Havaktingit

You are here

Naunaiyaqni Amigaitpiaqni tapkuat Tariunga Boothia Nannut amigaitni Ilangi Atuqtauyut Aqnallut Anguhallut Titiqni-Angutqiktauyut

Nannut (Ursus maritimus) aulatauyut humiliqak Nunavut, Kanata, atuqhugit haviktakhat havagutai pinahuat atuqpiaqni angutauyut ihuaqhihimanit. Taimaa 10nik ukiunik, hilaup aadlangurninnga tamainni Ukiuqtaqtumi aadlanguqtitait nanuit nayugangit aadlatqiiktumik nampanik. Pitariangi naamaktumik nannut amigaitni ilangi ilaunit tapkununga uumatyutit atuqpiaqni piyaunginnalaqnit niqikhanut piqaqnit tahapkununga Inuit, naunaiyainiq naunaiyaut munarinilu naunaiyautit havariyauyut naunairiangi amigaitni ilangi qanuritni aulatauninutlu ihumagini piyakhai. Hamani tuhaqhitautivut tapkuat qanuritni amigaitni naunaiyaut tapkununga nannut nayuqpaktat Tariunga Boothia (GB) havariyauyuq 2015-2017. Nutaat uuktuutingit katitiqtauyut aturhutik mikitqiamik-pittailiniq ihariagiyainnik niqinginnik piiyaqtauniq kapuqtauyut nutqaqtihimaittumik akhuraalukluuniit pilugit nanuit. Qauyihainivut ilalik 2015-2017 uumatyutit naunaiyautit tuhagakhat, uumatitlugit-tiguyauni tuhagakhat katitiqni atuqhugit hanatyuhikhat naunaiyaqni 1998-2000, uumatitlugit-tiguyauni tuhagakhat katitauni pilalirangata 1976-1997, angutauyutlu utiqtitni tuhagakhat tamaitnut pivigiyaini 1976-2017. Qanuritni uumatitlugit-tiguyaunituqungayut-utiqtitni pityuhit ihuaqhihimayut tapkunani Havagut MARK piniraqtai anginiqhamik amigaitni mikhautni tapkuat 1525 (atuqpakni ulamniqni [SE] = 294) pivigiyanut 2015-2017 ayyikkutapyagiya anginiqpaq amigaitni talvani 1998-2000 (1610 [SE = 266] uumani naunaiyaut; 1592 [SE = 361] talvani Taylor et al. [2009]). Anginiqpaq piarait-ukiumun tapkuatlu ukiulgit piarait aktilangi pivigiyanut 2015-2017 tapkuanguyut 1.61 (95% nalungitninut akunit [CI] = 1.51-1.70) tamnalu1.53 (95% CI = 1.41-1.64), tuklirinut, pitquhiqaqungitnit hutqikni tapkuat 1998-2000. Tamna anginiqpaq qaphiuni ukiulgit atuni iniqnit aqnallut pivigiyanut 2015-2017 tamnauyuq 0.36 (95% CI = 0.26-0.47) tapkuat piniraqtai tamna Tariunga Boothia tatya piruttiaqtut nannut amigaitni ilangi, pigaluaqtitlugu tariup hikua allanguqnia. Una malikhaqmiya naunaiqtavut tapkuat nannut timingi qanuritni (naunaipkutariplugu, uqhuqaqnit) upingami ilagiaqtut akungani pivigiyai 1998-2000 tamnalu 2015-2017. Naunaiqtavut aqnallut anguhallut- ukiungilu-tainit allatqit katitlugit annaumani aktilat (naunaipkutariplugu, ilautitlugit angutat tuqutaunit) puqtutqiyautitlugit mikhautni iniqnit aqnallut (0.95; 95% CI = 0.81-0.99) tapkunangaunganit iniqnit anguhallut (0.85; 95% CI = 0.74-0.92) pivigiyanut 2005-2017. Atulaq turangayuq aktuania naunaiqtauyuq ilagiaqni avikhimaninut amigaitni qnallut talvanga 0.57 talvani 1998-2000 tikitlugu 0.61 talvani 2015-2017. Tamna ayyikkiquqni, taittiaqni amigaitni aglivaliani aktilat kititni atuqhugit kitityutit pinahuginit uuktut mikhauttaqnigut katitlugit annaktut tamnauyuq 0.06 (95% CI = -0.06-0.12) pivigiyanut 2005-2017, piniraqhugit akhut aglivalialaqni. Kihimik, qanuritnivut amigaitni ilangi aktilat pitquhitlu tukiliuqtakhat munarilugit piplugu mikhautnivut amigaitninut pihimani tapkuat “amigaitniqpanguni” (naunaipkutariplugu, ilalgit tamaita nannut atuqtat Tariunga Boothia aulatauvia inaa, ilangi nayuqtat ahii amigaitni ilangiluttauq) mikhautavutlu amigaitni aglivaliani aktilat piyaungittut ahiningartaqnit taphumanga Tariunga Boothia aulatauvia inaa.

Tamaitnut, nalvaqtavut piniraiyut tapkuat amigaitni qanuritnit taphuma Tariunga Boothia amigaitni ilangi tatya nakuuyut, pinahuaquigaluaqhuta pukkitqiyat mikhautnit katitninut angutaungittutlu annaumani anguhalluit nannut naunaiyatqikharialgit. Pinahugiyavut tapkuat akuttuni mikhivallilaknilu tariup hikua piqarutaulat nuktiraqninut ikayuqtat tamna Tariunga Boothia amihuni ilangi piplugu ilagiaqni uumatyutit piaraniktaqni. Hilap allanguqnia tamna pityutauniqhaq hivituyumun hivuranauta nannut nayuqpaknitlu avataanut Tariunga Boothia amigaitni ilangi ihuittumik aktualaqni hikuiqpalianginnaqat, taimattauq ilai nannut amigaitni ilangi, tatya naunaqmata. Una naunaiyaut kivgaqtuta aipanik hanatyuhit amigaitni naunaiyaqni tapkunani 22 ukiut tahamunga Tariunga Boothia amigaiti ilangi. Piplugit atuqhimani piyauyut atuqhugu una naunaiyaut qauyihaqnitlu, tuniyavut qaphit aturahuaquni ihumagiyauyukhat parnaiyaititlugit hivunikhami nannut amigaitni naunaiyautit. Aturahuaquyavut katitiqni ilagiarutit tuhagakhat mikhaani qitqani akungani parnakhimayat amigaitni ilangi naunaiyaqni. Uumani piplugu, tamna piya mikhaani 5-7 ukiut talvanga 2017 iniqtauni maniqami havat. Ilagiaqhugu, pigaluaqtitlugit aturahuaquni nuktiraqnit tuhagakhat nutaungittut, huli pinahuaquyauqpiaqtuq tapkununga amigaitni ilangi ilihimayqnut himmiqtautai nannut akungani inait. Piqangititlugu qangattaqhimayunik takukhautitni tuhagakhat nannut nuktiraqnit, havarinia angiyumik-qauyihaqni naunaiyautit himmiqtautai akungani Tariunga Boothia hanianilu amigaitni ilangi (naunaipkutariplugu, Lancaster Hanikgakhik, Tariunga Boothia, tamnalu M’Clintock Kangikhuakyuk) ikayulat naunairutai ilai naunaqtut piplugu ilikkut amigaitni ilangi tahapkuat inait. Kingulliqpamik, pikpat pivikhait, piqaqni, aulataunilu ihumagiyauyut piyaqaliqturini, aturahuaquyavut havarini amigaitninut angutat hivuranaqni naunaiyaqni tuhaqhittangi ihuaqhihimani angutat puqtunit.

Category(ies):