Havaktingit

You are here

13 nutaat aanniarutit qalagyuarnirmun COVID-19 Arviani

Januali 24, 2021

Qilamik Tuhaqtitauyughaq

13 nutaat aanniarutit qalagyuarnirmun COVID-19 Arviani

Iqaluit, Nunavut (Ubluqtuhivia 24, 2021) – Ublumi, Nunavut piqaliqut 13 nutaanik aanniarutinik qalagyuarnirmun COVID-19, tamaita Arviani. Aanniarutiqaqtut tadja 15nguqtut aviktuqhimayumi.

“Kiudjutigiblugu una nutaaq qilamik aaniarutinikkut uvlau atuliqtuq qilamik, inungnun inuuhiinun pittailidjutit Arviani aghuurutaulitut,” uqaqtuq Dr. Michael Patterson,Nunalaani Aanniaqtailinikkut Havakti. “Tingmitailiyaulituq nunallaamun nunallaaminlu. Iliharviit umiktut, tamaita katimadjutit ihariagiyaungitullu kivgaqtuutit pitailiayauyut. Iglut iluini kikliqaliqtut iglumingni ilauyut ilaiutihimayullu talimat inuit qilamiurnikuinaq kihimi. Ivyarutit aulahimaaqtumik atimaquyauyut,”

Tamaita aanniarutiqaqtut naunaitkutiqangitut, naamagalitullu avaliingaaqtullu. Una aaniarut ilauyut amigaitut iglumiitut. Qanitukuuqhimayunun naunaiyaidjutait aulahimaaqtut, havaliqhutiklu ihumaliurutigilugit qanuq aanniarutit atadjutiqaqtut.

Nunavunmi Amigaqhuutiqaqtunun Havaqatigiiktut Ikayuqtiuyut ikayuliqtaat nunallaaq aanniaqtuliqiyit havaqatigiit ungahiktukkut uvalu ilaliutihimayut ikayuutighat tikiniaqhimayut nunallaamun qaiyuni 48 ikaangnirit. Kinali tingmihimayuq Avianin uvanga Ubluqtuhivia 19 apiriyauyut kikliqalugit inmi aktungnirit inmingniklu munarilutik mihingnautinun. Apiriyauyut hivayaqlugit inmi nunamingni munaqhitkut uvaluuniin Iqalungni munaqhitkut, talvaniitkumik, ikayuutauyaangani aktungnikkut munaridjutinun.

Havauhiqtuutit kuapuutikkut piinarialgit huli Arviani. Hivayaqlugit munarhitkut takuyauyumaguvin.

“Ilihimayunga qanuq aghut tamaita Nunavunmiunun havaktut aularutaanin hiamitirnirup, ukualuak avatqumayuk malruk tatqighiutik. Ayungnaqtuugaluaq, Qalagyuarniq COVID qayagilugu ihumagingitaa tamna. Hakugikhimayughauyugut, iliturittiaqluta qayagittiaqlutalu aghut,” uqaqtuq Hivuliqti Joe Savikataaq. “Arviammiut tautuktitinnaqtut anaktuinirmik hungiutinirmunlu. Quviagiyatka tamaita inuit nunamni, apiribluhi qayagittialiqluhi aghut. Pulaaqtaqungitahit aihimainaqnahuaqluhi. Tuyuqtaffi tamaanun hakugingnighamik niriugutighamikli.”

Kinaliqaak ihumayuq aktuqtauhimayuq qalagyuarnirmun COVID-19 uqaudjauyut hivayaqlugu qalagyurnirmun COVID-hivayarvikhaat uvani 1-888-975-8601 talvannga 10min ublaami uvungalu 6mun unnuliqqat. Qikiqtaani ubluqhiutaani, imaaluunniit unniutilugin nunamingni munaqhitkut qilamik, tadjainnarlu avaliingaaliqlutik iglumingni 14-nun ubluni. Upaguirlugin munarhitkut.

Nutaatqijaujunun ilitturipkaidjutikhanun, taapkunungalu qaffiujuni nakuuhijuni aanniaqtunilu nunallaani, takulugu:

https://www.gov.nu.ca/health/information/covid-19-novel-coronavirus. 

Nutaanik kangiqhidjutinik tadja inungnun aanniarutinun pittailiyakhanun, qaritauyakkut takulugit: https://www.gov.nu.ca/health/information/nunavuts-path. 

Nutaanun kangiqhidjutinun nunavunmi qalagyurnirmun COVID-19 havauhiqturnikkut kapuqhiqhutik akhuurharutikkut, takulugu www.gov.nu.ca/health/information/covid-19-vaccination.

Nutaanguqtirhimayut tuniyauniaqtut tuhaqtidjutikkut aqagu, Hivulliq, Ubluqtuhivia 25. Ikaangighait naunaiyautailu tuhaqtitauniaqtut hivuani.

###

Tuhaqtidjutikhanut Uqarvikhaq:

Cate Macleod
Tuhaqtitaujuqhanut Titiraqtia Hivuliqtimun Savikataaq
867-975-5059
cmacleod@gov.nu.ca

Chris Puglia
Atanngujaullakuq, Tuhaqtipkaijini
Aanniaqtailinikkut Havagvia
867-975-5949
cpuglia@gov.nu.ca