Havaktingit

You are here

COVID-19 Havagviat Inulirijikkut kivgaqtuutikhait ilitturipkaidjutit

mii 06, 2020

Havagviat Maligaliqijikkut Kivgaqtuutait ilitturipkaidjutit - Mii 6, 2020

Ilvit kinaluunniit ilihimajan aanniqtauhimajuq ningarnirnin ihariahuktuqlu pijaami hulidjutikhanun ikajurutikhaniklu, ikajurutikhat hailihimajun.

Uqaqatigilimaitkuvin nunallaami Inuliqijikkut Havagvingmun, hivajadjavatin Inuliqijikkut Havagvia uvani 1-855-522-5201 kinamun uqaqvigijakharnun. Takujaaqtutillu aallanik ilitturipkaidjutikhanik uvani Qulliit Nunavunmi Qanurilinganinginnut Arnait Katimajiinni Facebook-kut takuvianni.

Ihariagiguvin ikajurutikhanik, qanuriliurutikhaqaqtutin. Ikajuqtauniaqhimalutin uqaqatigidjavatin naliit hapkuat:

Nunavut Victim Services (Anniqtauhimajunun Ikajuqtiit

1-866-456-5216

Ilagiiktut Pimmarlungnikkut Hattumiarutikhainut Maligaq (FAIA) hivajautaa

1-844-534-1038

Nunavut Kamatsiaqtut Ikajuqtit Hivayautaa

1-800-265-3333
(24nik ikaarniqaqtuq, 7ni ubluni)

Nutaqqat Ikayuutikhaat Hivayautikkut

1-800-668-6868

Isaksimagit Inuusirmi Katujjiqatigiit

1-866-804-2782

Taanngaqtailinikkut

1-888-616-4011

Maligatigut Katimaviingit Nunavunmi
– maligatigut naunaitkutikhat/imaligaliqijimik pijuaguvit:

1-888-990-4665

Tukisigiarvik Centre – Inuuhiriqnirnun (Iqaluit)

1-867-979-2400

 


Havagviat Inulirijikkut kivgaqtuutikhait ilitturipkaidjutit - Iipu 30, 2020

Tamaita Inuliqiyit Havagviit kivgaqtuutailu havaktauliqtut ivayautikkut - tamaita ihariagiyauyut kivgaqtuutit (imaatun qilamiungnikkut kivgaqtuutit nutaqqanun, inulramirnun, arnanun, igluqangittut, iningnikhallu ayuqhautiqaqtut piinarialgit 24/7) atuqtauhimaaqtut. Hivayaqlugu 867-899-1886, 24/7.


Havagviat Inulirijikkut kivgaqtuutikhait ilitturipkaidjutit - Iipu 22, 2020

Ukununga FANS-kut ilihaqtunun:

Kihianun pinahuarutit ilihaqtarni aulahimmaaqqat May-mun, FANS maniliqtuutikhait taimaaqtun April 30mi, 2020. Kingulliqpaaq akiliurharutit ilijauhimajuq maniqarvingnun uvani April 15mi, 2020.

Pidjutaanun, FANS-kut havagvia pidjujaatin utiquplutin nunallaarnun.

Piqaqtutin talvunga May 1mun, 2020 ihuarhaijaarni tingmidjutikharnik utirutikharnik nunangnun. Qaangiqqat una ubluq, pidjutikhaqangittugun piqpiarutikhamik FANS akiliqtaarutaanik tingmidjutikhanik nunangnun.

Ihuarhaqtaaqtat tingmidjutikhat nunangnun talvuuna Top of the World Travel qaritaujakkut titiqqilugu una cindy@topoftheworldtravel.com

Ilihimalutin, malikhugu FANS atugakhaq, ikingitkuvin tingmidjutikharnun, ilvit akiliqtakhat ilingnik tingmidjutikhat utiudjutikhat nunangnun. Taimaatun, kangiqhihimattiaqtakhat tingmidjutikharni naunaitkutaa.

FANS tujurniaqtuq aallaniklu ilitturipkaidjutikhanik aqaguani havainirmi pivigijaujuni maniliqtuutikhanik aulapkaidjutikkut akilirutikhanik qaangiqqat April 30, 2020.

 


Havagviat Inulirijikkut kivgaqtuutikhait ilitturipkaidjutit - Iipu 6, 2020

Ikajuuhiqijitkut Kivgaqtuutikhait tamainni Nunavunmi

  • Talvanga March 23, 2020, havagviat tuniukhaijut ikajuutikhainnik inungnut hivajautikkut.
  • April Ikajuuhiakhait akiliutikhait havaktauniaqtut aturlugit March mi ikajuuhiarutikhainnut naunaijautingit.

April sakhaliuqtait havaktauniaqtut imaalu talvungauvikhainnik ikajuuhiaktukhat ihuaqhainiaqtut naunaiqhilutik ublukhanik ubluqhititkkullu aikhirvikhanik. Upautivikhahi ihuaqhaqtauhimajut imaalu atauhiinnarmit inungmit havagvingmungaujukhamik.


Havagviat Inulirijikkut kivgaqtuutikhait ilitturipkaidjutit - Maassi 30, 2020

Hilataanit avikturnianit ilihaqtut utirumagumik nunamingnut Nunavunmi aullaqtiqtut 14-ni ubluni anihimaittumik nayuqtakhamingnit nunanginni Ottawa (31 ilihaqtut) ukuallu Winnipeg (15 ilihaqtut).

Aulahimaaqtun kivgaqtuutit:

  • Ilihaqtut maniliqtuutikhat: tamaita ilihaqtut maniliqtuutikhat hivittuqtauniaqtuq nungunniarutaanut Qitiqqautiyuql.

Ihuaqhaqtauhimajut kivgaqtuutit:

  • Sajtajjurutikhat Kitikmeot Nunallaanginnut aullaqtuq Iqalungnit Salutimi tamainnut avikturnianni ilihaqtunut. Satakkurutat mittuq tamainnut nunallaanut upaktakhamingnut.
  • Kitkut ilihaqtut naunaiqtauhimaittut utirumaplutik nunamingnut imaalu piyariaqaqtut, tingmitikkuurialaqiyut tadja atuqquyauyut maliqalugit, e.g. 14-ni ubluni anihimaittumik nayuqtakhamingnit Yellowknife-kuurlutik ikivikhaittut tikitkumik Yelllowknifw-mut.

Havagviat Inulirijikkut kivgaqtuutikhait ilitturipkaidjutit - Maassi 24, 2020

Nunavummiut ilihaqtut utirumajut Nunavunmut tingmidjutit nutqaqtitauhimatitlugit pijariaqaqtut 14-ubluni anihimaittumik iglumiujukhaujutit hivitunianik nalliani najuqtauvikhani hivuraani Kanadami. itirarvigidjavat una qaritaujakkut fans@gov.nu.ca qanuriliurutikharnik.


Havagviat Inulirijikkut kivgaqtuutikhait ilitturipkaidjutit - Maassi 23, 2020

Ministaup Tuglinga ukuaninani Inulirijikkuni Kivgaqtuutikhainnik ilitturipkaidjutikhangit pidjutiqaqtunik iligaqtut tingmidjutikhanut utiulutk Nunavunmut:

Inulirijikkut, Aanniaqtailijikkut, Ilinniaqtuliqijitkut, ukuallu Nunalingni Kavamatkunillu Pivikhaqautikkuthavaqatigiikpakhutik naunaijaijut qajangnaittumik utiutikhanik ilihaqtut hivurani iliharvigjuanit nunamingnut tamainni Nunavunmi.

Tapkuat ilihaqtut utirumaliqtut hadja, pijariaqaliqtut tadjamit avaliingaqtitauyukhat anihimaittumik naunairiiqhimajunni nunagijaujunni imaatut 14-ni ubluni hivituniqaqtumik hivuani ihuaqhatauhimajumik satakkurvikhanik tingmitikkut utiutikhanik Nunavunmut. Ukuak malrrujuk iliharvigjuak nunanganiittuk Ottawa hamanilu Winnipeg. Kivallirmi hamanillu Kitikmeotni Avikturnianni ilihaqtut katinniaqtut Winnipeg-mi aullaqtiriamingni 14-ubluni avaliingaqtitauyukhat anihimaittumik kinguliqpaak ilihaqtuq tikitpat iliharvigjuamut. Qikiqtaalungmi/Qikiqtani Aavikturnianni ilihaqtut katinniaqtut Ottawa-mi iliharvigjuanganni, taimaatullu iliuriamingni – kinguliqpaak ilihaqtuq tikitpat iliharvigjuamut 14-ubluni avaliingaqtitauyukhat anihimaittumik aullaqtirniaqtuq. Tingmitikhat satakhat tamagingnit nunangnit utiutiniaqtait ilihaqtut Nunavunmut.

Utaqqititlugit anihimaittumik Ottawa-mi hamanillu Winnipeg-mi, ilihaqtut pittaarniaqtait atuqtakhatik iniqtiriamingni ilihaqtamingnik imaatullu pittarniaqtait aanniaqtailinikkut ajuiqhattiaqhimajunik takujaktuqpangniaqtait qanurittakhainnik hunnailliuqqatalu ihariagijainnik tunijaujanginni. (Imaatullu amiqhijukhamiki havaqatigiiktuqarniaqtuq munaqhijukhanik imaatullu ihuaqhaijukhanik ajuqhautinik taffumanga aulapkaidjutikhanit)

Tuhaqtitakhat Ilihaqtunut: Ainnarirumaguvit qakugunnuaq, puuqtuidjavutin tamajarnik upalungaikhimalutit aullarvikharnik nalliangnut katilvikhaptingnut. Uqqumaitilaaqarniaqtut puukattakhatit amiaitilaqarlutiklu tamangnut tingmitikkurvikhanik imaatullu satakkurvikhanik tingmitikharnik.

Inungnut timimikkut ajuqhautiqaqtunut imaaluuniit pijariaqaqtut, naunaiqhijariidjavur tingmitikkut havaqatigiiktunut ilaujumut hivajaqqatit.

Ilihaqtunut iniqtirijumajunut ilihaqtamingnik iliharvigijamingni, kihimi utiujumajunut, FANS-kut akilqturniaqtait ta;vunga hivulliqpamut hailijumut ihuaqhaivikhanik angilrauvikhanik nunanganut.

Kangiqhijara aallanit inuguangniinnit utirnahuaqtut Nunavunmut, aallanik apqutikhaqaqtuq utiuvikhnik. Tingmidjutikharnut akiliqtaujukhanik,taimaatut FANS tuqtakhaliuqhimajait ullahimmarniaqtut.

Qaritaujakkut titiqitauniaqtut ilihaqtunut ublumi apiqhurlugit tujuqulugit ublumi tunihitqulugit FANS-kunut naunaitkutikhainik imaatullu tujauniaqtut naunaitkutikhainnik, atuqtakhainnik.



Havagviat Inulirijikkut kivgaqtuutikhait ilitturipkaidjutit - Maassi 20, 2020

Ihuaqhaqhimajut kivgaqtuutikhait:

  • Nunalaani Ikajuuhialiqijikkut Havaktiit (CSSW) ilijauhimajut “Amigakhuutaujunut Hivajaktaujukhat” hamuuna. Kinaliqaak uqaqarigijumagumi CSSWmun hivajaqtaaqtut havangnaiqhimatillugu nampaanut nunamingni.
  • Inulirijikkut apiriyait tamaita Ikajuuhiakpaktut, Havakhanun Pivallialiurnikkut imaalu Ilagiiktunut Inuuhiringnaqtumik ikajuqhiqtauvaktunut havagviangnungauhuirlutik piqangitkumik ihuaqtauhimajumik qaitquidjutinik.
    • Tamarmik inuit ikajuqtaujumajut hivajaqujaujut naunaiqhijamingni takujauvikhamingnik ubluqhiutikkut ubluaniklu ikiglinahuarutikhanik inuugiakpallangittumik uttaqqiviinni.
  • Ikajuuhiaqtuliqijikkunni ikajuqtauvaktuq Iglulluaqaqtun akhuurhaqtaujun qaitqujaplutik avaliittumik qaivikhamingnun, apirujutun qarrititailipqulugin kitkun, (aippat nutaqqalluunniit).
    • Kinaliqaak inuk aanniaqtuq imaaluuniit aullaqhimajuqluuniit nunaminit (aanniaviliaqhimajuq havautituqtitaujuq ikajuqhiqtaujuq aanniarvingmi) hivajaqtakhaat ikajuuhialiqijikti havakti tamna havakti ihuaqhaijangani aggidjiluni sakharnik naliangnut nivvavingmut imaaluunniit kitup ilaruhivit aijakhaanik.
       


Havagviat Inulirijikkut kivgaqtuutikhait ilitturipkaidjutit - Maassi 19, 2020

GN-kut havaqatigijait najugakhaittunut katimavingit pillahijanginni hivitutqijamik ikarnikhainnik imaatullu pijanginni aallanik inikhainnik maliqajanginni inungmiuyut qanitturiikhimaittumik. Pingahuinnaujut najugakhaittunut iglugijaujut Nunavunmi umikpaktut ubluummangurangat.

Kihiani uqagiikhimavakhimayuq, tapkuat havagviuyut ikayukhimaanginaqtun aulahimayukhat  havaangani havaktamingnik. Ilitugidjutikhangit nuititihimaarniaqtugut ubluq tamaat. 

Maniktarvikhat Ikayuutikhat Nunavunmi Ilihaqtunut (FANS) unalu Inirniit Ilihaqtut unalu Ayuiqhautikhanut Ikayuutikhat (ALTS)

  • Ilihaqtut aullayunaittut tadja iliharvigijamingni nunangani nunguvikharaluanganut aglaat ilihaqtakharmik. Tadjamut, iliharvikhait nutqaqtitaullakhimajut, taimaaqtitauhimaittut.
  • Ilihaqtut iglugijait angmaqhimaniaqtut huli, imaalu ilihaqtut pipkaqtaullajut ilihaqtut igluutainni ittaaqtut nunguanut Qitiqqautijuq. Iliharviit aullahimmaarniaqtait niriviit ikajuutikhangit.
  • Ihuaqtumik pijanginni kiinaujailiurnaittumik ajuqharnaittumik ahianiitunut avikturnianni ilihaqtunut, tapkuat tunijauvaktut maningmik taffumanga FANS-kut imaaluuniit ALTS-kut tunijauhimmaarniaqtut manikhanik ahianiititlugit nunamingnit.

Ihuaqhaqhimajut kivgaqtuutikhait:

  • Ikajuuhiakpaktut, Havakhanun Pivallialiurnikkut imaalu Ilagiiktunut Inuuhiringnaqtumik ikajuqhiqtauvaktunut hivajaqutaujut naunaiqhilutik takujauvikhamingnik, havagviptingungauhimaittumik: 
    • Inuit tamarmik hivajaqujaujut naunaiqhijamingni takujauvikhamingnik ubluqhiutikkut ubluaniklu ikiglinahuarutikhanik inuugiakpallangittumik uttaqqiviinni.