Havaktingit

You are here

Pipkainiq uuminga Uqauhirmut Quviahuutiqarniq 2014

Iitjirurvia 17, 2014

Tuhaqtitauyughaq

Pipkainiq uuminga Uqauhirmut Quviahuutiqarniq 2014

IQALUIT, Nunavut (Fepyuali 17, 2014) – Nutaat qaritauyakkuurutikkut, titiraliuqhimanikkut aallakkiiknilu-tuhaumapkaitjutitigut hunat hailihimayut ilitarinikkut uuminga Uqauhirmut Quvias=huutiqarniq, tukiqaqtuq "quviahuutiginiq uqauhiptiknik". Qanurinninga uvami ukiup hulitjutighaani, piyuq Fipyuali 17min 28mun Pitquhiliqiyitkunnit, una "Uqauhikput pitquhiptiknik hakugiktiyuq". Uqauhirmut Quviahuutiqarniq Nunavutip malruuknik-havanirnik quviahuutiutigiyaa Inuktunmik, taamna pitquhikkut, atauhiq taitjugit uqautauyuq tamarnik Inuinnaqtun Inuktitullu atauttikkut.

"Inuktut hakugiktumik tunnganiqaqtq, kihimi ihumaaluutigihuiqtaghaungittaqqut," uqaqtuq Nanngariyauyuq Paul Okalik, Minista Uqauhinun. "Mikiyut ihumaliuqpaktavut upluq tamaat pipkaivaktut uqauhikput pitquhikpullu hakugingninganun. Aghuuqtatka Nunavunmiut atuqulugu Inuktut aihimavikni, iliharvikni, havakvingnilu—tamainni inuuhirni, naliinni pituhikkut hunirnir uqaqatigiiqatiginirniluunniit ilanani qaritauyakkuurutikkut."

Uvunguna ukiup quviahuutigininganun, Pitquhiliqiyitkut tunihiliqtuq:

• Iglarnaqtut! – titirauyaqtauhimayuq katitirhimayut iglarnaqtunik unipkaanik (qaqritauyakkuurutikkut titiraliuqtauhimayukkullu);

• Timiup Kisukuttilimaangit Taiguusingit/Timimi Kituuyaakhait Taidjutait – pinnirhaqhimayuq aturutighaq aanniaqtailinikkut ayuittunun ukununga aanniaqtailinikkut uqaqtinun uvani timikkut Inuktut (qaqritauyakkuurutikkut titiraliuqtauhimayukkullu); unalu

• Inuktut makpiraat, ulapqitjutit, anniviinni aturutit CD-kut, ukuningalu piannannuanik iliharviknun nunallaanilu makpiraaqaqvikunun tamaani Nunavunmi.

Havakvik aghuurhaqtait aallaallu timiqutit ilauquplugit hunilirni pitquiyullu Nunavunmiunnik takupkainikkut piksaliuqpaktamiknik uvani Uqauhirmut Quviahuutiqarniq 2014 qaritauyakkuurutikkut takuyaqtuqviani uvani uqausivut@gov.nu.ca.

Aallanik ilitturipkaitjutighanik uumani Uqauhirmut Quviahuutiqarniq 2014, takuyaqtuqlugu www.ch.gov.nu.ca.

###

Uqaqatigivikhaq:

Leevede Atagoyuk

Atannguyaq Tuhaumapkaitjutini

Pitquhiliqiyikkut

(867) 975-5526

latagoyuk@gov.nu.ca