Havaktingit

You are here

Havaarijavut

Atanngujaqarviit Iqalungni, avikturnianni aulapkaijit Kangiqlinirmit, Iqaluktuutiami, Iglulingmi, Havagviat Kiinaujaliqijikkut havagvingit Nunavut Kavamanga (GN).

Tautuktuujaqtavut

Havagviat Kiinaujaliqijikkut havalkpaktut tautuktuujarumajamingnik nallianut:

  • Kavamatkut ihuaqtunik ihumaliuqpaktut aturnikhanut inungnut piqutikhait ihuaqtunik naunaitkutikhangillu, qaujihainikkut uqaudjinikullu;
  • Kavamatkut auladjutikhait ihuaqtumik aulladjutikhanut, ikajuqtauvaktut ihuaqhaiplutik aallatqiinik ajuiqhattiaqhimajunik inungnullu ihumagiplugit kivaqtuidjutikhangit;
  • Kavamatkut kiunnaqtut Nunavummiunut, ukpiruhuktut atuqtakhangit havauhikhangit ihuaqtumik munarijaujut inungnut maniliqtuutikhangit.

Hunanik havaktaaktugut

ikajuutikhanut GN-kut ublumit ublumut auladjutikhanginut, hivumuuqpalliadjutikhanik Maligaliurviup kavamaliqinikkut pinahuaqtavut, pinahuarlugit takujumajavut havagviujunut, Havagviat Kiinaujaliqijikkut :

  • Tunihiluhi ihuaqtunik nallaumajunik uqaudjidjuhikhainnik qaujihaidjuhikhainiklu ikajuutikhanut ihumaliurutikhanginnik aturnikhanut inungnut atuqtauvaktunik;
  • Tunihivaktut aallaqiinik pinahuarutikhanik hulipkaidjutikhaniklu ikajuutikhanik kavamatkut atugakhat auladjutikhaniklu; unalu
  • Kiunnaqtunik atulirnikhanut havauhikhanik munaqhinirmut unniudjutikhaniklu aturninganik inungnit maniinik.

Naunaijautigilugit amigaittut havaarijakhangit havakpaktavut, GN-kut Kiinaujaliqijikkut:

  • ikajuqpaktut uqaudjiplutiklu Kiinauyaliqinirmut Munariniq Katimajiit(FMB) ministait;
  • munaqhivaktut akiliuhiakhainnik ikajuutikhanginiklu GN-kuni havaktiit;
  • akilikhivaktut akiliktakhanik pidjutigiplugit havagviujut;
  • katikhivaktut maniliurutikhanik atugaujunik akiliqtaujukhanik GN-kunut;
  • upalungaijaivaktut unniudjutikhanik ukiungata nunguani kiinaujaliqidjutainut titiqqanik;
  • piliuqpaktut munaqhiplutiklu GN-kut kiinaujaliqutainnik atuqtanginnik;
  • munaqhivaktut avikturniaani taaksijautainnik atuqtanginnik;
  • qaujihainikkut iluanni pinahuarutit havauhikhanginniklu;
  • munaqhivaktut GN-kut qulanautauti makpiranginnik;
  • munaqhivaktullu GN-kuni tamainnik maniliqtuutikhanginnik imaalu maniit tuniuqhaidjutikhangit havaktaujukhanik;
  • kivgaqtuijut GN-kuni pijumajainnik nunarjuami ukiungani imaalu kiinaujaliqutinginut ajuqhautinginnik;
  • munaqhijut GN-kuni havaqatigingnikkut avikturnianni kuapuliisikkut imaalu kavamatkut havagviinnik;
  • munaqhivaktut kavamatkut maniliqidujutinginnik;
  • maniliurutikhanginnik qaujihaiplutik qaujihaidjutikhaniklu;
  • hivuliqtuivaktut GN-kut ihumaliurutikhanginnik taanganut higaarlukkut atugakhanik
  • laisikhanik munaqhidjutikhaniklu taanganik higaarlungniklu niuvvavikhanik Nunavunmi.