Ikayuuhiarniq (IA)

Ikayuuhiarniq talvaniituq ikayugiangat Nunavut ilaqaqtunik inuklu nanmigutikhainik piqagiangat hunavalungnik hanaqitjutikharnikkut, tapkunungalu ayungnautiqaqtunut, maniliuluangitunut havaktitaukaffukhimayunutlu, taima pilualimaitun piutikharnik inmikkut.

Tamna Ikayuuhialiqiniq hanaqitjutikhaq naunairutiqaluaqtuq taima kinguliuyuq ikayuutikhaq.

Una naunairutilik taima havaktakhatin atuqhimaaqtatin tamainut allanik havaaqhaqnik taima pigiaqaqtangnik havaanganik qullangnaiyautikharnik, allatqiinguyut qullangnaiyautikharnik havaaqharnik, havaktunut maniktaqvikharnik, nuttarangnutlu akitutikhainik, taimalu pigiaqaqtutin allanik manikharnik taima piqagiaqaqtutin hivullirmi, taimaitunik manikharnik maniliqivikyuangani tapkuningalu RRSP-ngitnik, uuktuqtinatin kavamanin havaaqharnin.

Taimalu havagiaqaqtutin ilingnik ukiuk tamaat taksikharnik utiqtiqtukharnik.

 

Kina uuktugiaqaqtuq: Inuk kituliqaak ukiuqaqtuq 18nik avatquhimayumikluuniit maniiliuqtunik inuuhimaagiangat Nunavunmi uuktugiaqaqtun Ikayuuhiarutikharnik.

 

Naunaiyainiq Pigiaqaqtunut: Havaqatigiyakhat Ikayuuhialiqiyi tatqikhiut tamaat maniliuknikkut ihivriudjutikharnik iniqtiqtukhangit.

 

Hunanik qaritiyakhatin Hivullirmi Upautiniaqtangnut: Tuniuhauyutin aadjiliukhimayunik inuuvianik naunaitkunik, inuuhiangit nampait, aanniaqtailinikkut naunaitkutiit nampait, ilaulugit allat ilitugitjutikhat piqaqtukhat iniqtigiyaangat uuktuutikhat.

Taima talvani upautihimatilunga, tamna Ikayuuhialiqiyi uqaqqatiginiaqtuq ilingnun ihivriuqniaqtuqlu tamainik pigiaqaqtunik hanaqitjutikharnik taima piyagiikhimayangnik taima naunaiyaiyaangat pidjutikharnik.

Pitjutikhangit tuniyauniaqtun upautiyaktuqtuhimaaqtunut tapkununga aulagiaqaqtun talvuuna havaaqhanut pitjutikharnut atuqtakhanik. Taima pigiaqagungnaqhiutin Ikayuuhiarutikharnik taima manikhailiuliguvit piumayanganik hunavalungnik taima uuktugiikhimaliguvit allanik uukturutingnik taima nalvaaqhitinatin maniliurutikharnik, taimaitun ilauyut havaaqhaqhiuniq taimalu aulahimaaqniaguvit ihuarutikharnik inigiikhimayunik hanaqitjutikharnik taima nanminingnik aulavikharnik.

Taimaitunik amigaitunik hanaqitjutikharnik havagiaqaqtutin naunaiyagiikhimayunik hanaqitjutikharnik Ikayuuhialiqiyatlu.

Ihuaqtunik aulatjutikharnik ilauhimayut taimaitunik iliharniq, ayuikharnik, angayuqaliqinikkut taimainun hanaqitjutingnikkut, havaaqhaqhiurnikkut, niqiliqinikkutlu imaa/imaaluuniit ihumaliqinikkutlu taimaluuniit taaqniliqinikkut imingaqnaqtunikkutlu uqaudjiuqaqlutik. Inuit kituliqaak taima ayungnautiqaqtun taimaluuniit avaquhimayut ukiungit 60nik ilaulimaigumik nanminikharnik hanaqidjutikharnik naunaiyagiikhimayunik.

 

Qanuq uuktugiaqaqtutin: Hivyaqlugu nunalaani Ikayuuhialiqiyi naunaiyaiyaangat upautigitinagu.

 

Hivayautikkut naunaitkutiit Ikayuktikhailiuliruvit naunairutikharniklu, hivuayaqlugu Ikayuuhialiqiyi Inuuhiriliqiyilu Aviktuqvingmiituq Havagviangit:

 

 

Kitikmeot: 867-983-4032         1-800-661-0845

 

Kivalliq: 867-645-5040             1-800-953-8516

 

Qikiqtaaluk: 867-473-2600       1-800-567-1514