Havaktingit

You are here

Inungnut qauyihaidjutikhat uumunga Nunavunmi Iqalukhiurnikkut Qanuriliurutikhanut Nutaanguqtirutikhaq

Iitjirurvia 20, 2014

Inungnut Tuhaqtidjutikhaq

Inungnut qauyihaidjutikhat uumunga Nunavunmi Iqalukhiurnikkut Qanuriliurutikhanut Nutaanguqtirutikhaq

Aullaqtirutikhaa Ublua: Iidjirurvia 20, 2014

Umigvikhaa Ublua: Iidjirurvia 20, 2014

Iqaluit, NU 45 sec
 

Ilagiyaanut Nunavunmi Iqalukhiurnikkut Qanuriliurutikhanut Nutaanguqtirutikhaq pidjutaanut, Nunavunmi Kavamatkut Avatiliqiyikkut inungnut qauyihainiaqtut Iqalungni ublumi unnukpat, Hitammiut, Iidjirurvia 20, 7 p.m.-mit to 9 p.m.-mut talvani Navigator Inn. Tikittumayaannut qauyihaidjutikhanut taimaa tuhaalugit ihumagiyatik piyakhanut, ihumagiyatit pilluagakhallu Nunavunmiutanit pidjutigiyainnut iqalukhiurnikkut unalu hivun’ngani pivalliadjutikhat iqalukhiurnikkut Nunavunmi. Tiituqtittiniaqtut kaapiturlutiklu.

Hivullikmik piliuqhimayuq una Nunavunmi Iqalukhiurnikkut Qanuriliurutikhaq iniqtirhimayuq 2005-mi havaqatigiikhutik ukuat Nunavut Kavamangat unalu Nunavut Tunngavikkut Timiunga. Hivullikmik piliuqhimayuq qanuriliurutikhaq ikayuutauyuq atuqtakharivlugu maliklugu Nunavunmi iqalukhiurnikkut pivalliadjutikhanut ikayuutaulunilu naunaittumik ihuaqtumik havaklutik angikliyuumiluni havagvikyuaami. Nutaanguqtirutaa qanuriliurutikhaq ikayuutigiyait ihuaqtumik pidjutigiyangit naunaikhugillu nutaat pidjutikhat ikayuutauniaqtunut Nunavunmi ihuaqtumut ikalukhiurnikkut havagviinnut nakuuyumik havakpagianginni.

Katimapkainiaqtut amihuvyakni nunallaani Nunavunmi,kihimi ubluit naunaikhimaittut. Naalakluhi nunangni naalautikkuurutaa naunaikhidjutikhainut. Naunairumagungni, uqarumaguvitluunniit uqarumayangnik katimayaktulimaitkuvillu, hivayakvigilugu Devin Imrie, Iqalukhiurnikkut Nattiqhiuqnikkullu Havagvia talvani 867-473-2642.

###

Tuhaqtidjutinut Uqaqvikhaq:

Tyler Ross Atan’nguyaullaktuq Tuhagakhanut Avatiliqiyikkut

867-975-7720

tross1@gov.nu.ca