havaqatigijumajait GN-kut munarilugu taimaa nutaaq havaktinun angirutikhaq maliktaujaangani nakuujumik, ihuaqtumik aadjikkiiklugillu pilutik,” uqaqtuq NEU Angijuqqaaq Jason Rochon.

Qilamik Kangiqhidjutit:

  • 6-ni ukiuni angirutikhaq taimaatun tamaat akikhijuumidjutikhaanun 9 pusatmik unaluuniin 9.31 pusat ihuaqhihimajuq.
    • Tattiarnaqhilirvia 1, 2018 – piittumik pusat.
    • Tattiarnaqhilirvia 1, 2019 – atauhirmik pusat.
    • Tattiarnaqhilirvia 1, 2020 – atauhirmik nappaaniklu atauhirmun pusat.
    • Tattiarnaqhilirvia 1, 2021 – atauhirmik nappaaniklu atauhirmun pusat.
    • Tattiarnaqhilirvia 1, 2022 – atauhirmik nappaaniklu atauhirmun pusat.
    • Tattiarnaqhilirvia 1, 2023 – pingahunik atauhirnillu nappaanik pusat.
  • Utiqtitakhat akiliuhiakhat tamainun ikaarninun havaktainun havaktinin havaktun hivituniani uumani angirutimi.
  • Tamatkirlugu akiliuhiakhaq taimaa $3500 tamainun havakhimmaaqpaktunun,hivituniani havaktunun, unalu ilainnaani havaktunullu havaktun iluani 30-ni ubluni angiqtaungman.
  • Nunavut Ukiuqtaqtumi Ikajuutit (NNA):
    • Akikhijuumidjutikhaa tahapkununga 19-nun nunallaanun talvani Qitiqqautijuq 1, 2022 (atuqpagainun akikhijuumidjutimun taimaa 13.4 pusatmik).
    • Tamatkirhugu akiliuhiakhaq taimaa $1500, ilagivlugu una $3500 tamatqiqhugu akiliuhiakhaq qaangani, tamainun havaaqaqhimmaaqtunun, hivituniqaqtunun, ilainnaanilu havaktunun 6-ni nunallaani nutqaqhimajudjiqaqtumun NNA-mi.
  • Ilagiiktuni Pimmarluqhimajunun Havaguiqhimallagutikhaq tuniniaqtaat havaktinun, pidjutikhainun taimaa tallimanik ubluni akiliuhiarlutik unalu tallimani ubluni akiliuhiaqhimaittumik havaguiqhimmallagutikhat.
  • Angiklijuumijuq pijumajamingnun Atuinangittunun Havaguiqhimanirmun ublut atauhirmin malrungnun atauhirmi ukiungani.
  • Malruk akiliuhiarlutik ublut atauhirmi ukiungani taaffumunga Inuit Pitquhirmun Hulilukaarutikhanun. Una himmiutigijaa una Anguniarnirmun, Iqalukhiurnirmun Niqikhaqhiurnirmullu Havaguiqhimallagutikhat.
  • Akikhijuumijuq ukiungani angitqijamun kiguhiqinikkut ikajuutikhanun talvanga $1200 talvunga $2000.
  • Akikhijuumijuq ukiungani angitqijamun pivikhainun ihumaaluktunun ihumaliqijinun inuuhiliqijunulluuniin havaktunun talvanga $1000 talvunga $2000.
  • Titiraq nauntkut aanniartumun munaqhiliqijitkunin pijakhaq naunaiqhimakpan ihuaqqalluunin pijaami.
  • Kinguvaktitaat angajuqqaanun havaguiqhimallagutikhaat.

###

Tuhaqtipkainikkut Uqarvikhat:

Matthew Illaszewicz
Atan'ngujaq, Tuhaqtipkaijiit
Havaktulirijitkut
Nunavut Kavamanga
867-975-6292
867-222-8956 (Tigumiaqtaujuq Hivajaut)
millaszewicz1@gov.nu.ca

James Kaylor
Tuhaqtipkainikkut Havakti
Nunavunmi Havaktit Ikajuqtingit
867-979-4209 naqillugillu hivajarvikhaanun 207
867-222-2436 (Tigumiaqtaujuq Hivajaut)
james@neu.ca

Document(s):