Havaktingit

You are here

Hivuliqti Quassa tuhaqtitiyuq Ministat Katimayiit havaariyakhanginnut

Nuvaipa 21, 2017

 

IQALUIT, Nunavut (Tarium Hikutirvia 21, 2017) –Hivuliqti Paul Quassa tuhaqtitiyuq havaariyakhanginnut nutaat Ministat Katimayiit ublumi. Tallimaat ministat katimayikhait Nunavunmi amihunguqtut nutaat niruaqtauffaaktutlu maligaliuqtit, imatullu hivullikpaamik Nunavut pingahunik arnanik ministaniktuq katimayikhanik. Hapkuat havaariyanginut takuyakhanik naunaiqhihimayut Hivuliqti Quassap hanaqiniaqhimayani havauhikhanik anginiqaqtunik pinahuarumayaminik uqariyautiminut niruaqtaunani, ikayuiutikhanik kangiqhidjutikhat ikpirnaqtumiklu, hivulliutinahuaqhugit inuit.


“Quyagiyumayatka ilauyumayut ministakhat akhuurutanik havagumaplutiklu kivgaqturumaplugit Nunavunmiut,”uqaqtguq Hivuliqti Quassa. “Havaakhariakpiaraluakhuta huvunikhaptingni, havagumayugut pinahuarlugit hivuniptingni atuqtakhaptingnik. Havakhimaaqniaqtugut ihuaqhinahuarlugit havaqatikhaptingnik hivumuuqpallialutallu ikayuutikhanik inungnut pivallianikkut. Ilihimayunga hapkuat havaariyakhait tuniyauhimayut munariyakhait naunaittuq akhuuqturniqtunik hivuliqtiudjutikhainik hakugiktuniklu akhuuqlutik havagviinut nallaumayunik hivulliutiyakhaniklu.”


Hivuliqti Quassa munaqhihunguyuq havaariyakhaminik Minista Kavamaliqiyikkut. Nanngariyauyuq Joe Savikataaq uttiqtguq katimayiinut talvani Hivuliqtim Tuklia umanilu Minista Inuuhiliriyitkut. Nutaat ministat katimayiit tuniyauyut hapkuninga havaariyaghainik:

  • Kavamatkunni Katimavingmi Hivuliqti, Minista Pivalliayuliqiyikkut Ingilrayuliqiyitkulluumanilu Minista Avatiliqiyitkut, Nanngariyauyuq Elisapee Sheutiapik,
  • Minista Kiinauiyaliqiyitkut, Nanngariyauyuq David Akeeagok,
  • Minista Aanniaqtailinirmut umanilu Minista Munariyalik Inminiiqtailinirmun,Nanngariyauyuq Pat Angnakak,
  • Minista Maligaliqiyitkut, Minista Munariyalik Qulliq Umaqqutit Kuapurisankunikumanilu Minista Munariyalik Arnat Katimayiiyinut, Nanngariyauyuq JeannieEhaloak,
  • Minista Ilinniaqtuliqiyitkut, Minista Munariyalik Nunavut UkiuqtaqtumiIlinniaryumivingmik umanilu Minista Pitquhiliqiyitkut, Nanngariyauyuq DavidJoanasie, unalu
  • Minista Nunalingni Kavamatkunillu Pivikhaqautikkut umanilu Minista MunariyalikNunavut Igluliqiyiryuatkunik, Nanngariyauyuq Lorne Kusugak.

“Ilituripkarumayatka Nunavunmiut taimatut tuihaqpaktavut ihumalutihi umani kinguliqpaami niruaqtaudjutaani. Kangiqhimayavut ihumaaluutigivaktahiit ayungnautigivaktaingitlu imatullu piyumayahi, taimaitumik akhuurniaqtugut pinahuarlugit aallanguqtiutikhat tuhaqtitahi. Havakpaktugut Nunavunmiunut, ihumagitiaqlugillu nunakput, inuutivutlu hivunikhaqqutlu,” uqaqtuq Hivuliqti Quassa.


###


Ilaliutihimayuq: Tamainut havaariyakhanginnut titiqat ilaliutihimayut


Tuhaqtidjutikhanut Uqaqvikhaq
Catriona Macleod
Aulapkaiyiuyuq Tuhaqtipkaiyunut
Kavamaliqiyiitkut
867-975-6049
cmacleod@gov.nu.ca