Havaktingit

You are here

Maniliurniqmut Taaksiutingit

Tamaita kavamangit Kanatami aulatitihimayut taaksikharnik talvuuna manikharni, unalu Nunavut kinguliungituq.

Nunavut aulayuq ikitqiyaupluni inkam taaksinigt akikhangit nunaqyuaptingni. Tamaat aulanirmi, Nunavut inkam taaksingit hanaqidjutikha aulahimaartuq, ihuaqtumik aulayuq, maniliqinikkutlu atuqtauhimayuq tamainun allanik Kanaitian nunalaani, ilauyutlu allauyut malruq nunat ukiuktaqtuniitun.

Naqitlutin qaritauyaliqidjutinga aadjiliurutikharnik talvani Nunavutim Inkam Taasksiliqiyunik Maligaq unaluuniit Inlam Taaksiliqiyunik Malikhautikhangit.
 

Taaksingit Akitilangit

Inkam taaksingit aulahimaanginaqtun, naunairutiqaqtun akitilangit angikliyumiqtun taima inungnik maniliukhimayainik angikliyumigumi. Inkam taaksingit nallunaitkutikhangit ihuahaqtaunginaqtun ukiuk tamaat. Naunaiqhimalugu talvuna Nunavut Taaksiliqiyunik Akitilaangit Titiraq uvani ukium inkam taaksingit akitilaangit nallautikharniklu.
 

Inkam Taaksingit Titiqiqidjutiliqidjutait

Tamna titiqiqidjutiliqidjutait inkam taaksingit hanaqidjutikharnik munagiyauyuq talvuuna malrungnik inkam taaksiliqinikkut maligaq, atauhiuyuq kanatam kavamaliqidjutitigun uvanilu atauhiq ukiuktaqtunik kavamaliqidjutaitigun.

Nunavut Kavamangit piqaqtun taaksikharnik katitiqtukharnik angirutikhaq taima aulatitiyaangat Canada Revenue Agencykut (CRA) katitiqhiyaangat taaksivut uvaptingni, titiqiqidjutiliqiyukhat inkam taaksingit qaritauyangnun uvaptingnun, tuniyaangatlu ilauyukharnik ikayuutikharnik uvaptingnun talvuuna ikininganiqaqtunik akikharnik. Nunavut angirutihimayut taima taaksivut aulavikhangit aadjikikhimayukhat kanatam atuqtainik ihuaqtauyukharnik titiqiqidjutiliqiyukharnik atuquyauyukharniklu.

Nunavutim Inkam Taaksingit Maligaq munagiyauyuq inkam taaksingit aulatitirutikhangit, aulayutlu talvuuna kanatam taaksiliqiyunik atuqtainik ilitagiyaangat nunaptingni-atuqtainik malikhautikhangit, taimaitunik akhurnaqtunik taaksingit atukiutikhangit avaliitun talvani Nunavunmi.
 

Taaksinik Katitiqhimayut

Inkam taaksingit munagiyauvakhimayut talvuuna Canada Revenue Agencykutnin (CRA) tapkuninga piutigiyaingit Nunavunmi.


Anullautikhangit Akiliktuiyukharniklu Ihuinaaqtunik

Inuk tamaat ihuinaaqhimayuq pingitkumilu talvuuna atuqtauyukharnik talvani Inkam Taaksingit Maligaq malikhautikhangitluuniit ihuinaaqhimayuq ihuinaarutingnik.
 

Ihuinaaqhimayainik

Ihuinaaqhimayut naunaiyagiikhimayut talvani Inkam Taaksingit Maligaq (Kanata) ilauyukharnik hunavalungnik taimaitunik:

  • Iniqtingitkumi taaksinik utiqtauyukharnik.
  • Ihuangitumik titiqiqidjutiliqiyunik, ilaupluni taaksiliqiyunik ihuinaaqhimayunik unaluuniit ihumaliukhimayumik aulatitiniaqhimayuq ihuinaarutingnik talvani maligaq.
  • Ihuinaaqhimaliqtuq hiamitiqtukhaungitun taaksinik naunairutingnik aulatitiniaqtun hivunaptingnik ihuinaaqhimayuq aulaniaqtuq.
     

Ukiuktaqtuni Nallaumahimayut Malikhautikhangit

Qaffiuyunik nanminikharnik inkam taaksingit uuktuutikharnik ilauyut talvani Nunavutim Inkam Taaksiliqiyunik Maligaq piqangitun kanatami havaqatigingitainik. Ukuat uuktuutikhat ayungnautitiniaqtun katitiqhimayunik talvani nunaptingnik inkam taaksinik katitiqhimayunik, kihimi ayungnautitingituq katitiqhimayunik kanatam inkam taaksingit katitiqhimayunik. Ukuat uuktuutikhaq imaitun:

  • Akikhangit inuuhimaagianganik taaksiliqinikkut atukiutikhangit
    Nunaqaqtun pigiaqaqtun utiqtitiyukharnik taaksinik atukiutikharnik taima $1,200 tallamik.
     
  • Akikhangit inuuhimaagianganik aipaitunik angayuqangit
    Aipaitun angayuqaangit maniliukhimayut avatquhimayumik taima $60,000 tallamik ihuahaqhimayunik maniliukhimayainik pigiaqaqtun manikharnik utiqtitiyukharnik taaksikharnik atukiutikharnik taima angiktilaaqhimayunik taima $255.12mik.
     
  • Ikayuinaqtun Qaptiqliqiyut Taaksingit Atukiutikhangit
    Tamaita ubluq tamaat aulahimayut ilanganiklu ubluanganik ikayuinaqtun qaptiliqiyiingit iniqtiqhimavakhimayut taima 200 hananik ikaakninik nunalaani ikayuinaqtunik, ilauyuq ayuiqhautikharnik pigiaqaqtun pidjutikharnik taima $586 tallamik utiqtitilimaitun maniit taaksinik atukiutikharnik talvuuna 2018mi. Una atukiutikhangit naunaiyagiikhimayuq akituryumirutitigun ukiuk tamaani.
     
  • Ilihainiq unalu Ilihairutikhat mapiraangitlu ilihairutit taaksinik atukiutirutikhangit
    Ubluq tamaat ilihaliaqhimayunik ilihaqtun ikikliyumiqtitigiaqaqtun taima $465 tallamik tatqikhiut tamaat ilihaqtilunik talvanga taaksiliqiyunik inkamliuktainik. Ilanganik ubluanganik ilihaqtun ikikliyumiqtitigiaqaqtun taima $140 tallamik tatqikhiut tamaat taima ilihaqhimaaqtilunik.