ᐃᖃᓗᒍᓐᓇᐅᑎᒧᑦ ᓚᐃᓴᓐᓰᑦ ᐊᑭᖓᑕ ᐊᓯᔾᔨᕐᓂᖓ
ᑭᖑᓪᓕᖅᐹᒥᒃ ᓄᑖᙳᕆᐊᖅᑎᑕᐅᓚᐅᖅᑐᖅ ᐱᖓᔪᐊᑦ, ᒫᔾᔨ 25, 2020
ᑭᒃᑯᑐᐃᓐᓇᓄᑦ ᑐᓴᒐᒃᓴᖅ
ᐃᖃᓗᒍᓐᓇᐅᑎᒧᑦ ᓚᐃᓴᓐᓰᑦ ᐊᑭᖓᑕ ᐊᓯᔾᔨᕐᓂᖓ
ᐃᖃᓗᒍᓐᓇᐅᑎᒧᑦ ᓚᐃᓴᓐᓰᑦ ᐊᑭᖏᑦ ᓄᓇᕗᒻᒥ ᐊᑭᑦᑐᕆᐊᕐᓂᐊᓯᔪᑦ 2.2 ᐳᓴᓐᑎᒥ ᐱᒋᐊᕐᓗᓂᑦ ᐊᐃᕆᓕ 1, 2020.
ᒐᕙᒪᑐᖃᐅᑉ ᐱᔨᑦᑎᕋᐅᑎᓄᑦ ᐊᑭᖏᓐᓄ ᐱᖁᔭᖓ ᐊᑭᑦᑐᕆᐊᕈᑕᐅᔭᕆᐊᖃᖃᑦᑕᖅᐳᖅ ᓚᐃᓴᓐᓯᓄᑦ ᑐᓐᓂᖅᑯᑕᐅᔪᓄᑦ ᒐᕙᒪᑐᖃᐅᑉ ᒪᓕᒐᓕᐊᖏᒍᑦ, ᐱᖃᓯᐅᑎᓪᓗᓂᑦ ᐃᖃᓗᒍᓐᓇᐅᑎᒧᑦ ᓚᐃᓴᓐᓰᑦ, ᑐᓐᓂᖅᑯᑕᐅᕙᒃᖢᑎᒃ ᒐᕙᒪᑐᖃᐅᑉ ᐃᖃᓗᓕᕆᓂᕐᒧᑦ ᐱᖁᔭᖓᑦᑎᒍᑦ.
ᑕᑯᔪᓐᓇᖅᐸᑎᑦ ᓇᓗᓇᐃᔭᖅᓯᒪᑦᑎᐊᖅᑐᖅ ᐊᑭᖏᑦ ᑭᓱᒧᓪᓗ ᐊᑭᑦᑐᕆᐊᕈᑎᖃᕐᒪᖔᑦ, ᕿᒥᕐᕈᓗᒍᑦ ᐊᕐᕌᒎᔪᒧᑦ ᐃᖃᓗᒐᓱᖕᓂᓕᕆᓂᕐᒧᑦ ᐅᖃᓕᒫᒐᖅ, ᐊᑐᐃᓐᓇᐅᔪᖅ ᐊᕙᑎᓕᕆᔨᒃᑯᑦ ᐃᑭᐊᖅᑭᕕᖓᓂ ᓄᓇᓕᖕᓂᓪᓘᓐᓃᑦ ᐆᒪᔪᕐᓂᐊᖅᑎᒃᑯᑦ.
ᐃᒪᕐᒥᐅᑕᓕᕆᓂᕐᒧᑦ ᐱᖁᔭᖅᑎᒍᑦ, ᑕᒪᐃᓐᓂ ᓄᓇᕗᒻᒥᐅᑕᐅᙱᑦᑐᑦ ᐱᑖᕆᐊᖃᖅᐳᑦ ᐃᖃᓗᒍᓐᓇᐅᑎᒧᑦ ᓚᐃᓴᓐᓯᒥᒃ ᐃᖃᓪᓕᐊᓚᐅᙱᓐᓂᖓᓂ.
ᓚᐃᓴᓐᓰᑦ ᐊᑐᐃᓐᓇᐅᕗᑦ ᐊᕙᑎᓕᕆᔨᒃᑯᓐᓂᑦ, ᐃᒪᕐᒥᐅᑕᓕᕆᔨᒃᑯᑦ ᑲᓇᑕᒥ, ᑕᒪᐃᓐᓂᐸᓗᒃ ᐃᖃᓪᓕᐊᕐᕖᑦ ᐊᒻᒪ ᐃᓚᖏᓐᓂ ᓂᐅᕕᕐᕕᖕᓂᑦ.
ᖃᐅᔨᒋᐊᕐᕕᒋᓗᒍᑦ ᓄᓇᓕᖕᓃᑦᑐᖅ ᐆᒪᔪᓕᕆᔨᒃᑯᑦ ᖃᓄᑐᐃᓐᓇᖅ ᐊᐱᖅᑯᑎᒃᓴᖃᕈᕕᑦ.
###
ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:
ᔮᔅ ᓛᖕ
ᑐᓴᒐᒃᓴᓕᕆᔨᒃᑯᓐᓄᑦ ᐊᐅᓚᑦᑎᔨ, ᐃᓕᓐᓂᐊᖅᑐᓕᕆᓂᕐᒧᑦ ᐊᒻᒪ ᑐᓴᐅᒪᑎᑦᑎᓂᕐᒧᑦ
ᐊᕙᑎᓕᕆᔨᒃᑯᑦ
867-975-7761
@email