Katuhikhiktunut Naunaitkutit

Katuhirhirumaguvit Nunavunmi, piyughauyutit katurhiqtaunikkut laisighamik ukuningaluunniit inungnut ilitturipkaitjutinik angaatjuviknit.

 

Katuhiqtaunikkut Laisighat

Piyaaqtutut katuhiqtaunikkut laisighamik uumanga Katuhiqtaunikkut Laisighanik Pivikmit.

Katuhiqtaunikkut Laisighanik Pivighat hailihimayut amigaittuni nunallaani Nunavunmi.

Atinganut Katuhiqtaunikkut Laisighanik Pivighaup nunallaarni hivayatjavutit akiittukkut (800) 661-0833 uumungaluunniit (867) 645-8017.

$25.00-mik akiriaqaqtuq katuhiqtaunikkut laisighamik.

 

Piluni Katuhiqtaunikkut Laisighamik

Piyaamik Katuhiqtaunikkut Laisighamik, tuniyaghatit hapkuat ilitturipkaitjutighat uuminga Katuhiqtaunikkut Laisighanik Pivighamut:

• Inuuhimanikkut titiraqmik ukunanga katuhiqtauniarhimayungnik
• Tamainnik atiriyainnik tamainni angayuqqaariyauyuni (llaulugu maamakpit katuhirhiqtinnagu atia)
• Humi inuuvaktut tamaita angayuqqat
• Nunatirhimanikkut titiqqat (pitjutiqaqqat)
• Avihimanikkut titiraq(titirat) maligaqtitauhimayulluunnit – una kingulliqpaaq maligaqtitauhimayuq titiraqluunniit piyumayauyuq naliit inuk avihimagumi. Ilihimaluhi: aallat avihimanikkut titiraq piyaulimaittut
• Tuqunikkut titiraq (titirat) naliik innuk aippairaluanga huiqhimakpat)

 

Katuhiqtaunikkut Titirat

Katuhiqtaunikkut titiraq piyumayauyuq imailiuriami:

• Naunaiyautigilugu katuhiqtauniit maligakkuuqtuq
• Pipkainikkut pilaarutait aippariyauyuni nutaqqanilu ihumagiyauyut
• Uukturiami kitunut inungnut ikayuutighanik
• Iniqtirnikkut piqutinik
• Aallanguqtirlugu kingulliit atiit aipparnut atuqlutilluunniit uiguliqtiqhimayumik kinguliqmik atimik.

Pittaaqtutit katuhiqtaunikkut titiraqmik imaa itquvit:

• Titiraqtauyariaqaqtuuk tamangnik inuuk katuhiqhirnahuaqtuuk atiliurviingmut

• Maligakkut pitjutiupluni nalliangnut katuhiqhirnahuaqtungnut

• Angayuqqaak munaqtikluunnit inungmut ataani 18-ni ukiuqaqtuq katuhiqtaunirmi
• Nutarariyauyut katuhiqtaunirmit naunaiyautighakkut angayuqqaariyakkut, ukiuqakkut, inuuviginikkulluunniit angayuqqaami, ukununga maligakkut hulitjutini
• Katuhiqhiyuq, allaluuniit inuk, atia titiraqtauhimayuq angirutaanik nalingnit katuhiqhirnahuaqtungnit
• Kavamatkunni havakvik angiqtauhimayuq Atiliuqnikkut Titiraqtimit uvani Naahaiyiit Inuuyuni Tuqungayunilu Havakviani, pitquyauhimaliqpat maligakkut aallaniluunniit ihuaqtuni hulitjutini

 

Piluni Katuhirnikkut Titiraqmik

Munarhiliqiyikkut tuniyaaqtut katuhirnikkut titiraqnik uplughaqaqtunik piliulraaqninganut Nunavut uvani April 1st, 1999.

Piluni katuhirnikkut titiraqmik, iniqtiqlugu Tukhiruti Titiraqmik titiraqmik. Ilihimalutit tamaita ilitturipkaitjutitit ihuaqtut.

tamainni katuhirnikkut titiraqni (angiyut manipautip aktikkutaaniklu) $10.00-lauyuq atauhiqmut titiraqmut akiliqtauttaaqtuqlu manighaakkut titiqqiqiviup manighaatigulluunnit (akilirutiqaqluni Nunavut Kavamatkunnut).

Titiqqilugit iniqtauhimayut titiqqat uvunga:

Nunavut Vital Statistics
Department of Health
Box 889
Rankin Inlet, NU
X0C 0G0

Phone: (867) 645-8001
Fax: (867) 645-8092
Toll Free: (800) 661-0833
Qaritauyakkut