Havaktingit

You are here

Kangiqhipkaidjutikhaq

Nunavut Kavamanga (GN) ilihaivikhaqaqtut Pitquhikkut Havaktiplu Kangiqhipkaidjutikhaanik tamainnut GN kunni havaktiinnut.

Hunaujuq Pitquhikkut Kangiqhipkaidjutaa?

Nunavut Kavamanga ukpigiyaat Inuit hivunikhaliurutait tun’ngavigiyauyut ammaumavikhainikkut, kiuttaangnikkut kiuvikhaqaqtutlu kavamatkut.   GN kut havangniaqhimayaat piyaami ilihaidjutikhat havakviitlu nakuuqpiaqtumik ihuaqutikhainniklu talvuuna Inuit Qaujimajatuqangit Inuit hivunikhaliurutikhainnutlu.

Pitquhikkut kangiqhidjutikhaa ilihaidjutaita pipkainiaqtuq GN kunni havaktiinnut ayuiqhariamingnik in’ngilraangnitanik pitquhikkutlu Nunavunmik ikajuutikhainniklu havaktiinnut aturiamingnik Inuit Qaujimajatungangit Inuit hivunikhaliurutikhat havakviinni.  

Ayuiqhajukhat:

  • Kinguliit Nunavut
  • Inuit Hivunikhaliurutikhat
  • Nunavunmi Angirutaa
  • Inuit pitquhikkut hulilukaagutit

Qanuqtun atuqpakpat pitquhikkut kangiqhidjutaujaangginni?

Atauhiinarmi ubluq mik kangiqhipkaivaktut GN kunni havaktiinnut ukiuraaluq tamainni pinggahuni Nunavut avikturviinni (Qikiqtaaluk, Kivalliq, Kitikmeot).   Kangiqhipkaidjutini pidjutiniaqtut ilinniaqviinnakni, tiivikkut ilihangniaqtut qan’ngamilu ukiumi ahiqpani ilihangniaqtittiniaqtut. 

Kina ilihaqtittiniaqtait pitquhikkut kangiqhidjutainnik?

Pitquhikkut kangiqhidjutiit ilihaqtittiniaqtait Inirnikhaat, Inuit pitquhikkut ayuittiaqhimayut, qaitquyauyutlu uqaqtikhat Inuit katimayiinggitnit, imaalu/luuniit GN kut havaktiit havaalgit pilluaqtut Inuit Qaujimajatuqangit ni, Inuit Hivunikhaliurutinilu Inuit havaaqhainnilu. 

Hunauyuq Pitquhikkut Kangiqhipkaidjutaa?

Nunavut Kavamanga (GN) havangniaqhimayaat ataani ISV Tunnganarniq hivunikhaliurutaa pitaangginni havakviinni inungnut-quviahuutiqattariamingnik, tun’ngahimalutik ilaudjutiinnaktitilutik Nunavunmiunut havaqatigiyainnik aadlanunutlu.   Hamna iniktiqtaaqtuq pigumik ublumimuijt ihuaqtunik kangiqhidjutikhainnik ikayuutikhainni havaktiinnut tamainni Nunavut Kavamainni. 

Havaktinut kangiqhipkaidjutait pipkainiqtuq GN havaktiinnut ayuiqhariamingnik GN auladjutainnik ihuaqhimagiikhimayunik pitquhikkut, ilihaivikhainnik havaktiit ikayurniit ikayuutikhatlu piinnariaqaqtut nutaanut havaktiinnut.  

Ajuiqhajukhat:

  • GN pitqujaujut
  • aanniaqtailinikkut aanniqtailinikkutlu
  • akiliuhiakhat ikajuutillu
  • ajuiqhainirmut pivalliadjutikhanutlu

Qanuqtun atuqpakpat havaktimut kangiqhidjutaujaangginni?

Atauhiinarmi ubluq mik kangiqhipkaivaktut GN kunni havaktiinnut ukiuraaluq tamainni pinggahuni Nunavut avikturviinni (Qikiqtaaluk, Kivalliq, Kitikmeot).   Kangiqhipkaidjutini pidjutiniaqtut ilinniaqviinnakni, tiivikkutluunniit.

Kina ilihaqtittiniaqtait havaktimut kangiqhidjutainnik?

Havaktimut kangiqhidjutikhainnik hivuliqtigiyait GN havaktiinnit kaffini havagviinni, ilaliutiplutiklu qun’ngiararhainnik Nunavut Havaktiinnut Ikajuktiinnit. 

Humi kangiqhidjutikhainnut piniaqtut?

Tamaita ilihaidjutikhat ilihaqtitauyukhat titiraqtauhimayut GN kut Ilihaidjutikhanut Tatqiqhiutaanni takupkaqtitauvakhutiklu iluani GN kut havaktiinnut.   Ilihaidjutikhat iliuraqtauvaktut Ilihaivikhanut Tatqiqhiutaannut ukiuraaluk. 

Naunaittiagumaguvit atiliuriangni ilihaidjutikhanut, talvunggaulutin GN kut Ilihaidjutikhanut Tatqiqhiutaannut uvani http://www.gov.nu.ca/training-calendar qaritauyakvigilugitluunniit uvani training@gov.nu.ca