COVID-19 GN Ilitturipkaidjutit - Qitiqqautiyuq 30, 2020
Hivuliqtiup nutaanguqtirhimayut ilituripkaidjutait::
Ublaakkut. Ublumi, Tutqighaiyunga Nunavunmi hivulirmik tutqighahimayumik COVID-19 Mittimatalingmi.
Daakti. Patterson uqangniaqtuq, upalungaiyariiqhimayuq qilamik kiudjutikhaq COVID-19 Nunavunmi, kihimi itqaumatquyatka Nunavunmiun hunamik aghuungnaqtumik:
Kiali piumangitaa una aanniarut. Kiali qaritingitaa aanniarut Nunavunmi pihuqhaaqhuni. Inuk kituliqaak kanguhaaqtitauyukhaungitun tikuaqtauluaqtukhatlu talvuuna mikhaatigun.
Nunaryuaq tamaat aulahimaaliqtun ilihimangitumik atuqtakhaptingnik kamahukhimaaqtunlu. Avaliingangitugut. Nunavut akuktaugiaqaqturlu nunaryuarmi aanniarutingnik.
Tadja atugahanguqtuq qilamiuqhimaitumik, pittiarnikkut aihimahimaaqlunilu. Uvagut qaangiutiniaqtaqqut ikayuqatigiiktumik. Akimaniaqtugut COVID-19mun Nunavunmi.
Atanilluaq Inungnun Aanniaqtailinikkut Havaktimin nutaanik ilitturipkaidjutit
Tauyungnaqhiyutit tuhaablutiluuniin, ublumi tuhaqtitauyuq qalakyuangniq COVID-19 ilituriyauyuq Mittimatalingmi. Aularutaani nunaqyuami, ilihimayugut hiamitailinikkut aktilaangit pittailidjutinun COVID-19mun. Niriukhimayugut qakugunauq qakuguluuniin aanniarut ilituriyauniaqtuq aviktuqhimayumi. Aghuuqhuta pittailidjutinun upalungaiyautinun, havaktavullu tamatkiumayut kiudjutikhat mighiyuumiriangani, anginiqhakkut pihimablugit, hulaqutaa qalakyuangnirup COVID-19 pidjutaa Nunavunmun.
Hivayaqhimaaqtavut haamlatkut atanguyait aularutiblugit Qilamik Kiudjutinun Upalungaiyautit. Qilamik Kiunikkut Havaqatigiit aulaqtitauyut Mittimatalingmun tikiniaqtut ublupqitqani ublumi. Havaqatigiit qilamik havaklugit hiamitiqtailinikkut, havaliqlugit aktuumanikkut naunaiyainirmun, munarilugillu inuuhit uvalu inuuhiqattiarnirmun inuit iglumingni avaliingaaqtitauyut pitquyaunikkut. Mittimatalingmi Munaqhitkut havaktigiaktut upalungairiiqhimayullu, munaqhitkuni auladjutit aulaimaarniaqtut.
Tamaita tingmiyukhat Mittimatalingmun Mittimatalingminlu nutqaqtitauyut. Una ilauyuq quyaginaq aulaniq hilataanun nunallaamunlu nunakkut aulaaqtut. Una aulaaqtailinirmun pittailidjut hiamitiqtailidjutauyuq mikhiyuumiriangani qayangnautaa qalakyuangniq COVID-19 hiamitirnira amigaitunun nunallaanun attautikkut.
Ilituriguptigut hiamitirnira aanniarutip nunallaami, tamaita ihariagiyaungitut havagviit kivgaqtuutillu umiktitauniaqtut. Inugiangniqaqtughaungitut igluni, tamaita inuit Mittimatalingmi apiriyauyut aulahimaaqtumik inugiangnirni ungahiktilaarutiqaqlutik halumanahuaqlutiklu.
Inungnun Mittimatalingmi, ilituriyaqqut una tuhaqtidjut kapianaqtuq. Kihimi, Kavamatkut Nunavunmi ilituripkayumayut tamainun aulaaquyaungitut, pittailiyaungitutit ikayuqtaunirmun ikayuutikhanunlu. Ihariagiyauyut kivgaqtuutit atuqtauniaqtut, upalungaiyautillut havariiqhimayut piyaangini tapkununga kivgaqtuutinun uunaaqutikkut, auladjutikkut, imakkut, anaqtautit, tuhaqtidjutillu hulaqilimaitut. Hivulirmi turaarutikput naunaiyaqlugu munarilugulu aanniarut hiamitiqtailinahuaqhugu nunallaamun aalanunlu nunallaanun.
Kinaliqaak ihumagumi aktuqhimanirmun aaniarunmun hivayaqlugit ukua COVID-19 hivayautaa 1-888-975-8601 qitqani 10 ublaami 6mun unuami hivayaqlugiluuniin munaqhitkut. Munaqhiliaqtailutit kihimi ilituripkaqtauguvin munaqhinin.
Tamainun Nunavunmiunun, ilihimalugit hiamitiqtailinirmun aktilaarutit havakhimayavut aghuungnaqhiyut tadja. Tamaita inuit aturiaqalitaa inugiangnikkut ungahiktilaarutit, aihimainaqluhi, aktuqtailugit tapkua kitut ilaungitut iglungni. Attautimun, aghuurutivut kayumiirutauniaqtut hiamitirniranun qalakyuangniq COVID-19.
Kinguliqpaaq, Itqaumatquyatka aghuurutait pittiarnirmun. Tadja piyakhaungituq pinaguhinirmun, kanguhaarnirmunlu. Tadja nagliguhuutikkut, ikayuqlugit Nunavunmiuqatitit.
Kavamatkut Nunavunmi quyagiyumayait tamaita Nunavunmiun aghuurutainun ublumimun. Aulahimaarniaqtugut aghuurutigilugit hiamitiqtailinirmun aanniarut, mikhiyuumiqlugillu ulaqutait Mittimatalingmi, aviktuqhimayumilu. Attautikkut tamapta munariniaqtaqqut aviktuqhimayuq aanniaqtailinirmun haffuminga COVID-19min.
Ilaupluni Nunavut Kavamangani (GN) havagutainni hapumminikkut Nunavunmiunnik uumannga qajangnaqtumin COVID-19 qalagjuarnirmin, GN-kunni Havagviit atuqtipkaliqtait hapkuat:
Aanniaqtailinikkut Havagvia
Inuit Mtimatalingmi hivayaqaaqlugit munaqhitkut hivulirmi. Tamaita munaqhiliarutikhat Mittimatalingmi Munaqhitkni taimaaqtauyut. Qilamiuqtuinakkut kivgaqtuutit piinarialgit.
COVID-19 Hivayautaa unalu inmikkut-ihivriungnikkut ikayuutikhat
Inuk kituliqaak ihumagumik akuktauvaktun Qalagyuarniq-19min uqaqtauyut hivayaquyauyut uumunga COVID-hivayautaa uvani 1-888-975-8601 talvuuna 10mi ublaami 6mun unukpak, ilitugipkaklutiklu nunalaani munarhitkut qilaminuaq, talvuuna qilaminuaq anilimaiqtukhauyut 14nik ublurnik.
Nunavummiut atuqtaaqtaat inmikkut-ihivriungnikkut ikayuutikhaq piinarialik uvani www.gov.nu.ca
NUNALLAMI TINGMITAILINIQ UNALU KATIMADJUTIT PITTAILINIRMUN PITQUYAUYUT
MITTIMATALIK
Tamaita aulaaquyaungitut Mittimatalingmun kihimi:
- Inuit titiraqhimayumik haffumanga CPHOmin
- Tingmipkaqtauyut aanniaqtut
- Tingmitini havaktit
- Nunavunmi Inuit anguniarnikkut pilaarutiqaqtut titiraqhimayut uvani Titirami 5mi aulaqtaaqtut utiqlutiklu Mittimatalingmun kihimi aulaalimaitut aalanun nunallaanun
- Inuit tingmiyuq kitut mitughat Mittimatalingmun hilakkut qilamiurnikuluuniin.
Tingmipkaqtauyut aanniaqtunik hanguluangilutik tingmitiqarvingmin munaqhitkunilu atuqtughat munaridjutinik tamayanik.
Tamaita nanminiqutit aulayut Mittimatalingmi umikhimayukhat kihimi ukua:
- Niqinut niuvaaviit
- Urhuryualiqiyit ; ihuaqhaivillu
- Titirqiqivik
- Niriviit angmaumalutik aighiqtuinarnun
Tamaita inugiangnikkut katimatquyaungitut talimanik inungnik ikitqialuuniin.
Katimayukhaungitut igluni.
Pitquyauyut tutqighaqtaaqtut uvani:
https://gov.nu.ca/health/information/covid-19-novel-coronavirus
Nunalingni Kavamatkunillu Pivikhaqautikkut Ikayuutikhait
Ihariagiyauyut kivgaqtuutit atuqtauniaqtut, upalungaiyautillut havariiqhimayut piyaangini tapkununga kivgaqtuutinun uunaaqutikkut, auladjutikkut, imakkut, anaqtautit, tuhaqtidjutillu hulaqilimaitut.
Nunalingni Kavamatkunillu Pivikhaqautikkut (CGS), haamlatkullu, upalungaiyariiqhimayut imiqtaqlutik/papiqlutiklu piyaangini nunallaq aulahimaariangani imiqtaqtut
Tadjakaffuq papirvik ilauyuq:
- Papaut iliuraqtauhimayuq hinaanun imirtarviani,
- papiutighaq iliyauhimayuq ikuutaqhimayumun hikimi,
- Papirvik imarmik imirturiangani imiqtaut aghaluut,
- Halumaqhidjut kinguani aghaluutip, unalu,
- Papiullu iliuraqtauluni tadakaffuk ughuqyuaqavingmun ugiqhiyaamingni.
Una munariyauniaqtuq haamlatkut havaktiinin. CGSkut havagahuaqtut aturaaqpaktughamik ihuaqhaidjutikhamik auyami.
Havagviat Ilinniaqtuliqijikkut kivgaqtuutikhait
Iliharviit mittimatalingmi umikhimayut, ilauyut iliharvingni havaktit, qakugu naunainiaqtut.
Tuniuqhaiyukhat ilihaqtut ilihagahait makpiraat Mittimatalingmi taimaaqtaulaktut.
Tamaita Ilinniaqtuliqiyit havaktiit, ilauyut iliharvingni havaktit, havaktughat iglumingni.
Hapkua munaridjutikhat piyaangini inuuhiinun qayangnautinulu Mittimatalingmi ilihaqtut, ilait, havaktillu.
Ilinniaqtuliqiyit tunihiniaqtut ikayuutinik aalanun Kavamatkunun Nunavunmi havagviinun ihariagiyaukpata.
Inuliqijikkut Havagvia
Tamaita Inuliqiyit Havagviit kivgaqtuutailu havaktauliqtut ivayautikkut - tamaita ihariagiyauyut kivgaqtuutit (imaatun qilamiungnikkut kivgaqtuutit nutaqqanun, inulramirnun, arnanun, igluqangittut, iningnikhallu ayuqhautiqaqtut piinarialgit 24/7) atuqtauhimaaqtut. Hivayaqlugu 867-899-1886, 24/7.
Havagviat Havaktuliqiyit
Ataani Kavamatkut Nunavunmi (GN) havaklutik-iglumingni atuqtauliqtuq uvani Qiqaijalirvia 20mi, GNkut havaktiit Mittimatalingmi aulahimaaqtumik ikayuqtauniaqtut havaklutik iglumingni.
GNkut Havaktinun Ilagiingnunlu Ikayungnikkut Pinahuarutit (EFAP) havaktaat hapkua Homewood Healtht tunihiyut piksasiunik amigaitunik hiamitiqtaulimaitut kivgaqtuutit havaktinun ilailu. mun).Aigaitut hapkua hiamitiqtaungitut kivgaqtuutit ihuaqtut ikayuutikhat havaktinun ilailu apiqhuutinun ingumanirmunlu atuqtauyut qalagyuanirmun (COVID-19). Havaktit ilailu hivayaqtaqtaat 1-800-663-1142.
Havaktuliqiyit itqaumaquyait havaktit ihumagumik aktuqhimanirmun haffumunga qalagyuangnirmun COVID-19 hivayaqtughat ukununga COVID hivayautaanun 1-888-975-8601 10min ublaami hamunga 6 unuami, hivayaqlugiluuniin munaqhitkut qilamik, qilamiklu avaliingaaliqlutik iglumingni 14nik ublunik.
Havaktit kangiqhipkaqtaghait atanguyatik inmi-avaliingaalirumik.
Pivalliajuliqijikkut Ingilrajuliqijikkullu Havagviani Havagutait
Nunallaami Auladjutikkut Havagviat mittimatalingmi umikhimayuq. Apiqhuutinun titiraqlutit hapkununga @email
Havagviat Avatiliqiyitkut Kivgaqtuutikhait
Havagviat nutqalaktait ukuaniuvaaniq amirnik pidjutigiblugu tuqighihimayuq qalakyuangniq COVID-19 Mittimatalingmi. Havagviat Avatiliqiyit aulahimaarniaqtut amirnik aalani nunallaani.
Nunavunmi Igluliqijiirjuatkut
Nunamingni igluliqiyit havagviat Mittimatalingmi aulahimaarniaqtuq tunihilutik qilamiurnikkut kivgaqtuutainarnun. Igluqaqtut hivayaqlugu 1-867-899-1418; 1-867-899-8910 qilamiurutiqaruvin. Nunami igluliqiyit havagvia Mittimatalingmi umikhimayuq.
Nunavunmiut inuuhiit ikayuqtigiiktumik munaridjutivut! Itqaumaluhi: uaqlugin algatin qaangillu hunavaluit, inuqarnirmi ahiqpaniitpaklutin, naalaklugit uqautidjutait anniaqtailinikkut havaktinin, aihimalutillu aannialaqiguvin.