Pilugu nunallaat
ᐃᓄᒃᑎᑐᑦ EN IKT FR
Naunaitkutikhangit Umiktirutaa
ᐃᓄᒃᑎᑐᑦ EN IKT FR
Pilugu nunallaat
Kavamatkut Pinahuarutait Kivgaqtuutainunlu Kangiqhidjutit
Kavamagijat
Havagviit
Tuhaagahat Tuhaqtittijit Havagvia
Utiffarlutit Tuhaajakhanun

GNkut nuititaat Inuinnarnik Havaktitinikkut Upalungaiyautit 2023mun

Kingulirmik nutaanguqtiqhimajuq Aippiut, Qiqaijalirvia 3, 2020

Tahaqtitauyukhaq

GNkut nuititaat Inuinnarnik Havaktitinikkut Upalungaiyautit 2023mun

Iqaluit, Nunavut (Qiqaijalirvia 3, 2020) – Kavamatkut Nunavunmi (GN) ublumi nuititaat kavamatkut-tamainun Upalungaiyautiluaq naunaiyattiaqhugit Inuinnarnik Havaktitinikkut Upalungaiyautit (IEPs) tamainun GNkut havagviitigut, Nunavunmi Ilihariaqpaallirvik, Nunavunmi Igluliqiyiiryuatkut, ukualu Qulliq Alruyaqtuqtunik Ikumadjutiit. Tamaita upalungaiyautit atuliqtauyut hamunga 2023mun.

“Hapkua IEP ikayuutauniaqtut GNkut piyaangini piyakhat ataani Tititaqhimayumi 23mi haffumani Nunavutip Angirutaa pidjutigilugit piyauhimayut ayuittut, kivgaqtuqtut kavamatkut havaangini, tunganarnirmik uvalu pittiarnikkut havagvik,” uqaqtuq Minista Havaktuliqiinun Lorne Kusugak.

Aviktuqhimayumi kavamatkut tapitut aktilaangit avatqumayumi 20ni ukiuni. Qaffiunii iInuinnait havaktut kavamatkuni tapitut atuqtilugu una amigaiqyuumiyut hamanga 918min uvani Qiqaijalirvia 2000 hamunga 1843mun uvani Ubluiqtirvia 2019.

IEPngit havaktauyut atuqhugit naunaiyautit Nunavunmi Inuinnait Havaktingit Naunaiyainiq ukualu naunaiyautait GNkut havaktunun. IEP titiraqhimablugit piyakhat uvalu ayuqhautit hapkunani Inuinnatnik havaktitirnirmun ilauyut tikinahuarutit qanuriliurutikhallu hamunga2023mun. Ilihaidjutit, iliharnikkut havaatigullu pivallianikku tpinahuarutit ikayuutauyut Inuinnarnun havaktinun havakaffuktununlu ayuiqpaliadjutauyut ayuitamingnik uvalu malikhugit ihumagiyatik havaatigut auladjutitik kavamatkuni ilauyullu.

GNkut pihimayait amigaituni-ukiuni, kavamatkut-tamainun IEPngit talvanaga Nunavunguqtitaunianin 1999mi. Hapkua naunaiyattiaqhimayut, amigaituni-ukiuni IEPngit havaktauhimayut tapkununga havaanun, havagiangini atamatkiumayunik upalungaiyautinik. Ukiunun tikinahuarutit hivuliuyukhallu huldijutikhat aulahimaatumik ilauyut ukiutigut

IEPngit uvani GNkut nanminiqutikkut upalungaiyautini. Una hivuliudjutauyuq havagviit aviktuqhimayumillu kuapaliisit upalungaiyaqhimayait amigaitunun-ukiunun IEPngit.

IEPngit piinarialgit hamani http://bit.ly/IEPs-IKW. Havagviitigut IEPngit piiarialgit GNkut havagviitigut qaritauyaliqiviini aviktuqhimayumilu kuapaliisit qaritauyaliqiviini.

###

Tuhaqtipkainikkut Uqaqatigivikhat:

Upalungaiyautiluaq Inuinnarnik Havaktiliriniq Upalungaiyautit
Janis Qaunirq
Tuhaqtipkainirmut Ayuittiaqhimayuq
867-975-6239
@email

GNkut Havagviit uvalu Aviktuqhimayumi Kuapaliisit' Inuinnarnik Havaktitinikkut Upalungaiyautit
Tuhaqtidjutinun qaritauyaliqiviit Havagviitigut Kuapalaiisillu: http://bit.ly/GNComms-IKW

 

Kangiqhidjutikhanga

Inuinnarnik Havaktitinirmun Upalungaiyautit 2023mun

GNkut havaktait nutaat amigaitut-ukiut Upalungaiyautiluaq Inuinnarnik Havaktitirnirmun Upalungaiyautit uvani 2017-2018milu kinguani kanatap maniliqtuidjutaat haffumunga Inuinnarnik havaktitinirmun pinahuarutit piinarialaqiyut 2023mun. Hapkua IEPngit nutaanguqtitauyut uvalu iniqtiqtauyut uvani 2019mi.

Qanuriniit haffuma Inuinnarnik Havaktitinirmun uvani GNkuni
Image removed.

Kavamatkut Havaktiit Piyariaqaqtut Ilihimanirmik uvalu Ayuittiarnirmik

Image removed.

GNkut havaatigut naunaiyautait uvalu tuhaqtidjutit ihivriuqtauyut piyaangini tapkua iliharnikkut, havakpaghimanikkut aalalu ayuittiaqhimayut pidjutaungitut ayuqhautigilugit Inuinnarnun uuktuqtunun.

Tamavyait napait GNkut havaangit pidjutiqaqtut ilihimaqhimalutik iliharvikyuat-aktilaanginik maligaqaqtut ayuittiarnirit, ilauyut ilihaiyit, munaqhit, annaudjiniaqtit ukualu maniliqiilu. Attautit maligaqaqtut havaaghat piyriaqaqtut naunaitkutiqalutik kitunun havaatigut ayuiqhautit. Initiqhimayut iliharnirmik laisiqaqtughat hilataanin atanguyanin havagiamingnik havaani.

Inuinnait havaktitauyut GNkuni amigaitilaangit 50pusat havaani ilaqaqtut iliharyuumivingni ilihimaqhimayut havaatiguluuniin ilihaidjutini, angayukhiit iliharviini iniqtqihimayut, ilihaqhimangituluuniin. Hamanga 2013mi, Inuinnait havaktitauyuq ikitqiat 33pusanmik havaani ilaqaqtut ilihaqhimanirmun ilihaqvikyuat aktilaangini.

Nunavunmi Havagvikhat Pidjutiqaqtut Ayuqhautinik Inuinnarnik Havaktitinirmun

Nunavunmi havagvikhat tadja ikayuutiqarngitut tamainun havaaghat kavamatkuni tamaini havaaghatigut kitunun uvalu tamaini aktilaangini. Kavamatkut Kanatami 2018mi Nunavunmi Inuinnangnun Havagvikhat Naunaiyautait tautungnaqtut ayuittiaqhimayut, piinarialgit uvalu piumayut Inuinnait tadja ihuaqtuqangitut ihariagiyait kavamatkut aalalu havagviit aviktuqhimayumi:

  • Nunavunmi piqaqtuq inulraminrnik uvalu qilamiklu amigaiqyuumiyut inugiangnirit.
  • Inunnait ilauyut Nunavunmi Havagvikhat ikitut huli.
  • Piqaqtuq ikitunik ilihaqhimayunik Inuinnarnik piyaangini kavamatkut ihariagiyainik.
  • Nunavunmiun amigaiyuumiyunik piyakhalgit havagvikhanik uvalu aalakiit havaaghat.

Una IEPngit pidjutiqaqtut nutaanik piyakhanik Inuinnarnun Havaaghanik

Hapkunuuna IEPngitigut, havagviit, aviktuqhimayumi kuapaliisit timiuyullu atuliqtait hulidjutit siksini kitunu turaaqhimablugit:
Image removed.

Titiraq(t):

2020-03_nr06_hr_gn_releases_inuit_employment_plans_to_2023_-_ikw.pdf
2020-03_backgrounder_hr_gn_releases_ieps_to_2023_-_ikw.pdf

Aallanun atqtillugu una makpivia

Una makpirvia ikajuutauva?

Quana uqaqvigijatin Nunavut Kavamanga 

Tujuqtailutin qajarnaktunik inmiluunniit naunaijautinik, taapkuningalu (kiqliqanggittut): social insurat nampainnik, anniviit, naunaijautaitlu aadla inuit, aanniaqtailirnirmunluunniit naunaijautinik.  Tujuinnaklugu naittumik naunaijautimik ihumagijarniq ihumaaluutigijarniqluunniit qanuqlu uqaqvigittaaqtarniq. Naunaittiarniaqtaqqut ihuatqiaq inungmik uqaqvigijarnik naunaittiariami naunaijautinik kiuttaagumiklu apikkuutirnut ihumagijarnikluunniit.