ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᕝᕕᖓᓐᓂᑦ ᓄᑖᕈᕆᐊᖅᑕᐅᔪᑦ

ᑭᖑᓪᓕᖅᐹᒥᒃ ᓄᑖᙳᕆᐊᖅᑎᑕᐅᓚᐅᖅᑐᖅ ᐅᓪᓗᑐᐃᓐᓇᖅ, ᒫᔾᔨ 26, 2021

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᒫᑦᓯ 26, 2021

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᐃᓕᓐᓂᐊᕆᐅᖅᓴᕕᒃ ᐸᐃᕆᕕᒡᓗ

ᐊᕐᕕᐊᕐᒥ ᓄᓇᖃᖅᑳᖅᓯᒪᔪᑦ ᐃᓕᓐᓂᐊᕆᐅᖅᓴᕕᖕᒥ ᐃᓕᓐᓂᐊᕆᐅᖅᓴᔪᑦ ᒫᓐᓇ ᐃᓕᓐᓂᐊᕆᐅᖅᓴᔾᔪᑎᓂᒃ ᐊᑐᐃᓐᓇᐅᑎᑦᑎᔪᑦ. ᐃᓕᓐᓂᐊᕆᐅᖅᓴᕕᒃ ᒪᒃᐱᕐᓂᐊᖅᑐᖅ ᓇᒡᒐᔾᔭ, ᒫᑦᓯ 29−ᒥ.

ᐱᖓᔪᐊᑦ, ᒫᑦᓯ 24−ᒥ, ᐊᕐᕕᐊᕐᒥ ᐸᐃᕆᕕᒃ ᒪᒃᐱᓚᐅᖅᐳᖅ.

ᓄᓇᕗᒻᒥᐅᑦ ᖃᓄᐃᙱᑦᑎᐊᖅᑐᑦ ᑕᒪᑦᑕᑦᑎᐊᖅ ᑲᑐᔾᔨᓪᓗᑕ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᐅᖓᓯᒌᒃᑕᖅᐸᒡᓗᓯ, ᐃᓗᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᓯᓗ ᖃᓂᒪᒍᔅᓯ.

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᒫᑦᓯ 19, 2021

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᐱᒋᐊᖅᖢᒍ ᓇᒡᒐᔾᔭ, ᒫᑦᓯ 15, ᐊᕐᕕᐊᓂ ᐃᓕᓐᓂᐊᕐᕕᓕᒫᑦ ᐊᑐᓕᖅᑎᑦᑎᓂᐊᖅᑐᑦ ᓇᓃᓐᓂᖓᓂ 3 ᖃᓄᐃᓕᐅᕐᓂᕐᒧᑦ ᐸᕐᓇᐅᑎᒥᒃ. ᐊᓯᓕᒫᖏᑦ ᐃᓕᓐᓂᐊᕐᕖᑦ ᓄᓇᕗᒻᒥ ᓇᓃᓐᓂᖓ 1-ᒦᑦᑐᑦ.

ᓄᑖᙳᕆᐊᖅᓯᒪᔪᓂᒃ ᓄᓇᓕᖕᒥᐅᑦ ᖃᓄᐃᓕᕙᓪᓕᐊᓂᖏᓐᓄᑦ ᑕᑯᒃᓴᕈᖅᑎᑕᐅᓂᐊᖅᐳᑦ ᐃᓕᓐᓂᐊᕐᓂᓕᕆᔨᒃᑯᑦ ᐃᑭᐊᖅᑭᕕᖓᓂ ᐅᕙᓂ: https://gov.nu.ca/education/information/2020-21-opening-plan-nunavut-sch...

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᔭᓄᐊᕆ 25, 2021

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᐃᓕᓐᓂᐊᕐᕕᓕᒫᑦ

ᓇᒡᒐᔾᔭᒥᑦ, ᔭᓄᐊᕆ 25, 2021−ᒥᑦ, ᐃᓕᓐᓂᐊᕐᕖᑦ ᓄᓇᓕᖕᓂ ᑎᑎᕋᖅᑕᐅᓯᒪᔪᓂ ᐊᑖᓂ ᓅᓐᓂᐊᖅᐳᑦ ᐅᑯᓄᖓ ᐊᑐᖅᑕᐅᓂᖏᓕᖅᑐᓄᑦ.

ᐊᕐᕕᐊᑦ − ᓇᓃᓐᓂᖓ 4
ᐃᓄᒡᓚᒃ ᐃᓕᓐᓂᐊᕐᕕᒃ ᑎᑭᕋᕐᔪᐊᓂ ᓇᓃᓐᓂᖓ 3-ᒦᖏᓐᓇᕐᓂᐊᖅᑐᖅ.
ᐊᑐᕆᐊᓕᒃ 2 − ᐊᓯᓕᒫᖏᑦ ᐃᓕᓐᓂᐊᕐᕖᑦ ᓄᓇᕗᒻᒥ

ᓄᑖᙳᕆᐊᖅᓯᒪᔪᓂᒃ ᓄᓇᓕᖕᒥᐅᑦ ᖃᓄᐃᓕᕙᓪᓕᐊᓂᖏᓐᓄᑦ ᑕᑯᒃᓴᕈᖅᑎᑕᐅᓂᐊᖅᐳᑦ ᐃᓕᓐᓂᐊᕐᓂᓕᕆᔨᒃᑯᑦ ᐃᑭᐊᖅᑭᕕᖓᓂ ᐅᕙᓂ: https://gov.nu.ca/education/information/2020-21-opening-plan-nunavut-sc…

ᐊᑐᕆᐊᓕᒃ 4 - ᐊᕐᕕᐊᑦ

ᐱᒋᐊᕐᖢᓂ ᓇᒡᒐᔾᔭ, ᔭᓄᐊᕆ 25, 2021, ᐊᕐᕕᐊᓂ ᐃᓕᓐᓂᐊᕐᕕᓕᒫᑦ ᐊᑐᓕᖅᑎᑦᑎᓂᐊᖅᑐᑦ ᓇᓃᓐᓂᖓᓂ 4 ᖃᓄᐃᓕᐅᕐᓂᕐᒧᑦ ᐱᕙᒌᔭᐅᒻᒥᒃ.
ᐊᕐᕕᐊᓂ ᐃᓕᓐᓂᐊᕐᕖᑦ ᒪᑐᒪᐃᓐᓇᕐᓂᐊᖅᑐᑦ ᖃᐅᔨᑎᑕᐅᒃᑲᓐᓂᓚᐅᙱᓐᓂᓕᒫᖏᓐᓂ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ.
ᒪᓕᒋᐊᖃᖅᑎᑕᓕᒫᑦ ᐊᕐᕕᐊᓂ ᐱᓕᕆᐊᖑᓂᐊᖅᐳᑦ ᐅᐸᒃᓯᒪᙱᒃᑲᓗᐊᕐᓗᒍ.
ᐃᓕᓴᐃᔩᑦ ᐃᓕᓐᓂᐊᕐᕕᖕᒥᓗ ᐃᖅᑲᓇᐃᔭᖅᑏᑦ ᖃᐅᔨᒋᐊᓛᖅᐳᑦ ᐃᓕᓐᓂᐊᖅᑎᓄᑦ ᐃᓚᖏᓐᓄᓪᓗ ᐊᔪᕐᓇᕈᓐᓃᑐᐊᖅᐸᑦ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᖃᓄᐃᓕᖓᓂᖓ ᐸᐃᕆᕖᑦ ᓄᓇᕗᓕᒫᒥ ᒪᓕᒍᑕᐅᓂᐊᖅᑐᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃᑎᒍᑦ.

ᐊᕐᕕᐊᓂ ᐸᐃᕆᕝᕖᑦ ᒪᑐᓯᒪᐃᓐᓇᖁᔭᐅᕗᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ.

ᐃᓕᓐᓂᐊᕐᓂᓕᕆᔨᒃᑯᑦ ᐊᐅᓚᓂᕆᕙᒃᑕᖏᑎᒍᑦ ᑲᔪᓯᓂᐊᖅᑐᑦ ᐊᐅᓚᔾᔪᑏᑦ ᐋᖅᑭᐅᒪᔾᔪᑏᓪᓗ ᑮᓇᐅᔭᖃᖅᑎᑕᐅᔾᔪᑎᓄᑦ ᐃᓕᓐᓂᐊᕐᕕᓕᒫᓄᑦ ᒪᑐᐃᖓᒃᐸᑕᓘᓐᓃᑦ ᒪᑐᓯᒪᒃᐸᑕᓘᓐᓃᑦ.

ᒪᓕᒃᖢᒍ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑕ ᐅᖃᐅᓯᖏᑦ, ᐸᐃᕆᕕᓕᒫᑦ ᓄᓇᕗᓕᒫᒥ ᓄᓇᓕᖏᓐᓂ, ᑭᓯᐊᓂ ᐊᕐᕕᐊᑦ ᐋᒃᑲ, ᒪᒃᐱᖅᓯᒪᐃᓐᓇᕈᓐᓇᖅᑐᑦ ᒪᓕᒡᓗᑎᒃ ᒫᓐᓇ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᒻᒪ ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᑦ ᑐᑭᒧᐊᒍᑎᖏᓐᓂᒃ ᐊᒻᒪ ᐆᒃᑐᖅᑕᐅᖁᔭᖏᓐᓂᒃ.

ᑮᓇᐅᔭᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ (FANS)

ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᑦ ᐃᖅᑲᓇᐃᔭᖅᑎᑦ ᐱᔨᑦᑎᕋᐃᓐᓇᖅᑐᑦ ᐃᓚᐅᓪᓗᑎᒃ:

ᐱᓇᔫᑎᑦ ᑮᓇᐅᔭᖃᖅᑎᑕᐅᔾᔪᑎᓄᑦ ᐱᓕᕆᐊᕆᓗᒋᑦ;
ᐊᐅᓪᓚᕐᓂᕐᒧᑦ ᑐᒃᓯᕋᖅᑕᑦ;
ᐊᑭᓕᖅᓱᐃᔾᔪᑎᓂᒃ ᑎᑎᕋᕐᓂᖅ; ᐊᒻᒪᓗ,
ᑭᐅᖃᑦᑕᕐᓂᖅ ᑐᓴᐅᒪᔾᔪᑎᒃᓴᓄᑦ.

ᑐᓴᐅᒪᔾᔪᑎᒃᓴᓕᒫᑦ ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᑦ ᐃᕐᖐᓐᓈᖅᑕᐅᓗᑎᒃ ᐅᕗᖓ @email. ᑭᐅᔭᐅᓃᑦ ᓱᒃᑲᐃᓐᓂᖅᓴᐅᑐᐃᓐᓇᕆᐊᖃᖅᐳᑦ ᐊᑐᖅᑕᐅᕙᖕᓂᖏᑕ ᓱᒃᑲᐃᓐᓂᖅᓴᐅᓗᓂ.

ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᑦ ᑎᑎᕋᕐᕕᖓ ᐊᕐᕕᐊᓂ ᑭᒃᑯᑐᐃᓐᓇᓄᑦ ᒪᑐᓯᒪᔪᖅ ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ.

ᓄᓇᕗᒻᒥ ᓯᓚᑦᑐᖅᓴᕐᕕᒃ

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

ᓄᓇᕗᒻᒥ ᓯᓚᑦᑐᖅᓴᕐᕕᖏᑦ ᐊᕐᕕᐊᓂ ᓅᑕᐅᔪᑦ ᓇᓃᓐᓂᖓ 4−ᒧᑦ ᐊᐅᐸᖅᑐᖅ ᓈᓴᐅᑖ ᐊᑐᓯᑲᐅᑎᒋᔪᖅ. ᑖᓐᓇ ᑐᑭᖃᖅᑐᖅ ᓄᓇᕗᒻᒥ ᓯᓚᑦᑐᖅᓴᕐᕕᓕᒫᑦ ᐊᕐᕕᐊᓂ ᒪᑐᓯᒪᔪᑦ ᐱᔪᓐᓇᖅᑎᑕᐅᓪᓗᑎᒃ ᐱᔭᕆᐊᖃᒻᒪᕆᒃᑐᑐᐊᓄᑦ ᐱᓕᕆᐊᒃᓴᑦ.

ᓄᓇᕗᒻᒥ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᑎᓄᑦ ᐊᕐᕕᐊᓂ:

ᐱᓕᕆᐊᒃᓴᐃᑦ ᓅᓐᓂᐊᓕᖅᐳᑦ ᐅᐸᒃᓯᒪᙱᒃᑲᓗᐊᕐᓗᒍᑦ ᐃᓕᑕᐅᔪᓐᓇᕐᓂᖏᓐᓄᑦ, ᑕᐃᒪᐃᑦᑕᕆᐊᖃᕌᖓᑕ.
ᐱᔪᓐᓇᕈᑎᖃᕆᐊᕐᓗᑎᑦ ᐃᓕᓐᓂᐊᖅᑎ ᐃᕐᖐᓐᓈᖅᑕᐅᑎᖓᓄᑦ: @email (ᐃᓕᓐᓂᐊᖅᑎ ᐃᕐᖐᓐᓈᖅᑕᐅᑎᖃᙱᒃᑯᕕᑦ, ᖃᐅᔨᒋᐊᕐᓗᒍ @email or contact NAC IT Support by phone at 1-867-222-2083.)
ᐱᕐᔪᐊᑦ ᓄᑖᖑᕆᐊᖅᑐᑦ ᐊᒥᖅᑳᕈᑕᐅᓂᐊᖅᑐᑦ ᑐᓴᐅᒪᔪᓕᕆᒃᑯᕕᑦᑕ ᐃᖅᑲᓇᐃᔭᕐᕕᖓᓂ.
ᓯᓚᑦᑐᓴᕐᕕᐅᑉ ᐃᓕᓐᓂᐊᖅᑎᖏᑦ ᖃᐅᔨᒃᑲᐅᑎᖁᔭᐅᕗᑦ ᐅᖄᓚᐅᑎᖏᑕ ᐊᒻᒪ ᖃᓄᖅ ᐅᖃᕐᕕᒋᔭᔅᓴᐅᒻᒪᖔᑕ (ᐅᖄᓚᐅᑎᖓ ᐊᒻᒪᓗ/ᐅᕝᕙᓗᓃᑦ ᐃᕐᖐᓈᖅᑕᐅᑎᒃᑯᑦ) ᐃᓕᓐᓂᐊᖅᑎᑦᑎᔨᖓᓐᓄᑦ.
ᐃᓕᓐᓂᐊᖅᑎᑦ ᐱᖁᔭᐅᔪᑦ ᐅᐸᒍᑎᙱᓪᓗᑎᒃ ᖃᐅᔨᒪᖃᑦᑕᐅᑎᔾᔪᑎᓄᑦ ᐃᓕᓴᐃᔨᖏᓐᓄᑦ ᐃᓕᓐᓂᐊᖃᑎᖏᓐᓄᓪᓗ ᐃᑲᔪᖅᑕᐅᔾᔪᑎᓄᑦ.
ᑐᓴᕆᐊᙱᓐᓇᕆᑦᑎ ᓄᑖᖑᕆᐊᖅᑐᓄᑦ ᐃᓄᖕᓄᑦ ᑐᓴᒐᒃᓴᖃᕐᕕᑦᑎᓐᓄᑦ (ᕙᐃᔅᐳᒃ ᐊᒻᒪ ᑐᐃᑐ) ᓇᕿᑦᑕᐅᑎᖏᑎᒍᑦ ᐃᑭᐊᖅᑭᕕᖓᓄᓪᓗ.

ᓄᓇᕗᒻᒥ ᓯᓚᑦᑐᖅᓴᕐᕕᒃ ᐃᓕᓴᐃᔨᓄᑦ ᐊᕐᕕᐊᓂ:

ᐱᓕᕆᐊᒃᓴᐃᑦ ᓅᓐᓂᐊᓕᖅᐳᑦ ᐅᐸᒃᓯᒪᙱᒃᑲᓗᐊᕐᓗᒍᑦ ᐃᓕᑕᐅᔪᓐᓇᕐᓂᖏᓐᓄᑦ, ᑕᐃᒪᐃᑦᑕᕆᐊᖃᕌᖓᑕ.
ᐃᓕᓴᐃᔨᑦ ᐱᖁᔭᐅᔪᑦ ᐃᓕᓐᓂᐊᖅᑎᖏᑕ ᖃᐅᔨᒋᐊᕐᕕᒋᔪᓐᓇᖅᑕᖏᓐᓂ ᓇᓗᓇᐃᔭᐅᑎᖏᓐᓂ.
ᐃᓕᓴᐃᔨᑦ ᐱᖁᔭᐅᔪᑦ ᖃᐅᔨᒋᐊᒐᔪᒃᓗᑎᒃ ᐃᓕᓐᓂᐊᕈᑎᓕᕆᔨᖏᓐᓄᑦ.
ᖃᐅᔨᒪᒋᐊᕐᓗᑎᑦ ᓇᓗᓇᐃᔭᐅᑎᖃᕐᓂᕐᓂ ᐱᔭᕆᐊᓕᖕᓂᒃ ᑎᑎᕋᕐᕕᒃᐱᑦ ᖃᕆᑕᐅᔭᖓᓂ, ᐃᓚᐅᓗᓂ Y: ᒪᒃᐱᖅᑎᑦᑎᔾᔪᑎ.
ᐃᓕᓴᐃᔨᑦ ᐱᖁᔭᐅᔪᑦ ᐃᓱᒪᑦᑎᐊᕐᕕᖃᕐᓗᑎᒃ ᑕᑯᔭᐅᔭᕆᐊᖃᙱᑦᑐᓅᖓᔪᓂᒃ ᐃᖅᑲᓇᐃᔭᕐᓂᕐᒥᓂᒃ ᐊᖏᕐᕋᖏᓐᓂ.
ᐃᓚᐅᔭᕆᐊᖃᖅᐸᑦ, ᐃᓚᐅᓂᕐᒧᑦ ᑎᑎᕋᕐᕕᒃᓴᑦ ᐸᕐᓇᒃᑕᐅᓗᑎᒃ ᐊᒻᒪᓘᓐᓃᑦ ᑎᑎᕋᕐᕕᒃᓴᑦ ᓇᒃᓴᕐᓗᒋᑦ.

ᓄᓇᕗᒻᒥ ᓯᓚᑦᑐᖅᓴᕐᕕᒃ ᐃᖅᑲᓇᐃᔭᖅᑎᖏᓐᓄᑦ ᐊᕐᕕᐊᓂ:

ᓄᓇᕗᒻᒥ ᓯᓚᑦᑐᖅᓴᕐᕕᖕᒧᑦ ᐃᓂᖁᑎᒋᔭᐅᔪᑦ ᒪᓂᒪᓂᐊᖅᐳᑦ ᐊᑐᖅᑕᐅᓪᓚᕆᒋᐊᖃᖅᑐᓄᑐᐊᖅ ᐃᖅᑲᓇᐃᔭᖅᑎᓄᑐᐊᖅ.
ᐱᔭᕆᐊᖃᒻᒪᕆᒃᓗᑎᒃ ᐃᖅᑲᓇᐃᔭᖅᑎᑦ ᓇᓗᓇᐃᖅᓯᖃᑦᑕᖁᔭᐅᔪᑦ ᐃᓂᒃᓴᖏᓐᓂ ᐃᖅᑲᓇᐃᔭᕐᓂᐊᕐᓂᕐᒧᑦ ᐊᐅᓚᑦᑎᔨᖏᓐᓄᑦ.
ᒪᑐᐊᖅᓯᒪᔾᔪᑎᑦ ᐊᑐᖅᑕᐅᔭᕆᐊᓕᑦ ᐃᖅᑲᓇᐃᔭᕆᐊᓪᓚᕆᒃᑐᓄᑦ ᐃᖅᑲᓇᐃᔭᕐᕕᒋᔭᖅᑐᖅᑕᖏᓐᓄᑦ.
ᐃᖅᑲᓇᐃᔭᖅᑎᑦ ᓇᓗᓇᐃᖅᓯᖁᔭᐅᔪᑦ ᐊᐅᓚᑦᑎᔨᖏᑦ ᖃᐅᔨᒋᐊᕐᕕᒃᓴᓄᑦ ᓇᓗᓇᐃᔭᐅᑎᖃᕐᓗᑎᒃ, ᖃᐅᔨᒋᐊᕐᕕᒃᓴᖏᓐᓄᓪᓗ ᑕᐃᒃᑯᐊ ᐃᖅᑲᓇᐃᔭᕆᐊᖃᖅᑐᓄᑦ.
ᖃᐅᔨᒪᒋᐊᕐᓗᑎᑦ ᓇᓗᓇᐃᔭᐅᑎᖃᕐᓂᕐᓂ ᐱᔭᕆᐊᓕᖕᓂᒃ ᑎᑎᕋᕐᕕᒃᐱᑦ ᖃᕆᑕᐅᔭᖓᓂ, ᐃᓚᐅᓗᓂ Y: ᒪᒃᐱᖅᑎᑦᑎᔾᔪᑎ.
ᐃᓕᓴᐃᔨᑦ ᐱᖁᔭᐅᔪᑦ ᐃᓱᒪᑦᑎᐊᕐᕕᖃᕐᓗᑎᒃ ᑕᑯᔭᐅᔭᕆᐊᖃᙱᑦᑐᓅᖓᔪᓂᒃ ᐃᖅᑲᓇᐃᔭᕐᓂᕐᒥᓂᒃ ᐊᖏᕐᕋᖏᓐᓂ.
ᐃᓚᐅᔭᕆᐊᖃᖅᐸᑦ, ᐃᓚᐅᓂᕐᒧᑦ ᑎᑎᕋᕐᕕᒃᓴᑦ ᐸᕐᓇᒃᑕᐅᓗᑎᒃ ᐊᒻᒪᓘᓐᓃᑦ ᑎᑎᕋᕐᕕᒃᓴᑦ ᓇᒃᓴᕐᓗᒋᑦ.

ᖃᕆᑕᐅᔭᓕᕆᔨᑦ ᒐᕙᒪᒃᑯᓐᓄᑦ ᐃᑲᔪᖅᑎᑦ ᐃᓕᓐᓂᐊᕐᑎᓄᑦ ᐃᖅᑲᓇᐃᔭᖅᑎᓄᓪᓗ

ᐃᑲᔪᖅᑕᐅᔭᕆᐊᖃᕈᕕᑦ ᓄᓇᕗᒻᒥ ᓯᓚᑦᑐᖅᓴᕐᕕᒃ ᖃᕆᑕᐅᔭᓕᕆᔨᖏᓐᓄᑦ ᖃᐅᔨᒋᐊᕐᓗᒍ: @email ᐅᖃᓗᒃᓗᑎᓪᓘᓐᓃᑦ ᐅᕗᖓ1-867-222-2083.
ᐃᓂᒃᓴᓕᐅᕈᒪᓗᓂ ᐱᓕᒻᒪᒃᓴᐃᓂᕐᒥᒃ ᖃᕆᑕᐅᔭᒃᑯᑦ ᑎᑎᕋᕈᑎᓄᑦ ᓲᕐᓗ ᐱᓕᕆᖃᑎᒌᑦ, ᐊᑕᐅᓯᖅ ᐊᑐᒐᒃᓴᖅ, ᐃᕐᖐᓐᓈᖅᑕᐅᑦ, ᐸᕐᓇᐃᔾᔪᑎ, ᑎᑎᕋᕐᕕᒃᓴᑦ, ᐊᓯᖏᓐᓄᓪᓗ ᖃᐅᔨᒋᐊᕐᓗᒍ ᓄᓇᕗᒻᒥ ᓯᓚᑦᑐᖅᓴᕐᕕᒃ ᖃᕆᑕᐅᔭᓕᕆᔨᖏᓐᓄᑦ ᐱᓕᒻᒪᒃᓴᐃᓂᕐᒨᖓᓪᓚᑦᑖᖅᑐᖅ ᓈᓴᐅᑎᒧᑦ: 1-867-222-2428.

ᓄᓇᕗᒻᒥ ᓯᓚᑦᑐᖅᓴᕐᕕᒃ ᑐᑭᓯᐅᒪᔪᖅ ᐃᓱᒫᓘᑎᖅᔪᐊᖅᑕᓕᒃ ᐃᓕᓐᓂᐊᖅᑎᑦ ᐊᑦᑕᕐᓇᖅᑐᒦᖏᓪᓗᑎᒃ ᐊᒻᒪ ᓄᕙᒃᔪᐊᕐᓇᖅ−19−ᒧᑦ. ᓄᓇᕗᒻᒥ ᓯᓚᑦᑐᖅᓴᕐᕕᒃ ᑐᑭᓯᐅᒪᖕᒥᔪᖅ ᐃᓚᖏᑦ ᐃᓕᓐᓂᐊᖅᑎᑦ ᐊᐅᓪᓚᕈᒪᑐᐃᓐᓇᕆᐊᓕᑦ ᐅᐸᒍᒪᔭᖏᓐᓄᑦ ᕿᒪᕉᑎᔪᒪᔭᖏᓐᓄᑦ ᑭᕙᓪᓕᕐᒥ. ᓇᓗᓇᐃᖅᓯᒪᖕᒪᑦ ᓄᓇᕗᒻᒥ ᒐᕙᒪᒃᑯᑦ ᑐᓴᒐᒃᓴᓄᑦ ᓴᖅᑭᑎᔾᔪᑎᒧᑦ “ᐊᐅᓪᓚᕐᓂᖅ ᓄᓇᓕᖕᒧᑦ ᑕᐃᑲᙶᕐᓗᓂᓗ ᑭᒃᓕᖃᖅᑎᑕᐅᔪᖅ.”

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᔭᓄᐊᕆ 14, 2021

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᐃᓕᓐᓂᐊᕐᕕᓕᒫᑦ

ᐅᓪᓗᒥᒧᑦ ᑎᑭᖦᖢᒍ, ᐃᓕᓐᓂᐊᕐᓂᓕᕆᔨᒃᑯᑦ ᐱᓯᒪᓕᖅᐳᑦ 2,300−ᓂᒃ 3000−ᖑᑎᓪᓗᒋᑦ ᐃᑭᐊᖅᑭᕕᒃᑰᑐᐃᓐᓇᕆᐊᖃᓕᖅᑎᓯᒪᔪᑦᐊᑐᖅᑕᐅᔪᓐᓇᖅᑐᑦ ᓂᐅᕕᖅᑕᐅᔪᕕᓃᑦ ᑮᓇᐅᔭᖃᖅᑎᑕᐅᓪᓗᑎᒃ ᑲᓇᑕᐅᑉ ᒐᕙᓚᖓᓂᑦ ᐃᑲᔪᖅᑐᐃᔪᒪᓪᓗᑎᒃ ᐅᐸᒃᓯᒪᙱᒃᑲᓗᐊᕐᓗᒍ ᐃᓕᑦᑎᕙᓪᓕᐊᓇᔭᕐᓂᕐᒥᒃ.

ᐱᓕᕆᕝᕕᒋᔭᐅᔫᑉ ᖃᔅᓯᑲᓪᓚᒃᑎᒎᖓᔪᖅ ᐱᕙᒌᔭᖅᓯᒪᔭᖓᑦ ᑐᓂᐅᖅᑲᐃᓂᐊᕐᓗᑎᒃ ᑕᒪᒃᑯᓂᖓ ᐱᓕᕆᔾᔪᑎᓂᒃ ᐃᓕᓐᐊᓂᕐᕕᖕᓄᑦ ᐱᒋᐊᖅᑎᑕᐅᓯᒪᓕᖅᐳᖅ.

ᐊᑐᖅᑕᐅᔪᒥ 1−ᒥ ᐊᔪᙱᓐᓂᓖᑦ 11 ᐊᒻᒪᓗ 12 ᐃᓕᓐᓂᐊᕐᑏᑦ ᐃᓕᓴᐃᔩᓪᓗ ᓯᕗᓪᓕᖅᐸᐅᔾᔭᐅᓯᒪᕗᑦ.

ᐊᑐᖅᑕᐅᔪᖅ 1 ᑲᔪᓯᑎᑦᑎᓂᖅ ᐱᒋᐊᓚᐅᖅᐳᖅ ᑎᓯᐱᕆ 2020−ᒥ ᑲᔪᓰᓐᓇᖅᖢᓂᓗ ᔭᓄᐊᕆᓕᒫᒥ. ᑲᑎᓕᒫᖅᖢᒋᑦ 1433−ᓂᒃ ᐱᓕᕆᔾᔪᑎᓂᒃ ᑐᓂᓯᔪᖃᓚᐅᖅᐳᖅ.
- 246−ᓂᒃ ᐱᓕᕆᔾᔪᑎᓂᒃ ᕿᑎᕐᒥᐅᓄᑦ.
- 618−ᓂᒃ ᐱᓕᕆᔾᔪᑎᓂᒃ ᑭᕙᓪᓕᕐᒥᐅᓄᑦ.
- 569−ᓂᒃ ᐱᓕᕆᔾᔪᑎᓂᒃ ᕿᑭᖅᑕᓂᒥᐅᓄᑦ (ᑭᑭᑕᐅᓪᓗᑎᒃ ᐃᖃᓗᖕᒥᐅᑦ, ᑕᒃᑯᐊᓕ ᐊᓯᖔᖓᒍᑦ ᐱᓕᕆᕝᕕᐅᓂᐊᕐᓂᖏᓐᓄᑦ.
ᐊᑐᖅᑕᐅᔪᒥ 2−ᒥ ᐊᔪᙱᓐᓂᓖᑦ 10 ᐊᒻᒪᓗ 12 ᐃᓕᓐᓂᐊᕐᑏᑦ ᐃᓕᓴᐃᔩᓪᓗ ᓯᕗᓪᓕᖅᐸᐅᔾᔭᐅᓯᒪᕗᑦ.
- ᐱᓕᕆᐊᖑᔪᒥ 2−ᒥ ᑐᓂᐅᖅᑲᐃᓂᖅ ᐱᒋᐊᓛᖅᑐᑦ ᕕᕗᐊᕆ ᐱᒋᐊᓕᓵᖅᐸᑦ ᐱᓕᕆᕝᕕᒋᔭᐅᔪᕐᓗ ᐱᕙᒌᔭᖅᓯᒪᕗᖅ ᑐᓂᓯᔪᒪᓪᓗᓂ 926−ᐸᓗᖕᓂᒃ ᐱᓕᕆᔾᔪᑎᓂᒃ ᑕᒫᓂᓕᒫᖅ ᐅᑭᐅᖅᑕᖅᑎᑐᒥ ᐊᕕᒃᓯᒪᓂᕐᒥ.

ᓄᓇᕗᒻᒥᐅᑦ ᖃᓄᐃᙱᑦᑎᐊᖅᐸᖕᓂᖏᑦ ᑕᒪᑦᑕᑦᑎᐊᖅ ᑲᑐᔾᔨᓪᓗᑕ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᖃᓂᒌᓗᐊᖅᑕᐃᓕᕙᒡᓗᓯ, ᐃᖢᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᑦᑕ.

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᔭᓄᐊᕆ 12, 2021

ᐃᓕᓐᓂᐊᕐᓂᓕᕆᔨᒃᑯᑦ

ᐃᓕᓐᓂᐊᓕᓵᖅᑐᓂ−ᖁᑦᑎᖕᓂᓕᖕᓄᑦ 12 ᐃᓕᓐᓂᐊᕐᕕᓕᒫᑦ

ᑐᙵᕕᒋᓪᓗᒍ ᑐᑭᒧᐊᕈᑎᒃᓴᖓ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ, ᐊᐃᑉᐹᓂ, ᔭᓄᐊᕆ 12, 2021, ᐃᓕᓐᓂᐊᕐᕖᑦ ᓄᓇᓕᖕᓂ ᑎᑎᕋᖅᓯᒪᔪᓂ ᐊᑖᓂ ᓄᒃᑎᕈᓐᓇᖅᑐᑦ ᐊᑖᓃᑦᑐᑎᒍᑦ ᐊᓪᓗᕆᐊᕈᑎᓄᑦ:

ᐊᕐᕕᐊᑦ ᐊᒻᒪᓗ ᑎᑭᕋᕐᔪᐊᖅ − ᐊᑐᕆᐊᓕᒃ 3
ᐊᑐᕆᐊᓕᒃ 2 − ᐊᓯᓕᒫᖏᑦ ᐃᓕᓐᓂᐊᕐᕖᑦ ᓄᓇᕗᒻᒥ

ᐊᑐᕆᐊᓕᒃ 3 − ᐊᕐᕕᐊᑦ ᐊᒻᒪᓗ ᑎᑭᕋᕐᔪᐊᖅ

ᐃᓕᓐᓂᐊᕐᕖᑦ ᐊᕐᕕᐊᓂ ᑎᑭᕋᕐᔪᐊᒥᓗ ᒪᑐᐃᕈᓐᓇᖅᑐᑦ ᐊᐃᑉᐹ, ᔭᓄᐊᕆ 12, 2021.

ᓂᕆᐅᒋᔭᐅᔪᖅ ᐊᓯᔾᔨᖅᐸᓪᓕᐊᓂᖃᑐᐃᓐᓇᕆᐊᓕᖕᒥᒃ ᐸᕐᓇᐃᓗᑎᒃ ᐅᑎᕐᓂᕐᒧᑦ ᐃᓕᓐᓂᐊᕐᕕᖕᓄᑦ ᐃᓕᓐᓂᐊᖅᑎᓄᑦ ᐃᖅᑲᓇᐃᔭᖅᑎᖏᓐᓄᓪᓗ.
ᓄᑲᒃᖡᑦ ᐃᓕᓐᓂᐊᕐᕕᖏᓐᓂ ᐃᓕᓐᓂᐊᖅᑎᑦ ᑲᖏᖅᖠᓂᕐᒥ ᑎᑭᕋᔪᐊᕐᒥᓗ ᐃᓕᓐᓂᐊᕐᕕᐅᑉ ᐃᓗᐊᓂ ᐊᒻᒪ ᖃᕆᓴᐅᔭᒃᑯᑦ ᐃᓕᓐᓂᐊᖅᑎᑕᐅᑲᑕᖕᓂᐊᖅᐳᑦ. ᐃᓕᓐᓂᐊᖅᑎᑦ ᐃᓕᓐᓂᐊᕐᕕᖕᒦᖃᑦᑕᕐᓂᐊᖅᑐᑦ ᐅᓪᓗᓂᑦ ᐱᖓᓱᓂᑦ ᐱᓇᓱᐊᕈᓯᕐᒥ. ᐋᖅᑭᒃᑕᐅᓯᒪᔪᑦ ᐃᓕᓐᓂᐊᖅᑕᐅᔪᒃᓴᑦ ᐃᓱᒪᓕᐊᖑᖃᑦᑕᕐᓂᐊᖅᐳᑦ ᖃᐅᑕᒫᑦ ᐃᓕᓐᓂᐊᕐᕕᖕᒥ ᐊᑐᕆᐊᓕᒃ 3 ᐱᓕᕆᐊᖑᔪᒃᓴᑦ ᐸᕐᓇᐅᑎᖓᓂᒃ.
ᐊᑯᓪᓕᕐᒥ ᖁᑦᑎᖕᓂᖅᓴᒥᓪᓗ ᐃᓕᓐᓂᐊᕐᕕᖏᓐᓂ ᐃᓕᓐᓂᐊᖅᑎᑦ ᑲᖏᖅᖠᓂᕐᒥ ᑎᑭᕋᔪᐊᕐᒥᓗ ᐃᓕᓐᓂᐊᕐᕕᐅᑉ ᐃᓗᐊᓂ ᐊᒻᒪ ᖃᕆᓴᐅᔭᒃᑯᑦ ᐃᓕᓐᓂᐊᖅᑎᑕᐅᑲᑕᖕᓂᐊᖅᐳᑦ. ᐃᓕᓐᓂᐊᖅᑎᑦ ᐃᓕᓐᓂᐊᕐᕕᖕᒦᖃᑦᑕᕐᓂᐊᖅᑐᑦ ᐅᓪᓘᖕᓄᑦ ᒪᕐᕉᖕᓄᑦ ᐱᓇᓱᐊᕈᓯᕐᒥ. ᐋᖅᑭᒃᑕᐅᓯᒪᔪᑦ ᐃᓕᓐᓂᐊᖅᑕᐅᔪᒃᓴᑦ ᐃᓱᒪᓕᐊᖑᖃᑦᑕᕐᓂᐊᖅᐳᑦ ᖃᐅᑕᒫᑦ ᐃᓕᓐᓂᐊᕐᕕᖕᒥ ᐊᑐᕆᐊᓕᒃ 3 ᐱᓕᕆᐊᖑᔪᒃᓴᑦ ᐸᕐᓇᐅᑎᖓᓂᒃ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᐱᒋᐊᕐᓗᓂ ᐊᐃᑉᐹ, ᔭᓄᐊᕆ 12, 2021, ᒪᓕᒃᖢᒍ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑕ ᐅᖃᐅᓯᖏᑦ, ᐸᐃᕆᕕᓕᒫᑦ ᐃᖃᓗᖕᓂ ᒪᒃᐱᖅᓯᒪᐃᓐᓇᕈᓐᓇᖅᑐᑦ ᒪᓕᒡᓗᑎᒃ ᒫᓐᓇ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᒻᒪ ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᑦ ᑐᑭᒧᐊᒍᑎᖏᓐᓂᒃ ᐊᒻᒪ ᐆᒃᑐᖅᑕᐅᖁᔭᖏᓐᓂᒃ.

ᑮᓇᐅᔭᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ (FANS)

ᐱᒋᐊᕐᓗᓂ ᐊᐃᑉᐹ, ᔭᓄᐊᕆ 12, 2021, ᑮᓇᐅᔭᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᑎᑎᕋᕐᕕᖓ ᐊᕐᕕᐊᓂ ᒪᑐᐃᕐᓂᐊᖅᑐᖅ ᐃᖅᑲᓇᐃᔭᖅᑎᖏᓐᓄᑦ ᑕᐃᑰᓇ ᒫᓐᓇᐅᔪᖅ ᐋᓐᓂᐊᖃᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᒪᓕᒋᐊᓕᖏᑎᒍᑦ ᐆᒃᑑᑎᖏᓐᓄᓪᓗ.

ᑮᓇᐅᔭᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐃᖅᑲᓇᐃᔭᖅᑎᖏᑦ ᐱᔨᑦᑎᕋᐃᓐᓇᖅᑐᑦ ᐃᓚᐅᓪᓗᑎᒃ:

ᐱᓇᔫᑎᑦ ᑮᓇᐅᔭᖃᖅᑎᑕᐅᔾᔪᑎᓄᑦ ᐱᓕᕆᐊᕆᓗᒋᑦ;
ᐊᐅᓪᓚᕐᓂᕐᒧᑦ ᑐᒃᓯᕋᖅᑕᑦ;
ᐊᑭᓕᖅᓱᐃᔾᔪᑎᓂᒃ ᑎᑎᕋᕐᓂᖅ
ᑭᐅᖃᑦᑕᕐᓂᖅ ᑐᓴᐅᒪᔾᔪᑎᒃᓴᓄᑦ.

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᔭᓄᐊᕆ 5, 2021

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᐃᓕᓐᓂᐊᕐᕕᓕᒫᑦ

ᓇᒡᒐᔾᔭᒥᑦ, ᔭᓄᐊᕆ 4, 2021−ᒥᑦ, ᐃᓕᓐᓂᐊᕐᕖᑦ ᓄᓇᓕᖕᓂ ᑎᑎᕋᖅᑕᐅᓯᒪᔪᓂ ᐊᑖᓂ ᓅᓐᓂᐊᖅᐳᑦ ᐅᑯᓄᖓ ᐊᑐᖅᑕᐅᓂᖏᓕᖅᑐᓄᑦ.

ᑎᑭᕋᕐᔪᐊᖅ −ᐊᑐᖅᑕᐅᔪᖅ 4
ᑲᖏᖅᖠᓂᖅ − ᐊᑐᖅᑕᐅᔪᖅ 2.

ᐊᕐᕕᐊᕐᒥ ᐃᓕᓐᓂᐊᕐᕖᑦ ᑲᔪᓰᓐᓴᕐᓂᐊᖅᐳᖅ ᐊᑐᖅᑕᐅᔪᒥ 4−ᒥ ᐊᑐᕆᐊᓕᒃ 2 − ᐊᓯᓕᒫᖏᑦ ᐃᓕᓐᓂᐊᕐᕖᑦ ᓄᓇᕗᒻᒥ

ᐊᑐᖅᑕᐅᔪᖅ 4 - ᑎᑭᕋᕐᔪᐊᖅ

ᓇᒑᔾᔭᒥᑦ, ᔭᓄᐊᕆ 4, 2021−ᒥᑦ, ᐃᓄᒡᓚᒃ ᐃᓕᓐᓂᐊᕐᕕᒃ ᐊᑐᓕᕐᓂᐊᖅᐳᖅ ᐊᑐᖅᑕᐅᔭᐊᕆᐊᓕᖕᒥᒃ 4−ᒥᒃ ᐱᓕᕆᐊᖃᕐᓂᕐᒧᑦ ᐱᕙᒌᔭᐅᒻᒥᒃ.
ᐃᓗᒡᓚᒃ ᐃᓕᓐᓂᐊᕐᕕᒃ ᑎᑭᕋᕐᔪᐊᕐᒥ ᒪᑐᓯᒪᐃᓐᓴᕐᓂᐊᖅᐳᖅ ᑭᒥᐊᕝᓯᐊᓂ ᐅᖃᐅᓯᒃᑲᓐᓂᖅᐸᑦ ᑕᐃᔅᓱᒪᙵ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒥᑦ.
ᑕᒪᕐᒥᑦᑎᐊᖅ ᐊᔪᕈᓐᒡᓂᖅᓴᕐᓂᕆᔭᐅᔪᖅ ᑎᑭᕋᕐᔪᐊᕐᒥ ᑲᔪᓯᑎᑕᐅᓂᐊᖅᐳᖅ ᐅᐸᒃᓯᒪᙱᒃᑲᓗᐊᕐᓗᒍ.
ᐃᓕᓴᐃᔩᑦ ᐃᓕᓐᓂᐊᕐᕕᖕᒥᓗ ᐃᖅᑲᓇᐃᔭᖅᑏᑦ ᖃᐅᔨᒋᐊᓛᖅᐳᑦ ᐃᓕᓐᓂᐊᖅᑎᓄᑦ ᐃᓚᖏᓐᓄᓪᓗ ᐊᔪᕐᓇᕈᓐᓃᑐᐊᖅᐸᑦ.

ᐊᑐᖅᑕᐅᔪᖅ 2, ᑲᖏᖅᖠᓂᕐᒥ

ᓇᒡᒐᔾᔭᒥᑦ, ᔭᓄᐊᕆ 4, 2021−ᒥᑦ ᓄᖃᖅᖠᕐᓄᑦ ᐃᓕᓐᓂᐊᕐᕖᑦ ᑲᖏᖅᖠᓂᕐᒥ ᓴᕝᒪᑐᐃᖅᓯᒪᓂᐊᖅᐳᑦ ᐅᓪᓗᓕᒫᓄᑦ, ᑕᓪᓕᒪᓄᑦ ᐅᓪᓗᓄᑦ ᐱᓇᓱᐊᕈᓯᕐᒥ.
ᓇᒡᒐᔾᔭᒥ ᐱᒋᐊᕐᓗᒍ, ᐊᑯᓪᓕᕐᒥ ᖁᑦᑎᖕᓂᖅᓴᒥᓪᓗ ᐃᓕᓐᓂᐊᕐᕕᖏᓐᓂ ᐃᓕᓐᓂᐊᖅᑎᑦ ᑲᖏᖅᖠᓂᕐᒥ ᐃᓕᓐᓂᐊᕐᕕᐅᑉ ᐃᓗᐊᓂ ᐊᒻᒪ ᖃᕆᓴᐅᔭᒃᑯᑦ ᐃᓕᓐᓂᐊᖅᑎᑕᐅᑲᑕᖕᓂᐊᖅᐳᑦ. ᐃᓕᓐᓂᐊᖅᑎᑦ ᐃᓕᓐᓂᐊᕐᕕᖕᒦᖃᑦᑕᕐᓂᐊᖅᑐᑦ ᐅᓪᓗᓂᑦ ᒪᕐᕉᖕᓂᒃ ᐱᖓᓱᓄᑦ ᑎᑭᓪᓗᒍ ᐱᓇᓱᐊᕈᓯᕐᒥ. ᐋᖅᑭᒃᑕᐅᓯᒪᔪᑦ ᐃᓕᓐᓂᐊᖅᑕᐅᔪᒃᓴᑦ ᐃᓱᒪᓕᐊᖑᖃᑦᑕᕐᓂᐊᖅᐳᑦ ᖃᐅᑕᒫᑦ ᐃᓕᓐᓂᐊᕐᕕᖕᒥ ᐊᑐᕆᐊᓕᒃ 2 ᐱᓕᕆᐊᖑᔪᒃᓴᑦ ᐸᕐᓇᐅᑎᒥᒃ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᑎᑭᕋᕐᔪᐊᕐᒥ ᐊᕐᕕᐊᕐᒥᓗ, ᐸᐃᕆᕝᕖᑦ ᒪᑐᓯᒪᐃᓐᓇᖁᔭᐅᕗᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ.
ᒪᓕᒃᖢᒍ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑕ ᐅᖃᐅᓯᖏᑦ, ᐸᐃᕆᕕᓕᒫᑦ ᐃᖃᓗᖕᓂ ᒪᒃᐱᖅᓯᒪᐃᓐᓇᕈᓐᓇᖅᑐᑦ ᒪᓕᒡᓗᑎᒃ ᒫᓐᓇ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᒻᒪ ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᑦ ᑐᑭᒧᐊᒍᑎᖏᓐᓂᒃ ᐊᒻᒪ ᐆᒃᑐᖅᑕᐅᖁᔭᖏᓐᓂᒃ.

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᑎᓯᐱᕆ 14, 2020

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᓕᕆᕝᕕᖓ

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

ᓇᓗᓇᐃᒃᑯᑕᖅᑖᕐᓂᕐᒧᑦ ᐱᓕᕆᐊᖑᔪᑦ

ᓇᓗᓇᒃᑯᑕᖅᑖᕐᓂᕐᒧᑦ ᐱᓕᕆᐊᖑᔪᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ ᐃᓱᒪᖅᓲᑕᐅᓂᐊᖅᐳᑦ 2020-21 ᐃᓕᓐᓂᐊᕐᓇᖅ ᐊᑐᖅᑎᓪᓗᒍ.

ᖃᐅᔨᒪᑦᑎᐊᕈᒪᓂᕐᒧᑦ ᐱᐅᓛᒥᒃ ᓂᕈᐊᕆᔭᐅᔪᒥᒃ ᐱᔪᖃᕋᓗᐊᕐᒪᖔᑦ ᑕᒪᐃᓐᓄᑦ ᐊᑐᓂᑦ ᐃᓕᓐᓂᐊᖅᑎᓄᑦ, ᓂᕈᐊᕐᓂᖅ ᐊᑐᔾᔮᙱᓐᓂᕐᒧᑦ ᐊᑕᐅᑦᑎᒃᑯᑦ ᐱᓕᕆᐊᖑᓪᓗᐊᖅᐳᖅ ᐱᓕᕆᖃᑎᒋᓗᒋᑦ ᐃᓪᓕᓐᓂᐊᖅᑎᐅᑉ ᐊᖓᔪᖅᖔᖏᒃ/ᑲᒪᔨᖏᒃ. ᑕᒪᕐᒥᑦᑎᐊᖅ ᐃᓕᓐᓂᐊᕐᕖᑦ ᓇᒃᓯᐅᔾᔨᕕᐅᓚᐅᖅᐳᑦ ᔭᓄᐊᕆ 2021 −ᒥ ᐊᑐᖅᓯᓂᐊᕐᓂᕐᒧᑦ ᑎᑎᕋᕆᐊᓕᖕᒥᒃ ᐅᓪᓗᑐᐃᓐᓇᒥ, ᑎᓯᐱᕆ 11, 2020−ᒥ.

ᐃᓕᓐᓂᐊᖅᑏᑦ ᑎᑎᕋᕈᒪᔪᑦ ᔭᓄᐊᕆ 2021−ᒧᑦ ᓇᓗᓇᐃᒃᑯᑕᖅᑖᕐᓂᕐᒧᑦ ᖃᐅᔨᓴᖅᑕᐅᓂᕐᒥᒥᓂᒃ ᐱᔭᕇᖅᓯᔭᕆᐊᖃᕐᓂᐊᖅᐳᑦ ᐃᓱᒪᖅᓱᕐᓗᓂ ᐊᑐᖅᓯᔪᒪᓂᕐᒧᑦ ᑎᑎᕋᕆᐊᓕᖕᒥᒃ ᑐᓂᓗᒍᓗ ᐃᓕᓐᓂᐊᕐᕕᐅᑉ ᐊᖓᔪᖅᑳᖓᓄᑦ ᐊᔪᕐᓇᕈᓐᓃᑐᐊᖅᐸᑦ. ᐃᓕᓐᓂᐊᖅᑏᑦ ᓂᕈᐊᕆᔭᓖᑦ ᑎᑎᕋᖅᓯᓂᕐᒥᒃ ᖃᐅᔨᓴᖅᑕᐅᔾᔪᑎᒥᓂᒃ, ᓈᒻᒪᒃᓴᙱᓪᓗᑎᒡᓗ ᖃᐅᔨᓴᖅᑕᐅᔾᔪᑎᒥᓂᒃ ᐱᓇᔪᒍᓐᓇᙱᓚᑦ ᑭᑭᑕᐅᔪᓐᓇᕐᓂᕐᒥᒃ ᖃᐅᔨᓴᖅᑕᐅᓂᖅ ᐅᓪᓗ ᐊᓂᒍᐊᓪᓚᓚᐅᖅᑎᓪᓗᒍ.

ᐃᓕᓐᓂᐊᖅᑏᑦ ᐊᑐᕈᒪᙱᑦᑐᑦ ᑎᑎᖃᖅᓯᓂᕐᒥᒃ ᖃᐅᔨᓴᖅᑕᐅᓂᕐᒥᓂᒃ ᐱᑎᑕᐅᓂᐊᖅᐳᑦ ᑭᑭᑕᐅᓯᑲᐅᑎᒋᓂᕐᒥᒃ, ᑕᒪᓐᓇ ᐊᔪᕈᓐᓃᖅᓴᕐᓂᕆᔭᖓᑕ ᓇᓗᓇᐃᒃᑯᑕᖓ 100−ᐳᓴᐅᑎᑕᐅᓗᓂ ᑭᖑᓪᓕᖅᐹᕆᓗᒍ ᐱᓂᐊᕐᓗᓂᐅᒃ.

ᐃᓕᓐᓂᐊᖅᑏᑦ ᐱᓇᔪᒍᒪᔪᑦ ᐃᓕᓐᐊᕐᕕᖕᓂ ᐃᓕᓐᓂᐊᕌᓪᓚᓚᐅᕐᓗᑎᒃ ᑎᓕᐅᖅᑕᐅᕗᑦ ᑭᒥᕐᕈᐊᖅᓯᖁᔭᐃᓪᓗᑎᒃ ᐃᓚᐅᓂᐊᕐᓂᕐᒧᑦ ᒪᓕᒋᐊᓕᖕᓕᓂᒃ ᑖᔅᓱᒧᖓ ᐱᓕᕆᐊᒃᓴᒧᑦ ᐱᓇᔪᒡᕕᒋᔭᒥᓄᑦ, ᑎᑎᕋᕐᓯᙱᒃᑯᑎᒃ ᖃᐅᔨᓴᖅᑕᐅᔾᒧᑎᒥᒃ ᐊᒃᑐᖅᓯᑐᐃᓐᓇᕆᐊᖃᖅᐳᖅ ᐊᖏᖅᑕᐅᓇᔭᕐᓂᖏᓐᓄᑦ.

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᑎᓯᐱᕆ 11, 2020

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᖃᕋᓴᐅᔭᒨᕈᑎ ᑐᓂᐅᖅᑲᖅᑕᐅᓂᕆᔭᖏᑕ ᖃᓄᐃᓕᖓᓕᕐᓂᖓ

ᑕᒪᒃᑯᐊ ᖃᕋᓴᐅᔭᒨᕈᑏᑦ ᑐᓂᐅᖅᑲᖅᑕᐅᔪᑦ ᖁᕝᕙᓯᖕᓂᓕᖕᓄᑦ 11 ᐊᒻᒪᓗ 12ᒥᑦ ᐃᓕᓐᓂᐊᖅᑎᓄᑦ ᐃᓕᓐᓂᐊᖅᑎᑦᑎᔨᖏᓐᓄᓪᓗ.

ᑕᒪᕐᒥᒃ ᖃᕋᓴᐅᔭᒨᕈᑏᑦ ᐃᓕᓐᓂᐊᕐᕕᓐᓃᖏᓐᓇᕐᓂᐊᖅᑐᑦ ᓄᓇᓕᐅᔪᑦ ᑭᓯᐊᓂ ᐸᕐᓇᐅᑎᒧᑦ 4ᒧᑦ ᐱᒋᐊᖅᑎᑕᐅᑉᐸᑕ.
ᐃᓕᓐᓂᐊᕐᕕᓐᓂᑦ ᐃᖅᑲᓇᔭᐃᖅᑏᑦ ᐃᓕᓐᓂᐊᖅᑎᓄᑦ ᐋᑦᑎᔪᓐᓇᕋᔭᖅᑐᑦ ᐃᓕᓐᓂᐊᕐᕖᑦ ᐅᒃᑯᐊᖅᑕᐅᒋᐊᓕᖏᑎᓪᓗᒋᑦ ᓱᓕ.

ᐃᓕᓐᓂᐊᕐᓂᓕᕆᔨᒃᑯᑦ ᓈᒻᒪᒃᑐᓂᒃ ᖃᕆᑕᐅᔭᕋᓛᖃᓛᖃᖅᑐᑦ ᐃᑲᔪᖅᓱᕐᓗᒋᑦ ᑕᒪᕐᒥᒃ ᖁᕝᕙᓯᖕᓂᓖᑦ 11 ᐊᒻᒪ 12 ᐃᓕᓐᓂᐊᖅᑎᑦ ᐊᒻᒪ ᐃᓕᓴᐃᔨᖏᓄᑦ ᑎᓯᐱᕆ ᓄᕐᖑᐊᓄᑦ ᑎᑭᓪᓗᒍ.

ᖃᕆᑕᐅᔭᕋᓛᑦ ᐱᔭᐅᕙᓪᓕᐊᑎᓪᓗᒋᑦ ᐋᖅᑭᒃᑕᐅᑦᑎᐊᖅᑎᓪᓗᒋᓪᓗ, ᑐᓂᐅᖅᑲᐅᑕᐅᓛᖅᑐᑦ ᐊᓯᖏᓐᓄᑦ ᖁᕝᕙᓯᖕᓂᓕᖕᓄᑦ ᐃᑲᔪᖅᓲᑕᐅᓗᑎᒃ ᖃᕆᑕᐅᔭᒃᑯᑦ ᐃᓕᓐᓂᐊᖅᑕᐅᔪᒃᓴᓂᒃ.

ᓄᓇᕗᒻᒥᐅᑦ ᖃᓄᐃᙱᑦᑐᑦ ᑕᒪᑦᑕᑦᑎᐊᖅ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᖃᓂᒌᓗᐊᖅᑕᐃᓕᕙᒡᓗᓯ, ᐃᖢᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᑦᑕ.

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᑎᓯᐱᕆ 4, 2020

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᐱᔨᑦᑎᕋᖅᑕᐅᖏᓐᓇᖅᑐᑦ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᐊᕐᕕᐊᑦ

ᐃᑲᔪᖅᓱᕐᓗᒍ ᐅᐸᒃᓯᒪᙱᒃᑲᓗᐊᕐᓗᒍ ᐃᓕᑦᑎᕙᓪᓕᐊᓂᖅ ᐊᕐᕕᐊᓂ, ᐃᓕᓐᓂᐊᕐᓂᓕᕆᔨᒃᑯᑦ ᓴᖅᑮᓇᓱᒃᑐᑦ ᖃᕆᑕᐅᔭᒃᑰᕈᓐᓇᐅᑎᓂᒃ ᐱᕙᒌᖅᓯᒪᔪᓂᒃ ᐊᐃᐹᑦᓂᑦ ᖁᕝᕙᓯᖕᓂᓕᖕᓄᑦ 11 ᐊᒻᒪ 12 ᐃᓕᓐᓂᐊᖅᑎᓄᑦ ᐊᒻᒪ ᖁᕝᕙᓯᖕᓂᓖᑦ 11 ᐊᒻᒪ 12 ᐃᓕᓴᐃᔨᓄᑦ. ᐊᐃᐹᑦᓕᒫᑦ ᖃᕆᑕᐅᔭᒃᑰᕈᓐᓇᐅᑎᓂᒃ ᐴᖅᓯᔾᔪᑎᖃᕐᓂᐊᖅᑐᑦ ᐱᖁᓪᓗᒋᑦ ᖃᕆᑕᐅᔭᒃᑯᑦ ᐃᓕᑦᑎᕙᓪᓕᐊᓂᕐᒥᒃ. ᑖᒃᑯᐊ ᖃᕆᑕᐅᔭᒃᑰᕈᓐᓇᐅᑎᑦ ᓇᒃᓯᐅᔾᔭᐅᓂᐊᖅᑐᑦ ᐊᕐᕕᐊᓄᑦ ᑎᓯᐱᕆ 6, 2020-ᒥ.

ᑮᓇᐅᔭᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ (FANS)

ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎᑦ ᐃᖅᑲᓇᐃᔭᖅᑎᑦ ᐱᔨᑦᑎᕋᐃᓐᓇᖅᑐᑦ ᐃᓚᐅᓪᓗᑎᒃ:

ᐱᓇᔫᑎᑦ ᑮᓇᐅᔭᖃᖅᑎᑕᐅᔾᔪᑎᓄᑦ ᐱᓕᕆᐊᕆᓗᒋᑦ;
ᐊᐅᓪᓚᕐᓂᕐᒧᑦ ᑐᒃᓯᕋᖅᑕᑦ;
ᐊᑭᓕᖅᓱᐃᔾᔪᑎᓂᒃ ᑎᑎᕋᕐᓂᖅ; ᐊᒻᒪᓗ,
ᑭᐅᖃᑦᑕᕐᓂᖅ ᑐᓴᐅᒪᔾᔪᑎᒃᓴᓄᑦ.

ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ:

ᑮᓇᐅᔭᑎᒍᑦ ᐃᑲᔫᑏᑦ ᓄᓇᕗᒻᒥ ᐃᓕᓐᓂᐊᖅᑎᓄᑦ (FANS)

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᑎᓯᐱᕆ 2, 2020

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

ᐊᑐᕆᐊᓕᒃ 4 - ᐊᕐᕕᐊᑦ

ᐃᓕᓐᓂᐊᕐᕕᓕᒫᑦ ᐊᕐᕕᐊᓂ ᓱᓕ ᐊᑐᕆᐊᓕᒃ 4−ᒥᑦ ᐱᓕᕆᐊᖑᕙᓪᓕᐊᔪᒪᔪᑦ ᐸᕐᓇᐅᑎᖓᓂᒃ ᓱᓕ ᐊᑐᓕᖅᑎᑦᑎᓂᐊᖅᐳᑦ ᐃᓕᓐᓂᐊᕐᕕᓕᒫᑦ ᐊᕐᕕᐊᓂ ᒪᑐᓯᒪᐃᓐᓇᕐᓗᑎᒃ ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ. ᐃᓕᓐᓂᐊᖅᑎᑕᐅᓂᐊᖅᑐᓕᒫᑦ ᐊᕐᕕᐊᓂ ᓱᓕ ᖃᕆᓴᐅᔭᒃᑯᑦ ᐱᓕᕆᐊᖑᓂᐊᖅᐳᑦ ᐃᓕᓴᐃᔩᑦ/ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑏᑦ ᐃᓕᓐᓂᐊᖅᑎᒥᓄᑦ ᖃᑕᙳᑎᖏᓐᓄᑦ ᖃᐅᔨᒋᐊᖃᑦᑕᕐᓂᐊᖅᐳᑦ ᓈᒻᒪᒃᓯᔭᕌᖓᑦ.

ᐋᖅᑭᒋᐊᖅᑕᐅᔪᑦ ᐱᔨᑦᑎᕋᐅᑏᑦ:

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᑎᓯᐱᕆ 2, 2020- ᐱᒋᐊᕐᓗᓂ ᐃᓕᓐᓂᐊᕐᕖᑦ ᓄᓇᕗᒻᒥ ᐅᑯᓂᖓ ᐊᑐᓕᕐᓂᐊᖅᐳᑦ:

ᐊᑐᕆᐊᓕᒃ 3 - ᑲᖏᖅᖠᓂᖅ ᐊᒻᒪ ᑎᑭᕋᕐᔪᐊᖅ
ᐊᑐᕆᐊᓕᒃ 2 − ᐊᓯᓕᒫᖏᑦ ᐃᓕᓐᓂᐊᕐᕖᑦ ᓄᓇᕗᒻᒥ

ᐊᑐᕆᐊᓕᒃ 3 - ᑲᖏᖅᖠᓂᖅ ᐊᒻᒪ ᑎᑭᕋᔪᐊᖅ

ᑎᓯᐱᕆ 2, 2020−ᒥ ᐱᒋᐊᕐᓗᓂ:

ᓄᑲᒃᖡᑦ ᐃᓕᓐᓂᐊᕐᕕᖏᓐᓂ ᐃᓕᓐᓂᐊᖅᑎᑦ ᑲᖏᖅᖠᓂᕐᒥ ᑎᑭᕋᔪᐊᕐᒥᓗ ᐃᓕᓐᓂᐊᕐᕕᐅᑉ ᐃᓗᐊᓂ ᐊᒻᒪ ᖃᕆᓴᐅᔭᒃᑯᑦ ᐃᓕᓐᓂᐊᖅᑎᑕᐅᑲᑕᖕᓂᐊᖅᐳᑦ. ᐃᓕᓐᓂᐊᖅᑎᑦ ᐃᓕᓐᓂᐊᕐᕕᖕᒦᖃᑦᑕᕐᓂᐊᖅᑐᑦ ᐅᓪᓗᓂᑦ ᐱᖓᓱᓂᑦ ᐱᓇᓱᐊᕈᓯᕐᒥ. ᐋᖅᑭᒃᑕᐅᓯᒪᔪᑦ ᐃᓕᓐᓂᐊᖅᑕᐅᔪᒃᓴᑦ ᐃᓱᒪᓕᐊᖑᖃᑦᑕᕐᓂᐊᖅᐳᑦ ᖃᐅᑕᒫᑦ ᐃᓕᓐᓂᐊᕐᕕᖕᒥ ᐊᑐᕆᐊᓕᒃ 3 ᐱᓕᕆᐊᖑᔪᒃᓴᑦ ᐸᕐᓇᐅᑎᖓᓂᒃ.
ᐊᑯᓪᓕᕐᒥ ᖁᑦᑎᖕᓂᖅᓴᒥᓪᓗ ᐃᓕᓐᓂᐊᕐᕕᖏᓐᓂ ᐃᓕᓐᓂᐊᖅᑎᑦ ᑲᖏᖅᖠᓂᕐᒥ ᑎᑭᕋᔪᐊᕐᒥᓗ ᐃᓕᓐᓂᐊᕐᕕᐅᑉ ᐃᓗᐊᓂ ᐊᒻᒪ ᖃᕆᓴᐅᔭᒃᑯᑦ ᐃᓕᓐᓂᐊᖅᑎᑕᐅᑲᑕᖕᓂᐊᖅᐳᑦ. ᐃᓕᓐᓂᐊᖅᑎᑦ ᐃᓕᓐᓂᐊᕐᕕᖕᒦᖃᑦᑕᕐᓂᐊᖅᑐᑦ ᐅᓪᓘᖕᓄᑦ ᒪᕐᕉᖕᓄᑦ ᐱᓇᓱᐊᕈᓯᕐᒥ. ᐋᖅᑭᒃᑕᐅᓯᒪᔪᑦ ᐃᓕᓐᓂᐊᖅᑕᐅᔪᒃᓴᑦ ᐃᓱᒪᓕᐊᖑᖃᑦᑕᕐᓂᐊᖅᐳᑦ ᖃᐅᑕᒫᑦ ᐃᓕᓐᓂᐊᕐᕕᖕᒥ ᐊᑐᕆᐊᓕᒃ 3 ᐱᓕᕆᐊᖑᔪᒃᓴᑦ ᐸᕐᓇᐅᑎᖓᓂᒃ.

ᐊᑐᕆᐊᓕᒃ 2 - ᓄᓇᓕᓕᒫᑦ ᓄᓇᕗᒻᒥ, ᐊᕐᕕᐊᑦ, ᑲᖏᖅᖠᓂᖅ ᐊᒻᒪ ᑎᑭᕋᔪᐊᖅ ᐱᒋᖦᖢᒋᑦ

ᑎᓯᐱᕆ 2, 2020−ᒥ ᐱᒋᐊᕐᓗᓂ:

ᓄᑲᖅᖡᑦ ᐃᓕᓐᓂᐊᕐᕕᖏᑦ ᑕᒪᐃᓐᓂᒃ ᓄᓇᓕᖕᓂ ᓄᓇᕗᒻᒥ, ᐊᕐᕕᐊᑦ, ᑲᖏᖅᖠᓂᖅ ᐊᒻᒪ ᑎᑭᕋᔪᐊᖅ ᐱᖏᖦᖢᒋᑦ, ᐅᓪᓗᓕᒫᖅ ᒪᑐᐃᖓᖃᑦᑕᕐᓂᐊᖅᐳᑦ, ᐅᓪᓗᓄᑦ ᑕᓪᓕᒪᓄᑦ ᐱᓇᓱᐊᕈᓯᕐᒥ.
ᐊᑯᓪᓕᖅ ᖁᑦᑎᖕᓂᖅᓴᒥᓪᓗ ᐃᓕᓐᓂᐊᕐᕖᑦ ᓄᓇᓕᓕᒫᓂᑦ ᓄᓇᕗᒻᒥ, ᐊᕐᕕᐊᑦ, ᑲᖏᖅᖠᓂᖅ ᐊᒻᒪ ᑎᑭᕋᔪᐊᖅ ᐱᖏᖦᖢᒋᑦ ᐃᓕᓐᓂᐊᕐᕕᐅᑉ ᐃᓗᐊᓂ ᐊᒻᒪ ᖃᕆᓴᐅᔭᒃᑯᑦ ᐃᓕᓐᓂᐊᖅᑎᑕᐅᑲᑕᖕᓂᐊᖅᐳᑦ. ᐃᓕᓐᓂᐊᖅᑎᑦ ᐃᓕᓐᓂᐊᕐᕕᖕᒦᖃᑦᑕᕐᓂᐊᖅᑐᑦ ᐅᓪᓗᓂᑦ ᒪᕐᕉᖕᓂᒃ ᐱᖓᓱᓄᑦ ᑎᑭᓪᓗᒍ ᐱᓇᓱᐊᕈᓯᕐᒥ. ᐋᖅᑭᒃᑕᐅᓯᒪᔪᑦ ᐃᓕᓐᓂᐊᖅᑕᐅᔪᒃᓴᑦ ᐃᓱᒪᓕᐊᖑᖃᑦᑕᕐᓂᐊᖅᐳᑦ ᖃᐅᑕᒫᑦ ᐃᓕᓐᓂᐊᕐᕕᖕᒥ ᐊᑐᕆᐊᓕᒃ 2 ᐱᓕᕆᐊᖑᔪᒃᓴᑦ ᐸᕐᓇᐅᑎᒥᒃ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᐱᑕᖃᓪᓚᕆᓕᕐᓂᖓᓄᑦ ᓄᕙᒡᔪᐊᕐᓇᖅ-19-ᒥᒃ ᐊᕐᕕᐊᓂ, ᐸᐃᕆᕝᕖᑦ ᒪᑐᓯᒪᐃᓐᓇᖁᔭᐅᕗᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ. ᓄᓇᕗᑦ ᒐᕙᒪᒃᑯᑦ ᑮᓇᐅᔭᖃᖅᑎᑕᖓ ᐱᔪᓐᓇᐅᑎᓕᖕᓄ ᐸᐃᕆᕝᕕᖕᓄᑦ ᐊᕐᕕᐊᓂ ᓱᓕ ᑕᐃᒪᓐᓇ ᑲᔪᓰᓐᓇᕐᓂᐊᖅᐳᑦ.
ᑎᓯᐱᕆ 2, 2020-ᒥ ᐱᒋᐊᕐᓗᓂ, ᐸᐃᕐᕆᕝᕕᓕᒫᑦ ᓄᓇᓕᖕᓂ ᓄᓇᕗᒻᒥ, ᐊᕐᕕᐊᑦ ᐱᖏᖦᖢᒍ, ᒪᑐᐃᕈᓐᓇᖅᓯᕗᑦ ᒫᓐᓇ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐊᑐᐊᒐᐃᑦ ᐊᑐᖅᑕᐅᔭᕆᐊᓖᓪᓗ ᒪᓕᒡᓗᒋᑦ.

ᐃᐊᑦᔅᐱ ᖃᓄᐃᑉᐸᓪᓕᐊᓂᖓ

29 ᐃᓕᓐᓂᐊᕐᕖᑦ 45-ᖑᓪᓗᑎᒃ ᐃᓕᓐᓂᐊᖅᑎᑦ ᐃᓯᕈᓐᓇᐅᑎᖃᓕᖅᐳᑦ. 16 ᐃᓕᓐᓂᐊᕐᕖᑦ ᓱᓕ ᐱᓕᕆᐊᖑᕙᓪᓕᐊᔪᑦ ᐅᕝᕙᓘᓐᓃᑦ ᓱᓕ ᐱᐊᓂᒃᑕᐅᙱᑦᑐᑦ.

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᓄᑖᙳᕆᐊᖅᓯᒪᔪᑦ - ᓄᕕᐱᕆ 27, 2020

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᐅᖃᐅᓯᐅᓚᐅᖅᑎᓪᓗᒍ ᒐᕙᒪᑐᖃᒃᑯᓐᓂᑦ ᓄᕕᐱᕆ 25−ᒥ, ᓄᓇᕗᑦ ᒐᕙᒪᖓ ᐱᓯᒪᓕᖅᐳᖅ ᑮᓇᐅᔭᖁᑎᒋᔭᐅᒃᑲᓐᓂᕐᓂᐊᖅᑐᓂᒃ ᐃᑲᔪᖅᑐᐃᔪᒪᓪᓗᑎᒃ ᐅᐸᒃᓯᒪᙱᒃᑲᓗᐊᕐᓗᒍ ᐃᓕᑦᑎᕙᓪᓕᐊᓇᔭᕐᓂᕐᒥᒃ.

ᑮᓇᐅᔭᓂᒃ ᒪᓂᒪᔪᖃᖅᑎᓪᓗᒍ $1.18−ᒥᓕᐊᓂᒃ, ᐃᓕᓐᓂᐊᕐᓂᓕᕆᔨᒃᑯᑦ ᐱᕙᒌᔭᖅᓯᒪᕗᑦ ᓂᐅᕕᕈᒪᓪᓗᑎᒃ ᐅᑯᓂᖓ:

2,192−ᓂ ᐱᓕᕆᔾᔪᑎᓂᒃ (ᐊᕕᒃᑕᐅᓗᓂ ᐅᑯᖕᓄᙵ, Chromebooks ᐊᒻᒪᓗ Apple iPads)
2,192−ᓂᒃ ᓄᒃᑕᖅᑎᑕᒃᓴᐅᔪᓂᒃ ᖃᕆᑕᐅᔭᒧᑦ ᑲᑉᐳᑎᔭᐅᕙᒃᑐᓂᒃ
350−ᓂᒃ ᓱᕋᒃᓴᕋᐃᙱᑦᑐᓂᒃ ᐴᓂᒃ ᐃᓚᖃᕐᓗᓂ ᓇᕿᑦᑕᕐᕕᖕᒥᒃ iPad−ᓄᑦ

ᐱᓕᕆᔾᔪᑏᑦ ᐃᑭᐊᖅᑭᕕᖕᒧᓪᓗ ᐊᑐᖅᑕᐅᔪᓐᓇᖅᑐᑦ ᑐᓂᐅᖅᑲᐅᑕᐅᓂᐊᖅᐳᑦ ᐃᓕᓐᓂᐊᖅᑎᓄᑦ ᐃᓕᓐᓂᐊᕐᕕᖕᒥᓗ ᐃᖅᑲᓇᐃᔭᖅᑎᓄᑦ ᐊᒃᑐᖅᑕᐅᓯᒪᔪᓂ ᓄᓇᓕᖕᓂ. ᑖᒃᑯᐊ ᐱᓕᕆᔾᔪᑏᑦ ᐃᓚᒋᐊᕈᑕᐅᕗᑦ 3,000−ᓄᑦ ᐱᓕᕆᔾᔪᑎᓄᑦ ᓂᐅᕕᖅᑕᐅᓯᒪᕙᒌᖅᑐᓄᑦ ᐱᓕᕆᕝᕕᒋᔭᐅᔪᒥᑦ.

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᓄᕕᐱᕆ 25, 2020

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᓄᑖᑦ ᐱᓕᕆᐊᒃᓴᓂᒃ ᐱᕙᓪᓕᐊᑎᑕᐅᔪᑦ/ᐱᔨᑦᑎᕋᐅᑎᓂᒃ:

ᐃᓄᖕᒧᑦ ᐊᑕᐅᓯᕐᒧᑦ ᐊᑐᖅᑕᐅᕙᒃᑐᒃᑲᓐᓂᓂᒃ ᓴᐳᒻᒥᓂᕐᒧᑦ ᐃᓕᓐᓂᐊᕐᕕᖕᓄᐊᖅᑎᕆᔪᖃᕐᓂᐊᖅᐳᖅ ᐱᓇᓱᐊᕈᓯᐅᓂᐊᖅᑐᒥ ᐃᑲᔪᖅᑐᕈᒪᓪᓗᒋᑦ ᑲᔪᓰᓐᓇᖅᑐᒧᑦ ᐋᓐᓂᐊᖅᑕᐃᓕᒪᓂᕐᒧᑦ ᖁᐊᖅᓵᕐᓇᖅᑕᐃᓕᒪᓂᕐᒧᓪᓗ. ᖃᐅᓱᐃᑦᑐᒧᐊᖅᑕᐅᓂᖏᑦ ᑭᖑᕙᓯᑐᐃᓐᓇᕆᐊᓖᑦ ᑕᐃᒪᐃᔾᔪᑎᖃᕐᓗᑎᒃ ᖃᖓᑕᓲᓕᕆᔩᑦ ᐋᖅᑭᒃᓱᖅᓯᒪᔭᖏᓐᓄᑦ. ᑖᓐᓇ ᐃᓄᖕᒧᑦ ᐊᑕᐅᓯᕐᒧᑦ ᐃᒻᒥᓂᒃ ᓴᐳᒻᒥᓂᕐᒧᑦ ᐊᑐᖅᑕᐅᕙᒃᑐᖅ ᐅᑯᓂᖓ ᐃᓚᖃᖅᐳᖅ:
- ᑮᓇᒧᑦ ᓴᐳᒻᒥᔾᔪᑏᑦ (ᖃᓄᖅ ᐊᑐᖅᑕᐅᔭᕆᐊᖃᕐᓂᖏᓐᓂᒃ ᑕᒪᐃᑎᒍᑦ ᐅᖃᐅᓯᖅᑎᒎᖓᓂᖃᖅᖢᓂ)
- ᐃᒋᑕᐅᓕᕈᓐᓇᖅᑐᓂᒃ ᑮᓇᒧᑦ ᒪᑐᐊᓂᒃ; ᐊᒻᒪᓗ
- ᐊᒡᒑᒃ.

ᓄᓇᕗᒻᒥᐅᑦ ᖃᓄᐃᙱᑦᑎᐊᕐᓂᖓᑦ ᑕᒪᑦᑕᑦᑎᐊᖅ ᑲᒪᒋᔭᒃᓴᕆᕙᕗᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᖃᓂᒌᓗᐊᖅᑕᐃᓕᕙᒡᓗᓯ, ᐃᖢᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᑦᑕ.

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᓄᕕᐱᕆ 23, 2020

ᓄᑖᑦ ᐱᓕᕆᐊᒃᓴᓂᒃ ᐱᕙᓪᓕᐊᑎᑕᐅᔪᑦ/ᐱᔨᑦᑎᕋᐅᑎᓂᒃ:

Edsby ᖃᕆᑕᐅᔭᒃᑯᑦ ᐃᓕᓐᓂᐊᖅᑕᐅᔪᒃᓴᑦ ᓄᑖᙳᕆᐊᖅᓯᒪᔪᑦ:

ᐃᖅᑲᓇᐃᔭᖅᑎᓕᒫᑦ ᐃᓕᓐᓂᐊᖅᑎᑕᐅᒋᐊᓕᑦ ᐃᓕᓐᓂᐊᕌᓂᒃᑐᐃᓐᓇᑦ.
ᐃᖅᑲᓇᐃᔭᖅᑎᓕᒫᑦ ᐃᓯᕈᓐᓇᐅᑎᖏᑦ ᐊᑐᓕᖅᑎᑕᐅᕗᑦ.
ᐃᓕᓐᓂᐊᖅᑎᓕᒫᑦ ᐃᓯᕈᓐᓇᐅᑎᖏᑦ ᐊᐅᓪᓚᖅᑎᑕᐅᓯᒪᔪᐃᓐᓇᐅᓕᖅᑐᑦ.
ᐃᓕᓐᓂᐊᖅᑎᑦ ᐃᓯᕈᓐᓇᐃᑎᖏᑦ ᐱᓕᕆᐊᖑᕙᓪᓕᐊᓕᖅᑐᑦ ᐊᑐᕈᓐᓇᖅᓯᑎᑕᐅᕙᓪᓕᐊᓪᓗᑎᒃ.
ᐃᓕᓐᓂᐊᖅᒧᑦ ᐃᓯᕈᓐᓇᐅᑖ ᐊᑐᕈᓐᓇᖅᓯᑎᑕᐅᒃᐸᑦ, ᑭᖑᓂᐊᒍᑦ ᐊᖓᔪᖅᑳᕆᔭᐅᔫᑉ ᐃᓯᕈᓐᓇᐅᑖ ᐊᑐᓕᖅᑎᑕᐅᓇᔭᖅᖢᑎᒃ.
- ᐊᖓᔪᖅᑳᕆᔭᐅᔪᑦ ᐊᑐᐃᓐᓇᕈᖅᑎᑦᑎᓯᒪᔪᑦ ᐃᓕᓐᓂᐊᕐᕕᖕᓄᑦ ᐃᕐᖐᓐᓈᖅᑕᐅᒃᑯᑦ ᑐᕌᕈᑎᖏᓐᓂᒃ ᐱᑎᑕᐅᔪᑑᓂᐊᖅᑐᑦ Edsby ᐃᓯᕈᓐᓇᐅᑎᒥᒃ ᐊᑐᓕᖅᑎᑕᐅᔪᒥᒃ.

ᓄᓇᕗᒻᒥᐅᑕᖅᑎᒍᑦ ᖃᓄᐃᙱᑦᑎᐊᕈᓯᑦᑎᓐᓄᑦ ᐅᕙᑦᑎᓐᓄᑦ ᑕᒪᐃᓐᓄᑦ ᑲᒪᒋᔭᒃᓴᕆᒐᑦᑎᒍᑦ! ᐳᐃᒍᖅᑕᐃᓕᒋᑦ: ᐊᒡᒐᑎᑦ ᐋᓪᓕᕋᐃᓪᓗ ᐅᐊᓴᖃᑦᑕᕐᓗᒋᑦ, ᖃᓂᒌᓗᐊᖅᑕᐃᓕᕙᒡᓗᓯ, ᐃᖢᐊᖅᓴᐃᔨᓄᑦ ᐅᖃᐅᔾᔪᐃᔾᔪᑕᐅᔪᓂᑦ ᓈᓚᒃᐸᒡᓗᓯ, ᐊᖏᕐᕋᖅᓯᒪᐃᓐᓇᕐᓗᑕᓗ ᖃᓂᒪᒍᑦᑕ.

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᓄᕕᐱᕆ 18, 2020

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᐱᖓᔪᐊᓐᓂᑦ, ᓄᕕᐱᕆ 18, 2020−ᒥ, ᑕᒪᕐᒥᑦᑎᐊᖅ ᓄᓇᕗᒻᒥ ᐸᐃᕆᕝᕖᑦ ᒪᑐᓂᐊᖅᐳᑦ.
ᑭᓯᐊᓂ, ᐸᐃᕆᕝᕖᑦ ᐃᓱᒪᖅᓱᕐᓗᑎᒃ ᒪᑐᐃᙶᖏᓐᓇᑐᐃᓐᓇᕆᐊᓖᑦ ᐃᖅᑲᓇᐃᔭᕆᐊᖃᓪᓚᕆᒃᑐᑦ ᕿᑐᕐᙵᖏᓐᓂᒃ ᑲᒪᖃᑦᑕᕐᓂᐊᕐᓗᑎᒃ.

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᓄᕕᐱᕆ 16, 2020

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᒪᓕᒃᖢᒍ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ, ᐱᖓᔪᐊᖑᓂᐊᖅᑐᒥ, ᓄᕕᐱᕆ 18, 2020−ᒥ, ᑕᒪᕐᒥᑦᑎᐊᖅ ᐃᓕᓐᓂᐊᕐᕖᑦ ᓅᓐᓂᐊᓕᖅᑐᑦ ᐊᑐᖅᑎᑕᐅᔪᒧᑦ 4−ᒧᑦ: ᓇᓗᓇᐃᖅᑕᐅᓯᒪᔪᑦ ᐋᓐᓂᐊᔪᑦ ᓄᓇᓕᖕᓂ ᓯᐊᒻᒪᒃᐸᓕᐊᓂᖓ ᓄᕙᒡᔪᐊᕐᓇᖅ-19, ᑐᓴᖅᑎᑕᐅᒃᑲᓐᓂᓚᐅᙱᓐᓂᕐᒥᓂ.
ᐱᖓᔪᐊᓐᓂ, ᓄᕕᐱᕆ 18, 2020−ᒥ, ᑕᒪᕐᒥᑦᑎᐊᖅ ᓄᓇᕗᒻᒥ ᐃᓕᓐᓂᐊᕐᕖᑦ ᐊᑐᓕᖅᑎᑦᑎᓂᐊᖅᐳᑦ ᐊᑐᖅᑎᑕᐅᔪᒥᒃ 4−ᒧᑦ ᐱᓕᕆᐊᖃᕐᓂᕐᒧᑦ ᐱᕙᒌᔭᖅᑕᐅᓯᒪᔪᓂᒃ, ᐃᑲᔪᖅᑐᐃᓂᐊᖅᖢᑎᒡᓗ ᐅᐸᒃᓯᒪᙱᒃᑲᓗᐊᕐᓗᒍ ᐃᓕᑎᑕᐅᕙᓪᓕᐊᓂᖏᓐᓂᒃ ᐃᓕᓐᓂᐊᖅᑎᓕᒫᑦ
ᐱᒋᐊᕐᓗᓂ ᐱᖓᔪᐊᓐᓂ, ᓄᕕᐱᕆ 18−ᒥ, ᑕᒪᕐᒥᑦᑎᐊᖅ ᐃᓕᓐᓂᐊᕐᕖᑦ ᓄᓇᕗᒻᒥ ᒪᑐᕗᑦ ᐃᓕᓐᓂᐊᖅᑎᓄᑦ, ᐃᖅᑲᓇᐃᔭᖅᑎᓄᑦ, ᑭᒃᑯᑐᐃᓐᓇᓄᓪᓗ ᑐᓴᖅᑎᑦᑎᔪᖃᒃᑲᓐᓂᓚᐅᙱᓐᓂᖓᓂ ᑕᐃᑲᙵᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒥᑦ.
ᖃᕆᓴᐅᔭᒃᑯᑦ ᑕᒪᕐᒥᑦᑎᐊᖅ ᐃᓕᓴᖅᑕᐅᑲᑕᖕᓂᐊᖅᐳᑦ.
ᐅᐸᒃᓯᒪᙱᒃᑲᓗᐊᕐᓗᒍ ᐃᓕᑦᑎᕙᓪᓕᐊᓂᖅ ᐊᑐᖅᑕᐅᓂᐊᖅᐳᖅ ᒪᓕᒃᑐᖃᕐᓗᓂ ᐱᓕᕆᐊᖃᕐᓂᕐᒧᑦ ᐱᕙᒌᔭᖅᑕᐅᓯᒪᔪᓂᒃ ᐊᑐᓕᖅᑎᑕᐅᓯᒪᔪᓂᒃ ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑎᓄᑦ, ᐊᔾᔨᒌᙱᓐᓂᖃᑐᐃᓐᓇᕆᐊᖃᖅᖢᑎᒡᓗ ᑐᙵᕕᖃᕐᓗᑎᒃ ᐱᔭᐅᔭᕆᐊᓕᖕᓄᑦ ᐃᓕᓐᓂᐊᖅᑎᓂᑦ.
ᐃᓕᓴᐃᔩᑦ/ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑏᑦ ᖃᐅᔨᒋᐊᓛᖅᐳᑦ ᐃᓕᓐᓂᐊᖅᑎᓄᑦ ᐃᓚᖏᓐᓄᓪᓗ ᐊᔪᕐᓇᕈᓐᓃᑐᐊᖅᐸᑦ.
ᓄᑖᙳᕆᐊᖅᓯᒪᔪᓂᒃ ᓄᓇᓕᖕᒥᐅᑦ ᖃᓄᐃᓕᕙᓪᓕᐊᓂᖏᓐᓄᑦ ᑕᑯᒃᓴᕈᖅᑎᑕᐅᓂᐊᖅᐳᑦ ᐃᓕᓐᓂᐊᕐᓂᓕᕆᔨᒃᑯᑦ ᐃᑭᐊᖅᑭᕕᖓᓂ ᐅᕙᓂ: https://gov.nu.ca/education/information/2020-21-opening-plan-nunavut-sc…
ᒪᑐᓯᒪᒐᓗᐊᖅᑎᓪᓗᒍ ᐊᒃᑐᐃᔾᔪᑕᐅᔾᔮᙱᑦᑐᖅ ᐃᖅᑲᓇᐃᔭᖅᑎᓄᑦ ᐊᑭᓕᖅᓱᐃᔾᔪᑎᓄᑦ.
ᐃᓕᓐᓂᖅᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᒪᓕᓪᓗᐊᖅᐳᑦ ᖃᓄᐃᓕᐅᖁᔭᐅᓂᕐᒥᒃ CPHO-ᑯᓐᓂᑦ ᑕᒪᓐᓇ ᐊᒃᑐᐊᓂᖃᕐᓂᖓᓄᑦ ᐅᐸᖃᑦᑕᕐᓂᕆᔭᖏᓐᓄᑦ ᐃᖅᑲᓇᐃᔭᕐᕕᒋᔭᒥᓄᑦ.
ᑮᓇᐅᔭᖃᖅᑎᑕᐅᓂᖏᑦ ᐃᓕᓐᓂᐊᖅᑐᓕᕆᔨᒃᑯᑦ ᐊᒃᑐᖅᑕᐅᔾᔮᙱᓚᑦ, ᐃᓕᓐᓂᐊᖅᑐᓕᕆᔨᒃᑯᓪᓗ ᑎᓕᐅᖅᑕᐅᕗᑦ ᑲᔪᓯᐊᖏᓐᓇᖁᔭᐅᓪᓗᑎᒃ ᐊᑭᓕᖅᓱᐃᓂᕐᒥᒃ ᐃᖅᑲᓇᐃᔭᖅᑎᒥᓂᒃ ᐊᑐᖅᐸᒃᑕᒥᑎᑐᑦ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᒪᓕᒃᖢᒍ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ, ᐱᖓᔪᐊᖑᓂᐊᖅᑐᒥ, ᓄᕕᐱᕆ 18, 2020−ᒥ, ᑕᒪᕐᒥᑦᑎᐊᖅ ᓄᓇᕗᒻᒥ ᐸᐃᕆᕝᕖᑦ ᒪᑐᓯᒪᓪᓗᐊᖅᐳᑦ.
ᓄᓇᕗᑦ ᒐᕙᒪᖓᑕ ᑮᓇᔭᖃᖅᑎᑕᖓ ᓚᐃᓴᓕᖕᓄ ᐸᐃᕆᕝᕕᖕᓄᑦ ᐃᓂᓄᑦ ᑲᔪᓰᓐᓇᕐᓂᐊᖅᐳᖅ ᐊᑐᖅᑕᐅᕙᒃᑐᑎᑐᑦ.

ᓄᓇᕗᒻᒥ ᓯᓚᑦᑐᖅᓴᕐᕕᒃ

ᒪᑐᔭᐅᔪᑦ/ᓄᖅᑲᖅᑎᑕᐅᔪᑦ/ᐊᑐᕈᓐᓃᖅᑎᑕᐅᔪᑦ ᐱᔨᑦᑎᕋᕐᓂᕆᔭᐅᔪᑦ:

ᓄᓇᕗᒻᒥ ᓯᓚᑦᑐᖅᓴᕐᕕᒃ ᓅᓯᒪᓕᖅᐳᖅ ᐊᑐᖅᑕᐅᓂᐊᖅᑐᒧᑦ 4−ᒧᑦ ᐊᐅᐸᖅᓯᓯᑕᐅᓯᒪᔪᒧᑦ ᒪᑐᐃᕐᓂᐊᕐᓂᕐᒧᑦ ᐱᕙᒌᔭᖅᓯᒪᔭᒥᓂ ᑕᒫᓂᓕᒫᖅ ᐅᑭᐊᖅᑕᖅᑐᒥ ᐊᕕᒃᓯᒪᓂᓕᒫᒥ.
ᓄᓇᕗᒻᒥ ᓯᓚᑦᑐᖅᓴᕐᕕᐅᑉ ᐱᖁᑎᖏᑦ ᒪᑐᓯᒪᔪᑦ ᐃᓄᓕᒫᓄᑦ ᐃᓕᓐᓂᐊᕐᑎᓄᓪᓗ.
ᐱᓕᕆᐊᒃᓴᐃᑦ ᓅᓐᓂᐊᓕᖅᐳᑦ ᐅᐸᒃᓯᒪᙱᒃᑲᓗᐊᕐᓗᒍᑦ ᐃᓕᑕᐅᔪᓐᓇᕐᓂᖏᓐᓄᑦ, ᑕᐃᒪᐃᑦᑕᕆᐊᖃᕌᖓᑕ.
ᓄᓇᕗᒻᒥ ᓯᓚᑦᑐᖅᓴᕐᕕᖕᒧᑦ ᐃᓂᖁᑎᒋᔭᐅᔪᑦ ᒪᓂᒪᓂᐊᖅᐳᑦ ᐊᑐᖅᑕᐅᓪᓚᕆᒋᐊᖃᖅᑐᓄᑐᐊᖅ ᐃᖅᑲᓇᐃᔭᖅᑎᓄᑐᐊᖅ. ᒪᑐᐊᖅᓯᒪᔾᔪᑏᑦ ᐊᑐᖅᑕᐅᔭᕆᐊᖃᖅᐳᑦ ᑕᒪᒃᑯᓇᓂ ᐃᓂᓂ.
ᐊᓂᒍᐃᔪᖃᕐᓂᖓᓄᑦ ᐱᕙᒌᔭᖅᑕᐅᓯᒪᔪᑦ ᐃᓕᓐᓂᐊᖃᑎᒌᒃᓯᒪᔪᓄᑦ 2020−ᒥ ᓄᖅᑲᖅᑎᑕᐅᕗᑦ ᑲᔪᓯᑎᑕᐅᓛᖅᖢᑎᒡᓗ ᖃᖓᙳᒃᑲᓐᓂᖅᐸᑦ ᐅᓪᓗᒥ.
ᐱᓪᓚᕆᒋᐊᖃᙱᑦᑐᒥᒃ ᓄᒃᑕᕐᓂᖅ ᐊᑐᖁᔭᐅᙱᓚᖅ, ᓇᓕᐊᑐᐃᓐᓇᕐᓗ ᓄᓇᕗᒻᒥ ᓯᓚᑦᑐᖅᓴᕐᕕᖕᒧᑦ ᐃᓚᒋᔭᐅᔪᑦ ᓄᒃᑕᕆᐊᓖᑦ ᖃᐅᔨᑎᑦᑎᓪᓗᐊᖅᐳᑦ ᑲᒪᔨᒋᔭᒥᓂᒃ.
ᐃᓕᓐᓂᐊᖅᑏᑦ ᑎᓕᐅᖅᑕᐅᕗᑦ ᐃᓂᒥᓃᖁᔭᐅᓪᓗᑎᒃ ᒫᓐᓇᐅᔪᒃᑯᑦ.

ᓄᕙᒡᔪᐊᕐᓇᖅ-19 ᓄᓇᕗᑦ ᒐᕙᒪᖓᓂ ᑐᓴᒐᒃᓴᑦ - ᓄᕕᐱᕆ 13, 2020

ᓯᕗᓕᖅᑎᐅᑉ ᑐᓴᒐᒃᓴᖏᑦ ᓄᑖᑦ

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᑭᕙᓪᓕᖅᒥ

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᒪᓕᒃᖢᒍ ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑕ ᐅᖃᐅᓯᕆᔭᖓ, ᐃᓕᓐᓂᐊᕐᕕᓕᒫᑦ ᐊᑕᖏᓪᓗᒋᑦ ᑭᕙᓪᓕᕐᒥᑦ ᒫᓐᓇ ᐸᕐᓇᐅᑎ 4-ᒦᓕᖅᑐᑦ: ᓇᓗᓇᐃᖅᑕᐅᓯᒪᔪᑦ ᐋᓐᓂᐊᔪᑦ ᓄᓇᓕᖕᓂ ᓯᐊᒻᒪᒃᐸᓕᐊᓂᖓ ᓄᕙᒡᔪᐊᕐᓇᖅ-19, ᑐᓴᖅᑎᑕᐅᒃᑲᓐᓂᓚᐅᙱᓐᓂᕐᒥᓂ.
ᐃᓕᓐᓂᐊᕐᕕᓕᒫᑦ ᑭᕙᓪᓕᕐᒥᑦ (ᐊᕐᕕᐊᑦ, ᖃᒪᓂᑦᑐᐊᖅ, ᐃᒡᓗᓕᒑᕐᔪᒃ, ᓴᓪᓕᖅ, ᑲᖏᖅᖠᓂᖅ, ᓇᐅᔮᑦ, ᑎᑭᕋᔪᐊᖅ) ᐊᑐᓕᖅᑎᑦᑎᓂᐊᓕᖅᑐᑦ ᐸᕐᓇᐅᑎ 4ᒥᑦ ᖃᓄᐃᓕᐅᕈᑕᐅᓂᐊᖅᑐᓂᑦ.
ᑕᒪᕐᒥᑦᑎᐊᖅ ᐃᓕᓐᓂᐊᕐᕖᑦ ᑭᕙᓪᓕᕐᒥᑦ ᒪᑐᕗᑦ ᐃᓕᓐᓂᐊᖅᑎᓄᑦ, ᐃᖅᑲᓇᐃᔭᖅᑎᓄᑦ, ᑭᒃᑯᑐᐃᓐᓇᓄᓪᓗ ᑐᓴᖅᑎᑦᑎᔪᖃᒃᑲᓐᓂᓚᐅᙱᓐᓂᖓᓂ ᑕᐃᑲᙵᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒥᑦ.
ᖃᕆᓴᐅᔭᒃᑯᑦ ᑕᒪᕐᒥᑦᑎᐊᖅ ᐃᓕᓴᖅᑕᐅᑲᑕᖕᓂᐊᖅᐳᑦ ᑭᕙᓪᓕᕐᒥᑦ ᐅᐸᒃᓯᒪᙱᓪᓗᒋᑦ.
ᐅᐸᒃᓯᒪᙱᓪᓗᒋᑦ ᐃᓕᑦᑎᕙᓪᓕᐊᓂᖅ ᐱᓕᕆᐊᖑᓂᐊᖅᐳᖅ ᐅᖃᓘᑎᒃᑯᑦ ᐃᓕᑦᑎᕙᓪᓕᐊᓂᕐᒧᓪᓗ ᑲᑎᖅᓱᖅᑕᐅᓯᒪᔪᓄᑦ.
ᐃᓕᓴᐃᔩᑦ/ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑏᑦ ᖃᐅᔨᒋᐊᓛᖅᐳᑦ ᐃᓕᓐᓂᐊᖅᑎᓄᑦ ᐃᓚᖏᓐᓄᓪᓗ ᐊᔪᕐᓇᕈᓐᓃᑐᐊᖅᐸᑦ.
ᓄᑖᙳᕆᐊᖅᓯᒪᔪᓂᒃ ᓄᓇᓕᖕᒥᐅᑦ ᖃᓄᐃᓕᕙᓪᓕᐊᓂᖏᓐᓄᑦ ᑕᑯᒃᓴᕈᖅᑎᑕᐅᓂᐊᖅᐳᑦ ᐃᓕᓐᓂᐊᕐᓂᓕᕆᔨᒃᑯᑦ ᐃᑭᐊᖅᑭᕕᖓᓂ ᐅᕙᓂ: https://gov.nu.ca/education/information/2020-21-opening-plan-nunavut-sc…
ᐃᓕᓐᓂᐊᕐᕖᑦ ᒪᑐᔭᐅᓂᖏᓐᓄᑦ ᐃᖅᑲᓇᐃᔭᖅᑎᖏᑕ ᑮᓇᐅᔾᔭᔅᓵᖏᑦ ᐊᑦᑐᖅᑕᐅᔾᔮᖏᑦᑐᑦ.
ᐱᓕᕆᕝᕕᒃ ᐊᑐᖁᔨᕗᑦ ᑭᕙᓪᓕᕐᒥᐅᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂᑦ (DEA) ᐃᖅᑲᓇᐃᔭᖅᑎᖏᑦ ᑕᒪᕐᒥᒃ ᓄᖅᑲᖓᓗᑎᑦ, ᑕᕝᕙᙵᑦ ᑐᑭᒧᐊᑎᑦᑎᒍᑕᐅᔪᖅ ᒪᓕᓪᓗᒍ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᓘᑦᑖᑦ ᐊᖓᔪᖅᑳᖓ.
ᑮᓇᐅᔭᖃᖅᑎᑕᐅᓂᖏᑦ ᑭᕙᓪᓕᕐᒥᑦ ᐃᓕᓐᓂᐊᖅᑐᓕᕆᔨᒃᑯᑦ ᐊᒃᑐᖅᑕᐅᔾᔮᙱᓚᑦ, ᑭᕙᓪᓕᕐᒥᐅᑦ ᐃᓕᓐᓂᐊᖅᑐᓕᕆᔨᒃᑯᑦ ᑎᓕᐅᖅᑕᐅᕗᑦ ᑲᔪᓯᐊᖏᓐᓇᖁᔭᐅᓪᓗᑎᒃ ᐊᑭᓕᖅᓱᐃᓂᕐᒥᒃ ᐃᖅᑲᓇᐃᔭᖅᑎᒥᓂᒃ ᐊᑐᖅᐸᒃᑕᒥᑎᑐᑦ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᐱᑕᖃᓪᓚᕆᓕᕐᓂᖓᓄᑦ ᓄᕙᒡᔪᐊᕐᓇᖅ-19-ᒥᒃ, ᐸᐃᕆᕝᕖᑦ ᐊᕐᕕᐊᓂᑦ ᐊᒻᒪ ᑲᖏᖅᖠᓂᕐᒥ, ᑭᕙᓪᓕᕐᒥᓗ ᒪᑐᖁᔭᐅᓯᒪᕗᑦ ᑕᐃᔅᓱᒪᙵᑦ ᐋᓐᓂᐊᖃᕐᓇᙱᑦᑐᒃᑯᑦ ᓘᑦᑖᑦ ᐊᖓᔪᖅᑳᖓᑕ.
ᓄᓇᕗᑦ ᒐᕙᒪᖓᑕ ᑮᓇᔭᖃᖅᑎᑕᖓ ᓚᐃᓴᓕᖕᓄ ᐸᐃᕆᕝᕕᖕᓄᑦ ᐃᓂᓄᑦ ᑭᕙᓪᓕᕐᒥᑦ ᑲᔪᓰᓐᓇᕐᓂᐊᖅᐳᖅ ᐊᑐᖅᑕᐅᕙᒃᑐᑎᑐᑦ.

ᓴᓂᑭᓗᐊᖅ

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᒪᓕᒃᖢᒍ ᓄᓇᕗᒻᒥᐅᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᓗᑖᑦ ᐊᖓᔪᖅᑳᖓ, ᓴᓂᑭᓗᐊᕐᒥᑦ ᐃᓕᓐᓂᐊᕐᕕᒃᐳᑦ ᒫᓐᓇ ᓱᓕ ᐸᕐᓇᐅᑎ 4−ᒦᑉᐳᖅ: ᓇᓗᓇᐃᖅᑕᐅᓯᒪᔪᑦ ᐋᓐᓂᐊᔪᑦ ᓄᓇᓕᖕᓂ ᓯᐊᒻᒪᒃᐸᓕᐊᓂᖓ ᓄᕙᒡᔪᐊᕐᓇᖅ-19, ᑐᓴᖅᑎᑕᐅᒃᑲᓐᓂᓚᐅᙱᓐᓂᕐᒥᓂ.
ᑕᒪᕐᒥᑦᑎᐊᖅ ᐃᓕᓐᓂᐊᕐᕖᑦ ᓴᓂᑭᓗᐊᒥ ᒪᑐᓯᒪᐃᓐᓇᖅᐳᑦ ᓱᓕ ᐃᓕᓐᓂᐊᖅᑎᓄᑦ, ᐃᖅᑲᓴᐃᔭᖅᑎᓄᑦ, ᑭᒃᑯᑐᐃᓐᓇᓄᓪᓗ ᑐᓴᖅᑎᑦᑦᑎᔪᖃᒃᑲᓐᓂᓚᐅᙱᓐᓂᖓᓂ ᑕᐃᑲᙵᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒥᑦ.
ᖃᕆᓴᐅᔭᕆᓕᔾᔪᑏᑦ ᐃᓕᓐᓂᐊᕐᓂᕐᒧᑦ ᐊᑐᖅᑕᐅᔪᓐᓇᖅᑐᑦ ᐊᖏᕐᕋᒥᑦ ᓴᓂᑭᓗᐊᕐᒧᑦ ᑎᓯᒪᓕᖅᑐᑦ ᐊᐃᑉᐱᕐᒥᑦ, ᓄᕕᐱᕆ 10. ᑖᒃᑯᐊ ᑐᓂᔭᐅᓚᐅᖅᑐᑦ ᐹᑦᓵᓕᒃ ᐃᓕᓐᓂᐊᕐᕕᐊᓗᐊᓄᑦ ᐃᓕᓐᓂᐊᖅᑎᓄᑦ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᐱᑕᖃᓪᓚᕆᓕᕐᓂᖓᓄᑦ ᓄᕙᒡᔪᐊᕐᓇᖅ-19-ᒥᒃ ᓴᓂᑭᓗᐊᕐᒥᑦ, ᐸᐃᕆᕝᕖᑦ ᒪᑐᓯᒪᓂᐃᓐᓇᕐᓂᐊᖅᑐᑦ ᓱᓕ ᑕᐃᔅᓱᒪᙵᑦ ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᕐᒥᑦ.

ᐃᖃᓗᐃᑦ

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᒪᓕᓪᓗᒍ ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂ ᓘᑦᑖᑦ ᐊᖓᔪᖅᑳᖓ, ᐃᓕᓐᓂᕐᕖᑦ ᐃᖃᓗᐃᑦ (ᐃᖃᓗᐃᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ, ᓂᐊᖁᙴᖅ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ, ᐊᒻᒪ ᐅᐃᕖᑦ ᐃᓕᓐᓂᐊᕐᑐᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᓄᓇᕗᒻᒥ) ᓱᓕ ᑖᔅᓱᒥᖓ ᐊᑐᕐᓂᐊᖅᑐᑦ ᐸᕐᓇᐅᑎ 2: ᐊᑦᑕᕐᓇᖅᑐᒦᓕᖅᐸᓪᓕᐊᔪᑦ ᓄᕙᒡᔪᐊᕐᓇᖅ-19−ᒥ ᐊᐃᑦᑐᕐᓗᐃᔪᓐᓇᖅᑐᑦ ᐊᕕᒃᑐᖅᓯᒪᔪᓂ, ᑭᓯᐊᓂ ᐅᖃᐅᓯᐅᒃᑲᓐᓂᖅᐸᑦ.
ᒥᑭᔫᑕᐅᓂᖅᓴᑦ ᐃᓕᓐᓂᐊᖅᕖᑦ ᐃᖃᓗᓐᓂ (ᐃᖃᓗᐃᑦ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ, ᓂᐊᖁᙴ ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ, ᐊᒻᒪ ᐅᐃᕖᑦ ᐃᓕᓐᓂᐊᕐᑐᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᓄᓇᕗᒻᒥ) ᒪᑐᐃᖓᐃᓐᓇᕐᓂᐊᖅᑐᑦ ᐅᓪᓗᓕᒫᖅ, ᑕᓪᓕᒪᓄᑦ ᐅᓪᓗᓄᑦ ᐱᓇᓱᐊᕈᓯᕐᒥᑦ.
ᐊᑯᓪᓕᖅᐹᒥ ᖁᑦᑎᖕᓂᖅᓴᒥᓪᓗ ᐃᓕᓐᓂᐊᖅᑐᑦ ᐃᖃᓗᓐᓂᑦ ᓇᑭᖅᑖᕐᓗᑎᑦ ᐃᓕᓐᓂᐊᖃᑦᑕᕐᓂᐊᖅᑐᑦ ᐊᒻᒪ ᖃᕆᓴᐅᔭᒃᑯᑦ. ᐃᓕᓐᓂᐊᖅᑎᑦ ᐃᓕᓐᓂᐊᕐᕕᖕᒦᖃᑦᑕᕐᓂᐊᖅᑐᑦ 2-3 ᐅᓪᓗᑦ ᐱᓇᓱᐊᕈᓯᕐᒥ. ᐋᖅᑭᒃᑕᐅᓯᒪᔪᑦ ᐃᓕᓐᓂᐊᖅᑕᐅᔪᒃᓴᑦ ᐃᓱᒪᓕᐊᖑᖃᑦᑕᕐᓂᐊᖅᐳᑦ ᖃᐅᑕᒫᑦ ᐃᓕᓐᓂᐊᕐᕕᖕᒥ ᐱᓕᕆᔾᔪᓯᖅ 2 ᐱᓕᕆᐊᖑᔪᒃᓴᑦ ᐸᕐᓇᐅᑎᒥᒃ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᒪᓕᒃᖢᒍ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑕ ᐅᖃᐅᓯᖏᑦ, ᐸᐃᕆᕕᓕᒫᑦ ᐃᖃᓗᖕᓂ ᒪᒃᐱᖅᓯᒪᐃᓐᓇᕈᓐᓇᖅᑐᑦ ᒪᓕᒡᓗᑎᒃ ᒫᓐᓇ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᒻᒪ ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᑦ ᑐᑭᒧᐊᒍᑎᖏᓐᓂᒃ ᐊᒻᒪ ᐆᒃᑐᖅᑕᐅᖁᔭᖏᓐᓂᒃ.

ᓄᓇᕗᒻᒥ ᓯᓚᑦᑐᖅᓴᕐᕕᒃ

ᑭᕙᓪᓕᕐᒥ ᓄᓇᓖᑦ − ᐸᕐᓇᐅᑎᖓ 4 − ᐊᐅᐸᖅᑐᖅ:

ᓄᓇᕗᒻᒥ ᓯᓚᑦᑐᖅᓴᕐᕖᑦ ᐃᓄᖕᓄᑦ ᒪᑐᓯᒪᔪᑦ.
ᐊᔪᕐᓇᖏᑦᑕᕌᖓᑦ, ᐃᓕᓐᓂᐊᖅᑐᑦ ᓱᓕ ᑲᔪᓯᓂᐊᖅᑐᑦ ᖃᕆᓴᐅᔭᒃᑯᑦ ᐊᖏᕐᕋᒥ.
ᓯᓚᑦᑐᓴᕐᕕᐅᑉ ᐃᓕᓐᓂᐊᖅᑎᖏᑦ ᖃᐅᔨᒃᑲᐅᑎᖁᔭᐅᕗᑦ ᐅᖄᓚᐅᑎᖏᑕ ᐊᒻᒪ ᖃᓄᖅ ᐅᖃᕐᕕᒋᔭᔅᓴᐅᒻᒪᖔᑕ (ᐅᖄᓚᐅᑎᖓ ᐊᒻᒪᓗ/ᐅᕝᕙᓗᓃᑦ ᐃᕐᖐᓈᖅᑕᐅᑎᒃᑯᑦ) ᐃᓕᓐᓂᐊᖅᑎᑦᑎᔨᖓᓐᓄᑦ.
ᓄᓇᕗᒻᒥ ᓯᓚᑦᑐᖅᓴᕐᕕᒻᒥ ᐃᓕᓐᓂᐊᖅᑎᑦ, ᐃᖅᑲᓇᐃᔭᖅᑎᑦ ᐊᒻᒪ ᓯᓚᑦᑐᖅᓴᕐᕕᖕᒥᐅᑦ ᑎᓕᐅᖅᑕᐅᕗᑦ ᐊᒡᒐᑎᒃ ᐅᐊᓴᑦᑎᐊᖃᑦᑕᖁᓪᓗᒋᑦ ᐅᐊᓴᕋᔪᒡᓗᒋᓪᓗ, ᐅᖓᓯ[ᒋᒃᑕᑲᑕᒡᓗᑎᒃ ᐊᐃᓯᒪᓗᑎᒡᓗ ᖃᓂᒪᑐᐊᖅᐸᑕ.
ᐅᒡᓚᕐᓃᑦ ᐃᓕᓐᓂᐊᖅᑏᑦ ᓇᔪᒐᖏᓐᓄᑦ ᒫᓐᓇ ᒪᑐᔭᐅᔪᑦ ᑭᒃᑯᑐᐃᓐᓇᕐᓄᑦ.
ᖃᓄᑐᐃᓐᓇᖅ ᖃᐅᔨᓴᖅᑕᐅᓯᒪᔪᑦ ᐊᒃᑐᐊᓂᓖᑦ ᐱᓕᕆᐊᓄᑦ ᑖᒃᑯᓇᓂ ᓄᓇᓕᖕᓂ ᓄᖅᑲᖓᑲᓚᐅᖁᔭᐅᓪᓗᑎᑦ ᓄᓇᓕᖕᓂ ᑲᑎᙵᕈᓘᔭᖃᑦᑕᖅᑐᑦ ᐋᖅᑭᒋᐊᖅᓯᒃᑲᓐᓂᖁᔭᐅᓪᓗᑎᒃ.

ᐃᖃᓗᐃᑦ − ᐸᕐᓇᐅᑎ 2 − ᖁᖅᓱᖅᑐᖅ:

ᓯᓚᑦᑐᓴᕐᕕᒻᒥᑦ ᐃᓪᓗᖁᑎᖏᑦ ᒪᑐᓯᒪᔪᑦ ᐃᓄᓐᓄᑦ ᑭᒃᑯᑐᐃᓐᓇᕐᓄᑦ ᑖᓐᓇᓗ ᓂᕆᔭᖅᑐᕐᕕᖓ ᐊᒻᒪ ᐅᖃᓕᒫᒐᖃᕐᕕᖓ (ᓄᑖᖑᕆᐊᖅᑕᐅᔪᖅ ᓯᕗᓪᓕᕐᒥᑦ ᐊᑐᖅᑕᐅᓚᐅᖅᑐᑦ ᒪᑐᐃᖅᑎᓪᓗᒋᑦ ᐸᕐᓇᐅᑎᖓᓐᓂᑦ).
ᐃᓕᓐᓂᐊᖅᑐᑦ ᑲᔪᓯᓂᐊᖅᑐᑦ ᑕᐃᒫᖑᕙᒻᒪᑦ.
ᓄᓇᕗᒻᒥ ᓯᓚᑦᑐᖅᓴᕐᕕᒻᒥ ᐃᓕᓐᓂᐊᖅᑎᑦ, ᐃᖅᑲᓇᐃᔭᖅᑎᑦ ᐊᒻᒪ ᓯᓚᑦᑐᖅᓴᕐᕕᖕᒥᐅᑦ ᑎᓕᐅᖅᑕᐅᕗᑦ ᐊᒡᒐᑎᒃ ᐅᐊᓴᑦᑎᐊᖃᑦᑕᖁᓪᓗᒋᑦ ᐅᐊᓴᕋᔪᒡᓗᒋᓪᓗ, ᐅᖓᓯ[ᒋᒃᑕᑲᑕᒡᓗᑎᒃ ᐊᐃᓯᒪᓗᑎᒡᓗ ᖃᓂᒪᑐᐊᖅᐸᑕ.
ᐃᓕᓐᓂᐊᖅᑎᑦ ᑐᔪᕐᒥᕕᖕᒦᑦᑐᑦ ᐳᓛᖅᑕᐅᖃᑦᑕᖅᑐᑦ ᐃᓄᒋᐊᑲᑕᖁᔭᐅᙱᑉᐳᑦ ᐃᓚᒌᑐᐊᑦ ᒫᓐᓇ ᖃᓄᐃᒋᔭᐅᙱᑦᑐᑦ (ᓄᑖᖑᕆᐊᖅᑕᐅᔪᖅ ᓯᕗᓪᓕᕐᒥᑦ ᐊᑐᖅᑕᐅᓚᐅᖅᑐᒥᑦ ᒪᑐᐃᖅᑎᓪᓗᒋᑦ ᐸᕐᓇᐅᑎᖓᓐᓂᒃ).
ᖃᓄᑐᐃᓐᓇᖅ ᖃᐅᔨᓴᖅᑕᐅᓯᒪᔪᑦ ᐊᒃᑐᐊᓂᓖᑦ ᐱᓕᕆᐊᓄᑦ ᑖᒃᑯᓇᓂ ᓄᓇᓕᖕᓂ ᑎᓕᐅᖅᑕᐅᕗᑦ ᓄᓇᓕᖕᓂ ᑲᑎᙵᕈᓘᔭᖃᑦᑕᖅᑐᑦ ᐋᖅᑭᒋᐊᖅᓯᒃᑲᓐᓂᖁᔭᐅᓪᓗᑎᒃ.

ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᕝᕕᖓᓐᓂᑦ ᓄᑖᕈᕆᐊᖅᑕᐅᔪᑦ - ᓄᕕᐱᕆ 12, 2020

ᐃᖃᓗᖕᓂ ᐊᒻᒪ ᑭᕙᓪᓕᕐᒥᑦ ᓯᓚᑦᑐᖅᓴᕐᕖᑦ − ᑲᖏᖅᖠᓂᐅᑉ ᐊᓯᐊᓂ (ᐊᕐᕕᐊᑦ, ᖃᒪᓂᑦᑐᐊᖅ, ᐃᒡᓗᓕᒑᕐᔪᒃ, ᓴᓪᓖᑦ, ᓇᐃᔮᑦ, ᐊᒻᒪ ᑎᑭᕋᕐᔪᐊᖅ).

ᐃᓕᓐᓂᐊᓕᓵᖅᑐᓂᒃ ᖁᕝᕙᓯᖕᓂᓕᖕᓄᑦ 12−ᒧᑦ ᐃᓕᓐᓂᐊᕐᕖᑦ

ᒪᓕᒃᖢᒍ ᓄᓇᕗᒻᒥ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑕ ᐅᖃᐅᓯᕆᔭᖓ, ᐃᓕᓐᓂᐊᕐᕖᑦ ᐊᕐᕕᐊᓂ, ᖃᒪᓂ'ᑐᐊᕐᒥ, ᐃᒡᓗᓕᒑᕐᔪᖕᒥ, ᓴᓪᓕᕐᒥ, ᓇᐅᔮᓂ, ᑎᑭᕋᔪᐊᕐᒥ, ᐊᒻᒪ ᐃᖃᓗᖕᓂ (ᐃᖃᓗᖕᓂ ᐃᓕᓐᓂᐊᖅᑐᓕᕆᔨᒃᑯᑦ, ᓂᐊᖁᙴᒥ ᐃᓕᓐᓂᐊᖅᑐᓕᕆᔨᒃᑯᑦ, ᐊᒻᒪ ᐅᐃᕖᑦ ᐃᓕᓐᓂᐊᖅᑐᓕᕆᓂᕐᒧᑦ ᑲᑐᔾᔨᖃᑎᒌᑦ ᓄᓇᕗᒻᒥ ᒫᓐᓇ ᐱᓕᕆᔾᔪᓯᖅ 2-ᒦᓕᖅᑐᑦ: ᐊᑦᑕᕐᓇᖅᒦᓕᖅᐸᓪᓕᐊᔪᑦ ᓄᕙᒡᔪᐊᕐᓇᖅ-19−ᒥ ᐊᐃᑦᑐᕐᓗᐃᔪᓐᓇᖅᑐᑦ ᐊᕕᒃᑐᖅᓯᒪᔪᓂ, ᑭᓯᐊᓂ ᐅᖃᐅᓯᐅᒃᑲᓐᓂᖅᐸᑦ.

ᐃᓕᓐᓂᐊᕐᕖᑦ ᑭᕙᓪᓕᕐᒥ ᐊᒻᒪ ᐃᖃᓗᖕᓂ (ᐃᖃᓗᖕᓂ ᐃᓕᓐᓂᐊᖅᑐᓕᕆᔨᒃᑯᑦ, ᓂᐊᖁᙴᒥ ᐃᓕᓐᓂᐊᖅᑐᓕᕆᔨᒃᑯᑦ, ᐊᒻᒪ ᐅᐃᕖᑦ ᐃᓕᓐᓂᐊᕐᑐᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᓄᓇᕗᒻᒥ) ᐊᑐᓕᖅᑎᑦᑎᓛᖅᑐᑦ ᐱᓕᕆᔾᔪᓯᖅ 2 ᐱᓕᕆᐊᖑᔪᒃᓴᑦ ᐸᕐᓇᐅᑎᓂᒃ. ᐃᓕᓐᓂᐊᒃᕖᑦ ᑲᖏᖅᖠᓂᕐᒥ ᐊᑐᕐᓂᐊᓕᖅᑐᑦ 4−ᒦᑦᑐᒥᒃ ᐱᓕᕆᐊᖃᕐᓂᕐᒧᑦ ᐸᕐᓇᐅᑎᒥᖕᓂᒃ.

ᓄᑲᖅᖡᑦ ᐃᓕᓐᓂᐊᕐᕕᖏᑦ ᐊᕐᕕᐊᓂ, ᖃᒪᓂ'ᑐᐊᕐᒥ, ᐃᒡᓗᓕᒑᕐᔪᖕᒥ, ᓴᓪᓕᕐᒥ, ᓇᐅᔮᓂ, ᑎᑭᕋᔪᐊᕐᒥ, ᐊᒻᒪ ᐃᖃᓗᖕᓂ (ᐃᖃᓗᖕᓂ ᐃᓕᓐᓂᐊᖅᑐᓕᕆᔨᒃᑯᑦ, ᓂᐊᖁᙴᒥ ᐃᓕᓐᓂᐊᖅᑐᓕᕆᔨᒃᑯᑦ, ᐊᒻᒪ ᐅᐃᕖᑦ ᐃᓕᓐᓂᐊᖅᑐᓕᕆᓂᕐᒧᑦ ᑲᑐᔾᔨᖃᑎᒌᑦ ᓄᓇᕗᒻᒥ) ᒪᒃᐱᖅᓯᒪᐃᓐᓇᕐᓂᐊᖅᑐᑦ, ᐅᓪᓗᑦ ᑕᓪᓕᒪᑦ ᐱᓇᓱᐊᕈᓯᕐᒥ.

ᐊᑯᓪᓕᖅ ᐃᓕᓐᓂᐊᕐᕖᑦ ᐊᒻᒪ ᐊᖓᔪᒃᖠᑦ ᐃᓕᓐᓂᐊᕐᕖᑦ ᐊᕐᕕᐊᓂ, ᖃᒪᓂ'ᑐᐊᕐᒥ, ᐃᒡᓗᓕᒑᕐᔪᖕᒥ, ᓴᓪᓕᕐᒥ, ᓇᐅᔮᓂ, ᑎᑭᕋᔪᐊᕐᒥ, ᐊᒻᒪ ᐃᖃᓗᖕᓂ (ᐃᖃᓗᖕᓂ ᐃᓕᓐᓂᐊᖅᑐᓕᕆᔨᒃᑯᑦ, ᓂᐊᖁᙴᒥ ᐃᓕᓐᓂᐊᖅᑐᓕᕆᔨᒃᑯᑦ, ᐊᒻᒪ ᐅᐃᕖᑦ ᐃᓕᓐᓂᐊᖅᑐᓕᕆᓂᕐᒧᑦ ᑲᑐᔾᔨᖃᑎᒌᑦ ᐊᔾᔨᒌᙱᑦᑐᓂᒃ ᐃᓕᓐᓂᐊᕐᕕᖕᒥ ᐊᒻᒪ ᖃᕆᑕᐅᔭᒃᑯᑦ ᐃᓕᓐᓂᐊᖅᑎᑕᐅᖃᑦᑕᕐᓂᐊᖅᑐᑦ. ᐃᓕᓐᓂᐊᖅᑎᑦ ᐃᓕᓐᓂᐊᕐᕕᖕᒦᖃᑦᑕᕐᓂᐊᖅᑐᑦ 2-3 ᐅᓪᓗᑦ ᐱᓇᓱᐊᕈᓯᕐᒥ. ᐋᖅᑭᒃᑕᐅᓯᒪᔪᑦ ᐃᓕᓐᓂᐊᖅᑕᐅᔪᒃᓴᑦ ᐃᓱᒪᓕᐊᖑᖃᑦᑕᕐᓂᐊᖅᐳᑦ ᖃᐅᑕᒫᑦ ᐃᓕᓐᓂᐊᕐᕕᖕᒥ ᐱᓕᕆᔾᔪᓯᖅ 2 ᐱᓕᕆᐊᖑᔪᒃᓴᑦ ᐸᕐᓇᐅᑎᒥᒃ.

ᐃᓕᓴᐃᔩᑦ/ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑏᑦ ᖃᐅᔨᒋᐊᓛᖅᐳᑦ ᐃᓕᓐᓂᐊᖅᑎᓄᑦ ᐃᓚᖏᓐᓄᓪᓗ ᐊᔪᕐᓇᕈᓐᓃᑐᐊᖅᐸᑦ.

ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᑦ ᐃᓕᓐᓂᐊᕐᕕᖏᑦ ᐱᓕᕆᔾᔪᓯᖅ 2−ᒦᑦᑐᑦ ᒪᑐᓯᔪᓐᓇᖅᐳᑦ ᐅᓪᓗᓕᒫᕐᒧᑦ ᐅᖓᑖᓄᓪᓘᓐᓃᑦ ᐊᐅᓚᑦᑎᔭᕆᐊᖃᓕᕐᓂᖅᐸᑕ, ᐱᕙᒌᔭᕐᓗᑎᒃ ᐱᓕᕆᔾᔪᓯᖅ 2 ᐃᓕᓐᓂᐊᖅᑕᐅᔪᒃᓴᓂᒃ. ᐃᓚᒌᑦ ᖃᐅᔨᒪᓇᓱᖃᑦᑕᕆᐸᖃᕐᓂᐊᖅᑐᑦ ᐃᓕᓐᓂᐊᕐᕕᖕᒥ ᑐᓴᒐᒃᓴᖅᑕᖃᓕᕐᒪᖔᑦ.

ᐃᓕᓐᓂᐊᕐᓂᓕᕆᔨᒃᑯᑦ ᑲᑎᒪᔨᖏᑦ ᐊᕐᕕᐊᓂ, ᖃᒪᓂ'ᑐᐊᕐᒥ, ᐃᒡᓗᓕᒑᕐᔪᖕᒥ, ᓴᓪᓕᕐᒥ, ᓇᐅᔮᓂ, ᑎᑭᕋᔪᐊᕐᒥ, ᐃᖃᓗᖕᓂ, ᐊᒻᒪ ᓂᐊᖁᙴᒥ ᐃᖅᑲᓇᐃᔭᕆᐊᖃᕆᐊᖃᖃᑦᑕᕐᓂᐊᖅᐳᑦ ᐱᓕᕆᐊᕆᔭᕆᐊᓕᖕᓂᒃ ᐱᓕᕆᔭᖅᑐᕐᓗᑎᒃ ᐊᐅᓚᑦᑎᔭᖅᑐᕐᓗᑎᓪᓗ ᐃᓕᓐᓂᐊᕐᕕᖕᒥ ᓯᕗᓕᖅᑎᓂᒃ ᐱᔾᔪᑎᒋᓗᒋᑦ ᐃᓕᓐᓂᐊᕐᕕᖏᑦ ᐃᓄᖃᕆᐊᖃᕐᓂᖏᑦ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᒪᓕᒃᖢᒍ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᑕ ᐅᖃᐅᓯᖏᑦ, ᐸᐃᕆᕕᓕᒫᑦ ᐊᕐᕕᐊᓂ, ᖃᒪᓂᑦᑐᐊᕐᒥ, ᐃᒡᓗᓕᒑᕐᔪᖕᒥ, ᓴᓪᓕᕐᒥ, ᓇᐅᔮᓂ, ᑎᑭᕋᔪᐊᕐᒥ, ᐊᒻᒪ ᐃᖃᓗᖕᓂ ᒪᒃᐱᖅᓯᒪᐃᓐᓇᕈᓐᓇᖅᑐᑦ ᒪᓕᒡᓗᑎᒃ ᒫᓐᓇ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᒻᒪ ᐊᑦᑕᕐᓇᖅᑕᐃᓕᒪᔪᓕᕆᔨᒃᑯᑦ ᑐᑭᒧᐊᒍᑎᖏᓐᓂᒃ ᐊᒻᒪ ᐆᒃᑐᖅᑕᐅᖁᔭᖏᓐᓂᒃ.

ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᕝᕕᖓᓐᓂᑦ ᓄᑖᕈᕆᐊᖅᑕᐅᔪᑦ - ᓄᕕᐱᕆ 11, 2020

ᐃᓕᓐᓂᐊᕐᕕᓕᒫᑦ

ᐱᑕᖃᓕᖅᐳᖅ ᓄᕙᒡᔪᐊᕐᓇᖅ-19−ᒥᒃ ᓄᓇᕗᒻᒥ ᓇᓗᓇᐃᖅᑕᐅᓯᒪᓪᓚᕆᒃᑐᒥᒃ ᑲᖏᖅᖠᓂᕐᒥᑦ.
ᒪᓕᒃᖢᒍ ᓄᓇᕗᒻᒥᐅᑦ ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᖓᑦ, ᑲᖏᖅᖠᓂᖅ ᒫᓐᓇ ᖃᓄᐃᓕᖓᓂᖓ 4−ᒦᑉᐳᖅ: ᓇᓗᓇᐃᖅᑕᐅᓪᓚᕆᒃᑐᖅ ᐱᑕᖃᓪᓚᕆᖕᓂᖓᓂᒃ ᓄᕙᒡᔪᐊᕐᓇᖅ-19−ᒥᒃ, ᑐᓴᖅᑎᑦᑎᔪᖃᒃᑲᓐᓂᓚᐅᙱᓐᓂᖓᓂ.
ᐃᓕᓐᓂᐊᒃᕖᑦ ᑲᖏᖅᖠᓂᕐᒥ ᐊᑐᕐᓂᐊᓕᖅᑐᑦ 4−ᒦᑦᑐᒥᒃ ᐱᓕᕆᐊᖃᕐᓂᕐᒧᑦ ᐊᑐᕐᓂᐊᖅᑕᒥᓂᒃ.
ᑕᒪᕐᒥᑦᑎᐊᖅ ᐃᓕᓐᓂᐊᕐᕖᑦ ᑲᖏᖅᖠᓂᕐᒥ ᒪᑐᕗᑦ ᐃᓕᓐᓂᐊᖅᑎᓄᑦ, ᐃᖅᑲᓇᐃᔭᖅᑎᓄᑦ, ᑭᒃᑯᑐᐃᓐᓇᓄᓪᓗ ᑐᓴᖅᑎᑦᑎᔪᖃᒃᑲᓐᓂᓚᐅᙱᓐᓂᖓᓂ ᑕᐃᑲᙵᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒥᑦ.
ᖃᕆᓴᐅᔭᒃᑯᑦ ᑕᒪᕐᒥᑦᑎᐊᖅ ᐃᓕᓴᖅᑕᐅᑲᑕᖕᓂᐊᖅᐳᑦ ᑲᖏᖅᖠᓂᕐᒥ ᐅᐸᒃᓯᒪᙱᓪᓗᒋᑦ.
ᐅᐸᒃᓯᒪᙱᓪᓗᒋᑦ ᐃᓕᑦᑎᕙᓪᓕᐊᓂᖅ ᐱᓕᕆᐊᖑᓂᐊᖅᐳᖅ ᐅᖃᓘᑎᒃᑯᑦ ᐃᓕᑦᑎᕙᓪᓕᐊᓂᕐᒧᓪᓗ ᑲᑎᖅᓱᖅᑕᐅᓯᒪᔪᓄᑦ.
ᐃᓕᓴᐃᔩᑦ/ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑏᑦ ᖃᐅᔨᒋᐊᓛᖅᐳᑦ ᐃᓕᓐᓂᐊᖅᑎᓄᑦ ᐃᓚᖏᓐᓄᓪᓗ ᐊᔪᕐᓇᕈᓐᓃᑐᐊᖅᐸᑦ.
ᓄᑖᙳᕆᐊᖅᓯᒪᔪᓂᒃ ᓄᓇᓕᖕᒥᐅᑦ ᖃᓄᐃᓕᕙᓪᓕᐊᓂᖏᓐᓄᑦ ᑕᑯᒃᓴᕈᖅᑎᑕᐅᓂᐊᖅᐳᑦ ᐃᓕᓐᓂᐊᕐᓂᓕᕆᔨᒃᑯᑦ ᐃᑭᐊᖅᑭᕕᖓᓂ ᐅᕙᓂ: https://gov.nu.ca/education/information/2020-21-opening-plan-nunavut-sc…
ᐃᓕᓐᓂᐊᕐᕕᐅᑉ ᒪᑐᔭᐅᓂᖓ ᑲᖏᖅᖠᓂᕐᒥ ᐊᒃᑐᖅᓯᔾᔮᙱᑦᑐᖅ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᕙᖕᓂᖏᓐᓂᒃ.
ᐱᓕᕆᕝᕕᒋᔭᐅᔪᖅ ᐃᒪᐃᖁᔨᓇᔭᖅᐳᖅ, ᑲᖏᖅᖠᓂᕐᒥ ᐃᓕᓐᓂᐊᖅᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐅᐸᖃᑦᑕᙱᓪᓗᑎᒃ ᐃᖅᑲᓇᐃᔭᕕᖕᒥᓄᑦ.
ᑮᓇᐅᔭᖃᖅᑎᑕᐅᓂᖏᑦ ᑲᖏᖅᖠᓂᕐᒥ ᐃᓕᓐᓂᐊᖅᑐᓕᕆᔨᒃᑯᑦ ᐊᒃᑐᖅᑕᐅᔾᔮᙱᓚᑦ, ᑲᖏᖅᖠᓂᕐᒥᓗ ᐃᓕᓐᓂᐊᖅᑐᓕᕆᔨᒃᑯᑦ ᑎᓕᐅᖅᑕᐅᕗᑦ ᑲᔪᓯᐊᖏᓐᓇᖁᔭᐅᓪᓗᑎᒃ ᐊᑭᓕᖅᓱᐃᓂᕐᒥᒃ ᐃᖅᑲᓇᐃᔭᖅᑎᒥᓂᒃ ᐊᑐᖅᐸᒃᑕᒥᑎᑐᑦ.
ᐃᓕᓐᐊᓂᕐᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐊᓯᖏᓐᓂ ᑭᕙᓪᓕᕐᒥᐅᓂ (2−ᒦᑎᑕᐅᔪᑦ ᓄᓇᓖᑦ) ᐃᖅᑲᓇᐃᔭᕆᐊᓪᓗᐊᖅᐳᑦ ᐱᓪᓚᕆᒋᐊᖃᖅᑐᓄᑐᐊᖅ ᐱᓕᕆᖃᑎᖃᕐᓗᑎᒡᓗ ᐃᓕᓐᓂᐊᓂᕐᕕᖕᒥ ᓯᕗᓕᖅᑎᓂᒃ ᐱᔾᔪᑎᖃᕐᓗᑎᒃ ᐃᓕᓐᓂᐊᕐᕕᖕᒦᓐᓂᕐᒥᓂᒃ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᐱᑕᖃᓪᓚᕆᓕᕐᓂᖓᓄᑦ ᓄᕙᒡᔪᐊᕐᓇᖅ-19-ᒥᒃ, ᐸᐃᕆᕝᕖᑦ ᑲᖏᖅᖠᓂᕐᒥ ᒪᑐᖁᔭᐅᓯᒪᕗᑦ ᑕᐃᔅᓱᒪᙵᑦ ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᕐᒥᑦ.
ᓄᓇᕗᑦ ᒐᕙᒪᖓᑕ ᑮᓇᔭᖃᖅᑎᑕᖓ ᓚᐃᓴᓕᖕᓄ ᐸᐃᕆᕝᕕᖕᓄᑦ ᐃᓂᓄᑦ ᑲᖏᖅᖠᓂᕐᒥ ᑲᔪᓰᓐᓇᕐᓂᐊᖅᐳᖅ ᐊᑐᖅᑕᐅᕙᒃᑐᑎᑐᑦ.

ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᕝᕕᖓᓐᓂᑦ ᓄᑖᕈᕆᐊᖅᑕᐅᔪᑦ - ᓄᕕᐱᕆ 9, 2020

ᐃᓕᓐᓂᐊᕐᕕᓕᒫᑦ

ᒪᓕᒃᖢᒍ ᓄᓇᕗᒻᒥᐅᑦ ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᖓᑦ, ᓴᓂᑭᓗᐊᖅ ᓱᓕ ᐊᑐᕆᐊᓕᒃ 4-ᒦᓐᓂᐊᖅᐳᑦ: ᓄᓇᓕᖕᓂ ᓯᐊᒻᒪᒃᐸᓪᓕᐊᑎᑕᐅᔪᖅ ᓄᕙᒡᔪᐊᕐᓇᖅ-19 ᑐᓴᖅᑎᑕᐅᒃᑲᓐᓂᓚᐅᙱᓐᓂᕐᒥᓂ.
ᐊᓯᖏᓐᓂᒃ ᓄᓇᓕᖕᓂ ᐃᓕᓐᓂᐊᕐᕕᖕᓂᓪᓘᓐᓃᑦ ᒫᓐᓇ ᐊᒃᑐᖅᑕᐅᓯᒪᔪᖃᙱᑦᑐᖅ.
ᐱᓕᕆᕝᕕᖓ ᐋᖅᑭᒃᓱᐃᕙᓪᓕᐊᓕᖅᐳᖅ ᐃᑭᐊᖅᑭᕕᒃᑰᕈᑎᓖᑦ ᖃᕆᓴᐅᔭᕋᓛᓂᑦ ᐃᓕᓐᓂᐊᖅᑎᓄᑦ ᐃᖅᑲᓇᐃᔭᖅᑎᓄᓪᓗ ᐊᑐᖅᑕᐅᓂᐊᖅᑐᓂᑦ ᐹᑦᓵᓕ ᐃᓕᓐᓂᐊᕐᕕᐊᓂ ᐃᓕᓐᓂᐊᕈᑎᒥᓂᒃ ᑲᔪᓯᖁᓪᓗᒋᑦ.
ᒫᓐᓇᐅᔪᖅ, ᐃᓕᓐᓂᐊᖅᑏᑦ ᐃᖅᑲᓇᐃᔭᖅᑎᓪᓗ ᓄᐃᔭᒃ ᓄᑲᖅᖡᑦ ᐃᓕᓐᓂᐊᕐᕕᐊᓂ ᖃᕆᓴᐅᔭᒃᑰᕈᑎᓂᒃ ᐱᑎᑕᐅᔾᔮᙱᑦᑐᑦ, ᐱᓕᕆᕝᕕᒋᔭᐅᔪᖅ ᓱᓕ ᒫᓐᓇ ᐅᑕᖅᑭᖕᒪᑕ ᖃᕆᓴᐅᔭᒃᑰᕈᑎᓂᒃ ᑲᑉᐳᔾᔭᕆᐊᓕᖕᓂᑦ iPad−ᓄᑦ ᓈᒻᒪᒃᑐᓂᒃ. ᐱᓕᕆᕝᕕᒋᔭᐅᔪᖅ ᑖᒃᑯᓂᖓ ᑎᑭᑕᐅᒃᐸᑕ ᐋᖅᑭᒃᓱᐃᕌᓂᒃᐸᑕᓗ, ᓴᓂᑭᓗᐊᕐᒧᑦ ᓇᒃᓯᐅᔾᔭᐅᓂᐊᖅᐳᑦ. ᒫᓐᓇᓕ, ᓇᔫᑎᖏᓪᓗᑎᒃ ᐃᓕᓐᓂᐊᖅᑎᑕᐅᓂᐊᖅᑐᑦ ᓄᑲᒃᖡᑦ ᐃᓕᓐᓂᐊᕐᕕᐊᓂ ᐅᖃᓘᑎᒃᑯᑦ ᑐᑭᓯᒋᐊᖅᑎᑕᐅᑲᑕᖕᓂᐊᖅᐳᑦ ᐃᓕᓐᓂᐊᕈᑎᒃᓴᖏᓪᓗ ᑲᑎᖅᓱᖅᓯᒪᓗᑎᒃ.
ᓄᓇᕗᒻᒥ ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑎᓕᒫᑦ, ᑕᐃᒃᑯᐊᓗ ᓴᓂᑭᓗᐊᕐᒦᑦᑐᑦ, ᐊᔪᕈᓐᓃᖅᓴᖅᑎᑕᐅᕌᓂᓚᐅᖅᐳᑦ ᐃᐊᑦᔅᐱ ᖃᕆᓴᐅᔭᒃᑯᑦ ᐃᓕᓐᓂᐊᕈᑎᒃᓴᒥᒃ. ᐱᓕᕆᕝᕕᐅᔪᖅ ᑐᕌᒐᖃᖅᐳᑦ ᐃᐊᑦᔅᐱ−ᒥᑦ ᓇᓕᖅᑲᓕᐅᕈᑎᖃᓕᖁᓪᓗᒋᑦ ᓴᓂᑭᓗᐊᕐᒥᐅᑦ ᐃᖅᑲᓇᐃᔭᖅᑎᖏᑦ ᐋᖅᑭᒃᑕᐅᓗᑎᒃ ᐱᓇᓱᐊᕈᓯᐅᑉ ᕿᑎᐊᓂ, ᐊᒻᒪᐃᓛᒃ ᐃᓕᓴᐃᔩᑦ ᐃᓕᓐᓂᐊᖅᑎᖏᓐᓂᒃ ᐃᐊᑦᔅᐱᒧᑦ ᐃᓚᐅᖁᔨᓕᕐᓂᐊᖅᖢᑎᒃ.
ᐊᑦᑕᕐᓇᖅᑕᐃᓕᒪᓂᕐᒧᑦ ᒪᓕᒃᑕᐅᔭᕆᐊᓖᑦ ᖃᕆᓴᐅᔭᓕᕆᔾᔪᑎᑦ ᐃᓕᓐᓂᐊᕈᑎᒃᓴᐃᓪᓗ ᑐᓂᐅᖅᑲᐅᑕᐅᓕᖅᐸᑕ ᐃᓕᓐᓂᐊᕐᕕᖕᓄᑦ ᓇᒃᓯᐅᔾᔭᐅᓛᕆᕗᑦ.
ᓴᓂᑭᓗᐊᕐᒥ ᐃᓕᓐᓂᐊᕐᕖᑦ ᓴᓗᒻᒪᖅᓴᐃᔾᔪᑎᒃᓴᒃᑲᓐᓂᕐᓂᑦ ᐱᑎᑕᐅᒃᑲᓐᓂᓚᐅᖅᐳᑦ ᐅᑐᐱᕆᐅᑎᓪᓗᒍ, ᐊᒻᒪ ᐃᓄᖕᒧᑦ ᓴᐳᒻᒥᔾᔪᑎᒃᑲᓐᓃᑦ ᓴᓂᑭᓗᐊᕐᒧᑦ ᓇᒃᓯᐅᔾᔭᐅᓛᕆᕗᑦ ᐃᑲᔪᖅᑐᐃᓗᑎᒃ ᖃᕆᓴᐅᔭᓕᕆᔾᔪᑎᑦ ᐊᒻᒪ ᐃᓕᓐᓂᐊᕈᑎᒃᓴᑦ ᑲᑎᖅᓱᖅᓯᒪᔪᑦ ᑐᓂᐅᖅᑲᐅᑕᐅᓕᖅᐸᑕ.
ᑕᑯᔪᒪᒍᕕᑦ ᖃᓄᖅ ᐃᓕᓐᓂᐊᕐᓂᓕᕆᔨᒃᑯᑦ ᐃᓕᓐᓂᐊᖅᑎᓂᒃ ᓴᐳᔾᔨᓯᒪᖃᑦᑕᕐᒪᖔᑕ, ᑕᑯᒋᐊᕐᓗᒍ: gov.nu.ca/education.

ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᕝᕕᖓᓐᓂᑦ ᓄᑖᕈᕆᐊᖅᑕᐅᔪᑦ - ᓄᕕᐱᕆ 6, 2020

ᐃᓕᓐᓂᐊᕐᕕᓕᒫᑦ

ᒪᓕᒃᖢᒍ ᓄᓇᕗᒻᒥᐅᑦ ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᖓᑦ, ᐃᓕᓐᓂᐊᕐᕕᒃᐳᑦ ᒫᓐᓇ ᖃᓄᐃᓕᖓᓂᖓ 4−ᒦᑉᐳᖅ: ᓄᓇᓕᖕᓂ ᓯᐊᒻᒪᒃᐸᓪᓕᐊᑎᑕᐅᔪᖅ ᓄᕙᒡᔪᐊᕐᓇᖅ-19 ᑐᓴᖅᑎᑕᐅᒃᑲᓐᓂᒪᐅᙱᓐᓂᕐᒥᓂ.

ᑕᒪᕐᒥᑦᑎᐊᖅ ᐃᓕᓐᓂᐊᕐᕖᑦ ᓴᓂᑭᓗᐊᒥ ᒪᑐᕗᑦ ᐃᓕᓐᓂᐊᖅᑎᓄᑦ, ᐃᖅᑲᓴᐃᔭᖅᑎᓄᑦ, ᑭᒃᑯᑐᐃᓐᓇᓄᓪᓗ ᑐᓴᖅᑎᑦᑦᑎᔪᖃᒃᑲᓐᓂᓚᐅᙱᓐᓂᖓᓂ ᑕᐃᑲᙵᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒥᑦ. ᖃᕆᓴᐅᔭᒃᑯᑦ ᑕᒪᕐᒥᑦᑎᐊᖅ ᐃᓕᓴᖅᑕᐅᑲᑕᖕᓂᐊᖅᐳᑦ ᓴᓂᑭᓗᐊᒥ ᐅᐸᒃᓯᒪᙱᓪᓗᒋᑦ.

ᐃᓕᓴᐃᔩᑦ/ᐃᓕᓐᓂᐊᕐᕕᖕᒥ ᐃᖅᑲᓇᓴᐃᔭᖅᑏᑦ ᖃᐅᔨᒋᐊᓛᖅᐳᑦ ᐃᓕᓐᓂᐊᖅᑎᓄᑦ ᐃᓚᖏᓐᓄᓪᓗ ᐊᔪᕐᓇᕈᓐᓃᑐᐊᖅᐸᑦ.

ᑕᑯᔪᒪᒍᕕᑦ ᖃᓄᖅ ᐃᓕᓐᓂᐊᕐᓂᓕᕆᔨᒃᑯᑦ ᐃᓕᓐᓂᐊᖅᑎᓂᒃ ᓴᐳᔾᔨᓯᒪᖃᑦᑕᕐᒪᖔᑕ, ᐅᕗᙵᕈᓐᓇᖅᐳᓯ: gov.nu.ca/education.

ᐃᓕᓐᓂᐊᕐᕕᐅᑉ ᒪᑐᔭᐅᓂᖓ ᓴᓂᑭᓗᐊᒥ ᐊᒃᑐᖅᓯᔾᔮᙱᑦᑐᖅ ᐃᖅᑲᓇᐃᔭᖅᑏᑦ ᐊᑭᓕᖅᓱᖅᑕᐅᕙᖕᓂᖏᓐᓂᒃ.

ᐱᓕᕆᕝᕕᒋᔭᐅᔪᖅ ᐃᒪᐃᖁᔨᓇᔭᖅᐳᖅ ᓴᓂᑭᓗᐊᒥ ᐃᓕᓐᓂᐊᖅᑐᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐅᐸᖃᑦᑕᙱᓪᓗᑎᒃ ᐃᖅᑲᓇᐃᔭᕕᖕᒥᓄᑦ.

ᑮᓇᐅᔭᖃᖅᑎᑕᐅᓂᖏᑦ ᓴᓂᑭᓗᐊᒥ ᐃᓕᓐᓂᐊᖅᑐᓕᕆᔨᒃᑯᑦ ᐊᒃᑐᖅᑕᐅᔾᔮᙱᓚᑦ, ᓴᓂᑭᓗᐊᒥᓗ ᐃᓕᓐᓂᐊᖅᑐᓕᕆᔨᒃᑯᑦ ᑎᓕᐅᖅᑕᐅᕗᑦ ᑲᔪᓯᐊᖏᓐᓇᖁᔭᐅᓪᓗᑎᒃ ᐊᑭᓕᖅᓱᐃᓂᕐᒥᒃ ᐃᖅᑲᓇᐃᔭᖅᑎᒥᓂᒃ ᐊᑐᖅᐸᒃᑕᒥᑎᑐᑦ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ

ᐱᑕᖃᓪᓚᕆᓕᕐᓂᖓᓄᑦ ᓄᕙᒡᔪᐊᕐᓇᖅ-19-ᒥᒃ, ᐸᐃᕆᕝᕖᑦ ᓴᓂᑭᓗᐊᒥ ᒪᑐᖁᔭᐅᓯᒪᕗᑦ ᑕᐃᔅᓱᒪᙵᑦ ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᕐᒥᑦ.

ᓄᓇᕗᑦ ᒐᕙᒪᖓᑕ ᑮᓇᔭᖃᖅᑎᑕᖓ ᓚᐃᓴᓕᖕᓄ ᐸᐃᕆᕝᕕᖕᓄᑦ ᐃᓂᓄᑦᓴᓂᑭᓗᐊᒥ ᑲᔪᓰᓐᓴᕐᓂᐊᖅᐳᖅ ᐊᑐᖅᑕᐅᕙᒃᑐᑎᑐᑦ.

ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᕝᕕᖓᓐᓂᑦ ᓄᑖᕈᕆᐊᖅᑕᐅᔪᑦ - ᐅᑐᐱᕆ 26, 2020

ᑲᓇᑕᐅᑉ ᒐᕙᒪᒃᑯᖓᓂ ᑮᓇᐅᔭᖃᖅᑎᑕᐅᓪᓗᑎᒃ ᐊᑦᑕᕐᓇᙱᑦᑐᒥᑦ ᐱᒋᐊᒃᑲᓐᓂᕐᓂᕐᒧᑦ ᐊᖏᕈᑎᒥᑦ, ᐃᓕᓐᓂᐊᕐᓂᓕᕆᔨᒃᑯᑦ 1600-ᓂᒃ ᖃᕆᓴᐅᔭᒃᑰᕈᑎᓂᒃ ᓂᐅᕕᓚᐅᖅᐳᑦ ᐃᓕᓐᓂᐊᕐᕕᖕᓄᑦ ᑐᕌᖓᔪᓂᒃ ᓄᓇᕗᒻᒥ ᐃᓕᓐᓂᐊᕐᕖᑦ ᒪᑐᔭᐅᔭᕆᐊᖃᓕᕐᓂᖅᐸᑕ ᓄᕙᕐᔪᐊᕐᓇᖅ-19−ᖃᖅᑐᖃᓕᖅᐸᑦ ᓄᓇᓕᖕᓂ. 1600 ᓂᐅᕕᖅᑕᐅᓚᐅᖅᑐᑦ ᖃᕆᓴᐅᔭᒃᑰᕈᑏᑦ, 800 iPads ᐃᓕᓐᓂᐊᖅᑐᓕᕆᔨᒃᑯᓐᓄᑦ ᓇᒃᓯᐅᔾᔭᐅᓯᒪᓕᖅᐳᑦ ᐋᖅᑭᒃᓱᖅᑕᐅᓂᐊᖅᑐᑦ. 1400−ᑲᓐᓃᑦ ᖃᕆᓴᐅᔭᒃᑰᕈᑏᑦ ᑎᑭᓴᖅᑕᐅᓛᕆᓪᓗᑎᒃ ᖃᑯᒍᑦᑎᐊᖅ, ᖁᔭᓐᓇᒦᒃ ᑲᓇᑕᐅᑉ ᒐᕙᒪᒃᑯᖏᓐᓂᒃ ᑮᓇᐅᔭᖃᖅᑎᑕᐅᖕᒪᑕ ᐊᑦᑕᕐᓇᙱᑦᑐᒥᑦ ᐱᒋᐊᒃᑲᓐᓂᕐᓂᕐᒧᑦ ᐊᖏᕈᑎᑦ ᑮᓇᐅᔭᖁᑎᖏᓐᓂᒃ.

ᐃᓕᓐᓂᐊᕐᓂᓕᕆᔨᒃᑯᑦ ᓇᓗᓇᐃᖅᓯᒋᕗᑦ ᐃᓕᓐᓂᐊᖏᓐᓇᕐᓂᐊᕐᓂᖏᓐᓂᒃ ᐃᓕᓐᓂᐊᕐᕖᑦ ᒪᑐᔭᐅᒐᓗᐊᖅᐸᑕᓘᓐᓃᑦ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ, ᖃᐅᔨᓴᖅᖢᑎᒃ ᖃᕆᓴᐅᔭᒃᑯᑦ ᐃᓕᓐᓂᐊᕈᑕᐅᔪᓐᓇᖅᑐᒥᒃ ᐃᐊᑦᔅᐱᒥᒃ ᑕᐃᔭᐅᔪᒥᒃ. ᐃᐊᑦᔅᐱ ᓈᒪᓪᓗᓂ ᖃᕆᓴᐅᔭᒃᑯᑦ ᐃᓕᓐᓂᐊᕈᑎᒃᓴᐅᕗᖅ ᐃᑲᔫᑕᐅᓇᓱᒃᖢᓂ ᑕᒪᐃᓐᓂᒃ ᐃᓕᓐᓂᐊᕐᕕᐊᕈᓯᕐᒥ ᐊᒻᒪ ᖃᕆᓴᐅᔭᒃᑯᑦ ᐃᓕᓐᓂᐊᖅᑐᓂᑦ. ᐱᓕᕆᔾᔪᑎ ᐊᑐᕆᐊᒃᓴᖅ ᐊᔪᕐᓇᙱᑉᐳᖅ, ᐊᓯᖏᓐᓂᒃ ᖃᕆᓴᐅᔭᒃᑯᑦ ᑐᓴᐅᒪᖃᑦᑕᐅᑎᔾᔪᑎᓄᑦ ᐊᔾᔨᖃᐸᓗᒃᖢᓂ, ᐃᓕᓐᓂᐊᓕᓵᖅᑐᓂᑦ ᐊᔪᙱᓐᓂᓕᖕᓄᑦ 12-ᒧᑦ, ᐃᓕᓴᐃᔨᓄᑦ ᐊᒻᒪ ᐊᖓᔪᖅᑳᕆᔭᐅᔪᓄᑦ ᑐᕌᖓᓪᓗᓂ. ᐊᑐᖅᑕᐅᔪᓐᓇᖅᐳᖅ ᖃᕆᓴᐅᔭᒃᑰᖅᑐᓕᒫᑲᓴᖕᓄᑦ ᓲᕐᓗ ᖃᕆᓴᐅᔭᓄᑦ ᓇᒃᓴᖃᑦᑕᓄᑦ, ᖃᕆᓴᐅᔭᕋᓛᓄᑦ, ᐅᕝᕙᓘᓐᓃᑦ ᐅᖃᓘᑎᕋᓛᓄᑦ. ᑭᖑᓪᓕᐹᒥ, ᐃᓕᓐᓂᐊᕐᓂᓕᕆᔨᒃᑯᑦ

ᑮᓇᐅᔭᖅᑖᖅᑎᑦᑎᕗᑦ ᓴᓗᒻᒪᖅᓴᐃᔾᔪᑎᒃᓴᒃᑲᓐᓂᕐᓄᑦ ᐊᒻᒪ ᖃᓄᐃᙱᑦᑎᐊᕐᓂᕐᒧᑦ ᐊᑦᑕᕐᓇᖅᑕᐃᓕᒪᑎᑦᑎᓂᕐᒧᓪᓗ ᐊᑐᕐᓂᐊᖅᑐᓂᒃ ᐃᓕᓐᓂᐊᕐᕖᑦ ᒪᓕᑦᑎᐊᖏᓐᓇᖁᓪᓗᒋᑦ ᐱᐅᓯᒋᐊᖅᓯᒪᔪᓂᑦ ᓴᓗᒻᒪᖅᓴᐃᔾᔪᑎᓂᒃ ᐊᒻᒪ ᖃᓄᐃᙱᑦᑐᓄᑦ ᖃᐅᔨᓴᖅᑕᐅᔾᔪᑎᓂᒃ ᐊᑦᑕᕐᓇᖅᑕᐃᓕᒪᔾᔪᑎᓂᓪᓗ ᐊᑐᖅᑕᐅᓕᓚᐅᖅᑐᓂᒃ ᓄᕙᒡᔪᐊᕐᓇᖅ-19−ᒥ ᖃᓂᒪᑲᑕᓕᖅᑎᓪᓗᒋᑦ.

ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᕝᕕᖓᓐᓂᑦ ᓄᑖᕈᕆᐊᖅᑕᐅᔪᑦ - ᐅᑐᐱᕆ 19, 2020

ᐃᓕᓐᓂᐊᕐᕕᖕᒥ ᐱᓕᕆᐊᒃᓴᓄᑦ ᐸᕐᓇᐃᓂᖅ

ᐃᓕᓐᓂᐊᕐᕖᑦ ᓴᖅᑭᑦᑎᕙᓪᓕᐊᕗᑦ ᐱᓕᕆᔾᔪᑎᒃᓴᓄᑦ ᐸᕐᓇᐅᑎᒥᒃ ᑕᒪᐃᓐᓄᑦ ᖃᓄᐃᓕᖓᓂᐅᔪᓄᑦ ᓄᕙᕐᔪᐊᕐᓇᖅ-19−ᒧᑦ ᐊᑦᑕᕐᓇᖅᑐᒧᑦ. ᐱᓕᕆᔾᔪᑎᒃᓴᓄᑦ ᐸᕐᓇᐅᑎᑦ ᖃᓄᐃᓕᖓᓂᐅᔪᑦ 2, 3, ᐊᒻᒪ 4 ᑲᒪᒋᔭᖃᕐᓂᐊᖅᐳᑦ ᐃᑲᔪᖅᓱᕐᓗᒋᑦ ᖃᕆᑕᐅᔭᒃᑯᑦ ᐃᓕᓐᓂᐊᖅᑐᑦ ᐊᒻᒪ ᐱᓕᕆᐊᖑᖔᕈᓐᓇᖅᑐᑦ ᐃᓕᓐᓂᐊᕐᕕᐊᕈᓯᕐᒥ.
- ᐃᓕᓐᓂᐊᕐᓂᓕᕆᔨᒃᑯᑦ ᐊᑐᐃᓐᓇᕈᖅᑎᑦᑎᓯᒪᔪᑦ ᖃᐅᔨᒪᔾᔪᑎᒃᓴᓂᒃ ᐊᒻᒪ ᐃᑲᔫᑎᒃᓴᓂᒃ ᐃᑲᔪᖅᓱᕈᑎᒃᓴᑦ ᐃᓕᓐᓂᐊᕐᕕᖕᓄᑦ ᓴᖅᑭᑦᑎᕙᓪᓕᐊᓕᖅᐸᑕ ᑖᒃᑯᓂᖓ ᐱᓕᕆᔾᔪᑎᒃᓴᓄᑦ ᐸᕐᓇᐅᑎᓂᒃ, ᐅᑯᓂᖓ ᐃᓚᖃᖅᑐᓂᒃ:
  - ᐸᕐᓇᐅᑎᒥᒃ ᐃᖅᑲᓇᐃᔭᖅᑎᐅᖃᑕᐅᔪᒧᑦ ᖃᐅᑕᒫᑦ ᖃᐅᔨᒋᐊᖅᐸᒡᓗᓂ ᑕᒪᐃᓐᓄᑦ ᐃᓕᓐᓂᐊᖅᑎᓄᑦ ᐱᓕᕆᖃᑎᒋᔭᒥᓄᑦ.
  - ᖃᓄᖅ ᐃᓕᓐᓂᐊᖅᑏᑦ ᐃᑲᔪᖅᓱᖅᑕᐅᓂᐊᖅᐸᑦ ᖃᕆᑕᐅᔭᒃᑯᑦ ᐱᓕᕆᔪᓐᓇᙱᑉᐸᑕ ᐅᕝᕙᓘᓐᓃᑦ ᖃᕆᑕᐅᔭᕐᒧᑦ ᐅᕙᑎᖏᓐᓂᒃ, ᐊᑐᖅᑕᐅᖔᕈᓐᓇᖅᑐᓂᒃ ᐊᑐᕐᓗᑎᒃ ᓲᕐᓗ ᐅᖃᓘᑎᒃᑯᑦ, ᓈᓚᐅᑎᒃᑯᑦ, ᑲᑎᖅᓱᖅᓯᒪᔪᓂᒃ ᓇᒃᓯᐅᔾᔨᕝᕕᐅᓗᑎᒃ, ᐊᓯᖏᓪᓗ.
  - ᐋᖅᑭᒃᑕᐅᓗᑎᒃ "ᐱᑐᐃᓐᓇᕆᐊᖃᓕᖅᑐᑦ" ᐃᓕᓐᓂᐊᕈᑎᒃᓴᑦ ᖃᓄᐃᙱᑦᑎᐊᕈᑎᒃᓴᓪᓗ ᑲᑎᖅᓱᒐᑦ ᑕᒪᐃᓐᓄᑦ ᐃᓕᓐᓂᐊᖅᑎᓄᑦ, ᓄᓇᓖᑦ ᓇᓕᐊᑐᐃᓐᓇᖅ ᓄᕙᒡᔪᐊᕐᓇᖅ 19−ᒥ 2, 3, ᐅᕝᕙᓘᓐᓃᑦ 4-ᒥ.
  - ᐃᓕᓐᓂᐊᖅᑎᑦᑎᓂᖅ ᐊᒻᒪ ᐃᑲᔪᖅᑐᐃᔾᔪᑏᑦ ᐃᓕᓐᓂᐊᖅᑎᓄᑦ ᐊᑐᓂ ᐃᓕᓐᓂᐊᖅᑎᐅᔪᓄᑦ ᐃᑲᔪᕈᑎᒃᓴᑦ ᐸᕐᓇᐅᑏᑦ (ISSPs) ᐋᖅᑭᓱᖅᓯᒪᔪᑦ ᐊᒻᒪ ᑲᔪᓯᓂᖃᖅᑎᐊᖅᑐᑎᓪᓗ.
  - ᓇᓗᓇᐃᖅᓯᒪᔪᑦ ᖃᓄᖅ ᐃᓕᓐᓂᐊᕐᕖᑦ ᐊᐅᓚᓂᖃᕋᔭᕐᒪᖔᑕ ᑕᒪᐃᓐᓂᒃ ᖃᓄᐃᓐᓂᐅᔪᓂᒃ, ᐃᓚᒋᔭᐅᓪᓗᑎᒃ ᖁᖁᐊᕈᑎᑦ ᖁᖁᐊᖅᑎᑕᐅᕙᒡᓗᑎᒃ, ᓂᕆᔭᒃᓴᓂᒃ ᐃᓕᓐᓂᐊᖅᑎᑦᑎᕙᒡᓗᑎᒃ, ᐊᒻᒪ ᑎᑎᕋᕐᕕᖕᒥᐅᑕᑦ ᐃᓕᓐᓂᐊᕐᕕᐊᕈᓯᕐᓄᑦ ᐳᓛᕆᐊᑲᑕᒡᓗᑎᒃ.
- ᐃᓕᓐᓂᐊᕐᕖᑦ ᐱᐊᓂᒃᓯᓯᒪᓕᖅᑐᑦ ᐱᓕᕆᔾᔪᑎᒃᓴᓄᑦ ᐸᕐᓇᐅᑎᖏᓐᓂᒃ ᖃᓄᐃᓐᓂᐅᔪᑦ 1−ᒧᑦ ᐱᐊᓂᒃᓯᓇᓱᒃᐸᓪᓕᐊᓪᓗᑎᒡᓗ ᖃᓄᐃᓐᓂᐅᔪᑦ 2, 3, ᐊᒻᒪ 4 ᐱᓕᕆᔾᔪᑎᒃᓴᓄᑦ ᐸᕐᓇᐅᑎᖏᓐᓂᒃ. ᐊᕕᒃᑐᖅᓯᒪᔪᓂᒃ ᐃᓕᓐᓂᐊᕐᕕᓕᕆᔩᑦ ᐱᓕᕆᖃᑎᖃᖅᑐᑦ ᐃᓕᓐᓂᐊᕐᕕᖕᓂ ᓯᕗᓕᖅᑎᓂᒃ ᕿᒥᕐᕈᖃᑎᒋᓪᓗᒋᑦ ᐊᖏᑲᑕᒃᖢᒋᓪᓗ ᑎᑎᕋᖅᑕᐅᒋᐊᕐᖓᖅᑐᑦ ᐸᕐᓇᐅᑎᓂᒃ.
- 45-ᖑᑎᓪᓗᒋᑦ ᐃᓕᓐᓂᐊᕐᕖᑦ 21 ᐱᐊᓂᒃᓯᓯᒪᓕᖅᑐᑦ ᑐᓂᓯᓯᒪᓕᖅᑐᓪᓗ ᑭᖑᓪᓕᖅᐹᒥ ᐱᓕᕆᔾᔪᑎᓄᑦ ᐸᕐᓇᐅᑎᖏᓐᓂᒃ ᑕᒪᐃᓐᓄᑦ ᖃᓄᐃᓐᓂᐅᔪᓄᑦ.
- ᐃᓚᖏᑦ ᐃᓕᓐᓂᐊᕐᕖᑦ ᐋᖅᑭᒃᓯᓯᒪᓕᖅᑐᑦ ᖃᓄᐃᙱᑦᑎᐊᕈᑎᓄᑦ ᐃᑲᔫᑎᒃᓴᒃᑲᓐᓂᕐᓂᒃ, ᓲᕐᓗ ᕿᑭᖅᑕᖅ ᐊᖓᔪᒃᖡᑦ ᐃᓕᓐᓂᐊᕐᕕᖓᑦ ᐊᐅᓱᐃᑦᑐᕐᒥ ᐃᓕᓐᓂᐊᖅᑎᓄᑦ ᖃᓄᐃᙱᑦᑎᐊᕐᒪᖓᑕ ᖃᐅᔨᓴᕈᑎᑕᖃᕐᒪᑦ ᐃᓚᒋᔭᐅᓪᓗᓂ ᐱᓕᕆᔾᔪᑎᒃᓴᑦ ᐸᕐᓇᐅᑎᖏᓐᓄᑦ.

ᐃᓕᓐᓂᐊᕈᑎᒃᓴᐃᑦ ᑲᑎᖅᓱᖅᓯᒪᔪᑦ

ᐃᓕᓐᓂᐊᕈᑎᒃᓴᑦ ᑲᑎᖅᓱᖅᓯᒪᔪᑦ ᐋᖅᑭᒃᑕᐅᓯᒪᓕᖅᑐᑦ ᑕᒪᐃᓐᓄᑦ ᐃᓕᓐᓂᐊᖅᑎᓄᑦ ᐃᓚᒋᔭᐅᓪᓗᓂ ᖃᓄᐃᓕᖓᓂᖓ 1−ᒧᑦ ᐱᓕᕆᔾᔪᑎᒃᓴᑦ ᐸᕐᓇᐅᑎᒧᑦ. ᐅᑯᐊ ᑲᑎᖅᓱᖅᓯᒪᔪᑦ ᐋᖅᑭᒃᑕᐅᓯᒪᔪᑦ ᓈᒻᒪᒃᓯᓕᖅᑕᐅᓇᓱᒃᖢᑎᒃ ᐊᔾᔨᒌᙱᑦᑐᑦ ᐱᔭᐅᒋᐊᓕᑦ ᑕᒪᐃᓐᓄᑦ ᐃᓕᓐᓂᐊᖅᑎᓄᑦ.
ᐃᓕᓐᓂᐊᕈᑎᒃᓴᑦ ᑲᑎᖅᓱᖅᓯᒪᔪᑦ ᓄᑖᙳᕆᐊᖅᑕᐅᒐᔪᖕᓂᐊᖅᐳᑦ ᓄᑖᕐᓂᒃ ᐊᒻᒪ ᐋᖅᑭᒋᐊᖅᓯᒪᔪᓂᒃ ᐃᓕᓐᓂᐊᕈᑎᒃᓴᓂᒃ ᐃᓕᓐᓂᐊᖅᑎᑦ ᐱᕙᓪᓕᐊᑐᐃᓐᓇᓕᖅᐸᑕ ᐃᓕᓐᓂᐊᕈᑎᒃᓴᖏᓐᓂᒃ. ᐅᑯᐊ ᐊᑐᖅᑕᐅᖃᑦᑕᕐᓂᐊᖅᑐᑦ, ᐊᑐᖅᑕᐅᒋᐊᖃᕐᓂᑎᒃ ᒪᓕᒡᓗᒋᑦ, ᓄᓇᖅᑲᑎᒌᑦ ᖃᓄᐃᓕᖓᓂᖓ 1-ᒥ 2-ᒧᑦ, 3, ᐅᕝᕙᓘᓐᓃᑦ 4-ᒧᑦ.

ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᕝᕕᖓᓐᓂᑦ ᓄᑖᕈᕆᐊᖅᑕᐅᔪᑦ - ᐅᑐᐱᕆ 8, 2020

ᐊᑦᑑᕝᕙ 7, 2020, ᒥᓂᔅᑕ ᔪᐊᓇᓯ ᐊᒻᒪᓗ ᑖᒃᑯᐊ ᑲᓇᑕᐅᑉ ᒐᕙᒪᒃᑯᖏᑕ ᒥᓂᔅᑕᖓ ᐃᓛᒌᓄᑦ, ᓄᑕᖅᑲᓄᑦ ᐊᒻᒪ ᐃᓄᐃᑦ ᐱᕙᓪᓕᐊᑎᑕᐅᓂᖏᓐᓄᑦ, ᐋᒥᑦ ᕼᐅᓴᓐ, ᐅᖃᓚᐅᕐᒪᑦ ᐃᑲᔪᖅᑐᐃᒋᐊᒃᑲᓐᓂᕈᑎᔅᓴᓂᑦ ᐃᓕᓐᓂᐊᓕᒻᒪᒃᓴᔪᓕᕆᕕᓐᓄᑦ, ᐸᐃᕆᕕᓐᓄᓪᓗ ᐃᓕᓐᓂᐊᕐᕕᓐᓄᓪᓗ ᓄᓇᕗᒻᒥ (ᑲᓇᑕ−ᓄᓇᕗᑦ ᐃᓕᓐᓂᐊᓕᒻᒪᒃᓴᔪᓕᕆᕕᓄᑦ ᐊᒻᒪ ᐸᐃᕆᕕᓐᓄᑦ ᑕᒪᒃᑮᓄᑦ ᐊᖏᕈᑎ ($2.4 ᒥᓕᐊᓐ) ᐊᒻᒪ ᐱᒋᐊᑦᑎᐊᑲᓐᓂᕐᓂᕐᒧᑦ ᐊᑦᑕᕐᓇᙱᑦᑐᒥᑦ ᐊᖏᖃᑎᒌᒍᑎ ($2.6 ᒥᓕᐊᓐ).

ᑖᓐᓇ ᑲᓇ−ᓄᓇᕗᑦ ᐃᓕᓐᓂᐊᓕᒻᒪᒃᓴᔪᓕᕆᕕᓄᑦ ᐊᒻᒪ ᐸᐃᕆᕕᓐᓄᑦ ᑕᒪᒃᑮᓄᑦ ᐊᖏᖃᑎᒌᒍᑎᖓ ᐃᑲᔪᕐᓂᐊᖅᑐᖅ ᐋᖅᑭᐅᒪᑎᑦᑎᒍᑕᐅᓗᓂ ᐊᑭᑐᓗᐊᕈᓐᓃᖅᑎᑦᑎᒍᑕᐅᓗᓂ ᐃᓕᓐᓂᐊᓕᒻᒪᒃᓴᔪᓕᕆᕕᓐᓄᑦ ᐊᒻᒪ ᐸᐃᕆᕕᓐᓄᑦ ᐱᓕᕆᐊᔅᓴᓂᑦ ᐊᐅᓚᓂᖏᑎᒍᑦ ᑮᓇᐅᔭᖃᖅᑎᑕᐅᓗᑎᑦ, ᑖᒃᑯᐊ ᐸᐃᕆᕕᓐᓂᑦ ᐃᓂᔅᓴᖅᑕᖃᖅᑎᑦᑎᒃᑲᓐᓂᕈᑕᐅᓗᑎᑦ ᐊᔪᖅᓴᕐᓂᖅᓴᐅᔪᓄᑦ ᐱᑕᖃᓗᐊᖏᓐᓂᖏᓐᓄᑦ ᓄᓇᓕᓐᓄᑦ, ᐱᓕᒻᒪᒃᓴᖅᑎᑦᑎᓂᕐᒥᑦ ᐊᒻᒪ ᐱᓕᕆᔨᒻᒪᕆᕈᖅᓴᓂᕐᒧᑦ ᐱᕕᖃᖅᑎᑕᐅᖁᓪᓗᒋᑦ ᐃᓕᓐᓂᐊᓕᒻᒪᒃᓴᔪᓕᕆᕕᓐᓂᑦ ᐃᓕᓐᓂᐊᑎᑦᑎᔨᖏᑦ, ᐊᒻᒪ ᐃᓕᓐᓂᐊᖅᑎᑦᑎᒍᑎᔅᓴᓂᑦ ᐱᕙᓪᓕᐊᑎᑦᑎᖁᓪᓗᒋᑦ ᐊᒻᒪ ᐃᓕᓐᓂᐊᖅᑎᑦᑎᒍᑎᖃᕐᓗᑎᑦ ᑕᒪᐃᓐᓂᒃ ᓄᓇᕗᒻᒥᑦ ᐅᖃᐅᓰᑦ ᐃᓕᓴᕆᔭᐅᓯᒪᔪᑦ ᐊᑐᕐᓗᒋᑦ.

ᐱᒋᐊᑦᑎᐊᒃᑲᓐᓂᕐᓂᕐᒧᑦ ᐊᑦᑕᕐᓇᙱᑦᑐᒥᑦ ᐊᖏᖃᑎᒌᒍᑎ ᐃᓕᓐᓂᐊᖅᑎᑦᑎᔾᔪᑕᐅᔪᓐᓇᖅᑐᒥᑦ ᐱᑕᖃᖅᑎᑦᑎᓂᐊᖅᑐᖅ ᓴᓗᒻᒪᖅᓴᐃᓂᕐᒥᑦ ᐊᒻᒪ ᓴᓗᒻᒪᖅᓴᐃᑎᔅᓴᑖᖅᑎᑕᐅᓗᑎᑦ ᓄᑕᖅᑲᓄᑦ ᓇᔪᖅᑕᐅᔪᓂᑦ ᑕᒪᒃᑯᓄᖓ ᐃᓕᓐᓂᐊᓕᓵᖅᑐᓂᑦ ᖁᕝᕙᓯᖕᓂᓕᖕᓄᑦ 12-ᒧᑦ ᐃᓕᓐᓂᐊᕐᕕᓐᓄᑦ ᓄᓇᕗᓕᒫᒥᑦ, ᐊᒻᒪᓗ ᓂᐅᕕᕈᑎᔅᓴᐅᓗᑎᑦ ᖃᕆᑕᐅᔭᕋᓛᓂᑦ, ᖃᕆᓴᐅᔭᕋᓛᑦ ᑎᒍᒥᐊᒐᕐᓂᑦ, ᐃᑭᐊᖅᑭᕕᒃᑰᕈᓐᓇᐅᑎᑖᕐᓗᑎᑦ ᐅᖓᓯᑦᑐᒦᓪᓗᑎᑦ ᐃᓕᓐᓂᐊᕐᓂᕐᒥᑦ ᐱᔭᕆᐊᖃᑐᐊᖅᐸᑕ

ᐃᑲᔪᖅᑕᐅᓂᐊᕐᒪᑕ ᑖᓐᓇ ᓄᓇᓕᒃ ᐅᓗᕆᐊᓇᖅᑐᒦᓐᓂᖅᓴᐅᑐᐊᑉᐸᑦ ᓄᕙᒡᔪᐊᕐᓇᖅ-19ᒧᑦ.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᓕᕆᕝᕕᖓ - ᔪᓚᐃ 27, 2020

ᐅᓪᓗᑐᐃᓐᓇᐅᑎᓪᓗᒍ, ᔪᓚᐃ 24−ᒥᑦ ᐃᓕᓐᓂᐊᕐᓂᓕᕆᔨᒃᑯᑦ ᓴᖅᑭᑦᑎᓚᐅᕐᐳᑦ 24-21ᒧᑦ ᓄᓇᕗᒻᒥᑦ ᐃᓕᓐᓂᐊᕐᕖᑦ ᒪᑐᐃᕐᓂᕆᓛᖅᑕᖏᓐᓄᑦ ᐸᕐᓇᐅᑎᒥᑦ: ᐋᓐᓂᐊᖃᕐᓇᙱᑦᑐᓕᕆᓂᖅ ᐊᑦᑕᕐᓇᖅᑕᐃᓕᒪᓂᕐᓗ.

ᓲᖃᐃᒻᒪ ᓇᓗᓇᐃᕐᑕᐅᓯᒪᔪᖃᙱᒻᒪᑦ ᐸᓴᒋᔭᐅᔪᖃᕋᓂᓗ ᓄᕙᒡᔪᐊᕐᓇᖅ-19−ᒥᑦ ᓄᓇᕗᒻᒥᑦ, ᐃᓕᓐᓂᐊᕐᕕᓕᒫᑦ ᐅᒃᑯᐃᓛᕐᑐᑦ, ᐋᖅᑭᒃᓱᖅᑕᐃᓯᒪᓂᒃᑯᑦ, ᓄᑖᒧᑦ ᐃᓕᓐᓂᐊᕐᓇᐅᑉ ᐊᕐᕌᒍᐊᓂᑦ, ᑭᓯᐊᓂ ᐅᖃᕐᐸᑦ ᐋᓐᓂᖃᕐᓇᙱᑦᑐᓕᕆᔨᒻᒪᕆᒃ.

ᖃᐅᔨᓇᓱᒡᓗᑎᒃ ᖃᖓ ᐃᓕᓐᓂᐊᕐᕕᔅᓯ ᐅᒃᑯᐃᓛᕐᒪᖔᑦ ᐃᓕᓐᓂᐊᕐᓂᓕᕆᔨᒃᑯᓪᓗ 2020-21 ᓄᓇᕗᒻᒥᑦ ᐃᓕᓐᓂᐊᕐᕖᑦ ᒪᑐᐃᕐᓂᕆᓛᖅᑕᖏᓐᓄᑦ ᐸᕐᓇᐅᑎ, ᐅᕗᙵᐅᓗᑎᑦ: https://gov.nu.ca/education/information/2020-21-opening-plan-nunavut-schools

ᐸᕐᓇᐃᓂᖅ 2020-21 ᐃᓕᓐᓂᐊᕐᓇᒧᑦ ᐊᕐᕌᒍᒧᑦ

ᐃᓕᓐᓂᐊᕐᕕᓕᒫᑦ ᐊᖅᑭᒃᑕᐅᓯᒪᕗᑦ ᐅᒃᑯᐃᕐᕕᒋᓂᐊᖅᑕᖏᑦ, ᐊᑐᕆᐊᓕᒃ 1 ᒪᓕᒡᓗᒍ, 2020-21−ᒥ ᐃᓕᓐᓂᐊᕐᓇ ᐊᕐᕌᒍᒥ, ᑭᓯᐊᓂ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ ᑎᓕᔭᐅᒃᐸᑕ.
ᐸᕐᓇᐅᑎᒥᑦ ᑎᓴᒪᓂᒃ ᐊᑐᕆᐊᓕᖕᓂᑦ ᓇᓗᓇᐃᖅᓯᒪᕗᖅ ᑐᑭᒧᐊᒃᑎᑦᑎᓂᐊᖅᑐᓂᒃ ᐃᓕᓐᓂᐊᕐᕖᑦ ᐊᐅᓚᓂᕆᔭᖏᓐᓂᒃ, ᐊᒃᑐᖅᑕᐅᓯᒪᓂᖏᑦ ᒪᓕᒡᓗᒋᑦ ᓄᕙᕐᔪᐊᕐᓇᖅ-4−ᒧᑦ ᐊᑐᓂ ᓄᓇᓕᖕᓂ.
ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᒃ ᖃᐅᔨᓇᓱᓛᕐᐳᖅ ᓄᓇᓖᑦ ᐊᑐᕐᐸᓪᓕᐊᔭᖏᓐᓄᐊᕐᐸᓪᓕᐊᓂᒃᓴᖏᓐᓂᑦ.
ᑐᓴᒃᑲᓐᓂᒐᒃᓴᓄᑦ, ᖃᐅᔨᒋᐊᕐᓗᒍ ᐃᓕᓐᓂᐊᕐᓂᓕᕆᔨᒃᑯᑦ ᐃᑭᐊᖅᑭᕕᐊ ᓈᓚᒃᐸᒡᓗᓯᓗ ᓄᓇᕗᑦ ᒐᕙᒪᒃᑯᖏᑦᑕ ᐱᕙᓪᓕᐊᔪᓂᒃ ᑐᓴᒐᒃᓴᓕᐅᓕᕌᖓᒥᒃ.

ᐃᓕᓴᐃᔨᑦ/ᐃᓕᓐᓂᐊᕐᕕᖕᓂᑦ ᐃᖅᑲᓇᐃᔭᖅᑎᑦ

ᐃᓕᓴᐃᔨᑖᕐᑐᕐᓂᖅ ᐊᖑᒻᒪᑎᔪᐃᑦ 2020-21 ᐃᓕᓐᓂᐊᕐᓂᐅᑉ ᐊᕐᕌᒍᐊᓄᑦ.
- ᒫᓐᓇ 30−ᓂᑦ ᐅᒃᑯᐃᖓᔪᓕᑦ ᐃᓕᓴᐃᔨᒃᓴᓄᑦ ᐃᖅᑲᓇᐃᔮᒃᓴᓕᑦ ᓄᓇᕗᒥᑦ.
ᐃᓕᓴᐃᔩᑦ ᐃᓕᓐᓂᐊᕐᕕᖕᒥᓪᓗ ᐃᖅᑲᓇᐃᔭᖅᑎᑦ ᓇᓗᓇᐃᕐᑕᐅᓯᒪᙱᒻᒪᑕ ᐱᕕᔾᔪᐊᑎᑐᑦ ᐊᒻᒪᓗ ᒪᓕᒋᐊᖃᕆᓪᓗᑎᒃ ᐊᔾᔨᑐᐃᓐᓇᖏᓐᓂᑦ ᐃᓄᑑᓂᕐᓂᑦ ᐊᓯᖏᑎᑐᑦ ᓄᓇᕗᒻᒥᐅᑎᑐᑦ ᐅᑎᕐᐸᓪᓕᐊᔪᑦ ᓄᓇᕗᒻᒧᑦ.
ᐱᓕᕆᕝᕕᐅᔪᖅ ᐱᓕᕆᖃᑎᖃᓚᐅᕐᑐᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᓐᓂᑦ ᐃᓂᒃᓴᓕᐅᕐᖢᑎᒃ ᑐᔪᕐᒥᕕᖕᓂᑦ ᐅᑎᕐᕕᒃᓴᖏᓐᓂᒡᓗ ᑖᒃᑯᐊᓗ ᓄᓇᕗᑦ ᓯᓚᑖᓂᕐᒥᐅᑦ ᐃᓕᓐᓂᐊᕐᕕᖕᓂᑦ ᐃᖅᑲᓇᐃᔭᖅᑎᑦ ᐅᑎᖁᓪᓗᒋᑦ ᐱᒋᐊᖕᓂᖓᓂᑦ ᐃᓕᓐᓂᐊᕐᓇᐅᑉ ᐊᕐᕌᒍᐊᓂᑦ.

ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᒻᒪ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᔪᖅᑎᑦᑎᒍᑕᐅᓂᐊᖅᑐᑦ

ᐋᓐᓂᐊᖃᕐᓇᖏᑦᑐᓕᕆᓂᕐᒧᑦ ᐊᒻᒪ ᐊᑦᑕᕐᓇᖅᑕᐃᓕᒪᓂᕐᒧᑦ ᐊᔪᖅᑎᑦᑎᒍᑕᐅᔪᑦ ᐊᔾᔨᒌᙱᑦᑑᑕᐅᖕᒪᑕ ᐊᒥᓱᓂᑦ ᐱᔾᔪᑎᓕᖕᓄᑦ:
- ᐋᖅᑭᒃᓯᒪᑦᑎᐊᕆᐊᖃᖅᐳᖅ ᐅᓗᕆᐊᓇᕐᓂᖓ ᐊᐃᑦᑐᕐᓗᐃᑐᐃᓐᓇᕆᐊᓖᑦ ᓯᐊᒻᒪᒃᐸᓪᓕᐊᑐᐃᓐᓇᕆᐊᓕᒡᓗ ᓄᕙᒡᔪᐊᕐᓇᖅ-19 ᓄᑕᖅᑲᓂᑦ ᐃᓕᓐᓂᐊᕐᕖᑦ ᒪᑐᔭᐅᑐᐃᓐᓇᕆᐊᖃᓕᕐᓗᑎᒃ ᑎᒥᒃᑯᑦ ᐃᓱᒪᒃᑯᓪᓗ ᖃᓄᐃᙱᑦᑎᐊᖁᓪᓗᒋᑦ.
- ᒫᓐᓇ ᖃᐅᔨᔾᔪᑕᐅᔪᑦ ᓇᓗᓇᐃᖅᓯᕗᑦ ᓄᑕᖅᑲᑦ ᐊᑦᑕᕐᓇᙱᓐᓂᖅᓴᒦᑐᐃᓐᓇᕆᐊᓖᑦ ᓄᕙᒡᔪᐊᕐᓇᖅ-19−ᒧᑦ ᐋᓐᓂᐊᕐᓇᖅᑐᒧᑦ ᐊᒻᒪ ᐊᐃᑦᑐᕐᓗᐃᖏᓐᓂᖅᓴᐅᔪᓐᓇᖅᖢᑎᒃ ᐊᓯᒥᖕᓄᑦ.
- ᐃᓕᓐᓂᐊᕐᕖᑦ ᐊᐅᓚᑕᐅᖕᒪᑕ, ᐊᐃᑦᑐᕐᑐᖃᕈᓂ ᖁᐱᕐᕈᐊᕐᔪᖕᒥᑦ ᐊᐅᓚᑕᐅᔪᓐᓇᕐᐳᑦ ᖃᐅᔨᓴᑲᐅᕐᑐᕐᓵᓕᔪᓐᓇᕐᓗᑎᒃᓗ.
ᐃᓕᓐᓂᐊᕐᓂᓕᕆᔨᒃᑯᑦ, ᐋᓐᓂᐊᖃᖅᑕᐃᓕᒪᔪᓕᕆᔨᒻᒪᕆᒃ, ᐃᓕᓐᓂᐊᕐᑐᓕᕆᔨᒃᑯᑦ/ᐅᐃᕖᑦ ᐃᓕᓐᓂᐊᕐᑐᓕᕆᓂᕐᒧᑦ ᑲᑐᔾᔨᖃᑎᒌᖏᑦ ᓄᓇᕗᒻᒥ ᐃᓚᐅᓚᐅᕐᑐᑦ ᐋᖅᑭᒃᓱᐃᑎᓪᓗᒋᑦ ᐋᓐᓂᐊᖅᑕᐃᓕᒪᓂᖕᒧᑦ ᐊᑦᑕᕐᓇᖅᑕᐃᓕᒪᓂᖕᒧᓪᓗ ᐸᖕᓇᐅᓯᐅᕐᑎᓪᓗᒋᑦ.
ᓴᓗᒻᒪᕐᓴᐃᒋᐊᓪᓚᒃᑕᐅᖃᑦᑕᕐᓂᐊᕐᑐᑦ ᐃᓕᓐᓂᐊᕐᕕᓕᒫᑦ, ᓴᓗᒻᒪᕐᓴᐃᔩᓪᓗ ᑐᓂᔭᐅᓂᐊᕐᖢᑎᒃ ᒪᓕᒐᒃᓴᓂᑦ ᐱᓕᒻᒪᒃᓴᕐᑕᐅᓗᑎᒃᓗ.

ᐃᓕᑦᑎᕙᓪᓕᐊᓕᖅ ᐃᓕᓐᓂᐊᕐᑎᑦᑎᓂᕐᓗ

ᐱᓕᕆᐊᖑᓪᓗᐊᑕᓛᕐᑐᑦ ᓯᕗᓪᓕᕐᓂᑦ ᑕᖅᑭᐅᔪᓂᑦ ᐃᓕᓐᓂᐊᕐᓂᖅ ᐅᑎᕐᓂᖕᒧᑦ, ᖃᐅᔨᓴᕐᓂᖕᒧᑦ, ᐃᓕᓐᓂᐊᕐᑎᑦᑎᓂᖕᒧᓪᓗ.
ᐃᓕᓐᓂᐊᕐᕕᖕᒥᑦ ᐃᖅᑲᓇᐃᔭᖅᑎᑦ ᑐᓂᔭᐅᓛᕐᑐᑦ ᒪᓕᒐᒃᓴᓂᑦ ᐃᓕᓐᓂᐊᕈᑎᒃᓴᓂᒡᓗ, ᐃᓕᓐᓂᐊᕐᑎᑦᑎᓂᖕᒧᑦ, ᖃᐅᔨᓴᕐᓂᖕᒧᓪᓗ, ᐃᓚᐅᓪᓗᓂ ᑐᓴᐅᒪᔭᒃᓴᑦ ᐅᖓᓯᒃᑐᒥᑦ ᐃᓕᓐᓂᐊᕐᑎᑦᑎᓂᖕᒧᑦ, ᓂᕆᐅᒋᔭᓪᓗ ᑐᓴᐅᒪᖃᑎᒌᖕᓂᖕᒧᑦ ᐃᓕᓐᓂᐊᕐᑎᓂᑦ.

ᐃᓅᖃᑎᒥᑦ ᐅᖓᓯᒌᖃᑦᑕᐅᑎᓂᖅ ᒪᑐᐊᖅᓯᒪᔾᔪᑏᓪᓗ

ᐃᓅᖃᑎᒥᑦ ᐅᖓᓯᒌᖃᑦᑕᐅᑎᔭᕆᐊᖃᕐᓂᐅᔪᖅ ᐊᑐᖅᑕᐅᓂᐊᖅᑐᖅ ᐸᕐᓇᐅᑎᐅᔪᒥᑦ ᓇᓪᓕᐊᓐᓃᓐᓂᖏᑦ ᓄᓇᓕᒃ ᒪᓕᓪᓗᒍ.
ᑭᓯᐊᓂᓕ, ᐃᓕᓐᓂᐊᖅᑏᑦ ᐃᓚᐃᓐᓇᖏᑦ ᐃᓕᓐᓂᐊᕆᐊᖅᑎᑕᐅᓗᑎᑦ ᐃᑲᔫᑎᖃᕐᓂᐊᖅᑐᖅ ᑲᑎᙵᖃᑦᑕᐅᑎᖏᓐᓂᖅᓴᐅᖁᓪᓗᒋᑦ, ᐱᔭᕆᐊᖃᑐᐊᖅᐸ ᑕᐃᒫᒃ.
ᐱᓕᕆᕝᕕᐅᔪᖅ ᐱᓕᕆᖃᑎᖃᖕᓂᐊᕐᑐᑦ ᐃᓕᓐᓂᐊᕐᕕᖕᓂᑦ ᐃᓕᓐᓂᐊᕐᑐᓕᕆᔨᒃᑯᓐᓂᒡᓗ ᐊᑐᕆᐊᓕᖕᒦᓕᕈᑎᒃ 2−ᓗ 3−ᓗ ᐱᔾᔪᑎᓖᒃ ᐅᖓᓯᒋᐊᖃᖕᓂᖕᓂᑦ, ᐃᓚᐅᓪᓗᑎᒃ ᐋᖅᑭᒃᓱᐃᓂᕐ ᐃᓕᓐᓂᐊᕐᑎᑦ ᐃᑲᔪᕐᑎᖏᑎᒍᑦ.
ᖃᖓᑐᐃᓐᓇᒃᑯᑦ, ᓱᕈᓰᑦ ᒪᑐᐊᖅᓯᒪᖁᔭᐅᙱᓚᑦ.
- ᑭᓯᐊᓂ ᐱᖁᔭᐅᓂᖏᓐᓄᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ, ᐃᓛᓐᓂᒃᑯᑦ ᐃᓕᓐᓂᐊᕐᑎᑦ ᒪᑐᐊᕐᓯᒪᓪᓗᐊᕋᔭᕐᑐᑦ.
- ᐃᓚᖏᑦ ᐃᓕᓐᓂᐊᕐᕕᖕᒥᑦ ᐃᖅᑲᓇᐃᔭᕐᑎᑦ ᒪᑐᐊᕐᓯᒪᑐᐃᓐᓇᕆᐊᓕᑦ, ᐅᖓᓯᒍᓐᓇᙱᒃᑯᑎᒃ ᐱᔭᕆᐊᖃᕐᑎᑕᐅᓗᓂ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᖕᒧᑦ.
ᐃᓕᓐᓂᐊᕐᕕᖕᓂᑦ ᑲᑎᖃᑦᑕᔾᔮᙱᓚᑦ ᑲᑎᙵᐅᖁᓇᒋᑦ ᐃᓕᓐᓂᐊᕐᑎᑦ.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᓕᕆᕝᕕᖓ - ᔪᓚᐃ 20, 2020

ᐃᓕᓐᓂᐊᕐᓂᓕᕆᔨᒃᑯᑦ ᓴᖅᑭᑦᑎᓂᐅᓕᖅᐳᑦ 2020-21−ᒥ ᐅᒃᑯᐃᖅᑕᐅᕝᕕᒃᓴᖓᓄᑦ ᐸᕐᓇᐅᑎᒥᒃ ᓄᓇᕗᒻᒥ ᐃᓕᓐᓂᐊᕐᕕᖕᓄᑦ ᑐᕌᖓᔪᒥᒃ ᔪᓚᐃ ᓄᙳᐊᓂ.

ᐃᖅᑲᓇᐃᔭᖅᑎᕗᑦ ᐃᓕᓐᓂᐊᖅᑎᕗᓪᓗ ᐊᑦᑕᕐᓇᖅᑕᐃᓕᒪᓂᖏᑦ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᓯᕗᓪᓕᐅᔾᔭᐅᕗᖅ. ᐱᓕᕆᖃᑎᒌᑦᑎᐊᕐᓂᒃᑯᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ, ᑐᑭᓯᓇᑦᑎᐊᖅᑐᓂᒡᓗ ᐊᑐᖅᑕᐅᔭᕆᐊᖃᕐᓗᓂ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ, ᐃᓕᓐᓂᐊᕐᓂᓕᕆᔨᒃᑯᑦ ᐃᓕᓐᓂᐊᖅᑎᖁᑎᑦᑎᓐᓂ ᐃᓕᓐᓂᐊᖁᔨᕗᑦ ᐊᑦᑕᕐᓇᙱᑦᑐᒥᑦ, ᐃᑲᔪᖅᑐᐃᔪᒥᓪᓗ.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᓕᕆᕝᕕᖓ - ᔪᓚᐃ 13, 2020

ᒫᑦᓯ 17−ᒥᓂᓂᑦ, ᐃᓕᓐᓂᐊᕐᕖᑦ ᒪᑐᓚᐅᖅᐳᑦ ᐃᓕᓐᓂᐊᕐᑎᓄᑦ, ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᖃᑎᖃᑦᑎᐊᕐᓯᒪᐃᓐᓇᕐᑐᑦ ᐱᕙᒌᔭᐅᓪᓗᑎᒃ ᐊᒡᒋᖅᑐᒧᑦ 2020-21 ᐃᓕᓐᓂᐊᕐᓇᐅᑉ ᐊᕐᕌᒍᐊᓄᑦ, ᐱᓕᕆᐊᖃᓗᐊᕐᓗᑎᒃ ᓄᕙᒡᔪᐊᕐᓇᖅ-19 ᓄᓇᕐᔪᐊᒥᑦ ᖃᓂᒪᓐᓇᖅ.

ᑐᓴᒐᒃᓴᒃᑲᓐᓃᑦ ᐸᕐᓇᐅᑎᓄᑦ ᐊᑐᖅᑕᐅᔭᕆᐊᓕᖕᓄᓪᓗ ᐅᒃᑯᐃᕐᓂᐊᓕᕐᓗᓂ ᐃᓕᓐᓂᐊᕐᕖᑦ ᐊᑐᐃᓐᓇᐅᓛᖅᑐᑦ ᐃᓄᓕᒫᓄᑦ ᐱᐊᓂᒃᑕᐅᒃᐸᑕ. ᐃᓚᖃᕐᓂᐊᖅᑐᖅ ᓇᓗᓇᐃᔭᑦᑎᐊᕐᓯᒪᔪᓂᑦ ᐊᑐᖅᑕᐅᔭᕆᐊᓕᖕᓂᑦ ᐋᓐᓂᐊᖅᑕᐃᓕᒪᑎᑦᑎᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ, ᐃᓕᓐᓂᐊᕐᓂᕐᓗ ᖃᐅᔨᓴᕐᓂᕐᓗ, ᐃᓕᓐᓂᐊᖅᑎᑦ ᐃᖅᑲᓇᐃᔭᖅᑎᓪᓗ ᖃᓄᐃᙱᑦᑎᐊᕐᓂᖏᑦ.

ᐃᓕᓐᓂᐊᕐᓂᓕᕆᔨᒃᑯᑦ ᓴᖅᑭᑦᑎᓂᐊᕐᑐᑦ ᓯᕗᓪᓕᖅᐹᒥᑦ ᑎᑎᖅᑲᒥᑦ ᐃᓕᓐᓂᐊᕐᕕᑦ ᐅᒃᑯᐃᓛᖕᓂᖓᑕ ᐸᕐᓇᐅᑖᓂ ᑕᖅᑭᐅᑉ ᓄᙳᐊᓂᑦ, ᕿᒥᕐᕈᔭᐅᓚᐅᕐᓗᓂ ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᖕᒧᑦ ᐱᓕᕆᕝᕕᐅᔪᓪᓗ ᑐᓴᖅᓯᒪᓕᕐᓗᑎᒃ ᐃᓕᓐᓂᐊᕐᓂᕐᒧᑦ ᐱᖃᖃᑕᐅᔪᓂᑦ.

ᐃᖅᑲᓇᐃᔭᖅᑎᕗᑦ ᐃᓕᓐᓂᐊᖅᑎᕗᓪᓗ ᐊᑦᑕᕐᓇᖅᑕᐃᓕᒪᓂᖏᑦ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᓯᓯᕗᓪᓕᐅᔾᔭᐅᕗᖅ. ᐱᓕᕆᖃᑎᒌᑦᑎᐊᕐᓂᒃᑯᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᒃ, ᑐᑭᓯᓇᑦᑎᐊᖅᑐᓂᒡᓗ ᐊᑐᖅᑕᐅᔭᕆᐊᖃᕐᓗᓂ ᐋᓐᓂᐊᖅᑕᐃᓕᒪᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ, ᐃᓕᓐᓂᐊᕐᓂᓕᕆᔨᒃᑯᑦ ᐃᓕᓐᓂᐊᖅᑎᖁᑎᑦᑎᓐᓂ ᐃᓕᓐᓂᐊᖁᔨᕗᑦ ᐊᑦᑕᕐᓇᙱᑦᑐᒥᑦ, ᐃᑲᔪᖅᑐᐃᔪᒥᓪᓗ.

ᐱᖓᔪᐊᓂ ᔪᓚᐃ 15, ᑕᐃᕕᑦ ᔪᐊᓇᓯ, ᒥᓂᔅᑕ ᐃᓕᓐᓂᐊᕐᓂᓕᕆᓂᕐᒧᑦ, ᐊᒻᒪ ᓘᒃᑖᖅ ᒪᐃᑯᓪ ᐸᑕᓴᓐ, ᐊᓐᓂᐊᖃᕐᓇᙱᑦᑐᓕᕆᔨᒻᒪᕆᒃ, ᐃᓕᓐᓂᐊᖅᑐᓕᕆᔨᒃᑯᑦ ᑲᑎᒪᔨᖏᓐᓂᒃ ᐅᖃᓘᑎᒃᑯᑦ ᑲᑎᒪᖃᑎᑲᕐᓂᐊᖅᑐᑦ, ᐅᐃᕖᑦ ᐃᓕᓐᓂᐊᖅᑐᓕᕆᓂᕐᒧᑦ ᑲᑎᒪᔨᖏᓐᓂᒃ ᓄᓇᕗᒻᒥ, ᐊᒻᒪ ᑲᑐᔾᔨᖃᑎᒌᑦ ᓄᓇᕗᒻᒥ ᐃᓕᓐᓂᐊᖅᑐᓕᕆᔨᒃᑯᓐᓂ ᐅᖃᐅᓯᖃᕐᓗᑎᒃ ᖃᓄᐃᙱᑦᑎᐊᕐᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᐃᓱᒪᒋᔭᕆᐊᓕᖕᓂᒃ ᐃᓕᓐᓂᐊᖅᑐᓕᕆᔨᒃᑯᑦ ᐃᓕᓐᓂᐊᕐᕕᖕᓂ ᐅᒃᑯᐃᖅᓯᔪᒪᓂᕐᒧᑦ ᐸᕐᓇᐅᑎᒧᑦ ᐊᒃᑐᐊᓂᓕᖕᓂᒃ.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᓕᕆᕝᕕᖓ - ᔪᓚᐃ 6, 2020

ᒫᑦᓯ 17−ᒥᓂᓂᑦ, ᐃᓕᓐᓂᐊᕐᕖᑦ ᒪᑐᓚᐅᕐᐳᑦ ᐃᓕᓐᓂᐊᕐᑎᓄᑦ, ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᖃᑎᖃᑦᑎᐊᕐᓯᒪᐃᓐᓇᕐᑐᑦ ᐱᕙᒌᔭᐅᓪᓗᑎᒃ ᐊᒡᒋᖅᑐᒧᑦ 2020-21 ᐃᓕᓐᓂᐊᕐᓇᐅᑉ ᐊᕐᕌᒍᐊᓄᑦ, ᐱᓕᕆᐊᖃᓗᐊᕐᓗᑎᒃ ᓄᕙᒡᔪᐊᕐᓇᖅ-19 ᓄᓇᕐᔪᐊᒥᑦ ᖃᓂᒪᓐᓇᖅ.

ᑐᓴᒐᒃᓴᒃᑲᓐᓃᑦ ᐸᖕᓇᐅᑎᓄᑦ ᐊᑐᕐᑕᐅᔭᕆᐊᓕᖕᓄᓪᓗ ᐅᒃᑯᐃᕐᓂᐊᓕᕐᓗᓂ ᐃᓕᓐᓂᐊᕐᕖᑦ ᐊᑐᐃᓐᓇᐅᓛᖅᑐᑦ ᐃᓄᓕᒫᓄᑦ ᐱᐊᓂᒃᑕᐅᒃᐸᑕ. ᐃᓚᖃᕐᓂᐊᖅᑐᖅ ᓇᓗᓇᐃᔭᑦᑎᐊᕐᓯᒪᔪᓂᑦ ᐊᑐᕐᑕᐅᔭᕆᐊᓕᖕᓂᑦ ᐋᓐᓂᐊᖅᑕᐃᓕᒪᑎᑦᑎᓂᖕᒧᑦ ᐊᑦᑕᖕᓇᖅᑕᐃᓕᒪᓂᖕᒧᓪᓗ, ᐃᓕᓐᓂᐊᕐᓂᖕᓗ ᖃᐅᔨᓴᖕᓂᕐᓗ, ᐃᓕᓐᓂᐊᕐᑎᑦ ᐃᖅᑲᓇᐃᔭᖅᑎᓪᓗ ᖃᓄᐃᙱᑦᑎᐊᖕᓂᖏᑦ.

ᐃᓕᓐᓂᐊᕐᓂᓕᕆᔨᒃᑯᑦ ᓴᖅᑭᑦᑎᓂᐊᕐᑐᑦ ᓯᕗᓪᓕᖅᐹᒥᑦ ᑎᑎᖅᑲᒥᑦ ᐃᓕᓐᓂᐊᕐᕕᑦ ᐅᒃᑯᐃᓛᖕᓂᖓᑕ ᐸᖕᓇᐅᑖᓂ ᑕᖅᑭᐅᑉ ᓄᙳᐊᓂᑦ, ᕿᒥᕐᕈᔭᐅᓚᐅᕐᓗᓂ ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᖕᒧᑦ ᐱᓕᕆᕝᕕᐅᔪᓪᓗ ᑐᓴᖅᓯᒪᓕᕐᓗᑎᒃ ᐃᓕᓐᓂᐊᕐᓂᖕᒧᑦ ᐱᖃᖃᑕᐅᔪᓂᑦ.

ᐃᖅᑲᓇᐃᔭᖅᑎᕗᑦ ᐃᓕᓐᓂᐊᕐᑎᕗᓪᓗ ᐊᑦᑕᖕᓇᖅᑕᐃᓕᒪᓂᖏᑦ ᐃᓕᓐᓂᐊᕐᓂᓕᕆᔨᒃᑯᑦ ᓯᕗᓪᓕᐅᔾᔭᕆᕙᔾᔪᒃ. ᐱᓕᕆᖃᑎᒋᑦᑎᐊᖕᓂᒃᑯᑦ ᐋᓐᓂᐊᖃᖕᓇᙱᑦᑐᓕᕆᔨᒻᒪᕆᒃ, ᑐᑭᓯᓇᑦᑎᐊᕐᑐᓂᒡᓗ ᐊᑐᕐᑕᐅᔭᕆᐊᖃᕐᓗᓂ ᐋᓐᓂᐊᖅᑕᐃᓕᒪᓂᖕᒧᑦ ᐊᑦᑕᖕᓇᖅᑕᐃᓕᒪᓂᖕᒧᓪᓗ, ᐃᓕᓐᓂᐊᕐᓂᓕᕆᔨᒃᑯᑦ ᐃᓕᓐᓂᐊᕐᑎᖁᑎᑦᑎᓐᓂ ᐃᓕᓐᓂᐊᖁᔨᕗᑦ ᐊᑦᑕᖕᓇᙱᑦᑐᒥᑦ, ᐃᑲᔪᖅᑐᐃᔪᒥᓪᓗ.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᓕᕆᕝᕕᖓ - ᒪᐃ 28, 2020

ᐃᓕᓐᓂᐊᕐᓂᓕᕆᔨᒃᑯᑦ ᐋᖅᑭᒃᓯᓯᒪᕗᑦ ᐊᑐᖅᑕᐅᔪᓐᓇᖅᑐᓂᒃ ᐸᐃᕆᕝᕕᑦ ᒪᑐᐃᖅᑕᐅᒃᑲᓐᓂᕋᔭᕐᓂᖏᓐᓄᑦ,ᐃᓚᖃᐊᖃᖅᖢᓂ ᑕᒪᓐᓇ ᑐᓴᖅᑕᐅᔪᒃᓴᓂᒃ ᐱᐅᓯᒋᐊᖅᓯᒪᔪᓂᒃ ᓴᓗᒻᒪᖅᓴᐃᓇᔭᕐᓂᕐᒥᒃ ᓴᓗᒪᓇᔭᕐᓂᕐᒥᒡᓗ, ᑎᒥᒃᑯᓪᓗ ᐅᖓᓯᒌᒋᐊᖃᖅᐸᖕᓂᕐᒥᒃ ᐊᔾᔭᖅᓯᔪᖃᕌᖓᑦ ᐊᐃᒃᖠᖅᑐᖃᕌᖓᓪᓘᓐᓃᑦ. ᑐᑭᓯᒋᐊᒃᑲᓐᓂᕈᒪᒍᕕᑦ ᐅᕗᙵᐅᓗᑎᑦ:

English - https://gov.nu.ca/education/information/child-care-facility-guidelines-re-opening-june-1-2020

Inuktitut - https://gov.nu.ca/iu/education/information/pairivvinnut-atuagait-matuikanniqpata-juuni-1-2020mit

Inuinnaqtun - https://gov.nu.ca/in/ilinniaqtuliqiyikkut/information/nutaqqiqiviit-igluqpaini-maligahat-angmaffaaqata-imaruqtirviani-1

French - https://gov.nu.ca/fr/education/information/directives-pour-la-reouverture-des-etablissements-de-garde-denfants-le-1er

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᓕᕆᕝᕕᖓ - ᒪᐃ 25, 2020

ᐃᓕᓐᓂᐊᕐᓂᓕᕆᔨᒃᑯᑦ ᖃᐅᔨᒋᐊᕐᕕᖃᕐᓂᐊᖅᐳᑦ ᑕᒪᐃᓐᓄᑦ ᓚᐃᓴᓕᖕᓄᑦ ᐸᐃᕆᕝᕕᖕᓄᑦ ᐅᓪᓗᓂ ᐊᒡᒋᖅᐸᓪᓕᐊᔪᓂ.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᓕᕆᕝᕕᖓ - ᒪᐃ 08, 2020

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᐱᔪᓐᓇᐅᑎᖃᖅᑐᓄᑦ ᐸᐃᕆᕝᕕᖕᓄᑦ

ᒫᑦᓯ 17−ᒥᑦ ᐊᐃᕆᓕ 21, 2020−ᒧᑦ, ᓄᓇᕗᑦ ᒐᕙᒪᖓᒃᑯᖏᑦ ᐱᑎᑦᑎᓚᐅᖅᐳᑦ ᓚᐃᓴᓕᖕᓂᒃ ᐸᐃᕆᕝᕕᖕᓂᒃ $885,000−ᓂᒃ ᐊᑭᓕᐅᑕᐅᓇᔭᖅᑐᓂᒃ ᐊᖓᔪᖅᑳᑦ ᐊᑭᓕᕋᔭᖅᑕᖏᓐᓂᒃ. ᑕᒪᓐᓇ ]ᖕᓇᐅᔭᖃᖅᑎᑦᑎᓂᖅ ᐊᔪᖅᑎᑦᑎᙱᓚᖅ ᐃᓂᒋᔭᐅᔪᓂᒃ ᐊᑭᓖᙱᓐᓇᖃᑦᑕᕈᓐᓇᕐᓂᕐᒥᒃ ᐃᖅᑲᓇᐃᔭᖅᑎᓂᒃ, ᓅᑉᐸᓪᓕᐊᓂᖏᓐᓂ ᑮᓇᐅᔭᑎᒍᑦ ᐃᑲᔪᖅᑐᖅᑕᐅᓂᕐᒧᑦ ᐱᓕᕆᐊᖑᕙᒃᑐᓄᑦ ᒪᓂᒪᑎᑕᐅᔪᓄᑦ ᑲᓇᑕᐅᑉ ᒐᕙᒪᖓᓂᑦ, ᓲᕐᓗ ᐅᑯᐊ, ᑲᓇᑕᒥ ᑐᐊᕕᕐᓇᖅᑐᖅᑕᖃᖅᑎᓪᓗᒍ ᑭᐅᓯᓂᕐᒧᑦ ᐱᕚᓪᓕᕈᑕᐅᕙᒃᑐᑦ ᐊᒻᒪᓗ ᑲᓇᑕᒥᐅᓄᑦ ᐊᑭᓕᖅᓱᖅᑕᐅᕙᖕᓂᕐᒧᑦ ᐃᑲᔫᓯᐊᕐᓂᕐᒧᑦ ᐱᓕᕆᐊᖑᔪᒥ.
ᑖᓐᓇ ᑲᓇᑕᒥᐅᓄᑦ ᐊᑭᓕᖅᓱᖅᑕᐅᕙᔭᖕᓂᕐᒧᑦ ᐃᑲᔫᓯᐊᕐᓂᕐᒧᑦ ᐱᓕᕆᐊᖑᔪᖅ 75% −ᖓᓂᒃ ᐃᖅᑲᓇᐃᔭᖅᑎᐅᑉ ᐊᑭᓕᖅᓱᖅᑕᐅᕙᖕᓂᖓᑕ ᐱᑎᑦᑎᕗᖅ, ᒫᓐᓇᓗ ᐅᖓᕙᕆᐊᖅᑎᑕᐅᓯᒪᓕᖅᖢᓂ ᔫᓂ ᐅᖓᑖᓄᑦ.
ᐃᓕᓐᓂᐊᕐᓂᓕᕆᔨᒃᑯᑦ ᐱᑎᑦᑎᕗᑦ ᓚᐃᓴᓕᖕᓂᒃ ᐸᐃᕆᕕᖕᓂᒃ ᐃᒪᓐᓇᓂᒃ
$4.2−ᓂᒃ ᐊᕐᕌᒍᑖᒫᑦ ᐊᐅᓚᓂᕐᒧᑦ ᑲᒪᒋᔭᖃᖅᐸᖕᓂᕐᒧᓪᓗ ᑮᓇᐅᔭᖁᑎᒋᔭᐅᔪᓂᒃ. ᑕᒪᓐᓇ ᑮᓇᐅᔭᖃᖅᑎᑦᑎᓂᖅ ᑲᔪᓰᓐᓇᕐᓂᐊᖅᐳᖅ ᑕᒪᒃᑯᐊ ᐃᓂᒋᔭᐅᕙᒃᑐᑦ ᒪᑐᔭᐅᓯᒪᑎᓪᓗᒋᑦ ᑕᐃᒪᐃᔾᔪᑎᖃᖅᖢᑎᒃ ᓄᕙᒡᔪᐊᕐᓇᖅ-19 ᓇᒧᙵᕈᓘᔭᖅᑐᒧᑦ.
ᐃᓕᓐᓂᐊᕐᓂᓕᕆᔩᑦ ᐱᑎᑦᑎᖃᑦᑕᐃᓐᓇᖅᐳᑦ ᓚᐃᓴᖃᖅᑎᑦᑎᓂᕐᒥᒃ ᐸᐃᕆᕝᕕᖕᓄᑦ, ᐊᔪᕈᓐᓃᖅᓴᖅᑎᑦᑎᓂᕐᒧᑦ ᐃᖅᑲᓇᐃᔭᖅᑎᓂᒃ, ᓴᖅᑭᑎᑦᑎᓂᕐᒧᓪᓗ ᑐᓂᐅᖅᑲᐃᓂᕐᒧᓪᓗ ᐃᓕᓐᓂᐊᕐᓂᒧᑦ ᐊᑐᖅᑕᐅᖃᑦᑕᕐᓂᐊᖅᑐᓂᒃ
ᓄᓇᕗᑦ ᒐᕙᒪᖓ ᐱᓕᕆᖃᑎᖃᐃᓐᓇᖅᐳᖅ ᑲᓇᑕᐅᑉ ᒐᕙᒪᖓᓂᒃ, ᓄᓇᕗ ᑐᙵᕕᒃᑯᓐᓂᒃ, ᐊᕕᒃᓯᒪᓂᕐᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ, ᐊᓯᖏᓐᓂᒡᓗ ᐱᖃᖃᑕᐅᔪᓂᒃ ᐃᑲᔪᖅᑐᐃᔪᒪᓪᓗᑎᒃ ᐸᐃᕆᕝᕕᖕᓂᒃ ᓄᕙᒡᔪᐊᕐᓇᖅ-19 ᓇᒧᙵᕈᓗᔭᖅᓯᒪᓂᖓᓂ.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᓕᕆᕝᕕᖓ - ᐄᐳᕈ 30, 2020

ᐃᓕᓐᓂᐊᕐᕖᑦ ᒥᑦᑎᒪᑕᓕᖕᒥ ᒪᑐᔭᐅᓯᒪᕗᑦ ᓄᓇᓕᖕᒥᐅᓄᑦ, ᐃᓚᒋᔭᐅᓪᓗᑎᒃ ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑏᑦ, ᑐᓴᖅᑎᑦᑎᔪᖃᒃᑲᓐᓂᓚᐅᙱᓐᓂᖓᓂ ᐊᓯᐊᓂᒃ.

ᑐᓂᐅᖅᑲᐃᕙᖕᓂᖅ ᐃᓕᓐᓂᐊᖅᑏᑦ ᐃᓕᑦᑎᕙᓪᓕᐊᓂᕐᒧᑦ ᐊᑐᖃᑦᑕᕐᓂᐊᖅᑕᖏᓐᓂᒃ ᒥᑦᑎᒪᑕᓕᖕᒥ ᓄᖅᑲᖅᑎᑕᐅᕗᖅ ᐅᖃᐅᓯᐅᒃᑲᓐᓂᓚᐅᙱᓐᓂᖓᓂ.

ᑕᒪᕐᒥᑦᑎᐊ ᐃᓕᓐᓂᐊᕐᓂᓕᕆᓂᕐᒧᑦ ᐃᖅᑲᓇᐃᔭᖅᑏᑦ, ᐃᓚᒋᔭᐅᓪᓗᑎᒃ ᐃᓕᓐᓂᐊᕐᕕᖕᓂ ᐃᖅᑲᓇᐃᔭᖅᑏᑦ, ᐃᖅᑲᓇᐃᔭᕆᐊᖃᖅᑎᑕᐅᕗᑦ ᐊᖏᕐᕋᕆᔭᒥᓂ ᐊᔪᕐᓇᙱᑉᐸᑦ.

ᑕᒪᒃᑯᐊ ᐊᑐᖅᑕᐅᔪᒃᓴᐃᑦ ᓇᓗᙱᑦᑎᐊᕈᑕᐅᓂᐊᖅᐳᑦ ᖃᓄᐃᙱᑦᑎᐊᕐᓂᖏᓐᓄᑦ ᖁᐊᖅᓵᕐᓇᖅᑐᒦᙱᓐᓂᖏᓐᓂᒡᓗ ᒥᑦᑎᒪᑕᓕᖕᒥ ᐃᓕᓐᓂᐊᖅᑏᑦ, ᐃᓚᒌᑦ, ᐃᖅᑲᓇᐃᔭᖅᑏᓪᓗ.

ᐃᓕᓐᓂᐊᕐᓂᓕᕆᔨᒃᑯᑦ ᐃᑲᔪᖅᑐᐃᓂᐊᖅᐳᑦ ᐊᓯᖏᓐᓄᑦ ᓄᓇᕗᑦ ᒐᕙᒪᖓᑕ ᐱᓕᕆᕝᕕᖏᓐᓄᑦ ᑕᐃᒪᐃᑦᑕᕆᐊᖃᕌᖓᑕ.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᓕᕆᕝᕕᖓ - ᐄᐳᕈ 29, 2020

ᐃᓕᓐᓂᐊᖅᑏᑦ ᐃᓕᑦᑎᕙᓪᓕᐊᓂᕐᒧᑦ ᐊᑐᕐᓂᐊᖅᑕᖏᑦ

ᐊᒥᓱᑦ ᐃᓕᓐᓂᐊᖅᑏᑦ ᐱᓯᒪᕙᒌᓕᖅᐳᑦ ᓯᕗᓪᓕᖅᐹᖅᓯᐅᑎᓂᒃ ᐃᓕᑦᑎᕙᓪᓕᐊᓂᕐᒧᑦ ᐊᑐᖃᑦᑕᕐᓂᐊᖅᑕᒥᓂᒃ ᐃᓕᓴᐃᔨᒥᓂᑦ.
- ᑕᒪᕐᒥᑲᓴᒃ ᑲᑎᖅᓱᑕᐅᓯᒪᔪᑦ ᐃᓚᖃᖅᐳᑦ ᐃᓕᑦᑎᕙᓪᓕᐊᓂᕐᒧᑦ ᐊᖏᕐᕋᕆᔭᐅᔪᓂ ᐱᓕᕆᐊᒃᓴᓂᒃ ᐱᓕᕆᐊᖑᔪᓐᓇᖅᑐᓂᒡᓗ ᐊᑕᐅᓯᕐᒧᑦ ᒪᕐᕉᖕᓄᓪᓘᓐᓃᑦ ᐱᓇᓱᐊᕈᓰᖕᓄᑦ.
- ᑕᒪᒃᑯᐊ ᐃᓕᑦᑎᕙᓪᓕᐊᓂᕐᒧᑦ ᑲᑎᖅᓱᖅᑕᐅᓯᒪᔪᑦ ᑕᐅᑐᒐᖃᓪᓗᐊᑕᖅᐳᑦ ᓴᙱᒃᑎᒋᐊᖅᑎᑦᑎᓂᕐᒥᒃ ᐊᔪᕈᓐᓃᖅᑕᐅᕙᒃᑐᓂᒃ ᑎᑎᕋᕈᓐᓇᕐᓂᕐᒥ/ᐅᖃᓕᒫᕈᓐᓇᕐᓂᕐᒥ, ᓈᓴᐅᓯᕆᓂᕐᒥ, ᐋᓐᓂᐊᖃᕐᓇᙱᑦᑐᓕᕆᓂᕐᒥᓗ ᖃᓄᐃᙱᑦᑎᐊᕈᓐᓇᕐᓂᕐᒥᓗ.
- ᑲᑎᖅᓱᖅᓯᒪᔪᓂᒃ ᐱᑕᖃᖅᐳᖅ ᐊᓕᓇᔪᕐᓂᒃ ᖃᕆᑕᐅᔭᒃᑯᓪᓗ−ᑐᙵᕕᓕᖕᓂᒃ ᐱᓕᕆᐊᒃᓴᓂᒃ, ᑕᒪᓐᓇ ᑕᐃᒪᐃᔾᔪᑎᖃᖅᖢᓂ ᐃᓕᓐᓂᐊᖅᑎ ᑕᐅᑐᒃᖢᒍ ᖃᓄᐃᓕᖓᓂᕆᔭᖓᓄᓪᓗ.
ᐃᓚᒌᑦ ᓂᕆᐅᒋᔭᖃᓪᓗᐊᖅᐳᑦ ᐃᓕᑦᑎᕙᓪᓕᐊᓂᕐᒧᑦ ᑲᑎᖅᓱᖅᑕᐅᓯᒪᔪᓂᒃ ᑕᒪᑐᒧᖓ ᐊᒥᐊᒃᑯᒋᔭᐅᔪᒧᑦ ᐃᓕᓐᓂᐊᕐᓇᒧᑦ.
ᐃᖅᑲᐃᑎᑦᑐᒪᕙᒃᑲ ᐊᖓᔪᖅᑳᑦ ᐃᓕᓐᓂᐊᖅᑏᓪᓗ ᑕᒪᒃᑯᐊ ᓴᓴᕙᐅᓯᒪᓂᖏᓐᓂᒃ ᐃᑲᔪᖅᑐᐃᒃᑲᓐᓂᕈᑕᐅᔪᒪᓪᓗᑎᒃ ᐊᔪᕈᓐᓃᖅᑕᐅᕙᒃᑐᓂᒃ ᐃᓕᓐᓂᐊᖅᑏᑦ ᐃᓕᓯᒪᕙᒌᓕᖅᑕᖏᓐᓂᒃ, ᐊᑐᖅᑕᐅᔮᙱᖦᖢᑎᒡᓗ ᖃᐅᔨᓴᕈᑕᐅᓗᑎᒃ ᐃᓕᓐᓂᐊᖅᑎᓂᑦ ᑭᖑᓪᓕᖅᐹᒧᑦ ᐊᔪᕈᓐᓃᕐᓂᕆᔭᐅᕙᒃᑐᓄᑦ.
ᐱᓕᕆᕝᕕᒋᔭᐅᔪᖅ ᐱᑎᑦᑎᓯᒪᒋᕗᖅ ᑲᔪᓰᓐᓇᖅᑎᑦᑎᓂᕐᒥᒃ ᐃᓕᓐᓂᐊᖅᑎᑦᑎᓂᕐᒧᑦ ᒪᓕᒃᑕᐅᔭᕆᐊᓕᖕᓂᒃ ᑕᒪᐃᓐᓄᑦ ᐃᓕᓐᓂᐊᕐᕕᖕᓂ ᐃᖅᑲᓇᐃᔭᖅᑎᓄᑦ, ᑕᒪᒃᑯᐊᓗ ᓇᓗᓇᐃᔭᐃᓪᓗᑎᒃ ᖃᔅᓯᑲᓪᓚᖕᓂᒃ ᐊᑐᖅᑕᐅᔪᓐᓇᖅᑐᓂᒃ ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑏᑦ ᑐᓴᐅᓴᑎᑦᑎᔪᓐᓇᕐᒪᖔᑕ ᐃᓕᓐᓂᐊᖅᑎᓂᒃ ᐃᓚᖏᓐᓂᒡᓗ.
ᐱᓕᕆᕝᕕᒋᔭᐅᔪᖅ ᖁᔭᓕᔪᒪᕗᖅ ᑕᒪᐃᓐᓂᑦᑎᐊᖅ ᐃᓕᓐᓂᐊᕐᕕᖕᓂ ᐃᖅᑲᓇᐃᔭᖅᑎᓕᒪᓂᒃ ᐃᑲᔪᖅᑐᐃᓂᖏᓐᓄᑦ ᐃᓕᓐᓂᐊᖅᑎᖁᑎᓂᒃ ᐃᓚᖏᓐᓂᒡᓗ ᑕᒪᒃᑯᓇᓂ ᐅᓪᓗᓂ ᐊᑐᖅᑕᐅᓚᐅᖅᓯᒪᙱᑦᑐᓃᑎᓪᓗᑕ.

ᐃᓕᓐᓂᐊᕆᐅᖅᓴᔪᑦ ᐸᐃᕆᕕᓪᓗ ᐃᑲᔪᖅᑐᖅᑕᐅᓂᖏᑦ

· ᒪᓕᒃᖢᒍ ᖃᓄᐃᖁᔭᐅᓯᒪᔪᖅ ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᕐᒥᑦ, ᑕᒪᕐᒥᑦᑎᐊᖅ ᐸᐃᕆᕝᕖᑦ ᒪᑐᓯᒪᔭᕆᐊᖃᖅᐳᑦ ᓄᑕᖅᑲᓄᑦ ᑐᓴᖅᑎᑦᑎᔾᔪᑎᒋᔭᐅᓚᐅᒃᑲᓐᓂᙱᓐᓂ.

· ᑕᐃᒪᓐᓇ ᒪᑐᔭᐅᓯᒪᓂᖏᓐᓂ, ᐃᓕᓐᓂᐊᕐᓂᓕᕆᔨᒃᑯᑦ ᑲᔪᓰᓐᓇᕐᓂᐊᖅᐳᑦ ᐊᑭᓖᖏᓐᓇᖃᑦᑕᕐᓗᑎᒃ ᑕᒪᐃᓐᓂᑦᑎᐊᖅ ᐊᐅᓚᑦᑎᓂᕐᒧᑦ ᑲᒪᒋᔭᖃᕐᓂᕐᒧᓪᓗ ᑮᓇᐅᔭᐃᑦᓇᐅᔭᖁᑎᒋᔭᐅᔪᓂᒃ ᑕᒪᒃᑯᓄᖓ ᓚᐃᓴᓕᖕᓄᑦ ᐸᐃᕆᕝᕕᒋᔭᐅᕙᒃᑐᓄᑦ.

o ᑕᒪᓐᓇ ᐱᔾᔪᑎᖃᓪᓗᐊᖅᐳᖅ ᐊᖏᔪᑲᓪᓚᖕᒥᒃ ᐃᓚᖓᓂᒃ ᑕᖅᑭᑕᒫᑦ ᐊᐅᓚᓕᖕᓄᑦ ᐊᑭᓕᖅᓱᕆᐊᖃᖅᐸᒃᑐᓄᑦ ᑕᐃᒪᐃᑦᑐᒥᒃ ᐃᓂᒥᒃ.

o ᑕᒪᒃᑯᐊ ᐸᐃᕐᕆᕝᕖᑦ ᒪᑐᔭᐅᓂᖏᑦ ᐅᐸᓗᖕᓇᓚᐅᕐᓂᖏᓐᓄᑦ ᓂᕆᐅᓇᓚᐅᙱᓐᓂᖏᓐᓄᓪᓗ ᑕᐃᒪᐃᓐᓂᐊᕐᓂᖏᓐᓂᒃ, ᐱᓕᕆᕝᕕᒋᔭᐅᔪᖅ ᐊᑭᓖᓚᐅᖅᐳᖅ ᐊᖓᔪᖅᒡᑲᑦ ᐊᑭᓕᖅᓱᕆᐊᖃᖅᑕᖏᓐᓂᒃ ᐊᑭᓕᓚᐅᑲᒃᖢᒋᑦ ᖃᐅᔨᒪᑦᑎᐊᕈᒪᓂᕐᒧᑦ ᑕᒪᒃᑯᐊ ᐃᓃᑦ ᐊᑭᓖᖏᓐᓇᕈᓐᓇᖁᓪᓗᒋᑦ ᐃᖅᑲᓇᐃᔭᖅᑎᒥᓂᒃ, ᐱᕕᒃᓴᖃᖅᑎᑦᑐᒪᓪᓗᒋᑦ ᐃᓃᑦ ᐱᓇᔪᒍᓐᓇᕐᓂᕐᒥᒃ ᒐᕙᒪᑐᖃᒃᑯᓐᓂᑦ ᐃᑲᔫᓯᐊᓄᑦ, ᓲᕐᓗ ᑲᓇᑕᒥ ᑐᐅᕕᕐᓇᖅᑐᖅᑕᖃᓕᖅᑎᓪᓗᒍ ᐊᑭᓕᖅᑕᐅᕙᖕᓂᕐᒧᑦ ᐃᑲᔫᓯᐊᓂᒃ. ᑲᑎᖦᖢᒋᑦ ᐊᑭᖓ ᑕᒪᑐᒪ ᑮᓇᐅᔭᖃᖅᑎᑦᑎᓂᐅᑉ $885,000-ᖑᓚᐅᖅᐳᖅ.

· ᐃᓕᓐᓂᐊᕐᓂᓕᕆᔨᒃᑯᑦ ᐃᖅᑲᓇᐃᔭᖅᑎᖏᑦ ᐱᑐᐃᓐᓇᕆᐊᖃᖅᓯᒪᓕᖅᐳᑦ ᐃᑲᔪᖅᑐᐃᓂᕐᒥᒃ ᐸᐃᕆᕝᕕᖕᓂᒃ ᐱᓇᔫᑎᒋᔭᖏᑦᑎᒍᑦ ᑕᒪᒃᑯᓄᖓ ᒐᕙᒪᑐᖃᒃᑯᑦ ᐱᓕᕆᐊᕆᔭᖏᓐᓄᑦ, ᐅᖃᖃᑎᖃᖃᑦᑕᖅᓯᒪᓪᓗᑕᓗ ᑖᒃᑯᓂᖓ ᐃᓂᓂᒃ ᑕᒪᑐᒪ ᒥᒃᓴᓄᑦ.

· ᐱᓕᕆᕝᕕᒋᔭᐅᔪᖅ ᕿᓃᓐᓇᖅᐳᖅ ᐊᑐᖅᑕᐅᒃᑲᓐᓂᕈᓐᓇᕋᔭᖅᑐᓂᒃ ᐃᑲᔪᖅᑐᐃᓂᐊᕐᓗᑎᒃ ᐸᐃᕆᕝᕕᖕᓂᒃ, ᐃᓚᒋᔭᐅᓪᓗᓂ ᐊᑐᑐᐃᓐᓇᕆᐊᖃᕐᓂᖅ ᒐᕙᒪᑐᖃᒃᑯᑦ ᑮᓇᐅᔭᖁᑎᖏᓐᓂᒃ.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᓕᕆᕝᕕᖓ - ᐄᐳᕈ 17, 2020

ᒥᓂᔅᑕᐅᑉ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᓄᑖᙳᕆᐊᖅᑎᑕᖏᑦ:

ᐅᓪᓗᒃᑯᑦ,

ᖃᓄᐃᙱᑦᑎᐊᕈᓐᓇᕐᓂᖏᑦ ᑲᔪᓯᓂᖃᑦᑎᐊᕈᓐᓇᕐᓂᖏᓪᓗ ᓄᓇᕗᒻᒥᐅᑦ ᓄᑕᕋᖏᑕ ᒪᒃᑯᒃᑐᖁᑎᖏᑕᓗ ᓯᕗᓪᓕᖅᐸᐅᑦᑎᐅᑎᔭᐅᓯᒪᒻᒪᕆᒃᐳᖅ ᐃᓕᓐᓂᐊᕐᓂᓕᕆᔨᒃᑯᓐᓄᑦ. ᑕᒪᒃᑯᓇᓂ ᐅᓪᓗᓂ ᓇᓗᓇᕈᔪᒃᑐᓂ, ᖃᐅᔨᒪᓂᖃᑦᑎᐊᕈᒪᕗᒍᑦ ᑕᒪᒃᑯᐊ ᐃᓕᓐᓂᐊᖅᑏᑦ ᐱᕕᒃᓴᖃᕋᓗᐊᕐᒪᖔᑲ ᑲᔪᓯᓂᖃᑦᑎᐊᕈᓐᓇᕐᓂᕐᒥᒃ, ᐱᓇᔪᒍᓐᓇᕐᓗᑎᒡᓗ ᓯᕗᓂᒃᓴᒥ ᖃᓄᑐᐃᓐᓇᖅ ᐊᑐᕈᒪᓇᔭᓛᖕᑕᒥᓂᒃ ᐱᔪᒪᔭᒥᓂᒃ.

ᐃᓕᓐᓂᐊᖅᑏᑦ ᖃᓄᐃᙱᑦᑎᐊᕈᓐᓇᕐᓂᖏᓐᓄᑦ ᐃᓱᒪᒥᐅᑕᕆᓗᒍ, ᐃᒪᓐᓇ ᐅᖃᖅᐳᖓ ᐅᓪᓗᒥ, ᑕᒪᕐᒥᑦᑎᐊᖅ ᐃᓕᓐᓂᐊᕐᕖᑦ ᓄᓇᕗᒻᒥ ᒪᑐᓯᒪᓂᐊᖅᑐᑦ ᐃᓕᓐᓂᐊᖅᑎᓄᑦ 2019-20-ᒥ ᐊᒥᐊᒃᑯᒋᔭᖓᓂ ᐃᓕᓐᓂᐊᕐᓇᐅᔪᒥ.

ᑕᒪᓐᓇ ᒪᑐᓯᓂᖅ ᐃᑲᔪᖅᑐᖅᑕᐅᕗᖅ ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᕐᒧᑦ.

ᐃᓕᓐᓂᐊᖅᑎᓕᒫᑦ ᐊᑐᙱᑉᐸᒌᖅᓯᒪᓕᕐᓂᖏᓐᓄᑦ ᑕᖅᑭᐅᑉ ᐅᖓᑖᓃᑦᑐᒧᑦ ᐃᓕᓐᓂᐊᕐᓇᕐᓂᕐᒥᒃ, ᑕᐃᒪᓕ ᐱᒻᒪᕆᐅᓂᖅᓴᐅᕗᑦ ᑕᒪᕐᒥᑦᑎᐊᖅ ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑏᑦ ᐃᖅᑲᓇᐃᔭᕆᐊᖃᖅᐸᑕ ᐊᐃᕆᓕ 21, 2020−ᒥ.

ᑕᐃᒪᐃᓐᓂᖓᓄᑦᑕᐅᖅ ᐊᓯᑦᑎᓐᓂ ᐊᕕᒃᓯᒪᓂᕐᓂ ᐅᑭᐅᖅᑕᖅᑐᒥᓗ ᐊᕕᒃᑐᖅᓯᒪᓂᕐᓂ, ᓄᓇᕗᒻᒥᐅᑦ ᐃᓕᓐᓂᐊᕐᕕᖕᓂ ᐃᖅᑲᓇᐃᔭᖅᑎᖏᑦ ᐱᒻᒪᕆᐊᓘᕗᑦ ᓇᓗᙱᑦᑎᐊᕈᒪᓂᕐᒧᑦ ᐃᓕᓐᓂᐊᖅᑎᖁᑎᕗᑦ ᑭᖑᕙᓯᓕᖅᐸᓪᓕᐊᙱᒃᑲᓗᐊᕐᒪᖔᑕ ᐃᓕᓐᓂᐊᖅᐸᓪᓕᐊᓂᕆᔭᒥᓂᒃ.

ᐃᓕᓐᓂᐊᕐᓂᓕᕆᔨᒃᑯᑦ ᐋᖅᑭᒃᓱᐃᓯᒪᕗᑦ ᒪᓕᒃᑕᐅᕙᓪᓕᐊᔪᓐᓇᖅᑐᓂᒃ ᐃᑲᔪᕈᒪᓪᓗᒋᑦ ᐃᓕᓐᓂᐊᕐᕕᖕᓂ ᐃᖅᑲᓇᐃᔭᖅᑏᑦ ᐋᖅᑭᒃᓱᐃᕙᓪᓕᐊᓂᖏᓐᓂ ᐃᓕᓐᓂᐊᕐᓂᕐᒧᑦ ᐊᑐᖅᑕᐅᖃᑦᑕᕋᔭᖅᑐᓂᒃ ᐊᖑᒻᒪᑎᔪᒪᓪᓗᑎᒃ ᐱᑐᐃᓇᐅᙱᑦᑐᓄᑦ ᐱᔭᐅᔭᕆᐊᓕᖕᓄᑦ ᐃᓕᓐᓂᐊᖅᑎᖁᑎᒥᓄᑦ. ᐃᖅᑲᓇᐃᔭᖅᑏᑦ ᐱᓕᕆᖃᑎᖃᕐᓂᐊᖅᐳᑦ ᐃᓕᓐᓂᐊᖅᑎᓂᒃ ᐃᓚᖏᓐᓂᒡᓗ ᐋᖅᑭᒃᓯᒪᓕᖅᑎᑦᑎᔪᒪᓪᓗᑎᒃ ᖃᓄᖅ ᐱᐅᓛᒃᑯᑦ ᐃᑲᔪᖅᑐᐃᔪᓐᓇᕐᒪᖔᒥᓂᒃ ᐃᓕᑦᑎᕙᓪᓕᐊᓂᕆᔭᐅᔪᒥᒃ.

ᑕᒪᓐᓇ ᐃᒪᓐᓇ ᑐᑭᖃᖅᐳᖅ, ᐃᓕᓐᓂᐊᖅᑎᖁᑎᑦᑎᓐᓄᑦ ᐃᓕᓐᓂᐊᓕᓵᖅᑐᓂᑦ ᐊᔪᙱᓐᓂᓕᖕᓄᑦ 9−ᒥᒃ, ᐃᓕᓴᐃᔩᑦ ᓯᕗᓪᓕᖅᐸᐅᑦᑎᐅᔾᔨᓯᒪᓂᐊᖅᑐᑦ ᐅᖃᓕᒫᕈᓐᓇᕐᓂᕐᒥᒃ/ᑎᑎᕋᕈᓐᓇᕐᓂᕐᒥᒃ ᓈᓴᐅᓯᕆᔪᓐᓇᕐᓂᕐᒥᒃ, ᑕᐃᒪᐃᓕᐅᕐᓂᕐᒥᓂᒡᓗ ᓴᙱᒃᑎᒋᐊᖅᑎᑦᑎᓗᑎᒃ ᐊᔪᕈᓐᓃᖅᑕᐅᕙᒃᑐᓂᒃ ᖃᐅᔨᒪᓂᕆᔭᐅᔪᓂᒡᓗ ᐃᓕᓐᓂᐊᕐᑕᐅᓯᒪᓕᖅᑐᓂᒃ ᒫᓐᓇᒧᑦ ᑎᑭᖦᖢᒍ ᑕᒪᑐᒪᓂ ᐃᓕᓐᓂᐊᕐᓇᐅᓵᖅᑐᒥ ᐊᕐᕌᒍᒥ.

ᖁᑦᑎᒃᑐᒦᓐᓂᖅᓴᓄᑦ ᐃᓕᓐᓂᐊᖅᑎᓄᑦ, ᐃᓕᓴᐃᔩᑦ ᐊᐅᓚᑦᑎᔩᓪᓗ ᖃᐅᔨᓴᖅᓯᓂᐊᖅᑐᑦ ᑕᒪᒃᑯᓂᖓ ᐃᓛᒃᑰᕐᓗᒋᑦ ᖃᓄᐃᓕᖓᓂᕆᓕᖅᑕᖏᓐᓄᑦ ᐃᓕᓐᓂᐊᖅᓯᒪᓂᕐᒥ. ᐃᓚᖏᑦ ᐃᓕᓐᓂᐊᖅᑏᑦ ᐱᔭᕇᖅᓯᓯᒪᓕᖅᐸᒌᑐᐃᓐᓇᕆᐊᓖᑦ ᐃᓕᓐᓂᐊᕐᓂᓕᕆᔭᒥᓂᒃ ᐱᔭᕆᐊᖃᖅᑕᒥᓂᒃ ᐊᓂᒍᐃᓂᐊᕐᓗᑎᒃ ᐃᓕᓐᓂᐊᖅᑕᒥᓂᒃ. ᐊᓯᖏᑦ ᐱᔭᕇᖅᓯᔭᕆᐊᖃᑐᐃᓐᓇᕆᐊᓖᑦ ᐱᑐᐃᓐᓇᐅᙱᑦᑐᓂᒃ ᐊᔪᕈᓐᓃᖅᓴᒐᒃᓴᓂᒃ ᐊᔪᖅᑎᑕᐅᔪᓚᙱᒃᑯᑎᒃ ᐊᓂᒍᐃᓂᕐᒥᒃ. ᐃᓕᓴᐃᔩᑦ ᐱᑎᑦᑎᑐᐃᓐᓇᕆᐊᓖᑦ ᐱᕕᒃᓴᓂᒃ ᐃᓕᓐᓂᐊᖅᑎᓄᑦ ᖁᕝᕙᕆᐊᖅᑎᑦᑎᔪᓐᓇᕐᓗᑎᒃ ᐃᓕᓐᓂᐊᕐᓯᒪᔭᒥᓂᒃ ᐱᓗᑎᒡᓘᓐᓃᑦ ᐊᓂᒍᐃᔾᔪᑎᒋᔭᕆᐊᖃᖅᑕᒥᓂᒃ ᐱᔭᕇᖅᓯᕙᒡᓗᑎᒃ ᐱᓕᕆᐊᖑᖁᔭᐅᔪᓂᒃ ᐱᓕᕆᐊᒃᓴᓂᒡᓗ.

ᐃᓕᓴᐃᔩᑦ ᕿᒥᕐᕈᐊᖅᓯᒃᑲᓐᓂᕐᓂᐊᖅᐳᑦ ᐃᓕᓐᓂᐊᖅᑎᖁᑎᖏᑕ ᖃᓄᐃᓕᑎᓯᒪᔭᖏᓐᓂᒃ ᐅᓪᓗᒥᒧᑦ ᑎᑭᖦᖢᒍ, ᐊᑕᐅᑦᑎᑰᖃᑎᖃᓕᖅᑎᓪᓗᒋᑦ ᐊᔪᕈᓐᓃᖅᑕᐅᕙᒃᑐᓄᑦ ᓴᙱᒃᑎᒋᐊᖅᑕᐅᔭᕆᐊᓕᖕᓄᑦ, ᐃᓱᒪᒥᐅᑕᕆᓗᒍᓗ ᑭᓱᑦ ᑖᒃᑯᓄᖓ ᐊᓂᒍᖅᑎᑕᐅᔪᓐᓇᕐᒪᖔᑕ ᐊᖏᕐᕋᕆᔭᒥᓂ. ᓴᙱᔪᒥᒃ ᑕᐅᑐᒐᖃᓪᓗᐊᑕᕐᓂᐊᖅᐳᑦ ᐃᑲᔪᖅᑐᐃᓂᕐᒥᒃ ᖃᓄᐃᙱᑦᑎᐊᕈᓐᓇᕐᓂᕐᒥᒃ ᐋᓐᓂᐊᖃᕐᓇᙱᑦᑐᓕᕆᓂᕐᒥᒡᓗ. ᑕᒪᓐᓇ ᐃᓚᖃᖅᐳᖅ ᐊᖏᕐᕋᕆᔭᐅᔪᓂ ᐱᓕᕆᐊᒃᓴᓂᒃ ᐱᓕᕆᐊᖑᕙᒃᑐᓂᒡᓗ ᐱᕕᒃᓴᖃᖅᑎᑦᑎᔪᓂᒃ ᐃᓚᒌᓂᒃ ᐊᑕᐅᑦᑎᒃᑯᑦ ᐃᓕᑦᑎᕙᓪᓕᐊᔪᓐᓇᕐᓂᕐᒥᒃ, ᓲᕐᓗ ᐅᖃᓕᒫᖃᑎᒌᒡᓗᑎᒃ, ᑎᑎᕋᖅᓯᕙᓪᓕᐊᕙᒡᓗᑎᒃ ᖃᐅᑕᒫᖅᓯᐅᑎᓂᒃ, ᐱᓕᕆᐊᒃᓴᓂᒡᓗ ᓴᓇᑐᓂᕐᒥᒃ ᓴᖅᑭᑎᑦᑎᓕᖅᐸᒃᑐᓂᒃ ᐃᓕᓐᓂᐊᖅᑎᓂᑦ.

ᐃᓕᓐᓂᐊᕐᓂᓕᕆᔨᒃᑯᑦᑕᐅᖅ ᖃᐅᔨᒪᒋᕗᑦ ᐊᒥᓱᑦ ᐃᓚᒌᑦ ᒫᓐᓇ ᓄᓇᒧᙵᐅᓯᒪᓂᖏᓐᓂᒃ ᐱᔪᓐᓇᙱᑐᐃᓐᓇᕆᐊᖃᖅᖢᑎᒡᓗ ᐃᓕᓐᓂᐊᖅᑏᑦ ᐃᓕᑦᑎᕙᓪᓕᐊᓂᕐᒧᑦ ᐱᔪᓐᓇᖅᑕᖏᓐᓂᒃ. ᓄᓇᒥ ᐱᓕᕆᐊᖑᕙᒃᑐᑦ ᓲᕐᓗ ᐊᖑᓇᓱᖕᓃᑦ ᐃᖃᓗᒐᓱᖕᓃᓪᓗ ᐃᑲᔪᖅᐸᒃᑭᕗᑦ ᐃᓕᓐᓂᐊᖅᑏᑦ ᐃᓕᑦᑎᕙᓪᓕᐊᓂᖏᓐᓂᒃ, ᑖᓐᓇᓗ ᐱᓕᕆᕝᕕᒋᔭᐅᔪᖅ ᑕᒪᒃᑯᓂᖓ ᐱᓕᕆᐊᒃᓴᓂᒃ ᑎᓕᐅᕆᔾᔪᑎᖃᑦᑎᐊᖅᖢᓂ.

ᐅᔾᔨᕆᔭᖃᕐᓂᖅ ᓄᓇᕗᒻᒥᐅᑦ ᐱᓕᕆᔾᔪᑕᐅᕙᒃᑐᓂᒃ ᐃᓱᓕᑦᑕᕐᕕᖃᕐᓂᖏᓐᓂᒃ, ᐱᓗᐊᙳᐊᖅᖢᓂ ᐃᓄᑭᓐᓂᖅᓴᓂ ᓄᓇᓕᖕᓂ, ᐃᓕᓐᓂᐊᖅᑏᑦ ᑲᔪᓯᐊᔪᒥᒃ ᐃᓕᑦᑎᕙᓪᓕᐊᓂᕆᔭᖓᑦ ᐊᑕᖏᑦᑎᐊᕐᓗᓂ ᐃᑭᐊᖅᑭᕕᒃᑰᕆᐊᖃᖃᑦᑕᔾᔮᙱᓚᑦ. ᑕᒪᓐᓇ ᐃᒪᓐᓇ ᑐᑭᖃᖅᐳᖅ, ᑕᒪᒃᑯᐊ ᐃᓕᓐᓂᐊᖅᑏᑦ ᐃᓕᑦᑎᕙᓪᓕᐊᓂᕐᒧᑦ ᖃᓄᐃᓕᖓᕈᓘᔭᖅᑎᑕᐅᓂᐊᖅᐳᖅ−−ᐃᓚᖏᑦ ᐊᓕᓚᔪᕐᓂᒃ−ᑐᙵᕕᖃᕐᓂᐊᖅᐳᑦ, ᐃᓚᖏᑦ ᐱᓕᕆᓂᕐᒧᑦ−ᑐᙵᕕᖃᕐᓗᑎᒃ, ᐃᓚᖏᓪᓗ ᖃᕆᑕᐅᔭᒃᑰᖓᓂᐊᖅᐳᑦ. ᑭᓯᐊᓂᓗᑦᑕᐅᖅ, ᑕᒪᕐᒥᑦᑎᐊᖅ ᑖᒃᑯᐊ ᐱᕕᒃᓴᖃᖅᑎᑦᑎᓂᐊᖅᑐᑦ ᐃᓕᓐᓂᐊᖅᑎᓂᒃ ᐱᕕᒃᓴᒥᒃ ᐃᓕᓐᓂᐊᕐᓂᕐᒥᓂᒃ ᐅᖓᕙᕆᐊᖅᑎᑦᑎᕙᓪᓕᐊᔪᓐᓇᕐᓗᑎᒃ

ᐊᔪᕐᓇᙱᑐᐊᕌᖓᑦ, ᖃᐅᔨᒋᐊᕆᐊᖃᖃᑦᑕᕐᓂᐊᖅᐳᑦ ᐃᓚᒌᓄᑦ ᐱᓇᓱᐊᕈᓯᑕᒫᑦ, ᖃᐅᔨᕝᕕᒋᔪᒪᓗᒋ ᖃᓄᐃᓕᕙᓪᓕᐊᖕᒪᖔᑕ ᐃᑲᔪᖅᑕᐅᔭᕆᐊᖃᒃᑲᓐᓂᖅᐸᑕᓗᓐᓃᑦ ᐊᑐᖅᑕᐅᔪᒃᓴᓂᒡᓘᓐᓃᑦ ᐱᔭᕆᐊᖃᒃᑲᓐᓂᑐᐃᓐᓇᕆᐊᖃᖅᐸᑕ. ᐱᐅᓛᖅ ᑐᓴᐅᒪᖃᑦᑕᐅᑎᓂᐊᕐᓗᓂ−−ᐅᖄᓚᐅᑎᒃᑯᓪᓘᓐᓃᑦ, ᑎᑎᕋᖃᑦᑕᐅᑎᕝᕕᒃᑯᓪᓘᓐᓃᑦ, ᓄᓇᕗᑦ ᒐᕙᒪᖓᑕ ᖃᕆᑕᐅᔭᒃᑯᑦ ᑎᑎᕋᖃᑦᑕᐅᑎᕝᕕᖏᑎᒍᑦ, ᐊᓯᖏᑦᑎᒍᓪᓘᓐᓃᑦ ᐊᑐᖅᑕᐅᔪᓐᓇᖅᑐᑎᒍᑦ ᖃᕆᑕᐅᔭᒃᑯᑦ−−ᐋᖅᑭᒃᑕᐅᓯᒪᓕᕐᓂᐊᖅᐳᖅ ᐃᓕᓐᓂᐊᖅᑏᑦ ᐃᓚᒌᓪᓗ ᐋᖅᑭᒃᓯᖃᑎᒋᓗᒋᑦ.

ᓴᖅᑭᑎᑦᑎᓂᐅᑉ ᖄᒃᑲᓐᓂᐊᒍᑦ ᐃᓕᓐᓂᐊᖅᑏᑦ ᐃᓕᑦᑎᕙᓪᓕᐊᓂᕐᒧᑦ ᐱᔭᖏᓐᓂᒃ, ᐃᖅᑲᓇᐃᔭᖅᑏᑦᑕᐅᖅ ᐃᑲᔪᖅᑐᐃᖃᑦᑕᕐᓂᐊᕆᕗᑦ ᐃᓕᓐᓂᐊᖅᑎᓂᒃ ᖃᐅᔨᓴᖅᓯᕙᒡᓗᑎᒃ ᐱᓕᕆᐊᕆᓯᒪᔭᖏᓐᓂᒃ ᐃᓕᓐᓂᐊᕐᕖᑦ ᒪᑐᔭᐅᓚᐅᙱᓐᓂᖏᓐᓂ, ᖃᐅᔨᒪᓕᕈᒪᓂᕐᒧᑦ ᑭᖑᓪᓕᖅᐸᖅᓯᐅᑎᓂᒃ ᐊᔪᖁᓐᓃᕐᓂᕐᒧᑦ ᓇᓃᑎᑕᐅᓕᕋᔭᕐᓂᕐᓂᒃ ᐊᔪᙱᓐᓂᕐᒥ, ᐋᖅᑭᒃᓱᐃᕙᓪᓕᐊᓗᑎᒡᓗ ᐊᕐᕌᒎᑉ ᐃᓱᐊᓄᑦ ᐅᓂᒃᑲᐅᓯᐊᕆᔭᕆᐊᖃᖃᑦᑕᖅᑐᓂᒃ ᐃᓕᓐᓂᐊᖅᑎᓄᑦ.

ᓄᓇᕗᒻᒥᐅᑦ ᖁᑦᑎᒃᑐᒦᓐᓂᖅᓴᓄᑦ ᐃᓕᓐᓂᐊᖅᑎᓄᑦ ᐃᓚᖏᓐᓄᓪᓗ, ᐃᖅᑲᐃᑎᑦᑎᔾᔪᑎ ᐅᓇ, ᑕᒪᕐᒥᑦᑎᐊᖅ ᐃᓕᓐᓂᐊᕐᓂᓕᕆᐱᔨᒃᑯᑦ ᖃᐅᔨᓴᕐᓂᕆᕙᒃᑕᖏᑦ ᐃᓕᓐᓂᐊᖅᑎᓄᑦ ᓄᖅᑲᖅᑎᑕᐅᕗᑦ ᑕᒪᑐᒪᓂ ᐃᓕᓐᓂᐊᕐᓇᒧᑦ ᐊᕐᕌᒍᒋᔭᐅᔪᒥ. ᑕᐃᒃᑯᓄᖓ ᐊᔪᙱᓐᓂᓕᖕᓄᑦ 12−ᒥᒃ ᑲᔪᓯᓂᖃᑦᑎᐊᖅᑐᓄᑦ ᐊᓂᒍᐃᓂᐊᕐᓂᕐᒥᒃ, ᖃᐅᔨᒪᑦᑎᐊᖁᕙᔅᓯ ᑕᒪᒃᑯᐊ ᐃᓕᓐᓂᐊᕐᕖᑦ ᐊᖓᔪᖅᑳᖏᑦ ᐃᓕᓴᐃᔩᓪᓗ ᐃᓕᖕᓂᒃ ᐱᓕᕆᖃᑎᖃᖃᑦᑕᓂᐊᕐᒪᑕ ᖃᐅᔨᒪᑦᑎᐊᕈᒪᓂᕐᒥᓄᑦ ᐱᔭᕇᖅᓯᒐᓗᐊᕐᒪᖔᖅᐱᑦ ᓇᓕᐊᖕᓂᑐᐃᓐᓇᖅ ᐱᓕᕆᐊᖑᔭᕆᐊᖃᓪᓚᕆᒃᐸᒃᑐᓂᒃ. ᑕᒫᓃᑉᐳᒍᑦ ᐃᓕᔅᓯᓐᓂᒃ ᐃᑲᔪᕈᒪᓪᓗᑕ ᑲᔪᓯᓂᖃᑦᑎᐊᕐᓂᕐᒧᑦ, ᓴᖅᑭᔮᓕᖅᑎᑦᑎᓗᓯᓗ ᑐᕌᕆᔪᒪᔭᔅᓯᓐᓂᒃ.

ᑭᖑᓪᓕᕐᒥᒃ, ᐃᓕᓐᓂᐊᕐᕕᖕᓂ ᐃᖅᑲᓇᐃᔭᖅᑏᑦ ᐱᕙᒌᔭᕐᓂᐊᕆᕗᑦ ᐋᖅᑭᒃᓱᐃᕙᓪᓕᐊᓗᑎᒡᓗ 2020-21-ᒧᑦ ᐃᓕᓐᓂᐊᕐᓇᐅᓛᕐᒥᔪᒧᑦ, ᐱᓗᐊᙳᐊᖅᖢᓂ ᓇᓗᓇᕈᔪᒃᑐᖅᓯᐅᕐᓂᑦᑎᓐᓄᒃ ᓄᕙᒡᔪᐊᕐᓇᖅ-19 ᐱᔾᔪᑎᒋᓪᓗᒍ ᐃᓱᒪᒥᐅᑕᕆᓗᒍ.

ᐃᓕᓐᓂᐊᕐᕕᖕᓂ ᐃᖅᑲᓇᐃᔭᖅᑎᓄᑦ ᐃᓱᒪᖅᓱᖅᖢᑎᒃ ᐅᑎᖅᓯᒪᔪᓄᑦ ᐃᖅᑲᓇᐃᔭᕐᕕᖕᒥᓄᑦ ᐱᕙᒌᔭᖅᓯᕙᓪᓕᐊᓕᕇᖅᑐᓄᓪᓗ ᐃᓕᓐᓂᐊᕐᓂᐊᕐᒧᑦ ᐊᑐᖅᑕᐅᖃᑦᑕᕐᓂᐊᖅᑐᓂᒃ, ᐊᒥᓱᒻᒪᕇᑦ ᐃᓕᓐᓂᐊᖅᑏᑦ ᐃᓚᒌᓪᓗ ᐃᓕᓴᖅᓯᕗᑦ ᐊᒃᓱᕈᖅᖢᑎᑦ ᐱᓕᕆᐊᕿᖃᑦᑕᖅᑕᕐᓄᑦ ᓇᓗᓇᐃᖅᓯᓪᓗᑎᒡᓗ ᖁᔭᓕᓂᕐᒥᓂᒃ ᐃᓕᔅᓯᓐᓂᒃ. ᐊᖓᔪᖅᑳᕆᔭᐅᓂᓐᓄᑦ, ᒥᓂᔅᑕᕆᔭᐅᓂᓐᓄᓪᓗ ᐃᓕᓐᓂᐊᕐᓂᓕᕆᔨᒃᑯᓐᓄᑦ, ᐅᖃᐅᓯᖃᓪᓚᕆᒍᒪᕗᖓ ᖁᔭᓕᓪᓚᕆᒃᓯᒪᓂᓐᓂᒃ ᐃᓕᔅᓯᓐᓂᒃ ᐱᓇᔪᓪᓚᕆᒃᐸᖕᓂᔅᓯᓐᓂᒡᓗ ᐆᒻᒪᕆᒃᓴᑦᑎᐊᖅᐸᖕᓂᔅᓯᓐᓄᓪᓗ ᐱᓕᕆᐊᖃᓕᕌᖓᔅᓯ. ᖁᔭᓐᓇᒦᒃ ᐱᓇᔪᖕᓂᔅᓯᓐᓄᑦ ᐱᓕᕆᐊᖃᓪᓚᕆᒍᒪᓯᒪᓂᔅᓯᓐᓄᓪᓗ ᓄᓇᕗᒻᒥᐅᑦ ᐃᓕᓐᓂᐊᖅᑎᖁᑎᖏᓐᓄᑦ.

ᑕᒪᑦᑖᓗᒃ ᕿᑐᕐᖓᕗᑦ ᐱᐅᓛᒥᒃ ᐊᑐᖁᕙᒃᐸᕗᑦ. ᐃᓕᓐᓂᐊᕐᓂᓕᕆᔨᒃᑯᑦ ᖁᔭᓕᕗ5 ᐃᑲᔪᖅᑐᐃᓂᐅᕙᒃᓂᒃ ᐅᑕᖅᑭᑦᑎᐊᕈᓐᓇᖅᐸᖕᓂᖏᓐᓄᓪᓗ ᓄᓇᕗᒻᒥᐅ, ᐃᓕᓐᓂᐊᕐᓂᓕᕆᓂᕐᒧᓪᓗ ᐱᓕᕆᖃᑎᒋᕙᒃᑕᑦᑎᓐᓄᑦ, ᑕᒪᒃᑯᓇᓂ ᐅᓪᓗᓂ ᐊᑐᖅᑕᐅᓚᐅᖅᓯᒪᙱᑦᑐᓃᑎᓪᓗᑕ. ᑕᒪᓐᓇ ᓇᓗᓇᖅᑐᖅᓯᐅᕐᓂᖅ ᐊᔪᕐᓇᙱᑦᑐᑯᓘᖃᑦᑕᖅᓯᒪᙱᓚᖅ, ᑭᓯᐊᓂᓗ ᐅᕙᒍᑦ ᐊᑕᐅᑎᒃᑯᑦ ᑕᒪᓐᓇ ᐊᓂᒍᖅᑎᓐᓂᐊᖅᐸᒐᕗᑦ. ᖁᐊᖅᓵᕐᓇᖅᑐᒧᐊᖅᑕᐃᓕᒋᔅᓯ, ᑕᒪᔅᓯᑦᑎᐊᖅ.

ᖁᔭᓐᓇᒦᒃ, ᖁᐊᓇ, thank you, merci.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᓕᕆᕝᕕᖓ

ᐃᓕᓐᓂᐊᖅᑏᑦ ᓄᓇᕗᒻᒥ ᐃᓕᓐᓂᐊᔾᔮᔪᓐᓃᖅᑐᑦ 2019-20-ᒥ ᐃᓕᓐᓂᐊᕐᓂᕆᔭᐅᓪᓗᐊᖅᑐᒥ.
ᐃᓕᓐᓂᐊᕐᕕᖕᓂ ᐃᖅᑲᓇᐃᔭᖅᑏᑦ ᐃᖅᑲᓇᐃᔭᐃᓐᓇᕐᓂᐊᖅᑐᑦ ᐃᑲᔪᖅᑐᐃᔪᒪᓂᕐᒧᑦ ᐃᓕᓐᓂᐊᕐᓂᕆᔭᐅᔪᓂᒃ ᐊᖏᕐᕋᕆᔭᐅᔪᓂ ᑕᒪᓐᓇ ᐃᓕᓐᓂᐊᕐᓇᒧᑦ ᐊᕐᕌᒍᒋᔭᐅᔪᖅ ᐃᓱᓕᓐᓇᓱᖕᓂᖓᓂ.
ᐃᓕᓐᓂᐊᖅᑏᑦ ᐱᓕᓂᐊᖅᑐᑦ ᐃᓕᓐᓂᐊᕐᓂᕐᒧᑦ ᐊᑐᖃᑦᑕᕈᓐᓇᕐᓂᐊᖅᑕᖏᓐᓂᒃ ᐃᓕᓐᓂᐊᕐᕕᖕᒥᓂᑦ ᐃᑲᔪᖅᑐᐃᔪᒪᓂᕐᒧᑦ ᐃᓕᑦᑎᐊᕙᓪᓕᐊᓂᕆᔭᐅᔪᓂᒃ ᐊᖏᕐᕋᕆᔭᐅᔪᓂ.
ᐃᓕᓐᓂᐊᕐᕕᖕᓂ ᐃᖅᑲᓇᐃᔭᖅᑏᑦ ᐃᓚᒌᓄᐊᖃᑦᑕᕐᓂᐊᖅᐳᑦ ᐱᓇᓱᐊᕈᓯᕐᓂ ᐊᒡᒋᖅᐸᓪᓕᐊᔪᓂ.
ᑕᒪᕐᒥᑦᑎᐊᖅ ᐃᓕᓐᓂᐊᕐᕕᖕᓂ ᐊᓂᒍᐃᔾᔪᑎᑖᕐᓂᕐᒧᑦ ᖃᐅᔨᓴᖅᑕᐅᓃᑦ ᑕᒪᑐᒧᖓ ᐊᕐᕌᒍᒧᑦ ᓄᖅᑲᖅᑎᑕᐅᕗᑦ, ᑕᒪᒃᑯᐊᓗ ᖁᑦᑎᖕᓂᖅᓴᒥ ᐃᓕᓐᓂᐊᕐᕕᖕᒥ ᓇᓗᓇᐃᒃᑯᑕᖅᑖᕆᔭᐅᔪᑦ ᓇᓃᔨᓕᖕᓂᕐᒧᑦ ᑐᙵᕕᖃᖅᑎᑕᐅᓂᐊᖅᐳᑦ ᐊᔪᕈᓐᓃᓴᖅᑕᐅᓂᑯᑐᐊᕐᓄᑦ.
ᐃᓕᓐᓂᐊᖅᑎᓕᒫᑦ ᐱᔪᓐᓇᐅᓂᐊᖅᑐᑦ ᐊᕐᕌᒎᑉ-ᓄᙳᐊᓂᑦ ᐃᓕᓐᓂᐊᖅᑕᒥᓂᒃ ᐱᓕᕆᑦᑎᐊᖃᑦᑕᖅᓯᒪᓂᕐᒧᑦ ᑎᑎᕋᖅᓯᒪᔪᓂᒃ.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᓕᕆᕝᕕᖓ - ᐄᐳᕈ 15, 2020

ᐃᖅᑲᓇᐃᔭᖅᑏᑦ ᐱᔪᓐᓇᐅᑎᖃᖅᑎᑕᐅᔪᓂᑦ ᐸᐃᕆᕝᕕᖕᓂ ᐊᑭᓕᖅᓱᖅᑕᐅᖏᓐᓇᖁᓪᓗᒋᑦ, ᐃᓕᓐᓂᐊᕐᓂᓕᕆᔨᒃᑯᑦ ᐊᖓᔪᖅᑳᕆᔭᐅᔪᑦ ᐊᑭᓕᖅᓱᕆᐊᓕᖏᓐᓂᒃ ᑮᓇᐅᔭᖃᖅᑎᑦᑎᓂᐊᖅᐳᑦ ᐊᐃᕐᕆᓕ 21, 2020-ᒧᑦ ᑎᑭᓪᓗᒍ.

ᓄᓇᕗᑦ ᒐᕙᒪᒃᑯᖏᑦ ᖃᓄᐃᓕᐅᖅᓯᒪᒻᒪᕆᒃᑐᐃᑦ ᐊᐃᑦᑐᐃᓗᐊᖅᑕᐃᓕᒪᑎᑦᑎᓪᓗᑎᒃ ᓄᕙᒡᔪᐊᕐᓇᖅ-19−ᒥᑦ, ᐸᐃᕆᕖᓪᓗ ᒪᑐᓯᒪᐃᓐᓇᕆᐊᖃᖅᖢᑎᒃ ᑭᓯᐊᓂ ᑐᓴᖅᑎᑦᑎᒃᑲᓐᓂᕐᐸᑕ.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᓕᕆᕝᕕᖓ - ᐄᐳᕈ 8, 2020

ᒥᓂᔅᑕᐅᑉ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐅᓪᓗᒥᒨᖓᔪᑦ ᑐᓴᖅᑎᑦᑎᔾᔪᑎᒃᑲᓂᕈᑎᖏᑦ

ᐃᒃᐸᒃᓴᖅ, ᐃᓕᓐᓂᐊᕐᓂᓕᕆᔨᒃᑯᑦ ᓇᒃᓯᐅᔾᔨᓚᐅᖅᑐᑦ ᑎᑎᖅᑲᒥᒃ ᐃᓕᓐᓂᐊᕐᕕᓕᒫᑦ ᐃᖅᑲᓇᐃᔭᖅᑎᖏᓐᓄᑦ ᐅᑎᕐᓂᕐᒧᑦ ᐃᑳᓇᐃᔮᖏᓐᓄᑦ ᐊᖏᕐᕋᖏᓐᓂ ᓄᓇᓕᖕᓂᑦ ᐊᐃᐳᕈ 21, 2020-ᒥ. ᑖᓐᓇ ᑐᕌᖓᔪᖅ ᐃᖅᑲᓇᐃᔭᖅᑎᓄᑐᐊᖅ, ᐱᕙᒌᔭᐅᔪᓐᓇᕐᓂᐊᕐᒪᑕ ᐋᖅᑭᒃᓱᐃᓗᑎᒃᓗ ᑲᔪᓯᓂᕐᓂ ᐃᓕᑦᑎᓂᕐᒧᑦ ᐱᕙᒌᔭᐅᑎᓂᒃ ᐃᓕᓐᓂᐊᕐᕕᒃ ᒪᑐᒪᓂᖓ ᐅᖓᕙᕆᐊᖅᑕᐅᓇᔭᖅᐸᑦ.

ᓇᓗᓇᕈᓐᓃᖅᑎᑦᑐᒪᔭᕋ ᓈᓴᐅᑎᑦ ᐱᑎᓚᐅᖅᑕᒃᑲ ᐃᒃᐸᒃᓴᖅ − 1,185−ᖑᔪᑦ ᐃᖅᑲᓇᐃᔭᖅᑎᑦ ᐃᖅᑲᓇᐃᔭᓲᑦ ᐃᓕᓐᓂᐊᕐᕕᖕᓂ ᓄᓇᕗᓕᒫᒥ. 93−ᖑᔪᑦ ᑖᒃᑯᓇᓂ ᐃᖅᑲᓇᐃᔭᖅᑎᓂᒃ ᒫᓐᓇᐅᔪᖅ ᓄᓇᕗᒻᒦᖏᑦᑐᑦ, ᐊᖏᕐᕋᐅᕙᓪᓕᐊᓕᖅᑐᑦ ᓄᓇᓕᖏᓐᓄᑦ. ᑖᓐᓇ ᑭᒡᒐᖅᑐᐃᔪᖅ 8 ᐳᓴᓐᑎᖓᓂᒃ ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑎᓕᒫᓂᒃ.

ᐃᓕᓴᐃᔨᑦ ᓄᓇᕗᓕᒫᒥ ᐱᓕᕆᕐᔪᐊᖅᑐᑦ ᐃᑲᔪᕐᓗᒍ ᐃᓕᓐᓂᐊᕐᓂᖅ ᐊᖏᕐᕋᒥ ᐃᓕᓐᓂᐊᖅᑎᓄᑦ ᐊᑐᑦᑎᐊᙱᓪᓗᑎᐅᔾᔮᖏᒻᒪᑕ ᐃᓕᓐᓂᐊᕐᕕᑦ ᒪᑐᒪᑎᑕᐅᓂᖏᓐᓄᑦ. ᐃᓕᓐᓂᐊᖅᑎᕗᑦ ᐱᔭᕆᐊᖃᖃᑕᐅᔪᑦ ᐊᔾᔨᖓᓂᒃ ᐃᑲᔪᖅᑕᐅᓂᕐᒥᒃ, ᑕᐃᒪᐃᒻᒪᓪᓗ ᐱᖁᕙᕗᑦ ᐃᓕᓴᐃᔨᑦ ᐃᖅᑲᓇᐃᔭᕐᓗᑎᒃ ᑕᒪᓐᓇ ᐊᑐᖅᑎᓪᓗᒍ.

ᐃᓕᓴᐃᔨᑦ ᐅᑎᓕᖅᑐᑦ ᐃᖅᑲᓇᐃᔮᖏᓐᓄᑦ ᐃᑲᔪᕐᓗᒋᑦ ᐃᓕᓐᓂᐊᖅᑎᑦ ᐃᓕᓐᓂᐊᕈᑎᖏᓐᓂᒃ ᖃᓄᐃᙱᑦᑎᐊᕈᑎᖏᓐᓂᒃᓗ ᐋᖅᑭᒃᓱᐃᓂᒃᑯᑦ ᐃᓕᓐᓂᐊᕈᑎᒃᓴᓂᑦ. ᑖᓐᓚ ᐱᒻᒪᕆᐅᓪᓗᐊᑕᖅᑐᖅ ᐃᓕᓐᓂᐊᖅᑎᓄᑦ ᐱᔪᓐᓇᙱᑦᑐᓄᑦ ᖃᕆᑕᐅᔭᒃᑯᑦ ᐱᑕᖃᖅᑐᓂᒃ ᑕᐃᒃᑯᓄᖓᓗ ᐊᔾᔨᐅᙱᑦᑑᑎᑕᐅᔪᓄᑦ ᐃᓕᓐᓂᐊᕐᓂᕐᒥᒃ ᐸᕐᓇᐅᑎᓄᑦ.

ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑎᑦ ᐊᐅᓪᓚᖅᓯᒪᑐᐃᓐᓇᕆᐊᓕᑦ ᓄᓇᓄᑦ ᓯᓚᑖᓄᑦ ᐊᑐᕆᐊᖃᖅᑐᑦ ᐱᔭᕆᐊᖃᒻᒪᕆᒃᑐᒥᒃ 14−ᓄᑦ ᐅᓪᓗᓄᑦ ᐃᓄᒡᑐᓗᑎᒃ ᐊᓂᑦᑕᐃᓕᓂᕐᒥᒃ ᓄᓇᕗᒻᒥ ᒐᕙᒪᒃᑯᑦ ᑐᓂᓯᒪᔭᖏᓐᓄᑦ ᐃᓄᑑᓗᑎᒃ ᐊᓂᑦᑕᐃᓕᒪᓂᕐᒧᑦ ᑐᔪᕐᒥᕕᖕᓂ ᖃᓪᓗᓈᑦ ᓄᓇᖏᓐᓂ ᐅᑎᓚᐅᙱᑎᓪᓗᒋᑦ ᓄᓇᕗᒻᒧᒃ. ᑖᓐᓇ ᐊᔾᔨᒋᔭᖓ ᐱᕙᓪᓕᐊᔾᔪᑎᖓᑦ ᓄᓇᕗᒻᒥ ᓄᓇᓕᓕᒫᑦ, ᓄᓇᕗᒻᒥ ᐃᓕᓐᓂᐊᖅᑎᑦ ᑮᓇᐅᔭᖃᖅᑎᑕᐅᓂᖏᓐᓄᑦ ᐃᑲᔫᑎ ᐃᓕᓐᓂᐊᖅᑎᓄᑦ, ᐋᓐᓂᐊᕕᓕᐊᖅᑐᓄᓪᓗ ᐊᐅᓪᓚᖅᑎᓄᑦ ᐅᑎᓕᖅᑐᓄᑦ ᓄᓇᕗᒻᒧᑦ ᒪᓕᑲᑕᒃᑕᖓᒍᑦ. ᑖᓐᓇ ᐱᕙᓪᓕᐊᔾᔪᑎ ᐋᖅᑭᒃᑕᐅᓚᐅᖅᑐᖅ ᐱᖁᔭᐅᔾᔪᑎᒃᑯᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓᓄᑦ.

ᓄᓇᕗᒻᒥ ᓄᓇᓖᑦ, ᐃᓚᐅᓪᓗᑎᒃ ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑎᑦ, ᑲᒪᒋᔭᖃᖅᑎᑕᑦ ᐊᐅᓪᓚᕈᑎᑦ ᐊᑭᖏᓐᓂᒃ ᐅᑎᕐᓗᑎᒃ ᐊᖏᕐᕋᖏᓐᓄᑦ ᓄᓇᕗᒻᒥ. ᓄᓇᕗᒻᒥ ᒐᕙᒪᒃᑯᑦ ᐊᑭᓕᖅᓯᓂᐊᖅᑐᑦ ᐊᑭᖏᓐᓂᒃ ᐃᓄᑑᓗᑎᒃ ᐊᓂᑦᑕᐃᓕᓂᕐᒥ ᑐᔪᕐᒥᕕᖕᓂ ᓄᓇᕗᓕᒫᒥ ᓄᓇᓕᐅᔪᓄᑦ, ᐃᓚᐅᓪᓗᑎᒃ ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑎᑦ.

ᓄᓇᕗᒻᒥ ᒐᕙᒪᒃᑯᓐᓄᑦ ᐃᒻᑲᓇᐃᔭᖅᑎᓕᒫᑦ, ᐃᓚᐅᓪᓗᑎᒃ ᐃᓕᓴᐃᔨᑦ, ᓂᕆᐅᒋᔭᐅᔪᑦ ᐃᖅᑲᓇᐃᔭᕐᓗᑎᒃ ᐃᓗᐊᓃᓪᓗᑎᒃ ᓄᓇᕗᑦ. ᓴᖅᑭᑎᓐᓂᐊᖅᐸᕗᑦ ᖃᓄᑐᐃᓐᓇᖅ ᑐᒃᓯᕋᖅᑕᑦ ᐃᖅᑲᓇᐃᔭᖅᑎᓂᒃ ᒫᓐᓇᐅᔪᖅ ᓄᓇᕗᒻᒦᖏᑦᑐᓄᑦ ᐃᖅᑲᓇᐃᔭᕐᓗᑎᒃ ᓯᓚᑖᓂ ᐊᑕᐅᓯᐅᓈᖅᑎᑕᐅᕙᓪᓕᐊᓗᑎᒃ.

ᐃᓕᓐᓂᐊᕐᓂᓕᕆᔨᒃᑯᑦ ᖃᐅᔨᓇᓱᐃᓐᓇᖃᑦᑕᖅᑐᑦ ᓄᓇᕗᒻᒥ ᐃᓕᓴᐃᔩᑦ ᑲᑐᔾᔨᖃᑎᒌᖓᓄᑦ ᐊᒻᒪ ᑭᒡᒐᖅᑐᐃᔨᖏᑦ ᐃᓕᓐᓂᐊᖅᑐᓕᕆᔨᒃᑯᑦ ᓄᓇᕘᒥ.

ᑕᒪᒃᑮ ᐃᑲᔪᖅᓱᐃᔫᒃ ᐋᖅᑭᒃᑕᒥ ᐃᓕᓴᐃᔨᑦ ᐅᑎᖅᑎᓪᓗᒋᑦ ᐃᖅᑲᓇᐃᔮᖏᓐᓄᑦ ᐱᖁᓪᓗᒍ ᐃᓕᓐᓂᐊᖅᑎᑦ ᑲᔪᓯᓗᑎᒃ ᐃᓕᑦᑎᕙᓪᓕᐊᓂᕐᒥᒃ ᐃᑲᔪᖅᓱᖅᑕᐅᔪᓪᓗ ᐃᓕᓐᓂᐊᕖᑦ ᒪᑐᒪᔭᐅᑎᓪᓗᒋᑦ.

ᐃᓕᓐᓂᐊᕐᕖᑦ ᒪᑐᐃᖅᑕᐅᒃᑲᓐᓂᑕᐃᓐᓇᕋᔭᖅᑐᑦ ᐃᓕᓐᓂᐊᖅᑎᓄᑦ ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ ᐊᖓᔪᖅᑳᖓ ᐊᑕᕐᓇᕈᓐᓃᕋᓱᒋᒍᓂᐅᒃ ᐅᑎᕆᐊᒃᓴᖅ. ᑕᐃᒪᐃᒃᑲᓗᐊᖅᑎᓪᓗᒍ, ᐃᖅᑲᓇᐃᔭᖅᑎᕗᑦ ᐅᑎᖅᓯᒪᖁᔭᓄᑦ ᐃᖅᑲᓇᐃᔮᖏᓐᓄᑦ ᐊᐃᐳᕈ 21−ᒥ ᐱᕙᒌᔭᕐᓗᒋᑦ ᐃᓕᓐᓂᐊᖅᑎᖁᑎᑦᑕ ᑲᔪᓯᔪᓐᓇᕐᓂᖏᑦ ᐱᕙᓪᓕᐊᓂᕐᒥ, ᖃᓅᒐᓗᐊᖅᐸᑦ ᖃᓄᐃᓕᐅᕆᐊᒃᑲᓐᓂᕈᑎ.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᓕᕆᕝᕕᖓ - ᐄᐳᕈ 7, 2020

ᐄᐳᕈ 7−ᒥᑦ ᐱᒋᐊᖅᖢᓂ, ᐃᓕᓴᐃᔩᑦ ᒫᓐᓇ ᑕᒫᓃᑦᑐᑦ ᐃᓕᓐᓂᐊᕐᕕᖕᓄᑦ ᐅᑎᕈᓐᓇᓕᖅᐳᑦ ᑕᒪᓐᓇᓗ ᐃᓱᒪᖅᓲᑎᒋᓪᓗᓂᔾᔪᒃ, ᐃᓕᓐᓂᐊᕐᕕᓕᐊᖃᑦᑕᕈᑎᒃ ᐋᖅᑭᒃᓱᐃᕙᓪᓕᐅᔪᒪᓕᕐᓂᕐᒥᓄᑦ ᐃᓕᓐᓂᐊᕈᑎᒃᓴᓂᒃ ᐃᓕᓐᓂᐊᖅᑐᓄᑦ. ᒪᓕᒋᐊᓕᖕᓂᒃ ᑲᔪᓯᑎᑦᑎᓂᐊᕐᓗᓂ ᑕᒪᒃᑯᓂᖓ ᐃᓕᓐᓂᐊᕈᑕᐅᓂᐊᓕᖅᑐᓂᒃ ᐃᓕᓐᓂᐊᖅᑎᓄᑦ, ᑭᖑᓪᓕᖅᐹᖅᓯᐅᑎᖏᑦ ᐋᖅᑭᒃᓱᖅᑲᐅᕙᓪᓕᐊᕗᑦ ᐃᓕᓐᓂᐊᕐᓂᓕᕆᔨᒃᑯᓐᓂᑦ.

ᑕᒪᕐᒥᑦᑎᐊᖅ ᐃᓕᓐᓂᐊᕐᕕᖕᓂ ᐃᖅᑲᓇᔭᖅᑎᓕᒫᑦ ᐃᖅᑲᓇᐃᔭᕐᕕᖕᒥᓄᑦ ᐅᑎᕐᓂᐊᕋᓱᒋᔭᐅᕗᑦ ᐊᖏᕐᕋᕆᔭᒥᓂ ᓄᓇᓕᖕᓂ ᐊᐃᕐᕆᓕ 21, 2020−ᒥ. ᐃᓕᓴᐃᔩᑦ ᒫᓐᓇ ᐊᐅᓪᓚᖅᓯᒪᔪᑦ ᑕᒫᙵᑦ ᐅᑭᐅᖅᑕᖅᑐᒥᑦ ᐊᑐᕆᐊᖃᖅᑎᑕᐅᓂᐊᖅᐳᑦ 14−ᓄᑦ ᐅᓪᓗᓄᑦ ᐅᐸᒃᑕᐅᑦᑕᐃᓕᒪᓂᕐᒥᒃ ᐋᖅᑭᒃᑕᐅᓯᒪᕙᒌᖅᑐᒥ ᐅᐸᒃᑕᐅᑦᑕᐃᓕᕝᕕᖕᒥ ᐅᑎᓚᐅᙱᓐᓂᕐᒥᓂ ᓄᓇᕗᒻᒧᑦ. ᐃᓕᓴᐃᔨᓂᒃ ᐱᒋᐊᖅᑐᖃᕈᓐᓇᙱᑉᐸᑦ 14−ᓄᑦ ᐅᓪᓗᓄᑦ ᐅᐸᒃᑕᐅᑦᑕᐃᓕᒪᔭᕆᐊᖃᕐᓂᕐᒥᓂᒃ ᐅᑎᕆᐊᖃᕐᓂᐊᕐᓗᑎᒃ ᐊᐃᕐᕆᓕ 21−ᒥ, ᐃᓕᓐᓂᐊᕐᕕᖓᑕ ᐊᖓᔪᖅᑳᖓ ᖃᐅᔨᑎᑦᑕᕆᐊᖃᑦᐸᐅᒃ ᑐᓴᖅᑎᓪᓗᒍᓗ ᑐᓴᖅᑎᔾᔪᑎᒋᔭᕆᐊᖃᖅᑕᒥᓂᒃ ᓄᒃᑕᕐᓂᕐᒧᑦ ᖃᓄᐃᓕᖓᓂᐊᕐᒪᖔᒥᓂ, ᐅᖃᖃᑎᖃᖅᐸᒡᓗᓂᓗ ᓇᓕᐊᖕᓂᑐᐃᓐᓇᖅ ᐅᐸᒃᑕᐅᑦᑕᐃᓕᒪᕝᕕᖕᓂᒃ ᐅᖃᐅᑎᔪᒪᓗᒋᑦ ᖃᓄᑐᐃᓐᓇᖅ ᑭᖑᕙᕆᐊᕆᐊᖅᑎᑕᐅᑐᐃᓐᓇᕆᐊᓕᖕᓂᒃ.

ᐊᐃᕐᕆᓕ 21-ᖑᓕᖅᐸᑦ, ᐋᖅᑭᒃᑕᐅᓯᒪᓕᖅᑐᖃᓛᖅᑐᖅ ᒪᓕᒃᑐᖃᕐᓗᓂ ᐋᓐᓂᐊᖃᕐᓇᙱᑦᑐᓕᕆᔨᓪᓗᐊᑕᐅᑉ ᖃᓄᐃᓕᐅᖁᓯᒪᔭᖏᓐᓂᒃ.

ᐃᓕᓐᓂᐊᕐᕖᑦ ᒪᑐᒪᐃᓐᓇᕆᐊᖃᖅᐸᑕ:

ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑏᑦ ᐊᐅᓚᓂᕆᕙᒃᑕᒥᓂᒃ ᐊᐅᓚᑎᑦᑎᔭᕆᐊᖃᓛᖅᑐᐃᑦ, ᐊᐱᕆᔭᐅᓂᐊᖅᖢᑎᒡᓗ ᐋᖅᑭᒃᓱᐃᖁᔭᐅᓗᑎᒃ ᐃᓕᓐᓂᐊᕈᑎᒃᓴᓂᒃ ᐋᖅᑭᒃᓱᐃᕙᓪᓕᐊᖏᓐᓇᕐᓂᕐᒥᒃ ᐃᓕᓐᓂᐊᖅᑎᓕᒫᓄᑦ.
ᐃᓕᓴᐃᔨᑦ ᑐᓂᔭᐅᓂᐊᕐᑐᑦ ᑐᑭᓯᓇᑦᑎᐊᕐᑐᓂᑦ ᒪᓕᒐᒃᓴᓂᑦ ᖃᓄᖅ ᖃᐅᔨᓴᕋᔭᖕᒪᖔᖏᑦ, ᖃᓄᕐᓗ ᑭᖑᓪᓕᖅᐹᖅᓯᐅᑎᓂᒃ, ᐃᓕᓐᓂᐊᖅᑏᑦ ᓇᓕᖅᑲᖏᓐᓂᒃ, ᖁᑦᑎᒃᓯᕙᓪᓕᐊᓃᓪᓗ ᑎᑭᑕᐅᓂᐊᖕᒪᖔᖏᑕ.

ᐃᓕᓐᓂᐊᕐᕖᓪᓕ ᒪᑐᐃᒃᑲᓐᓂᕐᓂᖅᐸᑕ:

ᐃᓕᓐᓂᐊᕐᕕᖕᓂ ᐊᐅᓚᓂᕆᔭᐅᕙᒃᑐᑦ ᑲᔪᓯᑐᐃᓐᓇᕐᓂᐊᖅᑐᑦ ᑲᔪᓯᓂᕆᕙᒃᑕᒥᑐᑦ.

ᐱᓕᕆᕝᕕᖕᓂᑦ ᖃᐅᔨᓴᕈᑎᑦ ᖁᑦᑎᓛᓄᑦ ᐃᓕᓐᓂᐊᕐᑎᓄᑦ ᓄᖅᑲᖅᑎᑕᐅᓚᐅᕐᐳᑦ ᔫᓐ ᐃᓱᐊᓄᑦ.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᓕᕆᕝᕕᖓ - ᐄᐳᕈ 3, 2020

ᐊᐃᑉᐹᓂ, ᐊᐃᕐᕆᓕ 7, ᐃᓕᓐᓂᐊᕐᕕᖕᒥ ᐃᖅᑲᓇᐃᔭᖅᑏᑦ ᐃᓕᓐᓂᐊᕐᕕᖕᒧᐊᕈᓐᓇᕐᓂᐊᓕᖅᑐᑦ ᐱᔪᒪᒍᑎᒃ ᐃᓕᓐᓂᐊᕈᑎᒃᓴᓂᒃ ᐋᖅᑭᒃᓱᐃᕙᒌᕆᐊᖅᑐᕐᓗᑎᒃ.

ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᖃᑎᒌᓂᒃ ᐱᑕᖃᖅᐳᑦ ᒪᓕᒋᐊᓕᖕᓂᒃ ᐋᖅᑭᒃᓱᐃᕙᒃᑐᓂᑦ ᐃᓕᓴᐃᔨᓄᑦ ᓇᓗᓇᐃᖅᓯᓇᓱᒃᑐᓄᑦ ᐊᔪᙱᓐᓂᖏᓐᓄᑦ−ᑐᕌᖓᔪᓂᒃ ᐱᔾᔪᑎᖃᓪᓗᐊᑕᖅᑐᑦ ᐃᓕᓐᓂᐊᕈᑎᓂᒃ ᑲᑎᖅᓱᖅᓯᒪᔪᓂᑦ. ᑲᑎᖅᓱᖅᓯᒪᔪᑦ ᐊᔾᔨᒋᙱᑐᐃᓐᓇᕆᐊᓖᑦ ᐊᑐᓂ ᐃᓕᓐᓂᐊᖅᑎᓄᑦ.

ᐃᓕᓐᓂᐊᕐᕕᖕᒧᐊᕈᓐᓇᕐᓂᖅ ᐃᖅᑲᓇᐃᔭᕐᓂᕐᒧᑐᐊᖑᕗᖅ ᐱᙳᐊᕆᐊᖅᑐᕐᓂᖕᒨᙱᑦᑐᖅ ᐊᓯᖏᓐᓄᓪᓘᓐᓃᑦ ᐃᓕᓐᓂᐊᕐᓂᕐᒨᙱᑦᑐᓄᑦ ᐱᓕᕆᐊᒃᓴᓄᑦ.

ᐃᓕᓐᓂᐊᕐᓂᓕᕆᔨᒃᑯᑦ ᑕᒪᐃᓐᓂ ᐃᓕᓐᓂᐊᕐᕕᖕᓂᑦ ᐱᑎᑦᑎᓂᐊᕆᕗᑦ ᐋᓐᓂᐊᖃᖅᑕᐃᓕᓂᕐᒧᑦ ᐊᑦᑕᕐᓇᖅᑕᐃᓕᒪᓂᕐᒧᓪᓗ ᒪᓕᒋᐊᖃᖃᑦᑕᕐᓂᐊᖅᑐᓂᑦ ᓄᕙᒡᔪᐊᕐᓇᖅ-19−ᒧᑦ, ᐱᖃᓯᐅᓪᓗᓂ ᐊᓂᖅᑎᕆᔾᔪᓰᑦ, ᐊᒡᒐᖕᓂ ᐅᐊᓴᐃᖃᑦᑕᕐᓂᖅ, ᐊᒻᒪ ᖃᓂᒌᓗᐊᕆᐊᖃᙱᓐᓂᖅ.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᓕᕆᕝᕕᖓ - ᒫᑦᓯ 31, 2020

ᒥᓂᔅᑕᐅᑉ ᐃᓕᓐᓂᐊᕐᓂᓕᕆᔨᒃᑯᓐᓄᑦ ᓄᑖᙳᕆᐊᖅᑎᑕᖏᑦ:

ᒪᑦᓯ 17−ᖑᓚᐅᕐᓂᖓᓂᑦ, ᓄᓇᕗᒻᒥ ᐃᓕᓐᓂᐊᕐᕖᑦ ᒪᑐᔭᐅᓯᒪᕗᑦ ᐃᑲᔪᕈᒪᓂᕐᒧᑦ ᓯᐅᒻᒪᒃᑎᕆᑦᑕᐃᓕᒪᔪᒪᓂᕐᒧᑦ ᑕᒪᑐᒥᖓ ᓄᕙᒡᔪᐊᕐᓇᖅ-19−ᒥᒃ. ᑕᐃᒪᐃᓐᓂᖓᓄᑦ, ᐊᖓᔪᖅᑳᑦ ᑲᒪᔨᒋᔭᐅᕙᒃᑐᓪᓗ ᐊᐱᕆᖃᑦᑕᖅᓯᒪᕗᑦ ᐃᓕᓐᓂᐊᕐᓂᕐᒧᑦ ᐊᑐᖅᑕᐅᔪᓐᓇᖅᑐᓂᒃ ᐃᑲᔪᕈᒪᓪᓗᒋᑦ ᓄᑕᖅᑲᑎᒃ ᐃᓕᓐᓂᐊᒋᖏᓐᓇᕐᓂᕐᒧᑦ.

ᐅᓪᓗᒥ ᓇᓗᓇᐃᖅᓯᕗᖓ ᐅᖃᐅᓯᖃᖅᖢᖓ ᐃᓕᓐᓂᐊᕐᓂᓕᕆᔨᒃᑯᑦ ᐋᖅᑭᒃᓱᐃᓯᒪᓂᖏᓐᓂᒃ ᐃᓕᓐᓂᐊᕙᓪᓕᐊᓂᕐᒧᑦ ᐊᖏᕐᕋᕆᔭᐅᔪᒥ ᐃᑭᐊᖅᑭᕕᖕᒥᒃ ᐆᒥᖓ, ᐊᖏᕐᕋᒥ ᐃᓕᓐᓂᐊᕐᓂᖅ, (angirrami.com). ᑖᓐᓇ ᐃᑭᐊᖅᑭᕕᒋᔭᐅᔪᖅ ᒪᓂᒪᑎᑦᑎᕗᖅ ᐊᑭᖃᙱᑦᑐᒥᒃ ᐊᑐᖅᓯᔪᓐᓇᕐᓂᕐᒥᒃ ᐃᓚᖏᓐᓄᑦ ᑖᒃᑯᐊᑦᑕᐃᓐᓇᕐᓗᑦ ᐊᑐᖅᑕᐅᕙᒃᑐᓄᑦ ᐃᓕᓐᓂᐊᕐᕕᑦᑎᓐᓂ.

ᑖᒃᑯᐊ ᐃᓚᖃᖅᐳᑦ ᖃᕆᑕᐅᔭᒃᑯᑦ ᐱᔭᒃᓴᐅᔪᓂᒃ ᐅᖃᓕᒫᒐᕐᓂᒃ ᖃᕆᑕᐅᔭᒃᑰᖓᔪᓂᒃ ᐅᖃᓕᒫᒐᕐᓂᒃ ᐃᓕᓐᓂᕆᐅᖅᓴᓕᓵᖅᑐᓄᑦ ᐊᕐᕌᒍᓕᖕᓄᑦ ᖁᑦᑎᒃᓯᕙᓪᓕᐊᖓᓪᓗᑎᒃ; ᐃᓕᓐᓂᐊᖅᑎᑦᑎᔾᔪᑕᐅᒃᑐᑦ ᑐᓵᓪᓗᒋᑦ ᐅᖃᔨᒫᒐᐃᑦ ᐊᐅᓚᔪᙳᖅᑎᑕᐅᓯᒪᔪᓪᓗ ᑕᕐᕆᔭᒐᒃᓴᓄᑦ; ᐊᑐᖅᑕᐅᔪᓐᓇᖅᑐᓄᑦ ᐱᓕᕆᐊᒃᓴᓄᓪᓗ ᐃᓕᓐᓂᐊᖅᐸᓪᓕᐊᓗᓂ; ᐊᒻᒪᓗ ᐊᑐᖅᑕᐅᔪᓐᓇᖅᑐᓂᒃ ᐊᐅᓚᑦᑎᕝᕕᖃᕐᓂᐊᕐᓗᓂ ᐊᒃᓱᕈᓐᓇᖅᓯᔪᓂᒃ ᐃᓱᒪᒃᑯᓪᓗ ᖃᓄᙱᑦᑎᐊᕈᓐᓇᕐᓂᕐᓂᒃ.

ᐊᒻᒪᑦᑕᐅᖅ ᐊᑕᓕᕐᕕᐅᔪᓐᓇᖅᑐᓂᒃ ᖃᕆᑕᐅᔭᒃᑯᑦ ᐱᕝᕕᐅᔪᓐᓇᖅᑐᓂᒃ ᐱᔨᕆᕝᕕᒋᔭᐅᔫᑉ ᐃᓄᒃᑐᑦ ᐅᖃᐅᓯᕐᒧᑦ ᐃᓕᓐᓂᐊᖅᑎᑦᓂᕐᒧᑦ ᐱᔭᐅᔪᓐᓇᖅᑐᓂᒃ ᖃᕆᑕᐅᔭᒃᑯᑦ:

ᐅᖃᐅᓰᑦ ᐱᙳᐊᕈᓰᑦ ᖁᕕᐊᓇᖅᑐᓂᒃ ᐱᓕᕆᐊᒃᓴᖁᑎᖃᖅᐳᑦ ᐃᑲᔪᖅᑐᐃᔪᓂᒃ ᐃᓄᐃᑦ ᐅᖃᐅᓯᖓ ᖃᓄᐃᓕᖓᓂᖓᓂᒃ ᖃᓄᕐᓗ ᓂᐱᖏᓐᓂᒃ ᐃᓕᓴᖅᓯᔪᓐᓇᕐᓂᕐᓂᒧᑦ, ᐅᖃᐅᓯᕐᓄᓪᓗ ᐱᕙᓪᓕᐊᓂᕆᔭᐅᔪᒥᒃ.
ᑎᑎᕋᕆᐅᖅᓴᐅᑎ ᓴᖅᑭᑎᑦᑎᕗᖅ ᐃᓄᐃᑦ ᐅᖃᐅᓯᖓᓄᑦ ᓇᓗᓇᐃᒃᑯᑕᕐᓄᑦ ᓂᐱᖏᓐᓄᑦ ᑎᑎᕋᖅᓯᕙᓪᓕᐊᓂᕐᒧᓪᓗ ᖃᓄᐃᓕᐅᖅᑕᐅᕙᓪᓕᐊᕙᒃᑐᓄᑦ.
ᕿᒥᕐᕈᓇᐅᑦ ᐱᓕᕆᕝᕕᒋᔭᐅᔫᑉ ᓄᑖᖑᓪᓗᓂ ᐃᓄᒃᑎᑐᑦ ᖃᕆᑕᐅᔭᒃᑯᑦ ᐅᖃᓕᒫᒐᕐᓄᑦ ᕿᒥᕐᕈᐊᒐᖃᕐᕕᖕᒥ ᐊᑐᖅᑕᐅᔪᓐᓇᖅᐸᒃᖢᓂ.

ᑕᒪᒃᑯᐊ ᖃᕆᑕᐅᔭᒃᑯᑦ ᐱᔭᐅᔪᓐᓇᖅᑐᑦ ᒪᓂᒪᕗᑦ Android−ᓄᑦ ᐊᒻᒪᓗ iOS−ᓄᑦ ᐊᑐᖅᑕᐅᕙᒃᑐᓄᑦ ᖃᕆᑕᐅᔭᒃᑯᓪᓗ ᐱᔭᐅᔪᓐᓇᖅᖢᑎᒃ ᐅᑯᓇᙵᑦ, Google Play ᐅᕙᓘᓐᓃᑦ Apple App ᓂᐅᕕᕐᕕᖕᓂᑦ.

ᐊᖏᕐᕋᒥ ᐃᓕᓐᓂᐊᕐᓂᖅ ᐱᑎᑦᑎᕙᒃᐳᖅ ᐊᑕᓕᕐᕕᐅᔪᓐᓇᖅᑐᓂᒃ ᐊᓯᖏᓐᓄ ᖃᕆᑕᐅᔭᒃᑯᑦ ᐃᑭᐊᖅᑭᕕᒃᑯᑦ ᐃᓕᓐᓂᐊᕐᓂᕐᒧᑦ ᐊᑐᖅᑕᐅᔪᓐᓇᖅᑐᓂᒃ ᐃᓕᓐᓂᐊᖅᑎᑦᑎᔾᔪᑕᐅᕙᒃᑐᓄᑦ ᓲᕐᓗ, ᖃᐅᔨᓴᖅᑐᓕᕆᓂᖅ, ᓈᓴᐅᓯᕆᓂᖅ, ᖃᓄᐃᓕᐅᖅᑕᐅᕙᓚᐅᖅᑐᓕᕆᓂᖅ, ᐃᓄᓕᕆᓂᕐᒥᒡᓗ.

ᐅᔾᔨᕈᓱᖁᒡᒋᕗᖓᑦᑕᐅᖅ ᑖᓐᓇ ᐃᑭᐊᖅᑭᕕᐅᔪᓐᓇᖅᑐᖅ ᖃᕆᑕᐅᔭᒃᑯᑦ ᐅᓪᓗᒥ ᐱᒋᐊᖅᑎᑕᐅᒐᓗᐊᖅᑎᓪᓗᒍ, ᓄᑖᓂᒃ ᐊᑐᖅᑕᐅᔪᓐᓇᖅᑐᓂᒃ ᖃᖓᙳᕌᖓᑦ ᐃᓕᓯᕝᕕᐅᖃᑦᑕᕐᓂᐊᖅᐳᖅ. ᓯᕗᓪᓕᖅᐸᐅᔾᔭᐅᓯᒪᔪᖅ ᑕᒪᒃᑯᐊ ᐃᓄᒃᑎᑑᖓᔪᑦ ᐃᓄᐃᓐᓇᖅᑑᖓᔪᓪᓗ ᐊᑐᖅᑕᐅᔪᓐᓇᖅᑐᑦ ᐃᑭᐊᖅᑭᕕᖕᒧᐊᖅᑎᕈᒪᓪᓗᑎᒍ ᓱᒃᑲᓕᔪᓐᓇᕐᓂᓕᒫᕗᑦ ᒪᓕᒡᓗᒍ. ᖃᓪᓗᓈᑑᖓᔪᑦ ᐅᐃᕖᑎᑑᖓᔪᓪᓗ ᐊᑐᖅᑕᐅᔪᓐᓇᖅᑐᑦ ᖃᖓᑦᑎᐊᒃᑯᑦ ᐃᓕᐅᖅᑲᖅᑕᐅᔨᓛᕐᒥᔪᑦ.

ᑕᒪᕐᒥᑦᑎᐊᖅ ᐊᑐᖅᑕᐅᔪᓐᓇᖅᑐᑦ ᓇᓂᔭᐅᔪᑦ ᑕᕝᕙᓂ ᐃᓂᒥ ᓴᖅᑭᑎᑕᐅᓚᐅᖅᐳᑦ ᐃᓕᓐᓂᐊᕐᓂᓕᕆᔨᒃᑯᓐᓂᑦ ᐱᓕᕆᖃᑎᒋᕙᒃᑕᖏᓐᓂᓪᓗ, ᐃᓚᒋᔭᐅᓪᓗᑎᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑭᒡᒐᖅᑐᐃᔨᓗ ᓄᑕᖅᖃᕝᑲᓄᑦ ᒪᒃᑯᒃᑐᓄᓪᓗ ᑎᑎᕋᕐᕕᖓ, ᐊᒻᒪᓗᑦᑕᐅᖅ ᐃᓗᓕᕆᔨᒃᑯᑦ, ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ, ᐊᕙᑎᓕᕆᔨᒃᑯᑦ, ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ.

ᖁᔭᓕᔪᒪᕙᒃᑲ ᑕᒪᕐᒥᑦᑎᐊᖅ ᐃᓕᓐᓂᐊᖅᑏᑦ, ᐊᖓᔪᖅᑳᑦ, ᑲᒪᒡᒋᔭᐅᕙᒃᑐᓪᓗ ᐅᑕᖅᑭᔪᓐᓇᑦᑎᐊᕐᓂᖏᓐᓄᑦ. ᖃᐅᔨᒪᕗᖓ ᐃᓕᔅᓯᓐᓄᑦ ᐊᒥᓱᓄᑦ ᐊᔪᕐᓇᙱᑦᑐᑯᓗᖃᑦᑕᖅᓯᒪᙱᓚᖅ ᑕᒪᒃᑯᐊ ᐃᓕᓐᓂᐊᕐᕖᑦ ᐸᐃᕆᕝᕖᓪᓗ ᒪᑐᓯᒪᓂᖏᓐᓄᑦ. ᑭᓯᐊᓂᑦᑕᐅᖅ, ᑕᒪᑦᑎᑕᑦᑎᐊᖅ ᐱᓕᕆᐊᖃᕆᐊᖃᖅᐳᒍᑦ ᐱᓕᕆᔪᓐᓇᖅᑕᑦᑎᓐᓂᒃ ᓯᐊᒻᒪᒃᑎᕆᑦᑕᐃᓕᒪᔪᒪᓂᖅ ᓄᕙᒡᔪᐊᕐᓇᖅ-ᒥᒃ.

ᖃᐅᔨᒪᑦᑎᐊᖁᕙᔅᓯ ᐱᓕᕆᕝᕕᒋᔭᕋ ᐊᒃᓱᕈᖅᖢᓂ ᐱᓕᕆᖃᑦᑕᖅᓯᒪᓂᖓᓂᒃ ᑖᓐᓇ ᐃᑭᐊᖅᑭᕕᐅᕙᒃᑐᖅ ᐱᑐᐃᓐᓇᕆᐊᖃᓕᖅᑎᑦᑐᒪᓪᓗᒍ ᐊᔪᕐᓇᙱᓐᓂᓕᒫᖓ ᐊᑐᕐᓗᒍ ᖃᓂᓛᒃᑯᑦ.

ᑎᓕᐅᖅᐸᒃᑲ ᓄᓇᕗᒻᒥᐅᑦ ᕿᓂᖁᓪᓗᒋᑦ ᑕᒪᐃᓐᓂᑦᑎᐊᖅ ᐊᑐᖅᑕᐅᔪᓐᓇᖅᑐᓂᒃ ᑖᔅᓱᒪ ᐃᑭᐊᖅᑭᕕᐅᑉ ᒪᓂᒪᑎᖃᑦᑕᕐᓂᐊᖅᑕᖏᓐᓂᒃ. ᐃᓕᑦᑎᕙᓪᓕᐊᓂᖅ ᐃᓚᓕᐅᑎᓗᒍ ᖃᐅᑕᒫᑦ ᐊᑐᖅᐸᒃᑕᕐᓄᑦ!

ᖁᔭᓐᓇᒦᒃ, ᖁᐊᓇ, thank you, merci.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᔨᑦᑎᕋᐅᑎᖏᑦ

ᐅᓪᓗᒥ, ᐃᓕᓐᓂᐊᕐᓂᓕᕆᔨᒃᑯᑦ ᓴᖅᑭᑎᑦᑎᕗᑦ ᐃᓕᓐᓂᐊᖅᐸᓪᓕᐊᓂᕐᒧᑦ ᐊᖏᕐᕋᕆᔭᐅᔪᒥ ᐃᑭᐊᖅᑭᕕᖕᒥᒃ ᐆᒥᖓ, ᐊᖏᕐᕋᒥ ᐃᓕᓐᓂᐊᕐᓂᖅ, (angirrami.com). ᑖᓐᓇ ᐊᖏᕐᕋᕆᔭᐅᔪᒥ ᐃᓕᓐᓂᐊᕈᓐᓇᕐᓂᕐᒧᑦ ᐃᑭᐊᖅᑭᕕᒃ ᐋᖅᑭᒃᓱᖅᑕᐅᓂᑯ ᐃᓕᓐᓂᐊᕐᓂᓕᕆᔨᒃᑯᓐᓂᑦ ᐱᑎᑦᑎᕙᒃᐳᖅ ᐊᑭᖃᙱᑦᑐᒥᒃ ᐊᑐᖅᓯᔪᓐᓇᕐᓂᕐᒥᒃ ᐃᑲᔪᕈᒪᓪᓗᒋᑦ ᓄᑕᖅᑲᑦ ᒪᒃᑯᒃᑐᓗ ᐃᓕᑦᑎᕙᓪᓕᐊᖏᓐᓇᕐᓂᕐᒥᒃ ᐅᖃᐅᓯᕐᒥᑎᒍᑦ ᐃᓕᓐᓂᐊᕐᕖᑦ ᒪᑐᔭᐅᓯᒪᓂᖏᓐᓂ.

ᑕᐃᒪᐃᖁᔭᐅᓯᒪᓂᕐᒥᓄᑦ ᐋᓐᓂᐊᖃᕐᓇᙱᑦᑐᓕᕆᔨᓪᓗᐅᑕᒥᑦ, ᐃᓕᓐᓂᐊᕐᕖᑦ ᐸᐃᕐᕆᕝᕖᓪᓗ ᒪᑐᓯᒪᓂᖏᑦ ᐃᓕᓐᓂᐊᖅᑎᓄᑦ ᓄᑕᖅᑲᓄᓪᓗ ᐅᖓᕙᕆᐊᖅᑕᐅᕗᑦ ᐄᐳᕈ 20 ᐅᓪᓗᐊ ᐃᓱᓕᓐᓇᓱᖕᓂᖓᓂ. ᑕᐃᑲᓃᓕᕈᑦᑕ ᖃᖓᙳᖅᐸᓪᓗ, CPHO-ᑯᑦ ᖃᐅᔨᓴᖅᓯᒃᑲᓐᓂᓛᖅᐳᑦ ᐱᑎᑦᑎᓗᑎᒡᓗ ᖃᓄᐃᓕᐅᕆᐊᖃᓕᕐᓂᕐᒥᒃ.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᓕᕆᕝᕕᖓ - ᒫᑦᓯ 25, 2020

ᐱᔨᑦᑎᕋᐅᑎᑦ ᑲᔪᓯᔪᑦ:

ᕙᓯᒃᑯᑦ ᑳᑦᑐᓛᒃᑕᐅᓯᒪᔪᑦ ᐊᑭᓕᖅᑕᐅᖃᑦᑕᐃᓐᓇᕐᓂᐊᖅᑐᑦ ᐱᓇᓱᐊᕈᓯᕐᓂᑦ ᐱᖓᓱᓂᒃ ᒪᑐᓯᒪᑎᓪᓗᒋᑦ.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᓕᕆᕝᕕᖓ - ᒫᑦᓯ 24, 2020

ᐃᓕᓐᓂᐊᕐᓂᓕᕆᔨᒃᑯᑦ ᐃᑲᔪᖅᑐᑦ ᐃᓄᓕᕆᔨᒃᑯᓐᓂᒃ ᑐᑭᒧᐊᖅᑎᑦᓯᓪᓗᑎᒃ ᐅᑎᖅᑎᑕᐅᒍᓐᓇᕐᓂᖏᓐᓂᒃ ᓄᓇᕗᑦ ᓯᓚᑖᓂ ᐃᓕᓐᓂᐊᕆᐊᖅᓯᒪᔪᓂᒃ ᐃᓚᖏᓐᓂᓪᓗ ᓄᓇᕗᒻᒧ.
ᐃᓕᓐᓂᐊᕐᓂᓕᕆᔨᒃᑯᑦ ᑮᓇᐅᔭᖃᖅᑎᑦᓯᔪᑦ ᓚᐃᓴᓐᓯᓕᓐᓄᑦ ᐸᐃᕆᕕᓐᓄᑦ ᑭᖑᕝᕕᐅᑎᒐᑦᓴᓂᒃ ᐊᖏᔪᖅᑳᕆᔭᐅᔪᓂᒃ ᐊᑭᓕᐅᑎᐅᖃᑦᑕᖅᑐᓂᒃ ᒫᑦᓯ 17-ᒥᒃ ᐃᐳᕈ 7-ᒧᑦ, 2020.
ᓚᐃᓴᓐᓯᓖᑦ ᐸᐃᕆᕕᓕᒫᑦ ᓄᓇᕗᒻᒥ ᐊᑭᓖᑎᑦᓯᖃᑦᑕᖅᑐᑦ ᐊᖏᔪᖅᑳᕆᔭᐅᔪᓂᒃ ᐱᔪᓐᓇᖃᑕᐅᓂᐊᖅᑐᑦ ᐃᑲᔫᑎᒥᒃ.
ᑮᓇᐅᔭᐃᑦ ᐊᑭᓕᐅᑎᑦ ᑲᒪᒋᔭᐅᓂᐊᖅᑐᑦ ᐊᐅᓪᓚᖅᑎᑕᐅᓗᑎᓪᓗ ᓚᐃᓴᓐᓯᓕᓐᓄᑦ ᐸᐃᕆᕕᓐᓄᑦ ᑐᖔᓂ ᑕᓪᓕᒻᒥᖅ, ᒫᑦᓯ 27, 2020. ᒫᓐᓇᐅᓂᖓᓂ, ᐊᖏᔪᖅᑳᕆᔭᐅᔪᑦ ᐊᑭᓖᖃᑦᑕᕆᐊᑐᙱᑦᑐᑦ ᐸᐃᕆᕕᓐᓄᑦ.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᓕᕆᕝᕕᖓ - ᒫᑦᓯ 23, 2020

ᐃᓕᓐᓂᐊᕐᓂᓕᕆᔨᒃᑯᑦ ᑮᓇᐅᔭᖃᖅᑎᑦᑎᓂᐊᖅᑐᑦ ᓄᑕᖅᑲᑦ ᑲᒪᒋᔭᐅᕕᖏᓐᓄᑦ ᐱᔪᓐᓇᐅᑎᓕᖕᓄᑦ ᐃᓂᓄᑦ, ᐊᑭᓖᔪᒪᓪᓗᑎᒃ ᐊᖓᔪᖅᑳᑦ ᐊᑭᓕᕆᐊᖃᖅᑕᖏᓐᓂᒃ ᒫᑦᓯ 17−ᒥᑦ ᐄᐳᕈ 7, 2020-ᒧᑦ.
ᑕᒪᕐᒥᑦᑎᐊᖅ ᓄᓇᕗᒻᒥ ᐸᐃᕆᕝᕖᑦ ᐱᔪᓐᓇᐅᑎᓖᑦ ᐊᑭᓕᒐᒃᓴᖅᑖᖅᑎᑦᑎᕙᒃᑐᑦ ᐊᖓᔪᖅᑳᓂᑦ ᐊᑭᓕᖅᑕᐅᔭᕆᐊᖃᖅᐸᒃᑐᓂᒃ ᐊᔪᖅᑎᑕᐅᔾᔮᙱᓚᑦ ᑐᓐᓂᖅᑯᓯᐊᕈᓐᓇᕐᓄᑎᒃ ᑮᓇᐅᔭᓂᒃ.
ᑖᒃᑯᐊ ᑮᓇᐅᔭᑦ ᐱᓕᕆᐊᖑᓂᐊᖅᐳᑦ ᓇᒃᓯᐅᔾᔭᐅᓗᑎᒡᓗ ᓚᐃᓴᓕᖕᓄᑦ ᐸᐃᕆᕝᕕᖕᓄᑦ, ᐅᓪᓗᑐᐃᓐᓇᖅ, ᒫᑦᓯ 27, 2020 ᑎᑭᓚᐅᙱᓐᓂᖓᓂ.
ᑕᒪᓐᓇ ᒫᓐᓇ ᐊᑐᕐᓂᑦᑎᓐᓂ, ᐊᖓᔪᖅᑳᕆᔭᐅᔪᑦ ᐊᑭᓖᔭᕆᐊᖃᔾᔮᙱᓚᑦ ᐊᖓᔪᖅᑳᕆᔭᐅᔪᓂᑦ ᐊᑭᓕᖅᑕᐅᔭᕆᐊᖃᖅᐸᒃᑐᓂᒃ.
ᒪᑐᓯᒪᔪᑦ ᑲᔪᓰᓐᓇᖅᐸᑕ ᐄᐳᕈ 7 ᑎᑭᐊᓪᓚᓚᐅᖅᑎᓪᓗᒍ, ᑖᓐᓇ ᐱᓕᕆᕝᕕᒋᔭᐅᔪᖅ ᖃᐅᔨᓴᖅᓯᒃᑲᓐᓂᓕᕐᓂᐊᖅᐳᖅ ᐃᑲᔪᖅᓯᓕᕐᓗᓂᓗ ᐱᔪᓐᓇᐅᑎᓕᖕᓂᒃ ᐸᐃᕆᕝᕕᖕᓂᒃ ᐃᓂᒋᔭᐅᔪᓂᒃ ᐋᖅᑭᒃᓯᖃᑎᒋᓗᒋᑦ ᖃᓄᖅ ᓯᕗᒻᒧᐊᕈᓐᓇᕋᔭᕐᒪᖔᑕ.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᐱᓕᕆᕝᕕᖓ - ᒫᑦᓯ 20, 2020

ᐋᖅᑭᒋᐊᖅᑕᐅᓯᒪᓕᖅᑐᑦ ᐱᔨᑦᑎᕋᕈᑕᐅᕙᒃᑐᑦ:

ᐊᑐᖅᑎᑦᑎᓪᓚᕆᒃᑲᓐᓂᕈᒪᓂᕐᒧᑦ ᐃᓅᖃᑎᒥᒃ ᖃᓂᒃᓴᓗᐊᕆᐊᖃᙱᓐᓂᕐᒥᒃ, ᒥᑭᒡᓕᒋᐊᖅᑎᑦᑎᓯᒪᔪᒪᓂᕐᒧᓪᓗ ᓇᒧᙵᖅᑎᑦᑎᓕᑐᐃᓐᓇᕆᐊᖃᕐᓂᕐᒥᒃ ᑕᒪᑐᒥᖓ ᓄᕙᒡᔪᐊᕐᓇᖅ-19−ᒥᒃᒪ ᐃᓕᓐᓂᐊᕐᓂᓕᕿᔨᒃᑯᑦ ᐃᓱᓕᑦᑕᖅᑎᑦᑎᓕᖅᐳᑦ ᑎᑎᕋᕐᕕᖕᓂ ᐱᓕᓂᐅᔭᕆᐅᔭᕆᐊᓕᖕᓂᒃ ᑕᒪᒃᑯᓄᖓᑐᐊᖅ ᐊᑐᖅᑕᐅᔭᕆᐊᖃᒻᒪᕆᒃᐸᒃᑐᓄᑦ ᐃᖅᑲᓇᐃᔭᖅᑎᓄᑐᐊᖅ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

ᑕᒪᕐᒥᑦᑎᐊᖅ ᐃᓕᓐᓂᐊᕐᕖᑦ ᓄᑕᖅᑲᓄᓪᓗ ᐸᐃᕆᕝᕖᑦ ᓄᓇᕗᒻᒥ ᒪᑐᔭᐅᕗᑦ ᐱᓇᓱᐊᕈᓯᕐᓄᑦ ᐱᖓᓱᓄᑦ, ᑕᒪᓐᓇ ᒪᑐᓯᒪᓂᖓᑦ ᐱᒋᐊᕐᓂᐊᖅᖢᓂ ᐊᐃᑉᐹᓂ, ᒫᑦᓯ 17, 2020−ᒥ.

ᐃᓕᓐᓂᐊᕐᓂᓕᕆᔨᒃᑯᓐᓄᑦ ᓄᑖᙳᕆᐊᖅᓯᒪᔪᑦ - ᒫᑦᓯ 19, 2020

ᐃᓕᓐᓂᐊᕐᓂᓕᕆᔨᒃᑯᑦ ᖃᔅᓯᑲᓪᓚᐃᓪᓗ ᓄᓇᕗᑦ ᒐᕙᒪᖓᑕ ᐱᓕᕆᕝᕕᒋᔭᖏᑦ ᐱᓕᕆᖃᑎᒌᑦᑎᐊᖅᐳᑦ ᒥᑭᒡᓕᒋᐊᖅᑎᑦᑎᔪᒪᓪᓗᑎᒃ ᐊᒃᑐᖅᓯᓂᕆᔭᐅᔪᒥᒃ ᐃᓕᓐᓂᐊᕐᕖᑦ ᒪᑐᔭᐅᓂᖏᓐᓂᒃ ᑕᒪᒃᑯᓄᖓ ᓂᕆᑎᑦᑎᓂᕐᒧᑦ ᐱᓕᕆᐊᖑᕙᒃᑐᓄᑦ.

ᐃᓕᓐᓂᐊᕐᓂᓕᕆᔨᒃᑯᑦ ᐱᑎᑦᑎᓂᐊᖅᐳᑦ ᑮᓇᐅᔭᓂᒃ ᑕᒪᐃᓐᓄᓕᒫᖅ ᓚᐃᓴᖃᖅᑐᓄᑦ ᓄᑕᖅᑲᓂᒃ ᐸᐃᕆᕝᕕᒋᔭᐅᕙᒃᑐᓄᑦ.

ᑖᒃᑯᐊ ᑮᓇᐅᔭᖁᑎᒋᔭᐅᔪᑦ ᓇᓕᒧᒋᔭᖃᕐᓂᐊᖅᐳᑦ ᐊᖓᔪᖅᑳᕆᔭᐅᔪᑦ ᐊᑭᓕᖅᐸᒃᑕᖏᓐᓄᑦ ᓚᐃᓴᓕᖕᓄᑦ ᐸᐃᕆᕝᕕᖕᓄᑦ ᐃᓇᔭᖅᑕᕋᓗᐊᙱᑦᑐᑦ ᑕᒪᑐᒪᓂ ᐱᓇᓱᐊᕈᓯᕐᓄᑦ ᐱᖓᓱᓄᑦ ᒪᑐᓯᓯᒪᓂᕆᔭᐅᔪᒥ.

ᑕᒪᓐᓇ ᐱᕕᖃᖅᑎᑦᑎᓂᐊᖅᐳᖅᐸᐃᕆᕝᕕᖕᓂᒃ ᐊᓕᒐᒃᓴᖅᑖᖅᑎᑦᑎᙱᓪᓗᑎᒃ ᐊᖓᔪᖅᑳᑦ ᐊᑭᓕᐅᑎᒋᕙᒃᑕᖏᓐᓂᒃ ᑕᒪᓐᓇ ᐊᑐᖅᑎᓪᓗᒍ, ᑭᓯᐊᓂᓗᑦᑕᐅᖅ ᐃᖅᑲᓇᐃᔭᖅᑎᒥᓂᒃ ᐊᑭᓕᖅᓱᐃᖏᓐᓇᕐᓂᐊᖅᖢᑎᒃ.

ᒪᑐᔭᐅᔪᖅ/ᓄᖅᑲᖅᑎᑕᐅᔪᖅ/ᓄᖅᑲᖓᑎᑕᓚᐅᑲᒃᑐᖅ ᐱᔨᑦᑎᕋᐅᑏᑦ:

ᑕᒪᕐᒥᑦᑎᐊᖅ ᐃᓕᓐᓂᐊᕐᕖᑦ ᓄᑕᖅᑲᓄᓪᓗ ᐸᐃᕆᕝᕖᑦ ᓄᓇᕗᒻᒥ ᒪᑐᔭᐅᕗᑦ ᐱᓇᓱᐊᕈᓯᕐᓄᑦ ᐱᖓᓱᓄᑦ, ᑕᒪᓐᓇ ᒪᑐᓯᒪᓂᖓᑦ ᐱᒋᐊᕐᓂᐊᖅᖢᓂ ᐊᐃᑉᐹᓂ, ᒫᑦᓯ 17, 2020−ᒥ.

ᐃᓕᓐᓂᐊᕐᓂᓕᕆᔨᒃᑯᑦ ᐱᓕᕆᕝᕕᖓᓐᓂᑦ ᓄᑖᕈᕆᐊᖅᑕᐅᔪᑦ - ᐅᑐᐱᕆ 19, 2020

ᑕᑯᔭᐅᑎᓪᓗᒍ ᑖᓐᓇ ᒪᒃᐱᖅᑐᒐᖅ

ᐃᕐᖐᓐᓈᖅᑕᐅᑦ

ᐊᑐᐃᓐᓇᐅᑎᑦᑎᓗᑎᑦ ᐅᖃᐅᓯᐅᔪᒥᒃ?

ᖁᔭᓐᓇᒦᒃ ᖃᐅᔨᒋᐊᕋᕕᑦ ᓄᓇᕗᒻᒥ ᒐᕙᒪᒃᑯᓐᓄᑦ

ᓇᒃᓯᐅᔾᔨᑦᑕᐃᓕᒋᑦ ᐊᒃᑐᖅᑕᐅᓴᕋᐃᑦᑐᓂᒃ ᓇᖕᒥᓂᕐᓘᓐᓃᑦ ᓇᓗᓇᐃᔭᐅᑎᓂᒃ, ᐃᓚᐅᓗᑎᒃ (ᑭᓯᐊᓂ ᐃᓱᓕᕝᕕᖃᙱᑦᑐᖅ): ᓴᓇᔪᓐᓇᐅᑎᑦ ᓈᓴᐅᑎᖏᑦ, ᐃᓅᕝᕕᖏᑕ, ᓇᓗᓇᐃᔭᐅᑎᖏᑦ ᐊᓯᖏᑕ ᐃᓄᐃᑦ, ᐋᓐᓂᐊᖃᕐᓇᙱᑦᑐᓕᕆᓂᕐᒧᓪᓘᓐᓃᑦ ᓇᓗᓇᐃᔭᐅᑎᑦ. ᓇᐃᑦᑐᒥᒃ ᐅᓂᒃᑳᖅᓯᒪᔪᒥᒃ ᓇᒃᓯᐅᔾᔨᑐᐃᓐᓇᕐᓂᐊᖅᐳᑎᑦ ᐱᔾᔪᑎᒥᒃ ᐃᓱᒫᓘᑎᒋᔭᕐᓂᒡᓘᓐᓃᑦ ᖃᓄᕐᓗ ᐃᓕᖕᓄᑦ ᖃᐅᔨᒋᐊᕈᓐᓇᕐᒪᖔᑦᑕ. ᖃᐅᔨᒪᒋᐊᕐᓂᐊᖅᐳᒍᑦ ᑕᐃᓐᓇᑦᑎᐊᖅ ᐃᓄᒃ ᖃᐅᔨᒋᐊᕐᕕᒋᓗᓂᑎᑦ ᑐᑭᓯᒃᑲᓐᓂᕆᐊᕆᐊᖃᖅᐸᑕ ᐅᕝᕙᓘᓐᓃᑦ ᑭᐅᔪᓐᓇᕐᒪᖔᑦ ᐊᐱᖅᑯᑎᖕᓂᒃ ᐃᓱᒫᓘᑎᒋᔭᕐᓂᒡᓘᓐᓃᑦ.