You are here

Quviahuutigilugu Nunaryuap Ikaarninga imailiurlutit Auladjutikhat Qauhimalugin!

Maassi 20, 2023

Kavamatkunnin Tuhaqtitaudjutikhaq

Quviahuutigilugu Nunaryuap Ikaarninga imailiurlutit Auladjutikhat Qauhimalugin!

Nunavut Kavamanga ilautqujait Nunavunmiutat uvani Nunarjuap Ikaarniani quviahuutidjutainun uumani Saalutimi, Qiqaijalirvia 25, uunulihaaqqat 8:30-min 9:30 p.m.-mun.

Nunarjuap Ikaarnia ukiuq tamaat hulidjuti pivaktuq nunarjuami akhuurhainikkut inungnik, nunallaanik, havagvingniklu qamitirianginnik ihariagijaungittun qulliit atauhirmun ikaarnimik ilitturipkaijumanikkut avatikkut ihumagidjutainnik, hilaup aallanguqtirninganik uvanilu auladjutini atuttiarutikhainnik.

Avatiliqiyitkut - Hilaup Aalannguqtirninga Havagviat (CCS), Nunavunmi Igluliqijiirjuatkut (NHC) ukuallu Qulliq Alruyaqtuqtunik Ikumadjutiit (QEC) havaqatigiiktun akhuuqhaidjutikhanik anginiqarnianik aturluarnaittumun auladjutikhanik igluptingni nunallaanilu talvuuna Auladjutikhanik Ihumattiarnirmik akhuuqhaidjutikhanik.

Qiqaijalirvia 20-mit 25-mut, 2023-mi, ilauquyaffi ilaujaami ubluq tamaat hulijutinik qaujijaanginnun aulajutinut nakuujumik aturlugin, aulajutinik aturluarnaittumun atuqhimaanginaqtuniklu aulajutinik aturnikkut:

  • Pulaarlugu inungnun tuhaumapkaitjutinin pijait ilitturittiarumaguvit aulajutinik.
  • Tuhaqtipkailugit auladjutikhat qauyimadjutikhat aturlutit hunngayaaqtumik Pingattiunmi.
  • Naunairlugu Nunarjuami Ikaarniani ubluani ublua tikitinnagu, Tallimiunmi, iliharvingni havagvingniluuniit.

Pidjutaani Avatittinnik Kamatsiarnirmi, Avatiliqijikkut Havagvia akhuurhaqtait Nunavunmiutat tautuktittilugin ihumagittiarutain avatimun taimaatun qamitirlugin qulitik, ikitirlugu qulliq, ikummatikkut nirilutik, qunngiaqlugin aqhaliat, unipkaarluniluunniit anginiqarnianun aulapkainikkut aulraanginnaqtunik atadjutinik nunamun tavungaraaluk kingullikhaptiknun.

Iliqatigiiklugit unipkaatit qaritaujakkut aturlugu #EnergyWiseNU #EarthHourNU.

Aallanik ilitturittiarutikhanik uumunga Nunarjuami Ikaarniani, takulugu https://www.earthhour.org/.

###

Tuhaqtipkainikkut Uqarvigijakhaq:

Lekan Thomas
Atan’ngujaq Tuhaqtipkaijini, Ilinniaqtulirinikkut Ikajuqtiuplunilu
Avatiliqiijitkut
867-975-7761
LThomas8@gov.nu.ca