ᓄᓇᕗᑦ ᐅᓪᓗᖓ ᓂᕈᐊᖅᑕᐅᓯᒪᔪᖅ ᕿᑲᕐᓇᐅᑎᓪᓗᒍ
ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ
ᓄᓇᕗᑦ ᐅᓪᓗᖓ ᓂᕈᐊᖅᑕᐅᓯᒪᔪᖅ ᕿᑲᕐᓇᐅᑎᓪᓗᒍ
ᒐᕙᒪᒃᑯᑦ ᓄᓇᕗᒻᒥ (GN) ᖁᕕᐊᓱᑦᑐᑦ ᐅᖃᐅᓯᖃᕆᐊᒥ ᓄᓇᕗᑦ ᐅᓪᓗᖓ, ᔪᓚᐃ 9, ᓂᕈᐊᖅᑕᐅᓯᒪᔪᖅ ᕿᑲᕐᓇᐅᑎᓪᓗᒍ ᓄᓇᕗᒻᒥᐅᓕᒫᓄᑦ ᓄᓇᕘᓕᒫᒥ ᐊᑐᐊᒐᓕᐊᓄᑦ ᐱᓕᕆᕝᕕᐅᔪᓂᑦ. ᓂᕈᐊᖅᑕᐅᓯᒪᔪᓂᑦ ᕿᑲᕐᓇᕐᓂᑦ, ᐃᖅᑲᓇᐃᔭᖅᑏᑦ ᐱᔪᓐᓇᕐᓂᖃᖅᑐᑦ ᐅᓪᓗᕐᒥᑦ ᓄᖅᑲᖓᔪᓐᓇᕐᓂᕐᒥᑦ ᐊᑭᓕᖅᑐᖅᑕᐅᓗᑎᒃ.
ᓄᓇᕗᑦ ᐅᓪᓗᖓ ᖁᕕᐊᓲᑎᖃᕐᓂᐅᕗᖅ ᓄᓇᕗᒻᒥ ᐊᔾᔨᐅᖏᓐᓂᖓᓄᑦ ᑲᓇᑕᒥ. ᐊᕐᕌᒍᑕᒫᑦ ᔪᓚᐃ 9-ᒥ, ᓄᓇᕗᒻᒥᐅᑦ ᓇᓗᓇᐃᑦᓯᖃᑦᑕᖅᑐᑦ ᖁᕕᐊᓲᑎᖃᖅᓱᑎᓪᓗ ᐊᑐᓕᖅᑎᑕᐅᓂᖓᓄᑦ ᓄᓇᕗᒻᒧ ᐊᖏᖃᒌᒍᑎ ᓄᓇᑖᕈᑎᓄᑦ ᐱᖁᔭᖅ, ᒪᑐᐃᕈᑎᐅᓪᓗᓂ ᐊᓪᓗᕆᐊᕈᑎ ᐋᖅᑭᒃᑕᐅᕙᓪᓕᐊᓂᖓᓄᑦ ᓄᓇᕗᑦ.
ᐊᕐᕌᒍᓐᓂ ᓯᕗᓂᑦᑎᓐᓂᑦ, ᓄᓇᕗᑦ ᐅᓪᓗᖓ ᓂᕈᐊᖅᑕᐅᓯᒪᔪᖅ ᕿᑲᕐᓇᐅᑎᓪᓗᒍ ᐊᑖᓂ ᒐᕙᒪᒃᑯᓐᓄᑦ ᐃᖅᑲᓇᐃᔭᖅᑏᑦ ᐱᖁᔭᖓᓂᑦ, ᕿᑲᕐᓇᕐᓗ ᐊᑐᖅᓱᓂ ᒐᕙᒪᒃᑯᓐᓄᑦ ᓄᓇᕗᒻᒥ ᐃᖅᑲᓇᐃᔭᖅᑎᓄᑦ ᑭᓯᐊᓂ. ᐱᒋᐊᕐᓗᓂ 2020, ᕿᑲᕐᓇᖅ ᐊᑐᖅᑕᐅᔪᓐᓇᖅᑐᖅ ᐃᖅᑲᓇᐃᔭᖅᑎᓄᑦ ᓄᓇᕘᓕᒫᒥ ᐊᑐᐊᒐᓕᐊᓄᑦ ᐱᓕᕆᕝᕕᐅᔪᓂᑦ, ᓲᕐᓗ ᐃᖅᑲᓇᐃᔭᖅᑐᓄᑦ ᓄᓇᕗᒻᒥ-ᓇᒻᒥᓂᖃᖅᑎᓄᑦ ᓇᒻᒥᓂᐅᔪᓄᑦ, ᓂᐅᕕᕐᕖᑦ, ᐊᒻᒪᓗ ᓴᓇᔨᐅᔪᓄᑦ.
ᐃᖅᑲᓇᐃᔭᖅᑏᑦ ᒐᕙᒪᒃᑯᓐᓄᑦ ᑲᓇᑕᒥ ᐊᓯᖏᓐᓂᓪᓗ ᐃᖅᑲᓇᐃᔭᖅᑏᑦ ᒐᕙᒪᑐᖃᒃᑯᓐᓂᑦ ᐊᑐᐊᒐᓕᐊᓄᑦ ᐱᓕᕆᕝᕕᐅᔪᑦ ᓲᕐᓗ ᑮᓇᐅᔭᒃᑯᕖᑦ ᖃᖓᑕᔫᓕᕆᔩᓪᓗ ᖃᓄᐃᓕᖓᓂᖏᑦ ᒐᕙᒪᑐᖃᒃᑯᓐᓄᑦ ᕿᑲᕐᓇᕐᓄᑦ ᐱᖁᔭᖓ ᑲᓇᑕᒥᓗ ᐃᖅᑲᓇᐃᔭᕐᓂᕐᒧᑦ ᒪᓕᒐᖓ ᐱᔾᔪᑎᓕᒃ ᕿᑲᕐᓇᕐᓄᑦ. ᑖᒃᑯᐊ ᐊᓯᔾᔨᕐᓂᐅᔪᑦ ᐊᑐᖏᑦᑐᑦ ᑖᒃᑯᓄᖓ ᐃᖅᑲᓇᐃᔭᖅᑎᓄᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᑳᕐᓖ ᑭᓐᑖᓪ
ᐊᑐᐊᒐᓕᕆᓂᕐᒧᑦ ᑐᓴᒐᒃᓴᓕᕆᓂᕐᒧᓪᓗ ᕿᒥᕐᕈᔨ
ᒪᓕᒐᓕᕆᔨᒃᑯᑦ
867-975-6174
@email