ᓄᓇᓕᖕᓂᑦ ᑐᓴᕋᓱᖕᓂᖅ ᓱᕐᕋᖕᓇᖅᑐᒥᑦ ᓂᐅᕕᕐᕕᖕᒧᑦ ᐃᖃᓗᖕᓂᑦ
ᒐᕙᒪᒃᑯᓐᓂ ᐃᓄᖕᓄᑦ ᑐᓴᒐᒃᓴᖅ
ᓄᓇᓕᖕᓂᑦ ᑐᓴᕋᓱᖕᓂᖅ ᓱᕐᕋᖕᓇᖅᑐᒥᑦ ᓂᐅᕕᕐᕕᖕᒧᑦ ᐃᖃᓗᖕᓂᑦ
ᐊᖓᔪᖅᑳᒻᒪᕆᐅᑉ ᑎᑎᕋᕐᕕᖓ ᐱᔪᓐᓇᐅᑎᑖᖅᑎᑦᑎᔩᑦ ᐱᓚᐅᖕᒪᑕ ᑐᒃᓯᕋᐅᑎᒥᑦ ᐅᒃᑯᐃᓯᔪᒪᓪᓗᑎᒃ ᐃᓚᓕᐅᑎᓯᒪᔪᖅ ᓱᕐᕋᖕᓇᖅᑐᓂᑦ ᓂᐅᕕᕐᕕᖕᒥᑦ ᐃᖃᓗᖕᓂᑦ ᓄᓇ ᓱᕐᕋᖕᓇᖅᑐᓂᑦ ᓂᐅᕕᕐᕕᖕᒥᑦ. ᑐᒃᓯᕋᐅᑕᐅᔪᖅ ᐃᓂᐊ ᓱᕐᕋᖕᓇᖅᑐᓂᑦ ᓂᐅᕕᕐᕕᐊ ᐅᕙᓃᑦᑐᖅ 1501 ᕕᐊᑐᓗ ᐊᖅᑯᒻᒥᑦ ᐃᑲᕐᕋᕆᔭᐅᔪᒪᔪᓪᓗ ᓂᐅᕕᕐᕕᖕᒧᑦ 11−ᒥᑦ ᐅᓪᓛᒃᑯᑦ 10−ᒧᑦ ᐅᓐᓄᒃᑯᑦ ᖃᐅᑕᒫᑦ, ᑭᓯᐊᓂ ᕿᑲᕐᓇᐃᑦ ᐋᒃᑲ.
ᐃᓚᓕᐅᑎᓯᒪᔪᖅ ᓱᕐᕋᖕᓇᖅᑐᒥᒃ ᓂᐅᕕᕐᕕᒃ ᐃᓂᖃᖅᐳᖅ ᓇᖕᒥᓂᖃᕐᕕᐅᑉ ᐃᓚᖓᓂ ᑭᒃᑯᑐᐃᓐᓇᓄᓪᓗ ᐅᐸᒃᑕᐅᔪᓐᓇᙱᖦᖢᓂ. ᐃᓐᓇᑐᐊᑦ ᐅᖓᑖᓂ ᐅᑭᐅᓖᑦ 19 ᐃᓯᕈᓐᓇᖅᑐᑦ ᓴᓂᕋᖃᖅᖢᓂ ᐹᖃᖅᖢᓂᓗ ᐃᓯᔾᔭᐃᖅᑕᐅᓯᒪᔪᑦ ᐅᑭᐅᑭᑦᑐᓄᑦ. ᐃᓚᓕᐅᑎᓯᒪᔪᖅ ᓱᕐᕋᖕᓇᖅᑐᓂᒃ ᓂᐅᕕᕐᕖᑦ ᓱᕐᕋᖕᓇᖅᑐᓂᒃ ᐃᓚᒃᓴᖏᓐᓂᒡᓗ ᓴᖅᑭᔮᖅᑎᑦᑎᔪᓐᓇᖅᐳᑦ, ᐃᒃᐱᒋᔭᒃᑯᑦ ᓴᖅᑭᑎᑦᑎᓲᓂᒃ ᐊᑐᕐᓗᑎᒃ (ᓇᐃᔭᕆᐊᓕᑦ ᐊᓕᒍᐃᑦ), ᓂᐅᕕᕆᐊᖅᑐᓪᓗ ᐅᖃᖃᑎᒋᕙᒡᓗᒋᑦ ᓂᐅᕕᐊᒃᓴᐃᑦ ᒥᒃᓵᓄᑦ ᖃᐅᔨᒋᐊᕈᑎᒃᓴᓂᒃ.
ᒪᓕᒃᖢᒋᑦ ᓱᕐᕋᖕᓇᖅᑐᓕᕆᓂᖕᒧᑦ ᐱᖁᔭᖅ (ᓄᓇᕗᑦ), ᓄᓇᕗᑦ ᒐᕙᒪᒃᑯᖏᑦ ᑐᓴᕋᓱᒋᐊᖃᖅᐳᑦ ᓄᓇᓕᖕᓂᑦ ᑐᒃᓯᕋᐅᑎᒥᒃ ᑐᓂᔭᐅᒑᖓᒥᒃ. ᐃᖃᓗᖕᒥᐅᑦ ᓇᒃᓯᐅᔾᔨᔪᓐᓇᕐᑐᑦ ᐅᖃᐅᓯᒃᓴᒥᓂᒃ, ᐃᓱᒫᓘᑎᒥᓂᒃ ᐃᓱᒪᒋᔭᒥᓂᒃᓗ ᓱᕐᕋᖕᓇᖅᑐᒥᑦ ᓂᐅᕕᕐᕕᖕᒥᑦ ᐅᒃᑯᐃᓛᖕᓂᖓᓂ ᐃᖃᓗᖕᓂᑦ ᐅᕗᖓ @email ᐅᖄᓚᓗᑎᓪᓘᓐᓃᑦ 867-975-5875. ᐃᓱᓕᕝᕕᒃᓴᖓ ᓇᒃᓯᐅᔾᔨᓂᐊᕐᓗᓂ ᐅᖃᐅᓯᒃᓴᖕᓂᑦ ᐊᐅᒍᔅᑎ 20, 2020 5−ᒧᐊᕋᓱᖕᓂᖓᓂᑦ.
ᑐᑭᓯᒋᐊᒃᑲᓐᓂᕈᒪᒍᕕᑦ ᓱᕐᕋᖕᓇᖅᑐᒥᑦ ᓂᐅᕕᕐᕕᖕᒧᑦ ᐱᔪᓐᓇᐅᑎᑖᕐᓂᖕᒥᑦ ᓄᓇᕗᒻᒥᑦ, ᐅᕗᙵᐅᓗᑎᑦ ᑮᓇᐅᔭᓕᕆᔨᒃᑯᑦ ᐃᑭᐊᖅᑭᕕᐊᓄᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᐅᐃᓯᓐ ᓵᓐ
ᐊᐅᓚᑦᑎᔨ, ᑐᓴᒐᒃᓴᓕᕆᔨᒃᑯᓐᓄᑦ
ᑮᓇᐅᔭᓕᕆᔨᒃᑯᑦ
867-975-6818
@email