Havaktingit

You are here

Havaktuliriniqmut Pigiaqtitaunahuarniq

ᐃᖅᑲᓇᐃᔭᖅᑎᓄᑦ ᑲᔪᖏᖅᓴᐃᒍᑎᒃᓴᐃᑦ ᐸᕐᓇᐅᑎᒋᔭᖏᑦ Havaktuliriiyit Ihumaliutqiqpagaat 2019-2023

Nunavut Kavamanga (GN) quviahuktut tuhaqtitauyaami nutaaq ᐃᖅᑲᓇᐃᔭᖅᑎᓄᑦ ᑲᔪᖏᖅᓴᐃᒍᑎᒃᓴᐃᑦ ᐸᕐᓇᐅᑎᒋᔭᖏᑦ Havaktuliriiyit Ihumaliutqiqpagaat 2019-2023. Ihumaliutqiqpagaat aqhuugutiyaat GN kut Turaaqtavut hivuniqhaliuqhimayait havattiaqhugit atugaqhat ilihaqvikhatigunlu tamainni Inuit havaagiyainni kivraqtuiyut hakugingniqhagutigiplugulu havaktuliriiyit havaktiqainnariamilu tamaani havaagiyauyuqhani.

Inuktitukkuuqhimayuq atia, ᐃᖅᑲᓇᐃᔭᖅᑎᓄᑦ ᑲᔪᖏᖅᓴᐃᒍᑎᒃᓴᐃᑦ ᐸᕐᓇᐅᑎᒋᔭᖏᑦ Iqqanaiyaqtinut Kayungiqsaigutiksait Parnautigiyangit, numiktiqhimayuq imaatun “Ilaupkaqtauyumayutun Pipkaiyut Upalunggaiyautini Hulidjutiqhainnunlu Nunavut Kavamanganni Havaktiinnut”.   Maliqhugu hivulliutigiyaat Iviqtippalliajut imaa “Inuktukkuuqlutik atiliuqlutik naunaiyaqlugitlu hivuniqhaliuqhimayut, atugaqhat, havahainnaklugit havaagiyauhimmaaqtuqhat, maligaliuqinirmunlu.

Nutaaq HR kut Ihumaliutqiqpagaat nautiqhimayuq pidjutilihaaqhimayumit ihumaliutqiqpagaannik hitamaniklu hivuniqhaliuqhimaplutik:

  • Inuinnarniq Havaktiqhanik - Amigaikyuummiqattaqlugit ihuaqhiyuummiklugitlu havaagiyauyuqhani Inuinnarnut. 
  • Inuit Ayuittut - Aanngnaqhipkaiplugit, pivalliavikhaliurnirmunlu, pihimaplugitlu ayuittugalit inungnik.
  • Hivuliqtiit Hakugiktut - Hakugiqhiyuumiqattaqhutik havattiaqpaqhutik iniktirivaqhutiklu nakuuyumik hivuliqtiit. 
  • Pittiarnikkut Havagvik - Ikayuutihimmaaqhutik inuuhiringnaktumik pittianikkutlu piplutik kivraqtuiginnaqhutiklu.

Hitamaniklu hivulliutiqhanik piqaqtuq:

  • Qiniqhianirmun ayuittunik havaktiqhanik ihariagigaptigik.
  • Alianaqhipkaqlugit havaaqhat ayuiqyuummiqlugitlu havaktiit.
  • Pidjagiqlugit nakuuhaqlugitlu piliriagaqhat havagviuyinilu. 
  • Iliuraqlutik naunaiyautigiyauyuqhanik naunaitkutiqhaniklu upalunggaiyainirmun ihumaliuqtauyuqhanilu.

Havagviata Havaktuliqiiyitkut hivuliqtiuplutik, kivraqtuiyunutlu kavamanut, havagviuyut, nunavut kuapuraisinggitlu havaqatigiingniaqtait tikiutiyaamingnik hivuniqhaliuqtait hivulliutigiyaitlu haffumani HR kut Ihumaliutqiqpagaanni ukiuni. 

ᐃᖅᑲᓇᐃᔭᖅᑎᓄᑦ ᑲᔪᖏᖅᓴᐃᒍᑎᒃᓴᐃᑦ ᐸᕐᓇᐅᑎᒋᔭᖏᑦ Havaktuliriniqmut Pigiaqtitaunahuarniq 2019-2023