Man’ngit Ikayuutikhat Nunavunmi Ilihaktunut Ikayuutit (FANS)

Maniktigut Ikajuutit Nunavunmi Ilihaqtunun (FANS)

Maniktigut Ikajuutit hapkununga Nunavunmi Ilihaqtunun (FANS) havaktauhimajut pijaangini tapkua mangit ihariagijaujut ajuqhautaungilutik iliharjuuminirmun. Ilihaqtunun ilihariaqtuqtut tikuaqtauhimajunun iliharjuumirvingnun iliharnirmunlu pinahuarutit. FANSkut tunihijut qaffinik ikajuutinik tapkua ihumagijaujut ikajuutighat akiinun iliharjuuminirmun ilihaidjutinun. Ilihimalugu tamna pinahuarut pihimangituq akiliqtuqlugit tamaita akiit iliharnirmun.

Ikajuqtaujumaguvin ilituripkalugit FANSkut havagvia uvani [email protected] hivajaqluguluuniin 1-877-860-0680 uqaqatigilugu FANSkut havaktia.

Uuktuqlutit FANSkut ikayuutainun qilamik. Uuktuutit umikvighaa Qiqaiyalirvia 1, Taaqhivaliavia 15 unalu Hikutirvia 15 ukiuk tamaat.

Nutaqiuqariangitutit angirutinun iliharvingnin aularutijaangani uuktuutit. Ihumaguvin ilihariaqtulutit iliharvikjuamun tujuqlugit uuktuutit umiktinagit.

Tujuqtaaqtatit aalat pijaghat titiqqat qakugunuaq — ilaujut angirutit titiqqat iliharvingnin iliharvikjuaninluuniin — havaktaujaangani uuktuutitit aulahimaarutighait.

Uuktuutikhaq

Maniktigut Ikajuutit Nunavunmi Ilihaqtunun Uuktuutinun Titiqqat
FANSkunun Ilihaqtun Ilaujaangat Titiraq
Iglut Atungniranun Akiliqtuidjutinun Ikajuutinun Uuktuutit
FANSkut Ajuqhautiqaqtunun Ihivriurutikkut Titiqqat
FANSkut Ungahiktukkut Ilihaidjutikkut Uitffaarutit
FANSkut Ihariagijait Ihivriuqtauhimajut Atukirnirmun Uuktuutit
FANSkut Uuktuutait Hapkununga Nunavunmiutaungitunun Inungnun Qiniqhiajut Tuqighaidjutinik Pijaarnirmun Ikajuqtaunikkut Titiqqat
Kinguliujuq Maniingnik Iliugaktaujut Ihariahuktunun Ihivriuqtauhimjut Atukiktunun Uuktuutikhangit
Ihumaliutqiffaaqunikkut Titiraq

Tingmidjutit

Maniktigut Ikajuuti Nunavunmi Ilihaqtunun Tingmidjutikhanut Titiqqat
FANS Aullarnarirnikkut Kinguvaqtihimajumikluunniit Aullaarutikhakkut Tukhiruti Titiraq
Fanskut Tingmidjutikhait Utiqtitaujukhat Uuktuutikhaq Titiraq

Titiqqat 

Tutqiqhaidjun Pijumahuiqtainun Taimaaqtainulluuniin Ilihaidjutikhamun(Nun)
Angirutit Hapkununga Tuhaqtitaujukhaq Kangiqhidjutinik
Itquumajumik Uqariijaut Atukkiutit Angiqtauhimajut

Maliktaghat

FANS Ilihaqtut Makpiraangit
Fanskut Tingmidjutikkut Maliruagahat Apiqhuutaunginnaqtun (FAQs)
FANSkut Akhurnaqtuq Naunairutikhangit Talvuuna Naunaitkutikharnik Ilaujukharnik
Ilihagutimingnut Ikajuutit Maningmik
Nunavut Tikuaqtauhimajut Titiraqhimajut (FANSnun-Pijaarnirmun Tikuaqtaujunun Pinahuarutit)

Pittaarniq

Pijaarni FANSnun imailiuqtughaujutin:

• Kanadamiutaulutin unaluuniin nunagiinaqluguluuniin;
• Nunavunmiutauluni (Nunaqaqhimaluni Nunavunmi) imaa tualunik tatqiqhiutinik uuktuqtinani FANSmik;
• Atiliuqhimaluni pinahuarutinun tapkua imaatun tualuni havainirnir hivituniani uvani Nunavunmi Inirnirit Ilihaaqpaalirviit aalaluuniin tikuaqtauhimajuq ilihaqjuumirvikkut iliharvik;
• Ilihaqtukhauyutin ubluq tamaat (taimalu 60 pusanmik ilihaqhimaaqtukhaujutin iliharvingjuangani ilihariaqturvigihimajanin;
• Ilihaqhimaaqlutit mighaanun naunaitkutimun, initirutikkut naunaitkutaqaqtumikluuniin;
• Tautuktitilutin nakuunikkut qanurinitit ilihariatuutillu.

Ilihaqtut Naunaijautait

Ukua FANSkut pinahuaruait ilitarijait pingahut naunaijautait ilihaqtut. Hapkuat:

• Nunavunmi Nunataarhimayut: Nunataarhimaguvit ataani Nunavunmi Nunataagutit Angigutaanut, pitaarutiqaqtutit ikajuutikkut aituutinik, kitut akiliffaalimaitatit. Piinarialiujutit ihariagijarnik naunaijaqhimajunik atukiutinik.
   
• Nunavunmiutat ilihaqhimajut Nunavunmi Ilihaidjutainik: Nunavunmiutauguvin ilanginik tamainikluuniin iliharvingni ilihaqjuumiqvingniluuniin Nunavunmi, pijaaqtutit atauhirmik ukiumik aituutinik atautinun pingahut ukiut iliharnirmun tapkua iniqtiqhimajatit Nunavunmi, kitut akiliffaariaqitatit. Pijaaqtutit hivuani, tuglirmilu ukualu ihariaginikkut naunaijaqtauhimajut atukiutighat.
   
• Nunavunmiutat ilihaqhimangitut Nunavunmi Iliharviini: Nunamiutauguvin, kihimi ilihaqhimangitkuvin aviktuqhimajumi ikitqiamikluuniin pingahunik ukiunik ilihaqhimaguvin aviktuqhimajumi, atukiqtitaujaaqtutit. Atukiqtitaujaaqtutit hivuani pidjutigilugu atauhiq ukiuq ilihaqjuuminirmun ilihaidjutinun atautini pingahut ukiut nunamiutauhimaguvin.. Utiqtughaujutit havaliqlutinlu Nunavunmi akiliqtuinaitumik atukatit. Tuglirit atukkat tamaat akiligahat.

Qanuritut Ikajuutit Piinarialgit

Aituutiluaq:

Aituutiluaq ikajuutaujuq ilihaqtunun akiitigut ilaujut iliharnikkut akiligahanun, iliharviit akiligahait tingmidjutillu akiit. Aituutiluaq kikliqaqtuq imaa $3428 iliharnirmun akiillu tingmidjutit nunamingnin apqutaujullu nunanun iliharvikjuanun ukualuuniin Nunavunmi Inirnirit Ilihaaqpaalirviit iliharviginiaqtatit. Hapkua ilaujut aipat nutaqatillu.

Ilagiarutit Aituutit:

Ilagiarutit Aituutit hapkununga pihimajuq Nunavut Nunaqaqqaqhimayunun Pidjutikhangit ikajuqtaujaangini akiinun ilaujunun ilihaidjutinun, tingmidjutinun tikitkumilu nutaamun nunallaamun. Una Aituut naunaitkutakkut pihimajuq kitut akituqjuumijuq qaffiuniitigut nutaqqat iglumiujut.

*Munarjijaujut nutaqqat, tiguat nutaqqalu ataani ukiuqaqtut 18 UKUALUUNIIN nutaqqa ataani ukiuqaqtut 21 kitut ilihaqtut iliharvingni iliharaanginaqhutik UKUALUUNIIN nutaqqat titiraqhimajut inuuhirmingni ajuqhautiqaqtut.

Hivulirmik Atukkiutit:

Una atukiut ikajuutighaq ilihaqtunun akiinun ilaujut iglup akighainun, niqinun aanuraanunlu. Tunijauhimajuq ukiutigut pijaaqtunun ilihaqtunun. Una tukiutighaq piinarialik ilihaqtunun kitut nunaqaqhimajut Nunavunmi pingahuni avatumajuluuniin ukiut. Utiqtughaujutit havaliqlutinlu Nunavunmi akiliqtuinaitumik atukatit.

Tugliq Atukiut:

Una atukiut tunijaujuq nutaanun inungnun Nunavunmi. Una atukiut ikajuutighaq ilihaqtunun akiinun ilaujut iglup akighainun, niqinun aanuraanunlu. Tuglirit atukkat tamaat akiligahat.

Ihariagijaujunun Ihivriurutit Atukiutinun (NAL):

Un atukiut tunijaujuq pihimablugu tautuktitinirmun maniktigut ihariahungnirmun. Uuktuqtaaqtutit haffuminga NALmik tadja atuqtilugu iliharnirmun ukiungani kihimi pilimaitat NAL kingulirnir iliharnirani/ukiut iliharnirmun. uuktuqtughaujutit nungutinagu tadjamin ilihaidjutit. Nutaaq uuktuut havaktaujughaq atautini uukturumajatit haffumunga NALmik.

Aituutit Ilihaqtunun piqaqtunik Inuuhirmingni tamaani Ajuqhautinik:

Una aituut pihimajuq akituvalaaqtunun akiinik ilaujut ilihaqjuuminirmun tapkununga inuuhirmingni tamaani ajuqhautiqaqtunun. Uuktuqtaaqtat una aituutighaq qujaginaq atuqtilugu iliharnirmun ukiumi. Tunihilutik aanniarnikkut iliharnirmunluuniin pijaarnirmun ihivriurutainik haffumanga aanniaqtuliqiimin ajuitiaqhimajumin naunaijaqhimajunik pidjutaujut kitut ilvit ajuqhautivit hulaqutigijatit pijaarnirmun ilaunirmun ilihaqjuumiqvingnun. Una aituut akitunirhaa imaa $8,000.00 tamajanun kivgaqtuutinunlu ilaujut iliharnirinun imaaluuniin $1,000.00 atautinun tamaanun naunaitkutinun ungahingnianun/titiqqakkut ilihaidjutit.

Ungahiktukkut/Qaritaujakkut/Titiqiqinirmun Ilihaidjutainun Utiffaarutit:

FANSkut utiffaatitugit ilihatunun kitut nakuujumik iniqtiqtut ilihaqjuumirutimingnik qaritaujakkut ungahiktukkullu ilihaidjutit titirakkut ilihaidjutit. Nunavumiutaujughajutit atiliuqtinatit ilihadjutinun tujuqlugillu akiliqtuinirmun naunaitkutit, ilihaqtarnun iniqtiqhimanirmun takunaqlutik iniqtirnirmun puqtuniit uqariijautillu akiliqtaulimaitutit havaktinin aalallu ikajuqtut.

Qanuqtut FANSkut Havauhiit

Havauhiluangit uuktungnirmun akiliqtaunirmunlu FANS kut ikajuutainik ilqaqtut hapkuninga atugahanik:

Uukturit:

Nutaat Ilihaqtut: Tujuqlugit uuktuutitit hapkununga FANSkunun umiktinagit.

Ilihaqhimaaqtut Ilihaqtut: Tujuqlugit Uuktuutit Aulahimaariangani hivuani umikvighaani ilaulugillu aadjiliuqhimajut ilihaidjutitit.

Ihivriuqniq:

FANSkut tujuniaqtait Ilituqhaidjunmik titiramik – una tutqighaidjut tapkua uuktuutitit pijaujut apirhuijullu qujaginaq ilaliutijughanik titiqqanik pijaungitut naunaitkutingnin.

Tujuqlugit:

Pijauhimangitut kangiqhidjutit hapkununga FANSkunun QILAMIK.

Tuhaqtidjutit:

FANSkut Angurutikkut titiraqhimajaat - tuhaqtidjutiluaq angiqtaunirmun pijaangani FANSkut ikajuutainik.

Tingmidjutit:

Hivajariaqaqtatit tingmidjutighanik havaktit naunaijaqlugit tingmidjutighatit. Takulguti naunaijaqhimajut angiqtaujunin titiqqani.

Ilihariaqtulutit!

Ilihavingmungaruvin iliharvingni havaktiinun havaktlugit ukua Ilihaqtut Atiliurutinun Titiqqat.

Akiliuhiarutingit:

Tujuqlugit Ilihaqtut Atiliurutinun Titiqqat (SEF) – una tutqighaidjutauniaqtuq ilihaliqtutit upalungaiqtutillu akiliqtauliqlutit. Atugaqaruvin tujuqlugit sainiqhimajut atukirnirmun angirutit unalu SEF.

Qanuriliugiaqaqin

Itqaumalutit, munaridjutiqaqtutit ilihaqtiujutit tunijaunirmun kavamatkut maniliqtuutaanik. Hapkua ilaujut ilihariaqtuqhimaaqlutit, nakuunikkut ilihaidjutit qanuriniit, pihimalugulu manik tunijaujuq ilihaqriaqtuqjuuminirmun akiliqtaujuq ilingnun ilihavingnun.

Piqaqtuq ilanginik ikajuutighat uuktuutingnun havaktaujaangani qilamik maniliqtuqvighaqalutillu ilihaidjutit aularutikpata:

Tujuqlugit uuktuutitit iikajuutighallu titiqqat qilamik. Nutaqiuruiqlugit umikvighait taimaali havakpiaqviungmata nutaqiunirillu atuqtauniaqtut.
Qaritaujakuuqtitiguvin kajumiktukuluuniin tutqighaqlugu pijaujuq. Kajumiktukuurutit ajuqhautauniaqtut titiqqatit tutqighaqlugit Arvianungaqtut.
Upalungaijaqhimalutit manikharnik ikajuutighat ilingnun ihumaguvin tingmilutit iliharvingmun qilamik iglughanik qiniqhiajaani nutaqiqivikhanikluuniin.
Tujuqlugit iniqtiqhimajut uuktuutit titiqqat UKUALU angirutikkut titiqqat qaaningilugu 30 ublut hivuani aularutaani ilihaidjutit pijaangani manikhat piinarialaqijaangini aularutaanun ilihaidjutit.

Iliharjuumiqvingnun Tikuarutit

Piqaqtuq qanuriliurutighanik kituungmangaat ilihaidjutinun iliharvighat pinahuarutillu ilihaqjuumirviukpata. Atauhiq qiniqlugu Kanadami Titiraqhimajut Tikuaqtauhimajut Iliharviit naunairiangani iliharvik tikuaqtauhimajuq imaa ilihaqjuumiqvik aviktungniani aviktuqhimajumiluuniin humi aulajuq. Naunaijarungni iliharvighat tikuaqtauhimajuq iliharjuumiqvik iliharvik, tutqighaqlugit tapkua pinahuarutit iliharjuumiqviujuq.

Pinahuaurutit Nunavunmi-pihimajuq pinahuarut qiniqlugu una Tikuaqtauhimajut Titirait kitut nuititauhimajut ukiuq tamaat titiraqhimajullu pinahuarutit tikuaqtauhimajut aviktuqhimajumi taimaali pijaaqtut maniktigut ikajuutiqaqtut haffumuuna FANSkut pinahuarutainun.

"Ilihaqjuumiqviit" naunaijaqhimajut Nunavunmi imaa:

Ilihaidjutit tunijaujut ilitarijaununi ilihaqjuumiqvikkut iliharviit;
Pinahuarutit tapkua imaatun tualuni havainirnik hivituniqaqtut;
Mikinihaa 60% iliharnirmun pinahuarutit ilihaqjuumiqviup aktilaangani.
Pinahuarutit ilihariukpat hilataani Nunavut ilvit naunaijaqlugu hapkunanga Ministaujumun ukualuuniin Havagviit munarijaat aviktunia aviktuqhimajuqluuniin tikuaqtaudjutaa. Taimaalu ukua Havagviata Ilinniaqtuliqijit.

FANSkut Ikajuutait:

Iliturilugit aalat maniliqtuutikkut pijaghat uvani www.canlearn.ca.
Iliturinahuaqlugit kitut Nunavunmi-pihimajut pinahuarutit pijaaqtatit haffuminga FANSkunin uvunga Titiraqhimajuni Tikuaqtauhimajut Titiraini.
Ilihavighat hilataaniitpat Nunavut, naunaijaqlugu pijaarnira haffuminga FANS uvani Kanadami Titiraqhimajuni Tikuaqtauhimajut Iliharnirmun Iliharviit.
Kangiqhilugit mighaanun FANStigut haffumunga Naitut Maliruagahat Makpiraangani.

FANSkut Ihuiguhuutikkut Havauhiit

Una FANSkut pinahuarutaa pinahuaqtut nakuutqiatigut pijaangini tamaita uuktuutit ihivriuqtaujut Ihuaqtumik, ihumaliuriiqhimaitumik malikhugillu ukua Ilihaqtut Maniktigut Ikajuutit Maligaa unalu Pitqujaujut. Nakuutqiatigut havaktaugaluaqhutik titiqiqijiinin ihuinaarutiqaqpangniaqtut. Ukpirigupkit tapkua FANSkut maliruagahait ihuitumik atuqtaujut uuktuutingnun ilingnunluuniin qanuriniitigut aghuuqhajaujutit ihuigilugu ihumaliurut havaktauhimajuq FANSkut pinahuarutainun imaa maliklugit ihuighuhuutikkut havauhiitigut. Hapkua havauhiit iliuraqtauhimajut pihimajaangini ihuaqtumik,ihivriurutait uuktuutitit titiqqallu. Ihuinaarahuarutit havauhirmun tuulirutauniaqtut.

Ihuigilimaitatit ihumaliurutit hapkunuuna:

Pihimagaluaqqat ilihavik pinahuaruluuniin tikuaqtauhimajuq iliharjuumiqvik;
Tuuliruvin umikvighaatigut tujungnirmun uuktuutitit;
akiliffaarutighat/akighijuumirutit akianik ukualuuniin ilaliutihimajut atukkanun.

Ihuiguhuutit Hivituniit

Ilituripkaqtauguvin 30nik ublunik tujuriangani titiraqhimajuq ihuiguhuut. Ilituripkaqtauguvin titirakkut una taatit (30) ublut aularutijut quliq (10) ubluini kunguani titiqqap titiraqarvikuurutaagut. Ilituripkaqtauguvin qaritaujakkut, una 30 ublut aularutijut malrungni ubluni kinguani qaritaujakuuqhimajup tujungniatigut. Ilituripkaqtauguvin hivajautikkut kitut ilaujut nipiliuqhimajut, una 30ni ubluni aularutigijaa hivajataunikkut.

Ihuiguhuutit Aktilaangit

Havaktinagit ihuiguhuutit, uqaqvigilugit FANSkut Havaktia. Amigaitut ajuqhautit ihuaqhijaujaaqtut imaa uqautigilugit pidjutaujut pihimalugillu tamangnik ilaujut kangiqhilugit hunat ajuqhautaujut. Aalanguqtirniq ilainun ilihaqtupluuniin kangiqhidjutait ihuiguhuutikuuriaqangituq, havaktaujaaq FANSkut Havaktianin.

Tugliq atugahaq aihuiguhuutit havauhianun tujuqlugu titiraqhimajuq ihuiguhuut qaritaujakkut naunaijauluuniin titiraqhimajut qanuriniit aihuiguhungnirmun hapkununga [email protected]. Titiraqhimajuq ihuiguhuut havaktauniaqtuq Atangujaanin FANSkut kitu ihivriuqniaqtaa naunaitkutingni hivajaniaqtaatit ilaliutijughanik kangiqhidjutinik ihariagijaukpata. Atangujap pigumiuk ihuiguhuutit talimanik (5) havangnaqtuni ubluni ihumaliurutigilugu qanurinia ilituripkalugu uuktuqtuq qanuriniagut inmi ihuiguhuutitik.

Pingahua atugahaq ihuiguhuutit havauhianun humi Atangujaq hivumuuqtiniaqtait qujaginaq ihuaqtut titiqqat Aulapkaijianun hapkua Hivumut Ilihaidjutiliqijunun kitup havaklugit ihivriurutait. Aulapkaijianun hapkua Hivumut Ilihaidjutiliqijunun piqaniaqtuq talimanik (5) havangnaqtuni ubluni ihivriuqlugu, ihumaliurutigilugu qanurinighaa ihuiguhuutip ilituipkalugu uuktuqtuq.

Kinguliq atugahaq ihuiguhuutit havauhianun humi uuktuqtuq ihuiguhukhimaaqtuq talvanga Aulapkaijianun hapkua Hivumut Ilihaidjutiliqijunun hivumuuqtilugu ihuiguhuut qujaginaqlu titiqqat hapkununga Havagianun Ilinniaqtuliqijit taimaali Ministaata Ilinniaqtuliqijit tunijaulutik kangiqhidjutinik ihariagijaujut ihumaliurutigijaangini qanuriniit.

Kangiqhitiarumaguvin atugahanunlu hivajaqlugit FANS-kut Akiitukkut hivayautaa:  1-877-860-0680.

Ilihaqtut Maniktigut Ikajuutait

Kavamatkut Nunavunmi ilitarijait iliharnirmun nakuunihait Nunavunmi ilihaqtut. Hapkua Ilihaqtut Maniktigut Ikajuutait tunijaujut hapkununga FANSkunun tunijaujut kitut atiliuqhimajut iliharaanginarnirmun ilihaqtunun. Ilihaqtut tujuqtaghait inmi ilihaidjutitik FANSkut havagianun ihivriuqtaujaangini. Ilihaqtut Maniktigut Ikajuutait tunijaujut maniqariinun iliuraqtaujut.  

Ilihaqtut Maniktigut Ikajuutait tunijauvaktut ukiaghami iliharnirup ukiungani kitut ilihaqtut pijaaqtunun haffuminga Ilihaqtut Maniktigut Ikajuutait. Tunijauhimajughaujutit FANSkut ikajuutainik pijaarni Ilihaqtut Maniktigut Ikajuutait.

Puqtuniit 12mun Ilihaqtut Maniktigut Ikajuutait – $500

Iniqtiqhimaguvin hamanga Nunavunmi iliharjuumirutainik imaalu 80 pusanmik angitqiaqluuniin naunaitkutaa Puqtuniani 12 pijaaqtutit $500mik Ilihaqtut Maniktigut Ikajuutait.

Qaangiqhimangitunun Ilihaqtut Maniktigut Ikajuutait– $750

Tunijauguvin imaa "A"mik naunaitkutamik qujaginaq qaangiqhimangitumik puqtuniit ukiuni, pijaaqtutit imaa $750mik Ilihaqtut Maniktigut Ikajuutait nuguniani iliharnirup ukiungani. Kingulirmi ukiungani qaangiqhimangitut puqtuniinik aulahimaaruvin haffumunga Master’smik Naunaitkutiqaqtumik, pijaaqtutit $1000daalamik unaungituq $750mik. Nunamiutaujughaujutin ilihaqtilugit kitut Ilihaqtut Maniktigut Ikajuutait pijaarnirinun.

Master’smik Manikhaakhanik Ilihaqtut Ikajuutikhamik – $1,000

Tunijauguvin“A”mik naunaitkutamik hitamaani ukiup qaangiqhimangitumik puqtuniit ukiuni, pijaaqtutit imaa $1000daalamik Manikhaakhanik Ilihaqtut Ikajuutikhamik aularutaani hivuliup ukiup Naunaitkutamik. Nungunianun hiliup ukiup qujaginaq ukiut Master’enik ilihaidjutainik tunijauguvin “A”nik naunaitkutingnik pijaaqtutit ilaliutihimajumik $1000daalamik. Kingulirmi ukiunganik Master’snik ilitagidjutikharnik aulahimaarniaruvit Doctoralmik Ilihaidjutaanik ilitagidjutikharnik, pigiaqaqtun $1500 tamnaungitumik $1000mik. Ilihaqtut kitut pijaaqtut ilaliutihimajunik ikajuutinik tunijauhimajughat "Bmik" naunaitkutamik. Nunamiutaujughaujutin ilihaqtilugit kitut Ilihaqtut Maniktigut Ikajuutait pijaarnirinun.

Doctorate-mik Manikhaakhanik Ilihaqtut Ikajuutikhamik – $1,500

Tunijauguvin imaa "A"mik naunaitkutamik kingulirmik Master’s Ilihaidjutaanik aulahimaaqtumiklu Doctora ilihaidjutaanik pijaaqtutit haffuminga $1500 Manikhaakhanik Ilihaqtut Ikajuutikhamik aularutaanin hialiup ukiup haffuma Doctoral ilihaidjutaanik. Kingunganirmi hivulliujuq ukiunganik qaffiujuniklu ukiungit Doctoralnik ilihaidjutaanik tunijauguvin "Amik" naunaitkutamik pijaaqtutit ilaliutihimajumik $1500mik. Ilihaqtut kitut pijaaqtut ilaliutihimajunik ikajuutinik tunijauhimajughat "Bmik" naunaitkutamik. Nunamiutaujughaujutin ilihaqtilugit kitut Ilihaqtut Maniktigut Ikajuutait pijaarnirinun.

Pijaangini FANSkut

Nakuutqiaq pijaangini FANSkut qaritaujakkut. Una pidjutiqaqtut titiqatigut naunaijautinik tamainun tuhaqtitinirmun qitqani ilvit ukualu FANSkut. Tujuriaqaruvin titiqqanik FANSkut havagvianun aadjiliuqlugit tujuqlugit qaritaujakkut. Aadjiliurutiqangitkuvin, piksaliuqlugit titiqqatit qaritaujakuuqtilugit havagviptingnun.

Ukua FANSkut havagvia atuqtait qaritaujakkut ilituqhaidjutit auladjutainun:

• FANSkut tujulimaiqtut titiqqanik aadjiliuqhimajunik titiraqarvikkut
• Pihimalutit tunihiluta ihuaqtumik qaritaujakuurutingnik tuuliinaitumik pijaami titiqqat
• Aalanguqqat qaritaujakuurutit, ilituripkalugit FANSkut qilamik
• Qiniqlugit ukua ”junk” naunaitkutaa talvungaqnaghangmat
• Kajumiktukuuqtitijumaguvin apirhuilutit pijaghaangani titiqqat kajumiktukkut, Kajumiktukuurut atuqtauniarman ilaani kajumiktukuuqhimajut pijaujuitut.

[email protected]
[email protected]
[email protected]
Hivajautaa: 1-877-860-0680
Kajumiktukkut: 1-877-860-0167