ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᕈᕆᐊᖅᑕᐅᔪᑦ - ᐅᑐᐱᕆ 19, 2020
ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᕈᕆᐊᖅᑕᐅᔪᑦ
ᓱᓕ ᓇᓗᓇᐃᖅᑕᐅᔪᖃᖅᓯᒪᙱᑦᑐᖅ ᐱᖃᕋᓱᒋᔭᐅᔪᓂᒡᓘᓪᓃᑦ ᓄᕙᒡᔪᐊᕐᓇᖅ-19−ᒥᒃ ᓄᓇᕗᒻᒥ. ᓇᓗᓇᐃᖅᑕᐅᓚᐅᖅᑐᑦ Hope Bay ᐅᔭᕋᖕᓂᐊᕐᕕᖕᒥ ᓄᕙᒡᔪᐊᕐᓇᖅᑖᖅᓯᒪᔪᑦ ᓄᓇᖏᓐᓄᑦ ᐃᓚᓕᐅᔾᔭᐅᓯᒪᔪᑦ.
ᑲᑎᖦᖢᒋᑦ ᐃᓄᐃᑦ ᒫᓐᓇᒧᑦ ᑎᑭᖦᖢᒍ ᖃᐅᔨᓴᖅᑕᐅᓯᒪᓕᖅᑐᑦ 3404−ᖑᓕᖅᑐᑦ. 550 ᐃᓄᐃᑦ ᒫᓐᓇ ᖃᐅᔨᓴᖅᑕᐅᔪᑦ.
ᐃᓚᒋᔭᐅᓪᓗᓂ ᓄᓇᕗᑦ ᒐᕙᒪᖓᑕ ᐱᓇᔪᖕᓂᕆᔭᖓᓄᑦ ᓴᐳᔾᔨᓯᒪᔪᒪᓪᓗᑎᒃ ᓄᓇᕗᒻᒥᐅᓂᒃ ᖁᐋᖅᓵᕐᓇᖅᑐᒧᑦ ᓄᕙᒡᔪᐊᕐᓇᖅ-19−ᒧᑦ, ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᑦ ᐅᑯᓂᖓ ᐊᑐᓕᖅᑎᑦᑎᓯᒪᕗᑦ:
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐱᔨᑦᑎᕋᐅᑎᖏᑦ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐃᖅᑲᐃᓯᔪᒪᕗᑦ ᓄᓇᕗᒥᐅᓕᒫᓂᒃ ᓄᓇᕘᑉ ᓯᓚᑖᓄᑦ ᐊᐅᓪᓚᑲᑕᖁᔨᙱᖦᖢᑎᒃ. ᐊᐃᑉᐸᖓ ᓴᖅᑭᒃᑲᓐᓂᓕᕐᒥᔪᖅ ᓄᕙᒡᔪᐊᕐᓇᖅ 19 ᑲᓇᑕᒥ ᖃᓄᐃᓐᓂᕆᔭᖓᓄᑦ ᓇᓗᓇᖅᑐᒦᒻᒪᑦ.
ᑲᓇᑕᒥ ᖃᓪᓗᓈᓂᙶᖅᑐᑦ ᖃᖓᑕᓲᒃᑯᑦ ᓇᕈᓇᒃᐸᒃᑐᑦ ᐃᖅᑲᐃᓯᔭᐅᕗᑦ ᖁᕕᐊᓱᒡᕕᒃ ᖃᒡᓕᕙᓪᓕᐊᓛᓕᕐᒥᖕᒪᑦ ᐊᐅᓪᓚᑲᑕᖁᔭᐅᙱᑦᑑᒐᓗᐊᑦ. ᐃᓄᑐᐊᒃᑯᕖᑦ ᐃᐊᑦᒪᓐᑕᓐᒥ, ᐅᐃᓂᐱᐊᒡᒥ ᐊᒻᒪ ᐊᑐᕚᒥ ᐅᖓᕙᕆᐊᖅᑕᐅᑐᐃᓐᓇᕆᐊᖃᖅᐳᑦ ᐃᓂᒃᓴᖅᑕᖃᙱᑐᐊᕌᖓᑕ. ᓯᕗᓪᓕᐅᔾᔭᐅᖃᑦᑕᕐᓂᐊᖅᑐᑦ ᐋᓐᓂᐊᕕᓕᐊᖅᓯᒪᓪᓗᑎᒃ ᐊᐅᓪᓚᖅᓯᒪᔪᑦ.
ᖃᖓᑕᓲᒃᑯᑦ ᐊᐅᓪᓚᕐᕕᐅᒐᔪᒃᑐᑦ ᓄᓇᑦᓯᐊᕐᒥ, ᐊᒻᒪ ᓄᓇᕗᒻᒥ, ᐊᒻᒪ ᑰᒡᔪᐊᕌᓗᒃ, ᒫᓂᑑᐸᒥ, ᐊᒻᒪ ᓄᓇᕗᒻᒥ ᐊᒃᑐᖅᑕᐅᖏᓐᓇᖅᐸᑕ, ᑖᒃᑯᐊ ᖃᖓᑐᐃᓐᓇᑦᑎᐊᖅ ᐊᓯᔾᔨᑐᐃᓐᓇᕆᐊᖃᖅᐳᑦ.
ᓄᕙᒡᔪᐊᕐᓇᖅ-19 ᓯᐊᒻᒪᖕᓂᖅᐸᑦ ᓇᓕᐊᖕᓂᑐᐃᓐᓇᖅ ᖃᖓᑕᓲᒃᑯᑦ ᐊᐅᓪᓚᕐᕕᐅᒐᔪᒃᑐᓂᒃ ᓇᓗᓇᐃᖅᑕᐅᓐᓂᖅᐸᑦ. ᑕᐃᒪᐃᓐᓂᖅᐸᑦ, ᖃᖓᑕᓲᒃᑯᑦ ᐊᐅᓪᓚᖅᐸᒃᑐᑦ ᐃᓱᒪᖅᓱᙱᓐᓂᖅᓴᐅᓕᕋᔭᖅᐳᑦ ᖃᐅᔨᒃᑲᐃᓯᒪᙱᑉᐸᑕ ᖃᖓᑕᓲᒃᑯᓪᓗ ᓄᓇᕘᓕᐊᕆᐊᖅ ᐅᖓᕙᕆᐊᖅᑕᐅᔪᓐᓇᖅᐳᖅ. ᖃᖓᑕᓲᒃᑯᑦ ᐊᐅᓪᓚᖅᐸᒃᑐᑦ ᒪᓕᑐᐃᓐᓇᕆᐊᖃᕆᕗᑦ ᐅᓪᓗᕐᓄᑦ 14-ᓄᑦ ᐃᓄᑐᐊᒃᑯᕕᖕᒦᑦᑕᕆᐊᖃᕐᓗᑎᒃ ᓄᓇᕘᓕᐊᓚᐅᙱᓐᓂᖏᓐᓂᒃ.
ᖃᖓᑕᓲᒃᑯᑦ ᐊᐅᓪᓚᕐᕕᐅᒐᔪᒃᑐᑦ ᐃᖅᑲᐃᓯᔭᐅᒋᕗᑦ ᑎᑎᖅᑲᖅᑖᕆᐊᖃᕐᓂᖏᓐᓂᒃ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᓐᓂᒃ ᐱᔪᓐᓇᖅᑎᑦᑎᔪᒥᒃ ᓄᓇᕘᓕᐊᕐᓗᓂ ᐊᐅᓪᓚᕐᓂᐊᕐᓂᕋᐃᓯᒪᔪᒥᒃ. ᖃᖓᑕᓲᒃᑯᑦ ᐊᐅᓪᓚᖅᐸᒃᑐᑦ ᑎᑎᖅᑲᓕᔭᙱᑉᐸᑕ ᖃᖓᑕᓲᕐᒧᑦ ᐃᑭᖁᔭᐅᔾᔮᙱᑐᑦ. ᐊᐅᓪᓚᕐᕕᒃᓴᐃᑦ ᖃᒡᓕᓗᐊᓚᐅᙱᓐᓂᖓᓂ (ᐅᓪᓘᒃ ᒪᕐᕉᒃ ᐱᖓᓱᓪᓘᓐᓃᑦ) ᑎᑎᖅᑲᖅᑖᖅᑳᕈᒪᓗᑎᑦ ᖃᖓᑕᓲᒃᑯᑦ ᐊᐅᓪᓚᖃᑕᐅᓂᐊᖅᑎᓪᓗᑎᑦ ᓄᓇᕘᒧᑦ ᖃᖓᑕᓲᒃᑯᑦ ᐊᐅᓪᓚᕐᓂᐊᖅᑎᓪᓗᑎᑦ ᐅᖓᕙᕆᐊᖅᑕᐅᑲᑕᖁᔨᙱᒃᑯᕕᑦ.
ᑲᑎᖦᖢᒋᑦ (ᑕᒪᕐᒥᑦᑎᐊᖅ ᐃᓄᑐᐊᒃᑯᕕᖕᒦᑦᑐᑦ) | |
ᐊᐅᓪᓚᖅᓯᒪᔫᑉ ᖃᓄᐃᑦᑑᓂᖓ | ᑐᔪᕐᒥᕕᒻᒦᑦᑐᑦ ᐊᓂᑦᑕᐃᓕᑎᑕᐅᔪᑦ ᐅᑐᐱᕆ 17−ᒥ ᐱᒋᐊᖅᖢᒍ |
ᐋᓐᓂᐊᕐᕕᓕᐊᖅᑐᑦ | 436 |
ᐃᓄᒥᐊᑦ | 291 |
ᑲᑎᖦᖢᒋᑦ | 727 |
ᐊᐅᓪᓚᖅᐸᒃᑐᑦ ᐅᑎᖅᑎᑕᐅᓂᖏᓐᓄᑦ ᖃᓄᐃᓕᖓᓂᖏᑦ:
ᐅᓪᓗᖅ ᐊᐅᓪᓚᕐᕕᒃᓴᖓ | ᖃᔅᓯᐅᓂᖏᑦ ᐊᐅᓪᓚᕐᓂᐊᖅᑐᑦ ᐃᓄᑐᐊᒃᑯᕕᖕᒦᑦᑐᑦ |
ᐅᑐᐱᕆ 17 | 1 |
ᐅᑐᐱᕆ 18 | 26 |
ᐅᑐᐱᕆ 19 | 83 |
ᐅᑐᐱᕆ 20 | 55 |
ᐅᑐᐱᕆ 21 | 81 |
ᑲᑎᖦᖢᒋᑦ | 246 |
ᐱᑕᖃᕆᐊᖃᓪᓚᕆᒃᑐᑦ ᐃᖅᑲᓇᐃᔭᖅᑏᑦ ᑐᒃᓯᕋᖅᑕᐅᔪᑦ
ᐅᑐᐱᕆ 17−ᒥ ᐱᒋᐊᖅᖢᒍ, 7459−ᓂᒃ ᑐᒃᓯᕋᖅᑐᖃᓚᐅᖅᐳᖅ, 3513−ᖑᓪᓗᑎᒃ ᐱᑕᖃᕆᐊᖃᓪᓚᕆᒃᑐᑦ ᐃᖅᑲᓇᐃᔭᑏᑦ ᑐᒃᓯᕋᕈᑕᐅᔪᑦ.
ᑐᒃᓯᕋᕈᑕᐅᓯᒪᔪᑦ ᖃᓄᐃᓕᖓᓂᖏᑦ | # | % |
ᐊᖏᖅᑕᐅᓯᒪᔪᑦ (ᐅᑯᐊᖑᕗᑦ ᐱᑕᖃᕆᐊᖃᓪᓚᕆᒃᑐᑦ ᐊᒻᒪ ᐱᑕᖃᕆᐊᖃᓪᓚᕆᙱᑦᑐᑦ) | 4999 | 67.2% |
ᐊᖏᖅᑕᐅᙱᑦᑐᑦ | 273 | 3.7% |
ᐅᑕᖅᑭᔪᑦ | 258 | 3.5% |
ᐊᐅᓪᓚᕐᕕᐅᒐᔪᒃᑐᓂᒃ ᐊᖏᖅᑕᐅᔪᑦ | 1929 | 25.9% |
ᑲᑎᖦᖢᒋᑦ | 7459 | 100% |
ᓄᓇᓕᖕᓂ ᒐᕙᒪᒃᑯᓐᓂᓪᓗ ᐱᔨᑦᑎᕋᖅᑎᒃᑯᑦ
ᑐᒃᓯᕋᐅᑎᑦ ᐅᑭᐅᖅᑕᖅᑐᒧᐊᕈᒪᔪᓄᑦ ᐃᒡᓗᓕᐅᕆᐊᖅᑐᖅᑐᓄᑦ ᐱᓕᕆᐊᒃᓴᓄᑦ ᐅᕝᕙᓘᓐᓃᑦ ᓄᓇᕗᒻᒧᑦ ᐊᐅᓪᓚᕈᒪᔪᓄᑦ ᐃᒡᓗᓕᐅᕆᐊᖅᑐᖅᑐᓄᑦ ᐱᓕᕆᐊᒃᓴᓄᑦ, ᐃᕐᙲᓐᓈᖅᑕᐅᒃᑯᑦ ᓇᓂᔭᐅᔪᓐᓇᖅᐳᖅ ᐅᕙᙵᑦ, @email
ᐃᒡᓗᓕᐅᖅᑏᑦ ᐊᓂᒍᐃᔪᑦ ᐃᓄᑐᐊᒃᑯᕕᖕᒥ ᒫᓐᓇᒧᑦ ᑎᑭᖦᖢᒍ: 1,802
ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ
ᐃᓕᓐᓂᐊᕐᕕᖕᒥ ᐱᓕᕆᐊᒃᓴᓄᑦ ᐸᕐᓇᐃᓂᖅ
- ᐃᓕᓐᓂᐊᕐᕖᑦ ᓴᖅᑭᑦᑎᕙᓪᓕᐊᕗᑦ ᐱᓕᕆᔾᔪᑎᒃᓴᓄᑦ ᐸᕐᓇᐅᑎᒥᒃ ᑕᒪᐃᓐᓄᑦ ᖃᓄᐃᓕᖓᓂᐅᔪᓄᑦ ᓄᕙᕐᔪᐊᕐᓇᖅ-19−ᒧᑦ ᐊᑦᑕᕐᓇᖅᑐᒧᑦ. ᐱᓕᕆᔾᔪᑎᒃᓴᓄᑦ ᐸᕐᓇᐅᑎᑦ ᖃᓄᐃᓕᖓᓂᐅᔪᑦ 2, 3, ᐊᒻᒪ 4 ᑲᒪᒋᔭᖃᕐᓂᐊᖅᐳᑦ ᐃᑲᔪᖅᓱᕐᓗᒋᑦ ᖃᕆᑕᐅᔭᒃᑯᑦ ᐃᓕᓐᓂᐊᖅᑐᑦ ᐊᒻᒪ ᐱᓕᕆᐊᖑᖔᕈᓐᓇᖅᑐᑦ ᐃᓕᓐᓂᐊᕐᕕᐊᕈᓯᕐᒥ.
- ᐃᓕᓐᓂᐊᕐᓂᓕᕆᔨᒃᑯᑦ ᐊᑐᐃᓐᓇᕈᖅᑎᑦᑎᓯᒪᔪᑦ ᖃᐅᔨᒪᔾᔪᑎᒃᓴᓂᒃ ᐊᒻᒪ ᐃᑲᔫᑎᒃᓴᓂᒃ ᐃᑲᔪᖅᓱᕈᑎᒃᓴᑦ ᐃᓕᓐᓂᐊᕐᕕᖕᓄᑦ ᓴᖅᑭᑦᑎᕙᓪᓕᐊᓕᖅᐸᑕ ᑖᒃᑯᓂᖓ ᐱᓕᕆᔾᔪᑎᒃᓴᓄᑦ ᐸᕐᓇᐅᑎᓂᒃ, ᐅᑯᓂᖓ ᐃᓚᖃᖅᑐᓂᒃ:
- ᐸᕐᓇᐅᑎᒥᒃ ᐃᖅᑲᓇᐃᔭᖅᑎᐅᖃᑕᐅᔪᒧᑦ ᖃᐅᑕᒫᑦ ᖃᐅᔨᒋᐊᖅᐸᒡᓗᓂ ᑕᒪᐃᓐᓄᑦ ᐃᓕᓐᓂᐊᖅᑎᓄᑦ ᐱᓕᕆᖃᑎᒋᔭᒥᓄᑦ.
- ᖃᓄᖅ ᐃᓕᓐᓂᐊᖅᑏᑦ ᐃᑲᔪᖅᓱᖅᑕᐅᓂᐊᖅᐸᑦ ᖃᕆᑕᐅᔭᒃᑯᑦ ᐱᓕᕆᔪᓐᓇᙱᑉᐸᑕ ᐅᕝᕙᓘᓐᓃᑦ ᖃᕆᑕᐅᔭᕐᒧᑦ ᐅᕙᑎᖏᓐᓂᒃ, ᐊᑐᖅᑕᐅᖔᕈᓐᓇᖅᑐᓂᒃ ᐊᑐᕐᓗᑎᒃ ᓲᕐᓗ ᐅᖃᓘᑎᒃᑯᑦ, ᓈᓚᐅᑎᒃᑯᑦ, ᑲᑎᖅᓱᖅᓯᒪᔪᓂᒃ ᓇᒃᓯᐅᔾᔨᕝᕕᐅᓗᑎᒃ, ᐊᓯᖏᓪᓗ.
- ᐋᖅᑭᒃᑕᐅᓗᑎᒃ "ᐱᑐᐃᓐᓇᕆᐊᖃᓕᖅᑐᑦ" ᐃᓕᓐᓂᐊᕈᑎᒃᓴᑦ ᖃᓄᐃᙱᑦᑎᐊᕈᑎᒃᓴᓪᓗ ᑲᑎᖅᓱᒐᑦ ᑕᒪᐃᓐᓄᑦ ᐃᓕᓐᓂᐊᖅᑎᓄᑦ, ᓄᓇᓖᑦ ᓇᓕᐊᑐᐃᓐᓇᖅ ᓄᕙᒡᔪᐊᕐᓇᖅ 19−ᒥ 2, 3, ᐅᕝᕙᓘᓐᓃᑦ 4-ᒥ.
- ᐃᓕᓐᓂᐊᖅᑎᑦᑎᓂᖅ ᐊᒻᒪ ᐃᑲᔪᖅᑐᐃᔾᔪᑏᑦ ᐃᓕᓐᓂᐊᖅᑎᓄᑦ ᐊᑐᓂ ᐃᓕᓐᓂᐊᖅᑎᐅᔪᓄᑦ ᐃᑲᔪᕈᑎᒃᓴᑦ ᐸᕐᓇᐅᑏᑦ (ISSPs) ᐋᖅᑭᓱᖅᓯᒪᔪᑦ ᐊᒻᒪ ᑲᔪᓯᓂᖃᖅᑎᐊᖅᑐᑎᓪᓗ.
- ᓇᓗᓇᐃᖅᓯᒪᔪᑦ ᖃᓄᖅ ᐃᓕᓐᓂᐊᕐᕖᑦ ᐊᐅᓚᓂᖃᕋᔭᕐᒪᖔᑕ ᑕᒪᐃᓐᓂᒃ ᖃᓄᐃᓐᓂᐅᔪᓂᒃ, ᐃᓚᒋᔭᐅᓪᓗᑎᒃ ᖁᖁᐊᕈᑎᑦ ᖁᖁᐊᖅᑎᑕᐅᕙᒡᓗᑎᒃ, ᓂᕆᔭᒃᓴᓂᒃ ᐃᓕᓐᓂᐊᖅᑎᑦᑎᕙᒡᓗᑎᒃ, ᐊᒻᒪ ᑎᑎᕋᕐᕕᖕᒥᐅᑕᑦ ᐃᓕᓐᓂᐊᕐᕕᐊᕈᓯᕐᓄᑦ ᐳᓛᕆᐊᑲᑕᒡᓗᑎᒃ.
- ᐃᓕᓐᓂᐊᕐᕖᑦ ᐱᐊᓂᒃᓯᓯᒪᓕᖅᑐᑦ ᐱᓕᕆᔾᔪᑎᒃᓴᓄᑦ ᐸᕐᓇᐅᑎᖏᓐᓂᒃ ᖃᓄᐃᓐᓂᐅᔪᑦ 1−ᒧᑦ ᐱᐊᓂᒃᓯᓇᓱᒃᐸᓪᓕᐊᓪᓗᑎᒡᓗ ᖃᓄᐃᓐᓂᐅᔪᑦ 2, 3, ᐊᒻᒪ 4 ᐱᓕᕆᔾᔪᑎᒃᓴᓄᑦ ᐸᕐᓇᐅᑎᖏᓐᓂᒃ. ᐊᕕᒃᑐᖅᓯᒪᔪᓂᒃ ᐃᓕᓐᓂᐊᕐᕕᓕᕆᔩᑦ ᐱᓕᕆᖃᑎᖃᖅᑐᑦ ᐃᓕᓐᓂᐊᕐᕕᖕᓂ ᓯᕗᓕᖅᑎᓂᒃ ᕿᒥᕐᕈᖃᑎᒋᓪᓗᒋᑦ ᐊᖏᑲᑕᒃᖢᒋᓪᓗ ᑎᑎᕋᖅᑕᐅᒋᐊᕐᖓᖅᑐᑦ ᐸᕐᓇᐅᑎᓂᒃ.
- 45-ᖑᑎᓪᓗᒋᑦ ᐃᓕᓐᓂᐊᕐᕖᑦ 21 ᐱᐊᓂᒃᓯᓯᒪᓕᖅᑐᑦ ᑐᓂᓯᓯᒪᓕᖅᑐᓪᓗ ᑭᖑᓪᓕᖅᐹᒥ ᐱᓕᕆᔾᔪᑎᓄᑦ ᐸᕐᓇᐅᑎᖏᓐᓂᒃ ᑕᒪᐃᓐᓄᑦ ᖃᓄᐃᓐᓂᐅᔪᓄᑦ.
- ᐃᓚᖏᑦ ᐃᓕᓐᓂᐊᕐᕖᑦ ᐋᖅᑭᒃᓯᓯᒪᓕᖅᑐᑦ ᖃᓄᐃᙱᑦᑎᐊᕈᑎᓄᑦ ᐃᑲᔫᑎᒃᓴᒃᑲᓐᓂᕐᓂᒃ, ᓲᕐᓗ ᕿᑭᖅᑕᖅ ᐊᖓᔪᒃᖡᑦ ᐃᓕᓐᓂᐊᕐᕕᖓᑦ ᐊᐅᓱᐃᑦᑐᕐᒥ ᐃᓕᓐᓂᐊᖅᑎᓄᑦ ᖃᓄᐃᙱᑦᑎᐊᕐᒪᖓᑕ ᖃᐅᔨᓴᕈᑎᑕᖃᕐᒪᑦ ᐃᓚᒋᔭᐅᓪᓗᓂ ᐱᓕᕆᔾᔪᑎᒃᓴᑦ ᐸᕐᓇᐅᑎᖏᓐᓄᑦ.
- ᐃᓕᓐᓂᐊᕐᓂᓕᕆᔨᒃᑯᑦ ᐊᑐᐃᓐᓇᕈᖅᑎᑦᑎᓯᒪᔪᑦ ᖃᐅᔨᒪᔾᔪᑎᒃᓴᓂᒃ ᐊᒻᒪ ᐃᑲᔫᑎᒃᓴᓂᒃ ᐃᑲᔪᖅᓱᕈᑎᒃᓴᑦ ᐃᓕᓐᓂᐊᕐᕕᖕᓄᑦ ᓴᖅᑭᑦᑎᕙᓪᓕᐊᓕᖅᐸᑕ ᑖᒃᑯᓂᖓ ᐱᓕᕆᔾᔪᑎᒃᓴᓄᑦ ᐸᕐᓇᐅᑎᓂᒃ, ᐅᑯᓂᖓ ᐃᓚᖃᖅᑐᓂᒃ:
ᐃᓕᓐᓂᐊᕈᑎᒃᓴᐃᑦ ᑲᑎᖅᓱᖅᓯᒪᔪᑦ
- ᐃᓕᓐᓂᐊᕈᑎᒃᓴᑦ ᑲᑎᖅᓱᖅᓯᒪᔪᑦ ᐋᖅᑭᒃᑕᐅᓯᒪᓕᖅᑐᑦ ᑕᒪᐃᓐᓄᑦ ᐃᓕᓐᓂᐊᖅᑎᓄᑦ ᐃᓚᒋᔭᐅᓪᓗᓂ ᖃᓄᐃᓕᖓᓂᖓ 1−ᒧᑦ ᐱᓕᕆᔾᔪᑎᒃᓴᑦ ᐸᕐᓇᐅᑎᒧᑦ. ᐅᑯᐊ ᑲᑎᖅᓱᖅᓯᒪᔪᑦ ᐋᖅᑭᒃᑕᐅᓯᒪᔪᑦ ᓈᒻᒪᒃᓯᓕᖅᑕᐅᓇᓱᒃᖢᑎᒃ ᐊᔾᔨᒌᙱᑦᑐᑦ ᐱᔭᐅᒋᐊᓕᑦ ᑕᒪᐃᓐᓄᑦ ᐃᓕᓐᓂᐊᖅᑎᓄᑦ.
- ᐃᓕᓐᓂᐊᕈᑎᒃᓴᑦ ᑲᑎᖅᓱᖅᓯᒪᔪᑦ ᓄᑖᙳᕆᐊᖅᑕᐅᒐᔪᖕᓂᐊᖅᐳᑦ ᓄᑖᕐᓂᒃ ᐊᒻᒪ ᐋᖅᑭᒋᐊᖅᓯᒪᔪᓂᒃ ᐃᓕᓐᓂᐊᕈᑎᒃᓴᓂᒃ ᐃᓕᓐᓂᐊᖅᑎᑦ ᐱᕙᓪᓕᐊᑐᐃᓐᓇᓕᖅᐸᑕ ᐃᓕᓐᓂᐊᕈᑎᒃᓴᖏᓐᓂᒃ. ᐅᑯᐊ ᐊᑐᖅᑕᐅᖃᑦᑕᕐᓂᐊᖅᑐᑦ, ᐊᑐᖅᑕᐅᒋᐊᖃᕐᓂᑎᒃ ᒪᓕᒡᓗᒋᑦ, ᓄᓇᖅᑲᑎᒌᑦ ᖃᓄᐃᓕᖓᓂᖓ 1-ᒥ 2-ᒧᑦ, 3, ᐅᕝᕙᓘᓐᓃᑦ 4-ᒧᑦ.
ᓄᓇᕗᒻᒥᐅᓂ ᖃᓄᐃᙱᑦᑎᐊᖅᑎᑦᑎᓇᓱᒡᓗᑕ ᑕᒪᑦᑕ ᑲᒪᒋᔭᒃᓴᖃᖅᐳᒍᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᖃᓂᒌᓗᐊᖅᑕᐃᓕᕙᒡᓗᓯ, ᐃᖢᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᑦᑕ.