Employés

You are here

ᖃᐅᔨᓴᖅᓯᓂᖅ ᐅᓄᕐᓂᖏᓐᓄᑦ Gulf of Boothia−ᒥ ᓇᓄᕆᔭᐅᒃᑲᓐᓂᖅᑐᓄᑦ ᐊᑐᖅᑐᖃᕐᓗᓂ ᑎᒥᖏᑎᒍᑦ ᓇᓗᓇᐃᒃᑯᑦᑎᖅᓯᓂᕐᒥᒃ−ᐱᒃᑲᓐᓂᖅᓯᓂᕐᒥᒃ

ᓇᓄᐃᑦ (Ursus maritimus) ᐊᐅᓚᑦᑎᕕᐅᕙᒃᐳᑦ ᓄᓇᕘᓕᒫᒥ, ᑲᓇᑕᒥ, ᖃᔅᓯᕌᕈᓐᓇᕐᓂᕐᒧᑦ ᐊᑐᖅᑕᐅᕙᒃᑐᑎᒍᑦ ᕿᓂᖅᑐᒃᑯᑦ ᓇᓗᙱᑦᑎᐊᕈᒪᓂᕐᒧᑦ ᑕᒪᓐᓇ ᐊᖑᓂᕆᔭᐅᕙᒃᑐᖅ ᑲᔪᓰᓐᓇᕈᓐᓇᕐᒪᖔᑦ. ᐊᕐᕌᒎᓴᖅᑐᓂ ᖁᓕᓂ, ᓯᓚᐅᑉ ᐊᓯᔾᔨᕐᓂᕆᔭᖏᑦ ᐅᑭᐅᖅᑕᖅᑐᓕᒡᒪᒥ ᐊᓯᔾᔨᖅᑎᑎᑦᑎᓯᒪᕗᖅ ᓇᓄᐃᑦ ᐃᓂᒋᕙᒃᑕᖏᓐᓂᒃ, ᑕᒪᓐᓇᓗ ᓱᒃᑲᓕᔪᒻᒪᕆᐅᓪᓗᓂ. ᐱᓯᒪᔪᒪᓗᓂ ᑲᔪᓯᔪᓐᓇᑦᑎᐊᖅᑐᒥᒃ ᓇᓄᕐᓄᑦ ᓇᓄᖃᑎᒌᒃᑲᓐᓂᖅᑐᓄᑦ ᐃᓚᒋᔭᐅᓪᓗᑎᒃ ᓄᓇᒧᑦ ᓇᓗᙱᑦᑎᐊᕈᒪᓂᐅᕗᖅ ᑲᔪᓰᓐᓇᖅᑐᒥᒃ ᒪᓂᒪᕙᖕᓂᖏᓐᓂᒃ ᐊᑐᖅᑕᐅᔪᓐᓇᖅᖢᓂ ᐃᓄᖕᓄᑦ, ᖃᐅᔨᓴᕐᓂᕐᒧᑦ ᓇᐅᑦᑎᖅᓱᖅᓯᓂᕐᒧᓪᓗ ᐱᓕᕆᐊᖑᕙᒃᐳᑦ ᖃᐅᔨᓴᖅᓯᔪᒪᓂᕐᒧᑦ ᓇᓅᖃᑎᒌᒃᑲᓐᓂᖅᑐᑦ ᖃᓄᐃᓕᖓᓂᖏᓐᓂᒃ ᐊᒻᒪᓗ ᐊᐅᓚᑦᑎᓂᕐᒧᑦ ᑐᕌᕆᔭᐅᔪᑦ ᐊᐴᑎᓯᒪᔭᐅᒐᓗᐊᕐᒪᖔᑕ. ᐅᕙᓂ ᐅᓂᒃᑲᐅᓯᖃᖅᐳᒍᑦ ᖃᓄᐃᓕᖓᓂᖏᓐᓂᒃ ᖃᔅᓯᐅᓂᖏᓐᓄᑦ ᖃᐅᔨᓴᖅᓯᓂᕐᒥᒃ ᓇᓄᕐᓄᑦ ᓄᓇᓕᖕᓄᑦ Gulf of Boothia−ᒥ ᑲᔪᓯᓚᐅᖅᐳᖅ 2015-2017-ᒥ. ᒫᓐᓇ ᖃᓴᒐᒃᓴᐃᑦ ᑲᑎᑕᐅᓚᐅᖅᐳᑦ ᐊᑐᖅᑐᖃᖅᖢᓂ ᐸᒡᕕᓴᙱᓐᓂᖅᓴᒥᒃ ᑎᒥᖓᓂᑦ ᐲᖅᓯᐊᕐᔪᒃᖢᓂ ᓇᐅᒃᑲᖅᑕᐅᒻᒧᑦ ᐊᐅᓚᔪᓐᓇᐃᓕᑎᑦᑎᙱᖦᖢᑎᒃ ᑎᒥᖏᑎᒍᓪᓘᓐᒡᓂᑦ ᑲᓴᓗᒃᑕᐅᙱᓪᓗᑎᒃ. ᖃᐅᔨᓴᕐᓂᕆᔭᕗᑦ ᐃᓚᖃᓚᐅᖅᐳᖅ 2015-2017-ᒥ ᑎᒥᖓᓂᑦ ᖃᐅᔨᓴᒐᒃᓴᒥᒃ ᑎᑎᕋᖅᓯᒪᔪᓂᒃ, ᐆᒪᔪᒥᑦ−ᐲᖅᓯᓂᒥᒃ ᑎᑎᕋᖅᓯᒪᔪᓂᒃ ᑲᑎᑕᐅᔪᓂᒃ ᐋᖅᑭᒃᓱᖅᑕᐅᓯᒪᔪᒥ ᖃᐅᔨᓴᕐᓂᕐᒥ 1998-2000-ᒥ, ᐆᒪᔪᒥᒃ−ᐲᖅᓯᓂᕐᒥᒃ ᑎᑎᕋᖅᓯᒪᔪᓂᒃ ᑲᑎᑕᐅᓚᐅᖅᑐᓂᑦ ᐱᕕᒃᓴᖃᕐᓂᕐᒧᑦ 1976−1997−ᒥ, ᐊᖑᔪᖃᖅᐸᖕᓂᖓᓄᓪᓗ ᐅᑎᖅᑎᑦᑎᓂᕐᒧᑦ ᑎᑎᕋᖅᓯᒪᔪᓂᒃ ᐅᕗᖓᓕᒫᖅ 1976-2017-ᒧᑦ. ᖃᐅᔨᔭᐅᔪᑦ ᐆᒪᔪᒥᒃ−ᐱᓯᓂᕐᒧᑦ, ᑐᖁᔪᓂᑦ−ᐱᕝᕕᖃᕐᓂᕐᒧᑦ ᐊᑐᖅᑕᐅᓇᔭᖅᑐᓂᒃ ᐋᖅᑭᒃᓱᖅᑕᐅᓯᒪᔪᓂ MARK-ᒥ ᐃᒪᐃᑎᑦᑎᖅᑰᔨᕗᑦ, ᖃᔅᓯᐅᓂᖏᓐᓄᑦ ᖃᔅᓯᐅᓇᓱᒋᔭᐅᔪᒥ 1525−ᓂᒃ (ᑕᒻᒪᖅᑕᐅᒐᔪᒃᐸᒃᑐᖅ [SE] = 294) 2015 – 2017−ᒧᑦ ᐊᔾᔨᖃᑲᓴᓚᐅᖅᐳᖅ ᐅᓄᕐᓂᕆᔭᖏᓐᓄᑦ 1998 – 2000−ᒥ (1610 [SE = 266] ᑕᕝᕙᓂ ᖃᐅᔨᓴᕐᓂᕆᔭᐅᔪᒥ; 1592 [SE = 361]ᐅᕙᓂ, Taylor et al. [2009−ᒥ]). ᓇᓄᕋᓛᖅᑖᕆᔭᐅᔪᑦ ᐊᕐᕌᒍᒧᑦ ᐊᕐᕌᓂᓕᓴᐃᓪᓗ ᐊᖏᑎᒋᓂᖏᑦ 2015 – 2017−ᒧᑦ 1.61−ᖑᓚᐅᖅᐳᑦ (95%−ᒥᒃ ᑕᕝᕙᒻᒪᕆᐅᓂᖏᓐᓂᒃ [CI] = 1.51 – 1.70) ᐊᒻᒪᓗ 1.53 (95% CI 1.41– 1.64), ᑭᖑᓕᕇᒡᓗᑎᒃ, ᐅᔾᔨᕐᓇᖅᑐᒥᒃ ᖃᓄᐃᓕᕙᓪᓕᐊᓂᑲᕋᓂ ᑕᑯᓪᓗᒍ 1998 – 2000. ᖃᔅᓯᐅᓂᕆᔭᖏᑦ ᐊᕐᕌᓂᓕᓴᐃᑦ ᐃᓐᓇᕐᒧᑦ ᐊᕐᓇᒧᑦ 2015 – 2017−ᒧᑦ 0.36−ᖑᓚᐅᖅᐳᖅ (95% CI = 0.26 – 0.47) ᑕᒪᓐᓇᓗ ᐃᒪᐃᑎᑦᑎᖅᑰᔨᓪᓗᓂ, ᑖᓐᓇ GB ᒫᓐᓇ ᕿᑐᕐᙱᐅᕐᕕᐅᓪᓗᓂ ᓇᓄᕐᓂᑦ, ᓯᑯᖓ ᐊᓯᔾᔨᖅᓯᒪᓕᕋᓗᐊᖅᑎᓪᓗᒍ. ᑕᒪᓐᓇ ᐊᔨᖃᖅᐳᖅ ᖃᐅᔨᔭᑦᑎᓐᓂᑦ ᓇᓄᐃᑦ ᑎᒥᖏᑕ ᖃᓄᐃᓕᖓᓂᖏᑦ (ᓲᓗ, ᖁᐃᓂᓂᖏᑦ) ᐅᐱᕐᙵᒃᑯᑦ ᐊᖏᒡᓕᒋᐊᓚᐅᖅᓯᒪᕗᖅ ᐅᑯᓇᓂ, 1998-2000−ᒥ ᐊᒻᒪᓗ 2015-2017-ᒥ. ᖃᐅᔨᓚᐅᖅᐳᒍᑦ ᑭᓲᓂᖏᓐᓂᒃ ᖃᔅᓯᓂᒡᓗ ᐊᕐᕌᒍᖃᕐᓂᖏᓐᓂᒃ−ᐱᔾᔪᑎᖃᓪᓗᐊᑕᖅᑐᒥᒃ ᐊᔾᔨᒋᙱᓐᓂᕐᒥᒃ ᑲᑎᖦᖢᒋᑦ ᐆᒪᔪᓐᓇᕐᓂᕆᔭᖏᓐᓂ (ᓲᕐᓗ ᐃᒪᓐᓇ, ᐃᓚᒋᔭᐅᓗᓂ ᐊᖑᔭᐅᓯᒪᔪᑦ ᑐᖁᑕᐅᔪᑦ) ᖁᑦᑎᖕᓂᖅᓴᒥᒃ ᖃᔅᓯᐅᓇᓱᒋᓐᓈᔪᖃᖅᖢᓂ ᐃᓐᓇᕐᓄᑦ ᐊᕐᓇᓄᑦ (0.95;95% CI=0.81-0.99) ᐃᓐᓇᕐᓂᑦ ᐊᖑᑎᓂᑦ (0.85;95% CI=0.74-0.92 ᐊᕐᕋᒍᓄᑦ 2005-2017. ᐊᒃᑐᐊᓂᖃᑐᐃᓐᓇᕆᐊᓕᖕᒥᒃ ᖃᓄᐃᓕᖓᓕᕐᓂᕐᒥᒃ ᖃᐅᔨᔭᐅᔪᖃᓚᐅᖅᐳᖅ ᐅᓄᖅᓯᒋᐊᕐᓂᐅᓪᓗᓂ ᖃᔅᓯᐅᓂᕆᔭᖏᓐᓄᑦ ᐊᕐᓇᐃᑦ 0.57−ᒥᑦ 1998−2000-ᒥ 0.61−ᒧᑦ 2015−2017−ᒥ. ᖃᔅᓯᐅᓂᖏᓐᓄᑦ ᐅᓄᖅᓯᕙᓪᓕᐊᓂᖏᑦ ᖃᔅᓯᐅᓇᓱᒋᔭᐅᓂᖏᑦ ᐊᑐᖅᑐᖃᖅᖢᓂ matrix ᖃᓅᓂᐊᕋᓱᒋᓐᓈᓂᕐᒧᑦ ᐊᑐᖅᑕᐅᓇᔭᖅᑐᒥᒃ ᖃᔅᓯᐅᓇᓱᒋᓐᓈᔪᖃᖢᓂ ᑲᑎᖦᖢᒋᑦ ᐆᒪᓂᕆᔭᖏᑦ 0.06-ᖑᓚᐅᖅᐳᖅ (95% CI = 0.06 - 0.12) 2005-2007−ᒧᑦ, ᐃᒪᐃᑎᑦᑎᖅᒡᑯᔨᓪᓗᑎᒃ ᓴᙱᔪᒥᒃ ᐊᔪᙱᓐᓂᖃᑐᐃᓐᓇᕆᐊᖃᖅᖢᑎᒃ ᐱᕈᖅᐊᓪᓕᐊᓂᕐᒥᒃ. ᑭᓯᐊᓂᓗᑦᑕᐅᖅ, ᖃᔨᔭᕗᑦ ᖃᔅᓯᐅᓂᖓᑕ ᐅᓄᖅᑎᒋᓂᖏᑦ ᖃᓄᐃᓕᕙᓪᓕᐊᓂᖏᓪᓗ ᑐᑭᖃᖅᑎᑕᐅᓕᓪᓗᐊᖅᐳᑦ ᐅᔾᔨᖅᓱᑦᑎᐊᖅᑐᖃᕐᓗᓂ ᐃᒪᐃᓐᓂᖓᓄᑦ, ᖃᔅᓯᐅᓇᓱᒋᓐᓈᓂᕗᑦ ᐅᓄᕐᓂᖏᑕ ᐊᒃᑐᐊᓂᖃᕐᒪᑦ "ᐅᓄᕐᔪᐊᕐᓂᖏᓐᓄᑦ" (ᓲᕐᓗ ᐃᒪᓐᓇ, ᑕᒪᓐᓇ ᐃᓚᖃᖅᐳᖅ ᓇᓄᓕᒫᓂᒃ ᐊᑐᖅᐸᒃᑐᓂᒃ GB-ᒥᒃ ᐃᓂᒥᒃ ᐊᐅᓚᑦᑎᕕᐅᔪᒥᒃ, ᐃᓚᖏᓪᓗ ᐊᓯᒥᓂᑦᑕᐅᖅ ᓇᓅᖃᑎᒋᔭᓃᑉᐸᒃᖢᑎᒃᑕᐅᖅ) ᖃᔅᓯᐅᓇᒋᓐᓈᓂᖅᐳᓪᓗ ᖃᔅᓯᐅᓂᖏᑕ ᐅᓄᖅᓯᕙᓪᓕᐊᓂᕆᔭᖏᓐᓄᑦ ᐃᓚᕋᙱᓚᖅ ᐊᓯᐊᓄᐊᕋᔭᕐᓂᕐᒥᒃ ᑕᐃᑲᓃᖏᓐᓇᓂᕐᓗᓂᓗ GB−ᒥᑦ ᐊᐅᓚᑦᑎᓂᕐᒧᑦ ᐃᓂᒥᑦ. ᐊᑕᖐᓪᓗᓂ, ᖃᐅᔨᔭᕗᑦ ᑕᑯᑎᑦᑎᖅᑯᔨᕗᑦ ᓇᓂᐅᓂᖏᓐᓄᑦ ᖃᓄᐃᓕᖓᓂᖏᑦ GB−ᒥ ᓇᓄᒋᔭᐅᒃᑲᓐᓂᖅᑐᑦ ᒫᓐᓇ ᖃᓄᐃᙱᑉᐳᑦ, ᐃᒪᐃᒃᑲᓗᐊᖅᑎᓪᓗᒍ, ᐃᒪᐃᓕᐅᖁᔨᓇᔭᖅᑎᓪᓗᑕ ᐊᑦᑎᖕᓂᖅᓴᓂᒃ ᖃᔅᓯᐅᓇᓱᒋᓐᓈᓗᑎᒃ ᑲᑎᖦᖢᒋᑦ ᐊᖑᔭᐅᓯᒪᙱᑦᑐᓄᓪᓗ ᐆᒪᔪᓐᓇᕐᓂᕆᔭᖏᓐᓄᑦ ᐊᖑᑎᖏᑕ ᓇᓄᐃᑦ ᓱᓕ ᖃᐅᔨᓴᖅᑕᐅᒃᑲᓐᓂᕆᐊᖃᖅᑎᑦᑎᕗᑦ. ᐃᒪᓐᓇᐅᓇᓱᒋᓐᓈᕗᒍᑦ, ᐃᓂᒥᓂ ᓇᓃᓐᓂᖏᓐᓄᓪᓗ ᒥᑭᒡᓕᒋᐊᖅᑐᖅ ᑐᕙᕐᒥ ᐱᑎᑦᑎᑐᐃᓐᓇᕆᐊᖃᖅᓯᒪᕗᖅ ᓅᓐᓂᕐᒧᑦ ᐱᕚᓪᓕᕈᑕᐅᓯᒪᔪᓂᒃ GB−ᒥ ᓇᓄᕆᔭᐅᒃᑲᓐᓂᖅᑐᓄᑦ ᑕᐃᒪᐃᔾᔪᑎᖃᖅᖢᑎᒃ ᓄᓇᒥᐅᑕᐅᓂᕐᒧᑦ ᐅᓄᖅᓯᕙᓪᓕᐊᕙᖕᓂᕆᔭᖏᓐᓄᑦ. ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᐱᓪᓗᐊᑕᕗᖅ ᐊᕗᖓᑲᓪᓚᒃ ᖁᐊᖅᓵᕐᓇᖅᑎᑦᑎᓪᓗᓂ ᓇᓄᕐᓄᑦ ᐊᑐᖅᑕᐅᓕᕋᔭᖅᑐᒧᓪᓗ ᑕᒪᒃᑯᐊ GB−ᒥ ᓇᓄᕆᔭᐅᒃᑲᓐᓂᖅᑐᑦ ᐱᐅᙱᑦᑐᒃᑯᑦ ᐊᒃᑐᖅᑕᐅᓇᔭᕐᓂᖏᓐᓂᒃ ᑲᔪᓰᓐᓇᖅᑐᒃᑯᑦ ᑐᕙᖅ ᓄᖑᑉᐸᓪᓕᐊᓂᕿᔭᖓᓄᑦ, ᓲᕐᓗ ᐊᓯᖏᓐᓄᑦ ᓇᓅᖃᑎᒌᓄᑦ, ᒫᓇᒧᑦ ᑎᑭᖦᖢᒍ ᖃᐅᔨᒪᔭᐅᙱᓚᖅ. ᑕᒪᓐᓇ ᖃᐅᔨᓴᐃᓄᒋᐊᓐᓂᖏᑦᓂᕆᔭᐅᔪᖅ ᑭᒡᒐᖅᑐᐃᕗᖅ ᐊᐃᑉᐸᖓᓂᒃ ᐋᖅᑭᒃᓱᖅᑕᐅᓯᒪᔪᓂ ᖃᔅᓯᐅᓂᖏᓐᓄᑦ ᖃᐅᔨᓴᖅᓯᓂᖅ 22−ᓂ ᐊᕐᕌᒍᓂ GB-ᒥ ᓇᓄᕆᔭᐅᒃᑲᓐᓂᖅᑐᓄᑦ. ᑐᙵᕕᒋᓪᓗᒍ ᐱᓕᕆᖃᑦᑕᖅᓯᒪᓂᖅ ᐱᔭᐅᔪᖅ ᑕᕝᕘᓇ ᖃᐅᔨᓇᓱᖕᓂᒃᑯᑦ ᖃᐅᔨᓴᕐᓂᒃᑯᓪᓗ, ᑐᓂᓯᕗᒍᑦ ᖃᔅᓯᑲᓪᓚᖕᓂᒃ ᖃᓄᐃᓕᐅᖁᔨᓂᕐᓂᒃ ᐃᓱᒪᒃᓴᖅᓯᐅᕈᑕᐅᓂᐊᖅᑐᓂᒃ ᐱᕙᒌᔭᖅᑐᖃᓕᖅᐸᑦ ᓯᕗᓂᒃᓴᒥ ᓇᓄᕐᓂᒃ ᖃᔅᓯᐅᓂᖏᓐᓄᑦ ᖃᐅᔨᓴᕐᓂᕆᔭᐅᔪᓂ. ᐃᒪᓐᓇᐃᓕᐅᖁᔨᓇᔭᖅᐳᒍᑦ, ᑲᑎᖅᓱᐃᔪᖃᕐᓗᓂ ᑎᑎᕋᖅᓯᒪᒃᑲᓐᓂᖅᑐᓂᒃ ᕿᑎᐸᓗᐊᓂ ᐱᕙᒌᔭᖅᑕᐅᓯᒪᔪᑦ ᖃᔅᓯᐅᒃᑲᓐᓂᕐᓂᖏᓐᓄᑦ ᖃᐅᔨᓴᕐᓂᕐᓂ. ᑕᐃᒪᐃᓐᓂᖓᓄᓪᓗ, ᑕᒪᓐᓇ ᓇᓕᒧᒋᔭᖃᖅᐳᖅ 5−7−ᐸᓗᖕᓂᒃ ᐊᕐᕌᒍᓂᒃ 2017−ᒥ ᐱᔭᕇᖅᑕᐅᓚᐅᖅᑐᒥ ᓯᓚᒥ ᐱᓕᕆᓂᕆᔭᐅᔪᒥ. ᐊᒻᒪᓗᒃᑲᓐᓂᖅᑕᐅᖅ, ᑕᒪᓐᓇ ᖃᓄᐃᓕᐅᓕᖁᔨᓂᖅ ᓄᒃᑕᖅᐸᖕᓂᖏᓐᓄᑦ ᑎᑎᕋᖅᓯᒪᔪᑦ ᓄᑖᖑᙱᑎᓪᓗᒍ, ᐊᑐᖁᔭᐅᓯᒪᑦᑎᐊᖅᓯᒪᕗᖅ ᓇᓅᖃᑎᒌᒃᑲᓐᓂᖅᑐᓄᑦ ᖃᐅᔨᒪᔭᐅᔪᑎᒍᑦ ᐃᓂᒥ ᐊᒥᖅᑲᑲᑎᖃᖅᐸᖕᓂᖏᓐᓂᒃ ᓇᓄᐃᑦ ᑕᒃᑯᓇᓂ ᐃᓂᓂ. ᐱᑕᖃᙱᓐᓂᖓᓄᑦ ᖃᖓᑦᑕᖅᑎᑕᐅᓯᒪᔪᑎᒍᑦ ᑎᑎᕋᖅᑕᐅᓯᒪᔪᓂᒃ ᓇᓄᐃᑦ ᓄᒃᑕᕐᓂᕆᕙᒃᑕᖏᓐᓄᑦ, ᑲᔪᓯᑎᑦᑎᓂᖅ ᖃᐅᔨᓴᖅᓯᓂᕐᒥᒃ ᖃᐅᔨᓴᕈᒪᓂᕐᒧᑦ ᐊᒥᖅᑳᖃᑎᒌᒃᐸᖕᓂᕆᔭᖏᓐᓄᑦ GB−ᒥ ᖃᓂᒋᔭᖓᓂᓗ ᓇᓄᕆᔭᐅᒃᑲᓐᓂᖅᑐᓄᑦ (ᓲᕐᓗ ᑕᓪᓗᕈᑎᐅᑉ ᐃᒪᖓ, GB, ᐊᒻᒪᓗ M'Clintock Channel) ᐃᑲᔪᑐᐃᓐᓇᕆᐊᖃᖅᐳᑦ ᒥᑭᒡᓕᒋᐊᖅᑎᑦᑎᓗᓂ ᐃᓚᖓᓂᒃ ᓇᓗᓇᕈᔪᒃᐸᒃᑐᒥᒃ ᐃᓛᒃᑰᖅᑐᓄᑦ ᓇᓄᕆᔭᐅᒃᑲᓐᓂᖅᑐᓄᑦ ᖃᔅᓯᐅᓇᓱᒋᓐᓈᓂᕐᓂᒃ ᑕᒪᒃᑯᓄᖓ ᐃᓂᓄᑦ. ᑭᖑᓪᓕᖅᐹᒥᒃ, ᐱᕕᒃᓴᖅ, ᐊᑐᖅᑕᐅᔪᓐᓇᖅᑐᑦ, ᐊᐅᓚᑦᓂᕐᒧᓪᓗ ᑐᕌᕆᔭᐅᔪᑦ ᑕᐃᒪᐃᑦᑐᓐᓇᖅᑎᑦᑎᒃᐸᑕ, ᐃᒪᓐᓇᐅᖁᔨᓇᔭᖅᐳᒍᑦ, ᑲᔪᓯᑎᑦᑎᔪᖃᕐᕐᓗᓂ ᖃᔅᓯᐅᓂᖏᓐᓄᑦ ᐊᖑᓗᓂ ᖁᐊᖅᓵᕐᓇᑐᐃᓐᓇᕆᐊᓕᖕᒧᑦ ᖃᐅᔨᓴᖅᓯᓂᕐᒥᒃ ᑐᓴᐅᒪᑎᑦᑎᔪᒪᓂᕐᒧᑦ ᑲᔪᓰᓐᓇᕈᓐᓇᖅᑐᓄᑦ ᐊᖑᓂᕐᒧᑦ ᖃᔅᓯᕌᕈᓐᓇᕐᓂᕆᔭᐅᔪᓄᑦ.

Category(ies):