Miriannguhurnirmik kidjarnirmiklu aanniagutiqaliqtut Arvianimi
Havagviat Aanniaqtailinikkut tuhaqtittumayait nunaqaqtunut Arvianimi amigairjuumijut aannialiqtunik aqiarurliunirmik nunangani. Pijaungginnaktuq imailigaangat ukiuq. Una aanniarut hiamitiqtaaqtuq inungmin inungmun hiamitiqluni nunallaamun qilamik.
Naunaitkutait ilaujut miriannguniq, miriakhutik, aqiarurliurniq, kidjaklutik itiktaqhutiklu. Ilangit nakuutqiaq aannialaqittaidjutikhat imaa:
- Uaqattaarlugit algakkit, imaalluarlu niqikhaliuqtinnatit imaaluuniit biibimik makaqtuihuiraiguvin, quujaqturuiruvillu.
- Unaguiqhiqhimaaqlutit niqqaraanginnarlutillu niuqqaqtakhanik (niuqqaruiqlutin kukuulanik, aullarikharutinik niuqqakhanik, aallaniluunniit sukainnaqaqtunik niuqqakhanik).
- Halummaqtiqlugit qaangit ikpatit, ukuat tiguqpiit, kuujaqtuqviillu uunaqtumik irmiutiqaqtumik imarmik.
- Aktuqtailinahuarlutin inungnun aanniaqtunun.
Ikajuqlugit nutaqqat uaqtut algangmingnik, halummaqtiqlugillu ulapqiujait halummaqtiriguvin aallanik qaanginnik. Kinaliqaak naunaitkutilik aihimajukhaq, unaguiqhirluni, niuqqaraanginnarlunilu niuqqagakhanik.
Kinaliqaaq miriakattaqtuq itiktaqtuqluunniit igajukhaungittuq ilagijamingnun mikhilaaqtirnirnun hiamitirutaanik aannialaqidjutimik ilamingnun. Halumaittun aanuraat uaqtaujukhat uunaqtumi imarmik piniqhiqtirlugillu uunaqtumi paniqhiivingmi. Itqaumalutit, kuniktuiniq kahangnillu biibinnuanik hiamitiqtaaqtuq aannialaqidjutinik. Aannialaqittaililugit najuqtailugin aannialiruvin.
Inuit mihingnautiqaqtut munarijauttaaqtut aimavingmingni kihimi mihingnautit in’ngattagumik hakuiqtittigumilu kipinngulirumiklu. Inuit ingattagumik mihingnautitigun munaqhiliaqtuqhat uqaudjaulutik munaqhimin.
Naunaittiagumaguvit, uqaqvigilugit munaqhi munaqhitkunni.