ᓂᐅᖅᑐᒐᖃᑦᑕᕐᓂᖅ ᓯᒡᓕᐊᒧᑦ ᓄᖅᑲᕋᓱᒃᖢᓂ ᐊᑦᑕᕐᓇᖅᐳᖅ

ᐃᓄᖕᓄᑦ ᑐᓴᒐᒃᓴᖅ ᒐᕙᒪᒃᑯᓐᓂ

ᓂᐅᖅᑐᒐᖃᑦᑕᕐᓂᖅ ᓯᒡᓕᐊᒧᑦ ᓄᖅᑲᕋᓱᒃᖢᓂ ᐊᑦᑕᕐᓇᖅᐳᖅ

ᓂᐅᖅᑐᒐᖃᑦᑕᕐᓂᖅ ᐊᑦᑕᕐᓇᕐᔪᐊᖅᐳᖅ ᑎᒥᓐᓄᑦ. ᓂᐅᖅᑐᒐᖃᑦᑕᕐᓂᖅ ᐳᕙᖕᒧᑦ ᐋᓐᓂᐊᖅᑖᕐᔪᐊᕈᑎᐅᖃᑦᑕᖅᖅ ᑐᖁᑦᑎᓯᒪᓕᖅᖢᓂᓗ 50−ᓂᑦ ᐃᓄᖕᓂᑦ ᐊᓯᐊᓕᑲᓐᓂ, ᐊᒻᒪ 2,500 ᐅᑖᓂ ᐅᖃᐅᓯᐅᓯᒪᓕᖅᐳᖅ ᐋᓐᓂᐊᖅᑖᕈᑎᐅᓯᒪᓕᖅᐳᖅ. ᑲᓇᑕᒥᑦ 15−ᓂᑦ ᐅᖃᐅᓯᐅᓯᒪᓕᖅᐳᖅ. ᐋᓐᓂᐊᖅᑖᖃᑦᑕᖅᑐᑦ ᐱᖃᓯᐅᔾᔨᕗᖅ ᖃᐃᖅᓱᑲᑕᖕᓂᖅ, ᐃᓂᖅᑎᕆᒐᕐᓂᖅ, ᓴᒡᕕᒃᑯᑦ ᐋᓐᓂᐊᖃᑦᑕᕐᓂᖅ, ᒥᕐᕆᕿᓂᖅ, ᐊᕿᐊᕈᒃᑯᑦ ᐋᓐᓂᐊᖃᑦᑕᕐᓂᖅ ᐊᒻᒪ ᐅᑎᕐᓇᕐᓂᖅ.

ᓄᓇᕗᒻᒥᑦ ᑕᔅᓱᒥᖓ ᐋᓐᓂᐊᒥᑦ ᑐᓴᐅᒪᔪᖃᓚᐅᖏᑦᑐᖅ ᓱᓕ, ᑭᓯᐊᓂ ᐋᓐᓂᖃᕐᓇᖏᑦᑐᓕᕆᔨᒃᑯᑦ ᓄᓇᕗᒻᒥᐅᓂ ᓂᐅᖅᑐᒐᖃᑦᑕᖁᔨᖏᕐᔪᐊᖅᑐᑦ. ᓂᐅᖅᑐᒐᖃᑦᑕᕐᓂᖅ ᐊᑦᑕᕐᓇᕐᓂᖅᓴᐅᕗᖅ ᓇᔾᔨᔪᓄᑦ ᐊᕐᓇᓄᑦ, ᓱᕈᓯᕐᓄᑦ ᒪᒃᑯᒃᑐᓄᓪᓗ. ᐋᓐᓂᐊᓲᖅᑎᒥᑦ ᐅᖃᖃᑎᖃᕆᑦ ᓂᐅᖅᑐᒐᖃᑦᑕᕈᕕᑦ ᓂᐅᖅᑐᒐᖃᑕᕐᓂᕈᕕᓪᓘᓐᓃᑦ ᑭᖑᓂᐊᓂ, ᐱᓗᐊᖅᑐᒥᑦ ᐋᓐᓂᐊᕈᓯᖅᑖᕐᓂᕈᕕᑦ.

ᓂᐅᖅᑐᒐᖃᑦᑕᕐᓂᖅ

ᓂᐅᖅᑐᒐᑦ ᐆᓇᖅᓯᖃᑦᑕᖅᐳᑦ ᐃᒥᖃᖅᖢᓂ, ᑎᐱᖃᒐᔪᒃᑐᖅ, ᑎᖕᒥᑳᕈᑎᖃᖃᑦᑕᖅᐳᖅ ᒥᓗᒋᐊᖃᖅᖢᑎᑦ. ᑕᕝᕚᑭᖃᕐᔪᐊᖅᐳᖅ ᒥᑭᑦᑐᓂᒡᓗ ᐃᓗᓕᖃᖅᖢᑎᑦ ᐊᓂᖅᑎᕆᑎᓪᓗᑎᑦ ᓂᐅᖅᑐᒐᖓᓗ ᐅᐃᕆᓯᒪᓇᖅᖢᑎᒃ, ᐆᒻᒪᕆᓯᕆᓇᖅᐳᖅ, ᓄᑮᖅᑎᓐᓇᖅᖢᓂ, ᐊᐅᖕᒥᑦ ᖁᕝᕙᓯᓗᐊᖅᓯᓇᖅᐳᖅ ᐊᒻᒪ ᐳᕙᖕᒥᑦ ᐱᐅᔪᓐᓃᖅᑎᑦᑎᕙᒃᖢᓂ. ᓂᐅᖅᑐᒐᖃᑦᑕᕐᓂᖅ ᓯᒡᓕᐊᒧᑦ ᓄᖅᑲᕋᓱᒃᖢᓂ ᐊᑦᑕᕐᓇᖅᐳᖅ. ᑕᕝᕚᑭᒧᑦ ᓂᐳᑎᑦ ᑕᒧᐊᔭᒐᓪᓗ, ᐊᒻᒪ ᓄᖃᕋᓲᑕᐅᖃᑦᑕᖅᑐᑦ ᐃᓅᓕᓴᐅᑎᑦ ᓵᒻᐱᙳᓂᕋᖅᑕᐅᔪᑦ ᐊᑦᑕᕐᓇᖏᑦᑐᑦ ᐊᒻᒪ ᒪᕐᕈᐃᖅᓱᖅᖢᑎᑦ ᓄᖃᑕᐅᔪᓐᓇᖅᑐᑦ.

ᓄᖃᕋᓱᖕᓂᕈᕕᑦ ᓯᒐᓕᐊᒧᑦ, ᐋᓐᓂᐊᓲᖅᑎᒧᑦ ᐅᖃᖃᑎᖃᕐᓗᑎᑦ ᑕᑯᒋᐊᕈᓐᓇᕆᕗᑎᑦ www.nuquits.ca−ᒧᑦ ᑐᓴᑲᓐᓂᕈᒪᓐᓂᕈᕕᑦ ᐊᑐᐃᓐᓇᖅᑕᖃᐅᖅᑐᕐᓗ.

###

ᐱᕙᓪᓕᐊᔪᓂᒃ ᖃᐅᔨᒋᐊᕐᕕᒃᓴᖅ:

ᑯᕆᔅ ᐴᒡᓕᐊ
ᑐᓴᒐᒃᓴᓕᕆᔨᓄᑦ ᖃᐅᔨᒪᔨᑕᖅ
ᐋᓐᓂᐊᖃᕐᓇᙱᑦᑐᓕᕆᔨᒃᑯᑦ
867-975-5762
@email