Havaktingit

You are here

Uqausirmut Quviasuutiqarniq 2018: atuqhimaaquyut Inuktuk talvuuna Inuit Ukpirijangit Unikkaangillu

Iitjirurvia 01, 2018

Tuhaayukhaq

Qillaminuaq Tuhaqtitauyukhaq

 

Uqausirmut Quviasuutiqarniq 2018: atuqhimaaquyut Inuktuk talvuuna Inuit Ukpirijangit Unikkaangillu

IQALUIT, Nunavut (Idjirurvia 1, 2018) - Iidjirurvia aulavakhimayuq ukiumi Uqausirmut Quviasuutiqarniq - Inuktut Uqauhirnik Tatqikhiutaangit, talvuuna ikaakningit Nunavunmiunun quviahuutigiyaangat Inuit uqauhingit pitquhingitlu. Uvani ukium ihumagiyauyuq talvuuna Inuit Ukpirijangit Unikkaangillu - Inuit upiriyaingit unipkaangitlu.

"Inuit upiriyangit unipkangitlu aulavakhimaanginaqtun inungnun kingunaptingnun talvuuna uqauhikkut talvuuna akunigaalukmi ukiunganik," uqallaktuq Ministauyuq Uqauhiliqiyunik David Joanasie. "Uuktuqhimaaquyatka angayuqaangit, ilihaiyiingit, Iningnikhat inulramiitlu iliqatigiiqatigiyakhait tamangnun, uqaqquplugitlu Inuktut ubluq tamaat aihimavingmi, havakvingmi nunalaaptingnilu. Quviahuutilugu uqauhivut pitquhivutlu!"

Ilagiyainik uvani ukium quviahuutigiyakhainik, tamna Havakvium Pitquhiliqiyitkut nuititivakhimayut titiraqhimayunik iniqhimayut tapkuninga 2017mi akimahimayunik talvani Qilautmi, Nunavutim ukiungani tamaat Inuktut ingngiurutingnik akigaktuiyunik. Tamna akimavakhimayuq ingngiurutit pigiaqaqtun qaritauyakkut uvanilu CDmi. Inuktut ilihairutikhat mapiraangitlu uvani ukium ihumagiyauhimayuq tuniqhaivakhimayuq tamangnun iliharvingnun, nuttaqiqivingnun taigualiqivingnunlu nunaptingni.

Naunaiqyumirumaguvit uvuuna ukium ihumagiyauyuni ilihairutikharniklu uqauhiptingnik ilaqatigiiktuniklu taigualiqiyunik hulilukaaktunik, pulaaqlugu www.ch.gov.nu.ca.

###

Tuhagaqtidjutikhanut Uqaqvikhaq:

Dan Pimentel
Tuhaqtaghanun Atanguyaq
Pitquhiliqiyitkut
(867) 975-5526
dpimentel@gov.nu.ca