Minnguiqhirviin Pitquhiliqiyikkutlu

Minnguiqhirviit Akhuqnaqtunlu Maniqat havagviangit munaqhiniaqtuq upalungaiyautinik, hanaqidjutikhainik, munaridjutikhat, auladjut uvalu atuqhimaaqniq uminga Mirnguiqsirviit – Nunavutim Nunaptingni Minnguiqviingit Amingnaqtunlu.

Nunavutim Nunaptingni Minnguiqviingit Amingnaqtunlu ikpiningalu upaktauyukhaq takuyauyukhaq Nunavunmiunit pulaaqtunillu. Takupkaiyut nakuukpiaktuq ilitquhingit pitquhiqarniitlu nunallaami, avikhimaniani, nunakyuami hilaqyuaptingniluunniit; hakugikhiyumiutikhainik ikayuqluginlu nunallami innuhit pitkuhikuut nunalaanilu hapkuninga atuqhimaaqniq pivalliatjutikhangitlu nunat tunnganiqarlutik hulilukaarutikhat; uvalu aulatitiyaangat aturianginni pitquhiraluami hulilukaarutikhat hapkuninga Inuit Qaujimajatuqangit.

Havaaqhangit Min’nguikvingnik Akhuqnaqtunlu Maniqat, tapkunani Tamaitnut Inuit Aktuanit Ihuaqutitlu Angigutit (IIBA) tapkununga Nunatagauyumi Minnguiqhiqvit hapkuatlu NLCA, ihumaliuqtauyut unalu munariyauyuq atayumik pakitauyut naunaitumik uvalu tamatkiumayunik uvalu aturutikhanik ilitturipkaidjutinik, Inuit Qaujimajangit, nunallaami uvalu qauyihaidjutinullu kangikhihimayainnik, tadja atuqtauyuq hanahimayunut nunauyaliqiyunut naunairutiit.

Pinahuaqtait

Pinahuaqtait Min’nguikvingnik Akhuqnaqtunlu Maniqat havagviangit:

• Kamagiyauyukhat idjuhiit ilitquhiillu nunangani. Nunavut Avikturviit Min’nguiyarviit Naniliqaaglu Ikpingnaqtut naunairutauyukhat , munarilugit atuqtitaivigilugu Nunavunmi ilitquhingit pitquhiqarniit; uumayullu aallatqiidjuhiit, anniridjuhialu, aallatqiidjuhiit munaritquyauyut pitquhiinut atuqtauyukhainullu.
• Ilaupkarlugit nunallaaniittut nungutiritailidjuhiagut ilitquhiatigut. Nunavut Avikturviit Min’nguiyarviit Naniliqaak Ikpingnaqtutigullu nunallaaniitut pulaaqtullu, mihingnaqriangani ihumagiyaunia , kangiqhidjuhialu qauyimania, ilitariyauhialu avikturviit aallatqiidjuhia pitquhiitigut.
• Pulaataqtut Puiguqtitailidjutikhait.Nunavut Avikturviata Min’nguiyarviit Naniliqaak Ikpingnaqtut atuquidjuhia hulidjutikhaitigut ihuaqtut, aannirnaitut, upaktauttaaqtullu quviahugvikhat iliharvikhauyut munaridjuhiagut idjuhiata pitquhiatalu; ikpiningalu upaktauyukhaq takuyauyukhaq Nunavunmiunit pulaaqtunillu maniliurutauyaangani ikayuutauluni nunallaanik.

Pinahuarutikhanik

Tamna Min’nguikvingnik Akhuqnaqtunlu Maniqat havagviangit aviktuqhimayuq pingahunik havaanganik maniqanik.

Havaangit Pivalliatjutikhat

Una ilauqaqhimayuq pivalliatjutikharni talvuuna Min’nguikvingnik Akhuqnaqtunlu Maniqat havaangit havaktakhangitlu pangnairutikhangit; malikhautikhat maligutikhangitlu atugakhanik pivalliatjutingnik; tuhaqtitiuyunik atuquyunutlu; uqautjiyut min’nguikviit akingnik, pangnairutikhat munagitjutikharniklu, tutqikhaihimaaqtun aviktuqvingmi ihivriutjutikharnik piqaqtukhat. Tamna Havaaqhangit Pivalliayuliqiyut havagviangit aituihimaaqpaktun munagitjutikharnik nunaniklu munagiyakhainik talvuuna ilauhimaaqhutik nunanik atuqtauyukharnik, pivlliaplutik ihivriutjutikharnik nunalaanilu  havaktiuluaqtiuyut havaaqharnik.

Aulatjutikhat Pangnairutikharniklu

Aulatjutikhat Pangnairutikharniklu munagihimaaqtun talvuuna havagvingnun piutigiyaingit hanalrutikhangitlu pangnairutikhat, min’nguikviit aulatjutikharnik, pullaaqtulikaaqtunutlu ikayuutikharnik nunaqyuaptingnik min’nguikviingit, tangmaaqviingit, iniviit, pullaaqtun  qiniqhiahimaaqtunlu havagviit Ilitquhiqaqtunutlu Kuukkat.

Nunauyaliqiyunut Naunairutiit Nunaniklu Munagihimaaqtun

Nunauyaliqiyunut Naunairutiit Nunaniklu Munagihimaaqtun ilauqaqtuq pivalliatjutikharnik, aulatitinikharniklu, munagitjutikharnik aulatjutikharniklu havakviingit Nunauyaliqiyut Havagviani (GIS-mik taivagait naitumik); munagihimaaqhutik nunanik munagiyakharnik naunairutikhangitlu min’nguikviit akhuqnaqtunlu nunat; munagitjutikharnik hanaqitjutikharniklu havagvium nunauyaliqiyunut qaritauyaliqitjutiit; malikhautikhangitlu nunauyaliqitjutiit hanaqitjutiit ikayuutikhangitlu aviktuqvingmun, havagvingmun,  allatlu Nunavut Kavamangit havagviit aihiniitunlu havagviinun.

Ilitquhiliqinikkut Quviahuutigiyainik

Tamna hanaqitjutikhaq tuniyaangat nunaqaqtunut pullaaqtunutlu taima ilihimattiagiangat min’nguikviit hanaqitjutikhangit, havaktakhangitlu Nunaqyuaptingnik Min’nguikviit iluaniitun Nunavunmi, taimalu ilaugiaqaqtun iliharutikharnik ilihaqtunut havaaqhaqnik, nanminikkutlu ikayuutikharnik, nunalaanilu ilitugiumayunut.

Naqqitlugu ihivgiugani Nunavutim Nunaptingni Minnguiqviingit Amingnaqtunlu:

Takuyaqtuqlugit Nunavutim Nunaptingni Minnguiqviingit Amingnaqtunlu