Aituutikhat pigiaqaqtun iliugaiyaangat alruyaqtuqtunik auladjutikharnik iglurnun maniqamiitunik aihimavingminilu

Inungnut Tuhaqtitauyuqhaq

Aituutikhat pigiaqaqtun iliugaiyaangat alruyaqtuqtunik auladjutikharnik iglurnun maniqamiitunik aihimavingminilu

Ikayugiangani ikikliyumiqtitiyaangat Nunavumiutat atuluarnaitumik urhurlungnik ikikliyumiqtitiyaangat urhurlui puyut anianiit iliugailugit alruyaqtuqtunik auladjutikharnik iglurnun maniqamiitunik aihimavingniluuniit.

Maniqamiitun igluqaqtunun uuktuugiaqaqtun talvanga Havagvianin Avatiliqijitkungit Hilaup Aalanguqtirninga Havagviani atauhiinarmik aiituutikharnik taima $5,000 taalakhagianganik iliugaiyaangat hiniqinirmi ikumadjutikhangit anuriminluuniit ikumadjutikharnik.

Iglulgit nanminirnik nayugaqaqtun nunalaani nayugaani Nunavunmi uuktuugiaqaqtun talvunga Nunavunmi Igluliqiyiryuakkutnin atauhirmik aituutikharnik nampangani akikhangatigun, kiklivikhaqaqtun taima $30,000 taalamik, talvuuna hiniqinirmin ikumadjutikharnik.

Iliugaqtautinani alruyaqtuqtuutinik auladjutikharnik, nanminiqaqtun iglunik piqaqtukhat Qulliq Alruyaqtuqtunik Ikumadjutiingit angirutikharnik ilauyaangat talvani Pauwatuutikhanik Naunaitkutikhangit pinahuarutikharnik, taima tunihimaarniaqtuq alruyaqtuutikharnik auladjutikharnik alruyaliqidjutingnun atugaidjutikharnik iliugaiyaangat manikharnik ikumadjutikharnik talvunga pauwaqtuutikharnik auladjimun.

Talvuuna mikhaatigun Piliriqatigiinniq/Ikajuqtigiinniq, Qanuqtuurniq, unalu Avatittinnik Kamatsiarniq, tamapta havaqatigiikhimaaqtukhauyugut atugianganik ihuarutikharnik atuqtakhaptingnik munagiyaanga avativut angikliyumirnahuarlugulu nanmnikharnik atuqtakharnik.

Ayuiryumirumaguvit uminga pinahuarutmik uuktugianganik ukuninga aituutikharnik, pulaarlugu climatechangenunavut.ca uumungaluuniit www.nunavuthousing.ca.

###

Tuhaqtipkainikkut Uqarvigijakhaq:

Estela Aguilar
Atan’ngujaullaktuq, Tuhagakhanut, Ilinniarniqmun Ikajurnirmullu
Avatiliqijikkut Havagvia
867-975-7746
eaguilar2@gov.nu.ca