2022 Nunaqaqqaaqhimajunun Inungnun Apirhuutit

Kavamatkunnin Tuhaqtitaudjutikhaq

2022 Nunaqaqqaaqhimajunun Inungnun Apirhuutit

Una 2022 Nunaqaqqaaqhimajunun Inungnun Apirhuutit (IPS), havaktauhimajut hapkunanga Statistics Canadakunin, tadja katitirliqtut ukualu Kavamatkut Nunavunmi aghuuhaijut Nunavunmi Inungnik ilaulutik.

Apirhuutaujut naunaijautinun ilaujut havaktunun havangitunun, iliharnirmun kangiqhidjutait, ajuitait ilihaqpaghimajait, aanniaqtailinirmun, uqauhikullu, ukualu apirhuutit piumanirmun upalungaijarnirmun kavamatkunu havangnirmun.

Naunaijautinun apirhuutit ilaujut kavamatkuni havaaghait havaktauhimajut havaqatigiblugit ukua Statistics Canada, Nunavut Tunngavik Incorporatedkut, ukualu Kavamatkut Nunavunmi, Pilimmaksaivik, ukualu Employment and Social Development Canadakut.

Kinguani naunaijautit qanuriniit ikajuutaujut kangiqhipkariangini kavamatkut ukualu Inuit katimajiit ihuaqhijuumiriangani maliruagahat pinahuarutillu. Imaa ilaublutik naunaijautinun, Nunavunmi Inuit ikajungniaqtut naunaijariangini qanuqtut amigaiqjuumiqlugit Inuinnait havaktut kavamatkuni.

Titiraq titqiqivikkut tujuqtauhimajuq tapkununga piujaujunun ilaupkaquinirmun uvani IPS inmi aalangajuq munaridjutiqaqtut naunaitkutaq ukualu maligahat qanuqtut ilaujaangani naunaijautini. Qaritaujakkut havaquijut naunaijautinik. Statistics Canadakut apirhuijiit uqaqatigilugit kiujut upaklugit hivajautikuluuniin.

Iniqtiriami apirhuutit hivajautikkut ukauluuniin naunaijautinun-ilaujut apirhuutit hivajaqlugu 1-833-977-8287. Ajurhautikkut ikajuqtaujaami pijaamiluunniit munaridjutiqaqtumik naunaitkutarmik hivajaqlugu 1-877-949-9492 titiqqiluguluunniit qaritaujakkut infostats@statcan.gc.ca.

Aallanik ilitturipkaidjutikhanik, takulugu www.statcan.gc.ca/IPS.

###

Tuhaqtipkainikkut Uqaqvigijakhaq:

Anthony Canny          
Tuhaqtipkainikkut Ajuittuq
Inuliriijikkut Havagvia
867-975-5207
ACanny@gov.nu.ca