Taangaliqinirmut maligaqaqtut Nunavunmi
Inungnun Tuhaqtitaujukhaq
Taangaliqinirmut maligaqaqtut Nunavunmi
Havagviat Kiinaujaliqijikkut puiguqungittait Nunavummiut hapkuat tanngaliqinirmut maliktakhat aallangatqijariiktut nunallaatigut. Nunavunmi, nunallaat naunaiqtauvaktut atani pingahut tanngaliqinirmut maliqqajakhainik: tannganik atulimaittut pittailijaujut, maligaqaqtut amigaitilaakhainik uvaluuniit kigliqanngittut amigaitilakhainik aquiqturumagumik.
Pittailijaujut tukiqaqtuq taimaatut niuqqarumagumik, pihimajumagumik, niuvvirumagumik, niuvviktitijumagumik uvaluuniit tikipkaijumagumik tannganik pittailijaujut. Hpkuat nunallaat pittailijaujut: Arviat, Salliq, Uqhuqtuuq, Kugaaruk, Pangniqtuuq, Sanikiluarlu.
Maligaqaqtut tukiqaqtuq imatut tapkuat Tanngaliqijit Ilinniaqtitijukhat Katimajingit (AEC) munaqhivaktut ajuiqhaudjiplutik tanngatigut qaujimajakhainik imatullu munariplugit qaffiutilanginik niuvviktakhainik, niuvrutikhainiklu tikipkaijukhat taannganik nunamingni. Hapkuat nunallaat maliqajakhaqaqtut: Ikpiarjuk;Qamanittuaq; Kinngait; ıgluligaarjuk; Kangiqtugaapik; Sanirajak; Iglulik; Kimmirut; Mittimatalik; Qikiqtarjuaq; Qausuittuq; Tikirarjuarmillu.
Maligaqangitut tukiqaqtuq imatuttahapkuanginnait maliktakhat pidjutiqaqtut tikipkainirmut, niuvvirnirmut niuqarnirmullu tannganik havaktauhimajut ataani umani Nunavutim Taangaliqinikkut Maligaq atuqtaujukhat. Hapkuat nunallaat maligaqangitut: Qamanittuaq; Iqaluktuuttiaq; Ausuittuq; Iqaluit; Kangiqliniq; Taloyoamillu.
Kangiqhittiarumaguvit talvuuna maligaqaqtukkut maliruagakhanik nunangni uvaluuniit Tanngaliqijit Ilinniaqtitijukhat Katimajingit (AEC) uqarvigikharnik naunaitkutikhanik, hivajarlugu l 867-975-6816 takuluguluuniit http://bit.ly/NULC-Regulations-IKW.
###
Tuhaqtipkainikkut Uqarvigijakhaq:
Weichien Chan
Atan’ngujaq, Tuhaqtipkaijiinni
Kiinaujaliqijitkut
867-975-6818
@email