Havaktingit

You are here

Uqauhikkut Ayuiqhaidjut Kivraqtuiyinut Inungnut

Nunavut Kavamanga (GN) pipkainiaqpiaqniaqhimayut hakugingnikhaanut Nunavutim ilitariyauyut uqauhiinggit kivraqtuiyinut inungnut.   Pipkainiaqpiaqniaqhimadjutaannut, GN piniaqtut uqauhikkut ilihaivikhainnut Nunavutim kivraqtuiyinut inungnut Inuktitukkuuqlutik, Uiviivavitun Qablunaatunlu.   

GN kut havangniaqtutlu anggiqhugu Inuit uqauhiat atuqtaulinikkut havakviinni kivraqtuiyinut inungnut maniqaqtittilugit Inuktun ilihaiviukvikhaanik, piliurnikkutlu Inuktut ayuiqhaidjutikhanik munarilugulu Inuit Uqauhiat Ilauqunnaqtigunmi.   Inuktut uqauhitigut ilihaidjutikhaa hadja piliuqhimmaaqtaat tikiutiyaamingnik ihariagiyainnik havaktiit GN kunni.

Qanurittunik ilihaivikhaqaqqat?

Inuktut ilihaidjutikhat pidjutihimayut GN kunni havaktiinnut tamaani Nunavunmi tamaini havalihaaliqtuni ayuittiaqhimayunilu.   Ilihaidjutikhat hapkuangnguyut:

  • ayuitpiaqtumik Inuktut titirangnikkut
  • ayuiqyuummigumayunut pitquhikkutlu Inuktut uqauhiinnik
  • kanigiqhipkainiq Inuktitut Inuinnaqtunlu
  • Inuktut ilihaidjutikhat uqayuittunut uqavyaktaaqtunutluunniitnut

Uiviivatigun Qablunaaqtunlu ilihaidjutikhat ihumagilluaqtait uqangnikkut, tuhangnikkut, taiguangnikkut titirangnikkutlu aadlamik uqauhikkut ayuiqhayut. Ilihaidjutikhat iniriikhimaliqtut tamaani Nunavunmi humi ilihaqtauyumayunut.

Qanuqtun ilihaqtittiniaqqat uqauhinut ilihaidjutikhainnik?

Ilihaidjutikhatigun ilinniaqviinni ilihangniaqtait imaatun/imaaluunniit talvuuna qun’ngiaqlutik tiiviikkut ilihaqtitauniaqtut.

Kina ilihaqtiuniaqqa?

Kaantraaktitauvaktut ilihaqtikhanik uqqariktunik ayuitpiaqtuniklu uqauhinut ilihaqtiuvakhutik kampaniinutlu.  

Kitut iihaidjutikhat piyauliqqat hadja?

Tamaita ilihaidjutikhat ilihaqtitauyukhat titiraqtauhimayut GN kut Ilihaidjutikhanut Tatqiqhiutaanni takupkaqtitauvakhutikly iluani GN kut havaktiinnut.   Ilihaidjutikhat iliuraqtauvaktut Ilihaivikhanut Tatqiqhiutaannut tamaani ukiumi. 

Naunaittiagumaguvit atiliuriangni ilihaidjutikhanit, talvunggaulutin GN kut Ilihaidjutikhanut Tatqiqhiutaannut uvani http://www.gov.nu.ca/training-calendar qaritauyakvigilugitluunniit uvani training@gov.nu.ca