Atuliqtukhat Tadjainnaq: Amigaiqtiqjuummiqtun Qikiqtaalungmi Tuktuinni anguniaqtakhanun

Kavamatkunnin Tuhaqtitaudjutikhaq

Atuliqtukhat Tadjainnaq: Amigaiqtiqjuummiqtun Qikiqtaalungmi Tuktuinni anguniaqtakhanun

Minista Avatiliqijikkut angiqtaa ihumaliuruti pitqujauhimajuq ukunannga Nunavunmi Uumajuliqijikkut Munarnikkut Katimajiinnin (NWMB) amigaiqtiqjuummirlugun una Atauttikkut Pijaaqtunik Anguniaqtakhanun (TAH) uumani Qikiqtaalungnmi Tuktuinni atulirluni tadjainnaq uvunga 2022-2023mi anguniarvingani.

Uvunga anguniarvingani hivituniani July 1, 2022min, uvunga June 30, 2023mun, amigaiqtijuummirutiqarniaqtuq talvannga 250min talvunga 350mun haviqutinik ukununga Qikiqtaaluup Tuktuinnun. Ukunani 350ni haviqutini, naattaaqtuq talvunga 75nun haviqutit atuqtauttaaqtun anguniarutikhat arnarliunnun tuktunun.

Piqarnaiqtuqlu amigaiqjuummirutinik imaatun 50nik haviqutinik tamainni tikittukhanik anguniarvikhani imaa talvunga 20%mik uvani atauttikkut pijaaqtunik anguniaqtakhanun (TAH) atuqtauttaaqtun anguniarutikhat arnarliunnun tuktunun. Una piniaqtuq tikittukhanun 8nun ukiunun talvungaluunniit pikpat nutaanun ilitturipkaidjutit hailihimaliqqata pijukhaukpat aallanguqtirutikhanun uumunga atauttikkut pijaaqtunik anguniaqtakhanun (TAH).

Una atauttikkut pijaaqtunik anguniaqtakhanun (TAH) piliurhimajuq ikajuriami amigaiqhirutikhainnun Qikiqtaalungmi Tuktuinni ihariagijaujuqlu atauttikkut-munarinikkut havagutini pipkaijaami tuktuit amigaiqjuummirianginni tunijaamilu anguniarutikhanun uuktuqvikhanun hivunikhani kingulliptiknun.

Ataani Nunavut Angirutaani, tuniutiniit uvani atauttikkut pijaaqtunik anguniaqtakhanun (TAH) munarijaujun uumannga Qikiqtaaluup Umajuliqijikkut Katimajiinnin (QWB). Anguhiqijiit Katimajiit (HTO) atanniqtuidjutiqaqtun tuniutinikkut piutitik ilanginni uuman atauttikkut pijaaqtunik anguniaqtakhanun (TAH) imaalu maliktipkarlugin anguniarnikkut hulidjutit ilaujunun.

Kitkun anguniaqtiit tuktuhiurumagumik Qikiqtaaluup Tuktuinnik, uqaqatigidjavan nunallaarni HTO-kut ilitturittiarutikhanik tuniutinik.

###

Tuhaqtipkainikkut Uqarvigiyaqhaq:

Estela Aguilar
Atanngujaq Tuhaqtipkaijini, Ilinniarnirmun Ikajuqtiujunilu
Avatiliqijikkut Havagvia
867-975-7746
eaguilar2@gov.nu.ca