Havaktingit

You are here

GN-kut Pijaat Nakuujumik Iniqtirluarutikhamun Qaritaujakkuurutikhamun Pivikhanun

Immaktirvia 10, 2022

Tuhaqtitauhainnaqtukhaq

GN-kut Pijaat Nakuujumik Iniqtirluarutikhamun Qaritaujakkuurutikhamun Pivikhanun

Iqaluit, Nunavut (Imaruqtirvia 10, 2022) – Atulihaaqtillugu havainiq, Nunavut Kavamanga (GN) piliqtaat pijumavlutik uuktuutikhanun (RFP) ataliriami Nunavut Karitaujakkuurutikhamun aturlugu tarium alrujamik. Una Katittuq Nunavut Fibre qaritaujakkuurutikhaq atapkaidjutiginiaqtaa Iqaluit Milton-mun, Newfoundland unalu Labrador, ittumun atadjutikhaq alrujanun talvani kivataani tariumi hinaani Kanatamin.

"Una atadjutikhaq atauhiq pijakhaq hivumuurutikhaq tunihivagianginnik qajumiktumik, ihuatqijamik akituvallaangittumiklu pivikhamun Qaritaujakkuurutikhamun tamainnun Nunavunmiutanun,” uqaqtuq Nan'ngarijaujuq David Joanasie, Ministanga Minista Nunalingni Kavamatkunnilu Pivikhaqautikkuni. “Qaangiutijuni atuqhimajanun ilittuni ukiuni naunaiqhidjutaa taimaa qajumitqijak ihuatqijarlu qaritaujakkuurutikhamik pijakhaujumik havaarijaanginnun pilluagakhanun kavamatkun havakpagainun ukunatun ilihaudjutinun munaqhiliqinirmullu. Iniqqan, qaritaujakkuurutikhamun atadjutikhaq Iqalungnun hailiniaqtuq aturimi aallanik qaritaujakkuurutikhanik tadja atuqtaujamun GN-kut qaritaujakkut ungahiktumun pidjutikhamik ihuaqhijuumilugillu havaktaujanun Nunavunmi.”

Havaktaujakhaq pijumajaat tunilugu akimajumun havagvingmun nunguutinnagu uumani ukiungani, imaalu qaujijhaidjutin uuktuutikhanullu pivikhanun havaktauhimmaarniaqtun. Humun ilijaangani naunaijainiaqtun uumunga Katittuq Nunavut qaritaujakkuurutikhaanun piniarnahugijaat pilirlugu 2023-mi, alrujaq ililugu 2024-mi, havaktaujamun atulirlugu 2025-mi.

“Ublumi tuhaqtidjutaanun, atauhirmun pijakhamun qaniklijugun atapkailiriami Kanatamiutanun ihuaqtumun, qilamik pittaaqtumun hinaanin tariup hinaanun,” uqaqtuq Nan'ngarijaujuq Dominic LeBlanc, Ministanga Kavamaliqijiit, IAulapkaidjutikhanun Nunallaanullu. “Kavamarijaqqun akhut havakpiarniaqtun ihuaqhijuumilugit qaritaujakkuurutikhanun tamaat Nunavut ukuallu tamaat ukiuqtaqtumi nunallaat. Quviahuktunga qilaminnuaq Nunavunmiut qaniklijuuminiaqtun qilamik pilugu piqatigil;irlugit tamainnun nunarjuami.”

Una qaritaujakkuurutikhaq atauhiq ilagijaa GN-kut upamungaijautaanni munarijaami pivikhaq qaritaujakkun havaktaujanun Nunavunmi piliriami nunarjuami pijumajaujanun ihumagivlugu nunamik, huradjanun avatingnullu. Ataani tarium alrujan naunaiqtaudjutin ikiklijuumidjutimun avatingmun pidjutinun, unalu Ukiuqtaqtumi, tadjalu ilijauliqtun atuqtaujaami Nunavingmun.

Una havaakhaq ikajuqatigiiktunin muanikhanik tunijauvaktuq, uuminga $151.2 million Kanataup Kavamanganin, unalu $50.4 million Nunavut Kavamanganin.

###

Tuhaqtipkainikkut Uqarvigijakhat:

Suleikha Duale
Tuhaqtipkainirmut Ajuittiaqhimajuq
Nunalingni Kavamatkunnilu Pivikhaqautikkut
867-975-5406
sduale1@gov.nu.ca